i kitchen (已結業)

放假的早上約了朋友到觀塘海濱走走，走完到附近的餐廳吃個午餐。這間餐廳的環境寧靜，店內播着輕輕的純音樂，不會蓋過說話的聲量。雖說是早上，餐廳微暗的燈光，配上窗外的自然光和輕音樂，讓人格外舒適，給人一種放假休息的感覺。香辣墨魚野菌墨魚汁意粉($88)，午餐包括沙律或餐湯，及一杯$24以下的冷熱飲品。意粉彈牙微辣，能附上墨魚汁，海鮮量多，配上同樣爽口的蘑菇片和爽脆紅黃椒片，整體的口感和味道都十分出色。廚師餐湯是南瓜忌廉湯，用伴隨的長麵包脆條沾點熱湯吃，香脆的麵包條中嚐到香熱的南瓜濃湯香。南瓜湯非常香郁温潤，配上少量香草，更突顯南瓜湯的清香。厚切美國安格斯肉眼($168)，有少量蔬菜粒如車厘茄、粟米仔作配料。上桌時，店員會問要不要芥末醬。肉眼煙韌，香郁的芥末醬提升肉眼的鮮味，肉眼也煎得頗香，亦能鎖着肉汁。伯爵紅茶(+$8)，吃西餐配一杯香熱的Twinings伯爵茶，清香的伯爵茶有淡淡的佛手柑香，能清清西餐醬汁的味道。凍玫瑰士多啤梨鮮奶(+$12)，夢幻粉紅色的飲品不只是用來打卡用，味道也十分不錯。飲品份量足，甜度適中，不會過甜。頂層以微甜的士多啤梨片裝飾，整杯有很清香的玫瑰味。這款很適合女士喝

隔咗一次時間再到訪，特登帶咗朋友一齊嚟，但發現餐廳已經改咗餐牌，午市選擇大大減少，以往嘅邪惡之選 - 鵝肝牛柳都消失不見了🙁叫咗一個大蝦天使麵，預計應該係充滿蒜頭香氣，可惜只得簡單幾塊蒜片，香味不足😔 反而似食緊一個完全冇醬汁既天使麵。點咗貴少少嘅美國安格斯肉眼，但係外表睇落似西冷多過肉眼😲 不過唔緊要兩者我都喜歡，牛扒嘅水準係保持到嘅，好食。，今日餐湯係薯仔湯，正常發揮。最失望係以往跟餐附送嘅小甜品已經冇咗，連依個賣點都冇咗嘅話，食依間嘅動力真係大大減少🤥

出觀塘拎蛋糕，順便睇下觀塘有咩好食啦，見到呢間I Kitchen 咁多好評，一於試下!餐廳係工廈裡面，APM行過去都幾近，過條馬路再行一陣就到！上到去見到環境都可以，唔太大但又幾骨子咁，座位都幾闊落坐得舒服。睇睇D set lunch，西餐來講都唔算貴80蚊到160蚊.食牛扒都係138!咁我地兩個人叫左兩個Set share黎食。🔸甘旬湯餐湯黎講算唔錯了，一啖飲落去覺得好清新，甘旬既甜味出晒黎!個湯仲配左個餅乾條，都唔錯幾脆口。🔸田園沙律沙律菜好新鮮，個汁酸酸甜甜岩岩好，好驚食到d太酸既沙律汁，呢度就冇呢個問題🔸烤虎蝦香辣蕃茄銀魚柳意粉兩隻大虎蝦，烤得好香，調味好好，蝦味十足.意粉熟度剛剛好，唔會太淋，個蕃茄辣汁配呢個意粉都幾正，酸酸甜甜辣辣，整體幾好食.但有一點想講，隻碟呢個形狀，雖然幾靚，但就太輕了，如果係碟邊用叉拮野食果時好容易反。🔸香煎紐西蘭肉眼，燒汁 配蔬菜一上菜，第一反應就係眼前一亮，因為個擺盤實在太吸睛了，好可愛!牛扒我地叫5成熟，熟度都剛好.跟餐蔬菜就另上既，有輕輕調味，食多d菜冇咁罪惡感XD。整體來講，係一個唔錯既用餐體驗，渡過左一個悠閒既下午!

