Hungry Monkey (金朝陽中心二期 - Midtown) (已結業)

同事話登街附近開左間新餐廳，一齊星期五happy Friday lunch, 原來前身係greyhound...衣家變左間日式鐵版燒小店，因為店鋪空間有限，所以如果要去食飯的話，最好Openrice訂定台，唔係walk-in 就白行一趟，因為主打鐵版燒，所以lunch set都係得鐵版燒選，不外乎燒牛定燒豬，我地一行三個選左伊比利亞豬，蔥燒簿牛肉，厚燒牛舌，最好味係牛舌，跟住就係簿牛肉，最麻麻係豬，冇諗過塊豬扒咁干又簿，絕對唔推薦大家選。

一個星期前經開飯訂了枱昨天還收到兩封郵件提醒我成功預約了，記得出席。結果今天朋友去到的時候說沒有枱給我們！我們質問的時候說打了電話也不到人就自行取消預約！我預約了7點，5點多才打電話來，我因為工作沒有接到電話，打兩次來又不留言，我怎麼可能知道是餐廳打來？！🤬 要確認預不是該早一天或至少當天確認的嗎！！而且我預約了枱你打電話找不到人就可以自動取消？！不會留言？留枱15分鐘不懂？！然後好像是我錯？！我從未試過有餐廳打來確認預約不留言的！你說在開飯留言給我，我預約7點你6:45才給我發電郵？！你這是什麼處理方法？！說什麼為了解決問題讓我們去姐妹店，把食物由你店弄好送到隔離街的姐妹店，對不起，我會非常擔心送遞中間的食物安全！朋友7點前已到了，外面也只有1位walk in 客，你有客多到在不問之下就取消預約？！本來歡歡喜喜的約了朋友聚，結果一肚子，這店簡直不知所謂，永遠blacklist!

今日放假，就同朋友去咗銅鑼灣Hungry Monkey食午飯。首先頭盤蕃茄蒜子沙律，蒜蓉跟蕃茄的味道原來好夾，蕃茄多汁，感覺清新。辣酒煮凍花螺，未食前有少少怕辣，但原來食落都幾野味，不是太辣，螺肉好鮮甜。帆立貝好大隻，肉質嫩滑彈牙，睇得出食材是用心挑選的。特別推介是白鱔，這個白鱔燒得非常好，個皮又脆，魚肉又彈牙，個汁又好味，非常好食，廚師非常用心。托托蜆本來是4隻，比較細隻的，但當天來貨的比較大隻，所以只有兩隻，蜆肉鮮甜，好新鮮。最近多了自己煮飯，成日都會用蒜頭，越食越覺得好食，就叫一個蒜頭炒飯，飯好香，而且不覺得油膩，屋企都可以自己試吓。支裝的蘋果梳打、桃味梳打都好好味，不是太甜。

等待著這家日式小店試業期間過後～挑了午餐時段同豬豬去吃試試。午市推出了幾款鐵板定食😋😋😋隨餐還付了味噌湯與日式炒飯及當店特色日式甜品還蠻特別的！！份量也恰當當日點了香蔥燒牛肉薄片🐂與伊比利亞豬🐷香蔥牛配料豐富，搭配特製醬汁但吃多2塊稍微會有些鹹，適合下飯😅伊比利亞豬鐵板煎的剛剛好肉質不老不乾隨餐還附贈日式炒飯因為算是師傅現場調製所以應該是可以和師傅調整口味的店鋪人員熱心也會詢問餐點問題👍

朋友上網見到銅鑼灣嘅新日本餐廳Hungry Money，我哋三個女仔就去咗試😋 Book左平日夜晚去，入到去都full哂，有6-7張枱。環境好有日本居酒屋嘅感覺，但個場係比較細有少少迫。嘢食方面，都幾好味😋加埋Sapporo啤酒🍻真係一流! 但份量比較細，所以我哋叫咗好多嘢，埋單都每人$250...不過要講一坐低會比嘅前菜蕃茄，雖然好好食，但最後埋單先知原來要收錢，同埋水要買支裝水又$38🙈大家帶水去會好啲整體來講都好味，環境有feel，鍾意食居酒屋可以一試！👍🏽

好耐冇去登龍街，發現有好多新餐廳。行行吓見到一間叫Hungry Monkey ，好似幾特別所以決定入去試。裝修非常有特色。師傅製作食材非常專業。炒麵飯食才本身平平無奇，但此配搭新奇，麵飯混搭加上配料，味道非常野味。芝士蛋奄列滑嫩的蛋配上滿滿的芝士，兩種食材配搭非常完美，而且每一啖充滿濃郁芝士。港島燒日式燒餅，配上港式元素，加入臘腸、蝦米、芫荽和叉燒，令整個燒餅更加有咬口，味道更加昇華。蕃茄蒜子沙律蒜子配上蕃茄，味道非常清新。海膽溶岩魚餅魚餅爽口彈牙，一口咬下，海膽像熔岩般流出，與名字非常配合。

