i kitchen (已結業)

砌到成座山咁嘅意大利火腿實在令人食慾大動！火腿鹹香十足，連同皺皮瓜田園沙律進食，別有風味又唔dry🤗西班牙海鮮辣肉腸雞肉燉飯一上枱見到個賣相已經流晒口水🤩 啲海鮮多到突晒出嚟，連個鍋都擺唔落！用咗蝦頭熬成嘅湯嚟燉飯，海鮮味濃縮晒喺個飯入面😋 海鮮啖啖肉冇腥臭，加埋辣肉腸同雞肉，令到個層次超級豐富！回味無窮🤤🤤又有煙三文魚又有牛油果嘅薄餅真係啱晒我口味！煙三文魚軟嫩又油潤，仲有勁fresh嘅牛油果醬喺底，超好味😋😋 我鍾意佢個批邊夠薄，整體夠light易入口，食完都唔會好滯。香脆魷魚圈炸皮口感鬆脆，魷魚爽口彈牙夠厚肉👏🏻👍🏻 冇諗到呢度連炸嘢都咁出色！