今日lunch有機會同朋友試吓觀塘嘅Cafe香煎虎蝦伴紐西蘭牛柳 Luch set $168配餐湯，薯菜，飲品 （玫瑰香桃果茶+$12）整體食物質素中等 不過不失但由於lunch hour嚟食佢上菜嘅速度係極都慢 等咗接近半個鐘先有嘢食如果上班一族lunch hour出去食飯就唔太建議🫠📍 #I kitchen

星期六下午，去觀塘上課，之前先去吃午飯，到在巧明街的i kitchen。很喜歡這裏的環境，陽光透過偌大的窗戶透入餐廳之中，感覺很溫暖。午市套餐可以在餐湯和沙律之間二揀一，再選擇主菜，還配搭一杯餐飲。是日餐湯是大蒜薯仔湯，很有口感。主菜是烤美國豬柳配香橙燒汁。豬肉厚切，肉質細嫩，入口感覺一流；配搭香橙片和燒汁，令味道更香濃。配搭蔬菜，味道清新，而且色彩繽紛，營養均衡。餐茶是熱檸蜜，很甜蜜的味道，帶着酸酸的檸檬味，非常開胃，也有營養。

觀塘有不少小店經營著西餐廳，由於隱藏於不同的大廈中，所以一般人難以發現，今次就搵了在附近工作的朋友帶我去試一試。店中裝修新穎，而且枱與枱之間的距離足夠，聊天可更自在，不會怕一些餐廳為想盡用餐廳面積，而出現的枱貼枱的尷尬情況。Lunch menu有多款選擇，價格由$88-$168不等，而且食物種類有多款選擇，例如意大利飯、意粉、扒類等等。我選的是香煎紐西蘭肉眼，燒汁，由於我怕太生的肉，所以點選了7成熟。紐西蘭肉眼上枱的賣相相當吸引，由於睇得出餐廳用心裝飾，打卡一流，然後切開後，仍可看出一點點粉粉的感覺，不會過熟，控制火侯及時間的技巧相當熟練，嚐了一口，雖然肉質不會是高級日本餐廳中的貴價和牛的入口即代效果，但肉質仍是幼滑，而牛味濃烈，牛的肉汁亦淡淡也流出來，相當的高質。朋友點的扒虎蝦 龍蝦汁意大利飯，嚐了一口，意大利飯充分吸收汁的味道，可很好溶化於飯中，再加上扒虎蝦的彈牙肉質，亦是不錯的選擇。

最近幾日天氣好好，萬里無雲咁，突然心血來潮想去周圍搵野食👅!一直知道觀塘有好多美食，但礙於好少有時間去，見今日心血來潮就同男朋友去搵下野食先! 👀男朋友🥰最後揀左呢一間西餐廳去試!一入到餐廳就見到牆上d壁畫好有美感，成個感觀好好，食慾大增!諗左一陣，我地就揀好左要d咩食，我地2個都好肚餓所以就叫左個輕煎北海道帶子紅甜椒🍛意大利飯同埋叫左個黑松露牛肝菌意大利飯，男朋友仲加左個Ice Mocha 🥤，話要甜一甜先得!輕煎北海道帶子 紅甜椒意大利飯🍛原來個飯係紅紅地色的，賣相好特別，北海道帶子煎得好香口，又有鮮味，唔會煮得過熟，食材處理得好好。黑松露牛肝菌意大利飯的黑松露味好突出，配埋意大利飯食好夾，成口都係黑松露味，🍽️意大利飯的生熟度煮得適中，唔會過硬/過淋，好有水準!🥣今餐男朋友好滿意，咁我就開心!

今日lunch同同事試左一間好有特色的西餐廳，同事鍾意食西餐所以成日都會同佢去試食唔同地方👩‍👧觀塘嘅餐廳好多，我地觀塘番工的打工仔緊係要周圍搵下好野食，但呢間都係第一次食🍽睇下有無驚喜先!我哋叫咗意大利火腿伴 溫室皺皮瓜🍈，跟住叫左個🍽西班牙海鮮辣肉腸雞肉燉飯，再加多杯Ice Mocha$32一齊SHARE意大利火腿伴 溫室皺皮瓜🍈上面嘅火腿分量俾好多，同埋成碟滿滿的皺皮瓜🍈！火腿包住皺皮瓜🍈又香口又甜，好滿足!西班牙海鮮辣肉腸👀雞肉燉飯雖然要$268，但原來係👅勁大兜!真係夠2個女仔一齊開心SHARE，辣肉腸同雞肉鋪左在燉飯上面，兩者一齊食，口感好好又香口，好有風味!👅最後飲埋杯好多🥤的 Ice Mocha，就結束左我地今日既lunch了。

