Hungry Monkey (金朝陽中心二期 - Midtown) (已結業)

無得去日本，就唯有搵間日式鐵板燒黎滿足一下先呢間肚餓馬騮暫時只有午市套餐，價錢相當有驚喜$68-$98就已經食到鐵板燒喇呢個價錢仲有沙律、漬物、湯、炒飯真係抵食到喊，仲要好高質「一夜干雞扒」唔好睇佢好似一塊好普通嘅雞扒咁，食落雞味超級突出，肉質好軟滑，又有肉汁，無錯，雞扒有肉汁的雞皮仲好香脆，好肯定係用日本鳥就算放得耐左，都唔會乾淨淨配埋個炒飯食就最完美「豬肉御好燒」即係大板燒，我一直都對大板燒無咩好感，每次食親都好粉團，真係唔明點解啲人咁鍾意食朋友堅持話要食，咁就幫襯下！點知呢度既大板燒令我好大驚喜爆多料，每一啖都有好多椰菜，好有口感，唔會好粉漿，令我開始對大板燒改觀了原來大板燒可以咁好食再加埋紫菜&日本薑，味道更昇華蕃茄蒜子沙律蕃茄剝哂皮的，好多汁有啲日本醬油&蒜子，可以提鮮，唔會有菜腥味味道好refreshing芥辣八爪魚Lemon High Ball呢杯whisky 既比例好好，會飲到whisky既香味飲落有啲梅味，唔似檸檬味，不過好好飲

Hungry monkey TEPPAN YAKA日本菜、鐵板燒地點：銅鑼灣登龍街金朝陽中心地下小小店舖，座位不多，幾張小枱及bar枱裝潢不錯，尤其係可愛monkey🤗想問問：are you hungry 坐下來先喝🍑 peach soda，炎炎夏日，冰凍🤗爽...舒服梅水晶酸梅 味濃夠咸😀硬硬有咬口 魚翅番茄🍅蒜子沙律健康 開胃浸浸秘制汁滋味好吃辣酒煮花螺我不吃辣，兩粒已足夠, 味道ok 啦芝士御好燒材料有紅蘿蔔粒及洋蔥粒清淡 、飽肚嫌芝士太少了墨魚🦑鬚洋蔥炒，😋蒜頭🧄炒飯蒜蓉片多多，不算油膩香噴噴有蛋香整體來說： 👍大家不妨來試試與店員聊聊幾句，原來才開業大約一星期碰巧疫情又擴散， 噢！快快結束吧祝願生意興隆

銅鑼灣登龍街越來越旺，最近又有新進駐。行經被招牌吸引住「hungry monkey」, 馬騮仔不是喜歡吃香焦嗎？為何店名側邊寫住「お好み焼き」，難道馬騮仔改了口味...哈哈，只是我個人猜測吧了。好的，既然經過試吓也無妨。蕃茄蒜子沙律 $28夏日炎炎，清新清甜的蕃茄，配以酸醋汁和蒜蓉，開胃前菜。梅水晶 $48好爽，有嚼勁，素材的魚翅採用了梅子醃製，佐酒一流的小吃。辣酒煮凍花螺 $88花螺細小，比想像鮮甜，微微的辣味，惹味十足。芝士御好燒 $78主角大阪燒終於出場了。燒汁，沙律醬恰到好處，不多不少，沒有膩感。如芝士放多少少，另芝士味道濃厚一點會更好啊！蒜頭炒飯 $78好香！炒飯粒粒分明，充滿蒜香。蒜頭是炸過的，另辛辣味道全消，多了一份香口感。簡簡單單的一個炒飯，好滿足。

今日在銅鑼灣行街搵嘢食見到呢一間餐廳新開舖而且仲係試業中，所以好奇地就揀去試吓。我嗌左個滿受歡迎嘅牛舌薄燒午餐及同個friend share港島燒。牛舌一上枱就傳嚟陣陣蒜香，令人垂涎三尺，肉片超有咬勁同彈性，而且脂肪比例堪稱完美，肥而不膩，瘦而不柴。呢份午餐配搭住粒粒分明的鐵板蒜香炒飯，實在胃口大開。而港島燒係個店長介紹嘅, 係呢間鋪頭嘅special獨創既。有臘腸叉燒蝦米等香港獨有嘅材料整成，去迎合香港人嘅口味，裏邊仲有椰椰菜絲蘿蔔絲同芫荽。佢成份係放足材料好結實。總體來講，好有酒吧格調再加啲日本風，服務員好有禮貌，擺盤設計亦感受到餐廳嘅細心，係值得一嘗嘅餐廳。

喺銅鑼灣時代廣場行完街之後就誤打誤撞嚟到呢一間新開嘅日式板燒，試新嘢我哋就最鍾意㗎喇！好興奮咁試咗個伊比利亞黑毛豬lunch set。佢個set先嚟新鮮乾淨好味嘅沙律，夠曬熱嘅麵豉湯同埋kimchi漬物。佢一上枱就畀佢啲充滿格調嘅serving dishes吸引咗！成件事一嚟嘅印像已經好好。我份lunch啱啱上枱嘅時候真係畀佢個賣相呃咗，睇落去似一份牛肉厚燒，食食下先食到鐵板燒黑豚肉既濃郁香味，肥瘦嫩滑嘅肉質確實令人口齒留香。有一種七八成熟嘅質感，色澤紅潤嘅豚肉入面夾雜住少少脂肪，非但肥而不利反而口味濃郁。一個 lunch set $88蚊喺銅鑼灣坐得舒服而且覺得佢服務非常好品嚐到一間好有heart嘅日本居酒屋。我諗疫情過後佢個dinner/evening drinks應該都會好受歡迎，因為見佢嘅sake有好多選擇而且喺銅鑼灣地理位置優越。遲啲可以返嚟再試下！