登龍街又有新店竟然夠膽「疫」市創業~上個星期接完男朋友收工見到就一於試下佢😋由於6點後病毒就出黎所以當日我地就用左大半個鐘食完逃過一劫😎當日因為仲係6點前所以係set lunch~有幾個定食set可以揀😋包左沙律、炒飯、漬物同湯❤️🥗沙律沙律配上酸酸地嘅汁食落更fresh更開胃😋私心好鍾意有粟米嘅沙律🤣🍲味噌湯餐廳嘅味噌湯同平時飲開嘅有啲唔同~飲落會有少少柚子味🤣問過原來係加左柚子粉都幾特別😋🍣漬物-芥辣八爪魚當日嘅漬物係芥辣八爪魚~一上枱男朋友即刻雙眼發光🤣因為佢勁鍾意食~所以我食左一粒都奉獻左比佢🙇🏻‍♀️正正常常唔會過重wasabi味~🍴一夜干雞扒($78)一夜干嘅做法通常係日式烹調魚嘅做法~但廚師覺得可以試下用落雞扒到就出左呢道菜😋望落平平無奇冇乜色水咁~但一食落有啲驚喜❤️雞皮好脆之餘雞肉仲好嫩滑唔會好乾🤤調味唔會太多保留到食材原有嘅鮮味😋🍴牛肉生姜燒($68)呢款可以揀牛肉/豬肉嘅生姜燒~個人比較鍾意牛所以就試左牛😋本身個人唔食薑嘅但係都接受到覺得幾好食😋甜甜地都幾正❤️🍚炒飯呢個位我覺得餐廳有點小心思~❤️一般定食都係會配白飯~但餐廳選擇做炒飯食落好香蒜味仲加左啲蔬菜粒落去好正🤤定

早幾日得閒，約左朋友去銅鑼灣食飯，順便慶生日。店舖雖然細小，但食物，招呼都非常好。蕃茄蒜子沙律 - 簡單的蕃茄加入蒜蓉及日式沙律醋，口味清新。鉄板燒日本原隻帆立貝 - 新鮮食材，只加入少許蒜蓉粒及鹽，已經非常鮮味。鉄板燒白鱔 - 廚師精心研究，將鱔魚的肥油迫出，把外皮煎得極脆，但魚肉仍保持肉汁，再加上廚師秘製汁，食到不可以停口。店舖還有一個心思推介，日本直送柚子雪葩，看似簡單的雪葩，加入日本褔果及生日祝福，極為精美，而且雪葩味道香濃，褔果香甜，配合得非常好。

新開張我等了半小時才有位好大份薄燒牛好味，多葱多炸蒜，香口。但太油麵豉湯是溝大量水飯大碗，但油午餐要加一，下次唔去呢間應和對面街馬祖同一集團，見到員工拎碗去對面洗

作為一個土生土長的香港人，日本簡直是我第二個家鄉。可是疫情關係，最近都去不了日本。只好尋找一些有日本感覺的日本餐廳。位於銅鑼灣的這家Hungry Monkey絕對是出色的表表者。這次我和女朋友兩人前來，分別點了以下：伊比利亞豬 及牛舌薄燒。 兩個套餐都配有一個炒飯及前菜沙律及漬物。 沙律味道好好，不會太青；炒飯用的是日本珍珠米！至於主菜的律舌及豬肉都處理得好好，不會太咸。份量亦很足夠！最重要是價錢，一個lunch set 也只是六、七十元！絕對是超值。如果問我，我會否再來多次？肯定是會的。下次會選擇晚餐時間再來！

朋友的升職飯，因為疫情同限聚令關係，一直都未能安排，八月尾疫情開始緩和，終於安排到出嚟食個lunch磯煮鮑魚 ($196)好耐無食過磯煮鮑魚，用醬汁及昆布慢火炆，好入味，又可以保持鮮嫩嘅肉質，入口彈牙海膽溶岩魚餅 ($48)上碟時好似粒冬菇，原來係黑色嘅魚餅，入面仲包咗海膽，好鮮甜黑松露鵝肝 ($98)香脆嘅多士，上面放了鵝肝、黑松露醬及蔥粒，多士吸收了鵝肝的油份，鵝肝軟滑芝士御好燒 ($78)圓圓嘅御好燒，入口鬆軟，芝士味濃郁蒜頭炒飯 ($78)好多蒜頭嘅炒飯，仲要大大粒，食落有好香濃嘅蒜味，仲有些黑椒微辣今日因為的朋友嘅升職飯，所以食好些，看見其他客人都食SETLUNCH ，都好吸引，揾日來試