今日難得約咗個中學同學食晚餐，於是我哋就喺大家返工嘅附近搵到一間餐廳去食，方便大家收工可以早啲去到😝去到餐廳我叫咗一個澳洲穀飼料牛肉眼🐄配黑松露燒汁，朋就叫咗三文魚子墨魚野菌墨魚🐠汁意粉，最近好想食熱氣嘢所以就嗌多咗一個韓式炸雞球配芝士醬做餐前小食，餐飲就叫左Ice cappuccino ☕️同Ice Mocha☕️🥢最快上到枱嘅係我既🐄牛肉眼，牛肉眼擺盆好靚！見到即刻心心眼！🐄牛肉眼食落口牛味好香，啖啖肉油脂分布好好，旁邊有配上黑松露醬汁一齊食，好夾！朋友話佢個三文魚🐠子墨魚野菌墨魚汁意粉入面D三文魚子大大粒,喺意粉中間會爆汁爆開,夾埋一齊食好鮮甜！小食個雞球又炸得好酥脆多汁🐓！呢間餐廳味道幾好，下次可再約朋友黎食🍴

今日約咗一個剛剛成為人妻嘅閨蜜一齊食飯👯朋友啱啱生完BB冇耐，坐完月冇啖好食，所以今日就同佢嚟觀塘食lunch啦🍚首先嗌左一個米蘭海鮮湯，同一個油封法國鴨髀配煙肉煮白豆！因為我哋兩個都想試吓佢個自家製朱古力心太軟伴雲呢拿雪糕，所以我哋淨係叫咗兩樣嘢食同埋一杯棉花糖鮮奶朱古力野飲就夠啦！第一次見到有米蘭海鮮🍤湯，上枱一飲好濃郁海鮮湯，有淡淡的蕃茄味！湯入面有好大隻蝦🍤！另外油封法國鴨髀配煙肉煮白豆的鴨髀煮得好嫩滑，醬汁煮得好濃郁配埋白豆食係一個好新穎嘅體驗💆🏻‍♀️食哂正餐就叫埋佢個自家製朱古力心太軟伴雲呢拿雪糕，心太軟一撩開朱古力熔岩將就流晒出嚟，朱古力味香濃配埋雪糕食啖啖香甜🎂

今日同frd去觀塘行街，點知落大雨，咁啱search到附近有間餐廳就試吓，點知都唔錯，完全無中伏😍性價比高，餐廳環境都幾乾淨舒服，個吧枱幾有feel👍🏻.💎$88 帶子紅甜椒意大利飯 Set呢個lunch set已經包咗餐湯同野飲，啲煎帶子超好食😋！微煎到有啲焦香，又好鮮甜好爽滑👍🏻Risotto軟硬程度煮得啱啱好，好creamy，放咗一粒粒嘅甜椒一齊煮，所以食到好濃嘅甜椒味，幾fresh😍.💎$138 香煎紐西蘭肉眼扒 Set個肉眼扒我地揀咗跟蔬菜同5成熟，個擺盤好Cute🤣，個汁好香濃，塊扒煮得好嫩，配埋個汁一齊食好juicy好惹味！.💎甘旬湯餐湯係甘旬湯，飲落啖啖麵充滿甘旬蓉，好濃好有誠意👍🏻配埋個長條麵包脆脆一齊食，口感超正😋.💎即磨咖啡、熱檸蜜包埋嘅餐飲就叫咗即磨咖啡同熱檸蜜，一啲都唔hea，咖啡香濃好飲👍🏻成個餐嘅性價比好高，如果喺呢頭返工，lunch嚟食下真係唔錯🤩

今日自己一個去咗觀塘穩世Cafe好舒服咁樣chill咗一個下晝依間Cafe喺觀塘工業大廈入邊但係其實只要喺地鐵站嘅出口行5分鐘左右就到其實成間餐廳都好有格調喺個咁舒服嘅環境之下咁我就叫左個牛扒lunch set Set入面已經包咗可以揀沙律或者餐湯主菜我就揀咗厚切美國黑安格斯肉眼可以配可配白飯意粉薯菜佢哋仲有好特別特飲今日就係番石榴茶價錢都係百幾蚊性價比好高咁當然要食吓食物嘅質素首先今日廚師發板嘅餐湯黑松露蘑菇湯仲跟畫兩條長身餅乾廚師仲好有心機係餐湯畫咗個笑哈哈見到心情立即靚靚湯有好香嘅蘑菇同埋黑松露味而且蘑菇有d特意留到粒粒大小可以增加口感之後梗係到主菜安格斯肉眼扒啦雖然係cafe但係煮肉眼嘅時間都控制得好好所以肉唔會係鞋身有肉汁牛味濃最後我自己仲叫左個原個日本鮮果雪芭今日嘅鮮果餐廳就揀咗個檸檬本身我怕成個檸檬會好酸但係廚師應該好有心機保留成個檸檬但全個雪芭酸酸甜甜，口感滑身成個感覺好清新個人好鍾意喺工廈搵到嘅高性價比高嘅情調餐廳真係要下次再去食

扒德國腸拼盤$158扒德國腸拼盤碟上鋪滿各式香腸，有法蘭克福腸、香草白腸同司華力腸。司華力腸較香同帶點點辛味，法蘭克福腸唔太鹹充滿肉味～我最推薦嘅就係香草白腸，因為保留清香又帶有豬肉香味😋輕煎北海道帶子 紅甜椒意大利飯$148非常美味🥰，賣相紅通通咁已經好吸引😍 意大利飯嘅質地好creamy，味道帶有紅椒嘅鮮甜。帶子輕輕煎香過，質感爽彈滑溜😋 整個飯都令到我哋十分驚艷！！米蘭海鮮湯$68烤虎蝦肉質彈牙，實在味美😋 飲得出海鮮湯非常足料，鮮濃入味一啲都唔腥～作為工廈入面嘅餐廳，成個用餐環境都相當別緻唔馬虎🤗 牆壁擺滿壁畫，燈光甚有情調👍🏻

今日同姊妹👯‍♀️一齊去行街，瘋狂血拼後閨蜜話要帶我去一間隱世嘅西餐廳去食，佢話呢間餐廳啲嘢幾好食價錢又唔貴所以叫我一定要去試！我哋入到餐廳睇嘅餐牌最後就叫咗兩個主食同一個小食，朋友就叫咗一個澳洲穀飼料牛肉眼🐄配黑松露燒汁，我自己就叫咗一個輕煎北海道帶子紅甜椒意大利飯🍛，餐前小食就叫咗意大利火腿伴溫室皺皮瓜🍈最快上到枱嘅係🐄牛肉眼，牛肉眼擺盆明顯有花過心思，見到之後即刻要拎電話出嚟影相打卡，朋友話食落口🐄牛味濃郁，啖啖肉唔會好鞋口，配上黑松露醬汁食好配合。我個北海道帶子甜紅椒意大利飯，上碟大大碟🍛帶子食落好厚身，味道好鮮甜，無煮得過熟，呢點要讚！另外個小食🍽意大利火腿包住皺皮瓜黎食鹹甜好食，火腿明顯感受到佢個肉質好香！最後我哋仲叫咗一個自家製朱古力心太軟伴雲呢拿雪糕為呢餐作完美句號！👯‍♂️

難得嚟到星期五聽日終於可以放多日假！梗係收工要同同事去食一餐好嘢去慰勞自己🍝🍽👯同事話呢一間餐廳佢一直都好想試，咁啱今日一齊收工就一齊去食啦！我哋坐低，發現餐廳環境好有心思牆壁上面掛住好多唔同嘅🌺💐花卉壁畫😝環境好啲食飯都心情好啲！一打開餐牌朋友一見到有油封法國鴨髀配煙肉煮百豆呢個選項就叫左，咁我就揀咗北海道帶子🍛紅甜椒意大利飯！最後我哋叫多咗個德國腸拼盤做小食。德國腸拼盤🌭一上枱我哋比份量嚇親，有成6-7大條！香腸皮又夠脆，入口油香四溢🌭北海道帶子甜紅椒飯好快都上到枱，帶子鮮甜厚身，紅甜椒意大利飯好得意，成個飯會有少少紅紅色，應該係加咗紅甜椒落去一齊煮，坊間少有！👯‍♂️朋友個油封法國鴨髀配煙肉煮白豆，我無試到，但朋友食完之後大讚話味道好正宗，佢仲話下次要叫埋朋友一齊嚟食呢一個餐！