銅鑼灣登龍街出名多野食，今日咁岩經過附近，見到一間滿有型格的新餐廳<Hungry Monkey>，連餐廳的名字都特別有趣，就決定一試！餐廳環境充滿黑色格調，牆身還有一隻隻的猴子圖像，真的很有興趣知道店主是否特別喜愛猴子呢！至於餐廳的主打食物，原來是鐵板燒，菜單選擇好主菜後，就由廚師即時在鐵板上燒，即叫即整。今次就叫了一客伊比利亞豬同一客牛舌薄燒。上主菜前，服務員首先送上沙律及麵豉湯。沙律的份量適中，味道酸酸甜甜的，非常開胃。至於主菜方面，牛舌的味道爽口彈牙，特別的是，一般出面吃到的都只是單調地加入燒肉汁，但這裡加上了一些葱和乾蒜，豐富了整碟牛舌的味道。而伊比利亞豬的味道亦不遜色，它沒有加上任何的配料，但肉汁已非常入味，而且肉質不會太韌，廚師更體貼地分成一片片，方便進食。吃完主菜後，原來還有甜品呢！今餐真的非常滿足！香港開的鐵板燒餐廳不多，加上這裡lunch set的價錢都只是七八十左右，還隨餐附上沙律，炒飯，漬物同湯，真的非常抵吃。日後會繼續支持呢間有誠意的小店！

疫情開始緩和，出嚟食個lunch磯煮鮑魚 ($196)磯煮係日本一種海鮮煮法，用醬汁及昆布慢火炆短時間，keep住肉質鮮嫩彈牙，緊緊鎖住濃郁嘅湯汁。再加埋鮑魚肝一齊食，一啲苦澀味都冇海膽溶岩魚餅 ($48)黑色嘅魚餅咬開後係橙色嘅海膽，真係好似火山及熔岩！黑松露鵝肝 ($98)鵝肝下放咗塊多士，盡吸鵝肝精華；上面就有啲黑松露醬及蔥粒，食落軟滑又香芝士御好燒 ($78)口感鬆軟，味道甘甜濃郁，芝士份量都好多蒜頭炒飯 ($78)好大碟炒飯，最後食唔晒要拎返屋企！蒜頭夠多又大粒，帶黑椒微辣，鍾意食蒜頭嘅我超級滿意！威士忌割水 ($58)即係威士忌加梳打水，落單時記得講少冰！否則溶咗之後會溝淡今日呢度坐滿客人，而且好多外賣單，服務好食物又唔錯，怪不得咁多人嚟試啦

疫情下難得出去搵好野食（限聚2人/6點前堂食），今日出到銅鑼灣朋友介紹下去試下這間日本菜未介紹前先講感想，平！靚！正！餐廳內裝修有日本鐵板風味，我們叫了2個午餐，餐內包括主菜（鐵板煮理）/麵屎湯/炒飯/小食 (每個餐大慨 $70-98）第一份 薄切牛舌，鐵板的蒜香味十分吸引，牛舌小許過火，但也可接受，餐內的炒飯相當吸引，炒到粒粒分明，味道可口。第二份 海鮮 （內有生蠔/帶子/尤魚），生蠔及帶子十分鮮味，尤魚燒出來十分香口，不會過火，餐內麵屎湯，湯內有豆腐，海帶。最後小食是 「決餅」好柔軟不痴牙溫馨提示： 疫情下 12:00-18:00 仍有午餐有機會再去

這星期在家食外賣，食到沒選擇就出街行行逛逛，見到有新餐廳就去試試。午市餐牌有幾款，每個餐都會跟沙律，漬物和湯，而我亦另外叫了蟹肉忌廉餅。<蟹肉忌廉餅>這個炸物外脆內軟，忌廉和蟹肉完全融合，味道鹹鹹甜甜。<沙律，漬物，湯>沙律配上醋，令人非常開胃，漬物是泡菜，都幾辣湯是鹹鹹的，可品嚐出鹹鮮味。<伊比利亞豬>這種豬主要是吃橡果，脂肪筋肉的比例配合得很好，肉味濃烈，廚師落了少許鹽來煎，使豬的油脂發揮出來，入口後仍感覺到這種豬的油脂。<炒飯>這個炒飯粒粒分明，明顯鑊氣十足，配上炸蒜、蔥花及紅蘿蔔，簡單直接地展現出炒飯的精髓，炸蒜更帶來少許辣味，就是色香味俱全。<蘋果梳打>日式的蘋果梳打，用上了蘋果汁來製作，好像吃蘋果一樣。