How To Live Well (K11購物藝術館)

營業中

休息中

第一次嚟餐廳好難搵，原來係近The Natural位置裏面，有啲隱蔽🤣，今次預先同朋友訂咗位嚟到K11呢間好木系嘅餐廳，估唔到都好多人客人等位入坐，好彩預先book定唔係有排等😂。明太子忌廉汁煙肉意粉鍾意食明太子嘅我一定必點，明太子同忌廉嘅份量都多，食落好creamy帶有少少辣，意粉好掛汁啖啖都食到明太子忌廉，意粉口感煙韌唔會太硬，略嫌明太子唔太出味，不過整體都好好食，值得一試。南瓜素芝士意大利飯南瓜味好出，意大利飯相對食落有啲硬身，如果個飯多返少少鹹味就好啲。日式甜泡菜炸雞配日式芥末醬炸雞好推薦要試試佢，嚟到熱辣辣，一入口外皮炸到好酥脆，外脆內軟，連埋芥末醬一齊食好正，泡菜唔會太辣，食落帶點甜味幾好食。Old Rubbish 飲品叫咗一杯old rubbish，裏面有益力多、西柚汁、橙汁同切好嘅西柚果肉，飲落酸酸甜甜幾好味，而飲到尾段帶點西柚嘅苦味。Peach Fruit Tea呢杯熱茶好香水蜜桃味，飲落好有果香，食完油膩嘢，飲返一杯水蜜桃茶，好似幫你消除油膩感覺。

𝘚𝘰𝘮𝘦𝘵𝘩𝘪𝘯𝘨 𝘴𝘸𝘦𝘦𝘵 𝘵𝘰 𝘵𝘳𝘦𝘢𝘵 𝘺𝘰𝘶𝘳 𝘔𝘰𝘯𝘥𝘢𝘺 🍰☕️ · ┈┈┈┈┈┈ · ꕥ · ┈┈┈┈┈┈ · ✿ 𝐇𝐨𝐣𝐢𝐜𝐡𝐚 𝐋𝐚𝐭𝐭𝐞 $𝟒𝟖✿ 𝐄𝐚𝐫𝐥 𝐆𝐫𝐞𝐲 𝐂𝐚𝐤𝐞 $𝟔𝟖✿ 𝐘𝐮𝐳𝐮 𝐂𝐚𝐟𝐞 𝐚𝐮 𝐋𝐚𝐢𝐭 $𝟔𝟖✿ 𝐀𝐩𝐩𝐥𝐞 𝐓𝐚𝐫𝐭𝐞 𝐓𝐚𝐭𝐢𝐧 𝐰𝐢𝐭𝐡 𝐈𝐜𝐞 𝐜𝐫𝐞𝐚𝐦 $𝟖𝟖 Follow my instagram 🌈tr.eatday

星期六夜晚睇戲之前同朋友好隨便經過就入咗嚟 好神奇地唔使點等位 餐廳設計闊落 木系傢俬打造日式溫暖風格絕對係港女打卡好地方同朋友傾偈耐左 就嗌多咗嘢食沙律都算平 $68 不過長通粉就比較貴接近200嘢飲算有特色 味道不過不失焙茶latte做得幾好甜品方面我嗌左cheese cake同埋伯爵茶蛋糕伯爵茶味道濃厚 但外表可以再給力一點

*✲ﾟ*。 🍝高質木系裝修cafe💛好鍾意去K11 HOW 空間好大 又有日光好舒服☀️最近喺銅鑼灣仲開咗新分店❗️溫泉蛋野菌黑松露天使麵超級creamy  有大量野菌😋天使麵個texture都唔錯👍🏻不過我都係鍾意之前post過嘅香煎帶子意粉多啲🤣Classic Pizza 就正正常常 佢個dough係偏薄同脆嘅💁🏻‍♀️呢度仲可以買到 @grandmas_scones 堂食/外賣架😆p.s. Weekend lunch去1點幾會開始多人 可以上openrice book 定位🙆🏻‍♀️-✨ 溫泉蛋野菌黑松露天使麵 ($118)✨ Classic Pizza ($158)+10% service charge-📍HOW to live well @how_dept▫️ 尖沙咀河內道18號K11購物藝術館2樓201-01號舖▫️ 銅鑼灣希慎廣場四樓414-417 舖

第一次去How to Live Well ，感覺係一個可以舒服地食好啲嘅地方。今日同朋友坐喺向窗長枱位，很闊落，叫多幾樣野食都放得落食物方面第一次光顧一定要試枱枱必叫嘅明太子忌廉汁煙肉意粉同埋日式樱花蝦芝士玉子燒加多一個seasonal 嘅芒果慢煮雞肉芝士pizza，兩個人食份量剛剛好😋招牌意粉果然名不虛傳，好creamy 又夠真才實料，喜歡濃味食物嘅人一定鍾意玉子燒都有水準但可以再滑啲，pizza 好多料又好食，加埋一杯plum peach shake同朋友吹下水，訴下苦，又過咗一個輕鬆嘅週末夜

木質家具文青Cafe✨感覺好舒服簡單日系風格好適合約閨蜜食個下午茶打下卡輕輕鬆鬆放鬆吓！員工服務態度幾好紐西蘭黑安格斯西冷，炸薯角，烤番茄 $168炸薯角冇得頂，唔使點茄汁都有味而且炸得乾身唔油膩但係西冷扒七成熟有啲over食落去有啲鞋，同埋都幾難切開但係本身塊肉有醃製過，味道可以如果下次再叫可能會揀返五成熟烤番茄🍅好味😋爆汁Lake $48(利賓納，荔枝糖漿，梳打水）味道幾清新，酸酸甜甜又有氣泡，適合夏天飲😍女仔叫一杯打下卡都幾靚

呢間位於K11 Art House 既日系餐廳位置唔顯眼空間感超大 坐得好舒服 而家店舖好乾淨！食物方面食左明太子意粉，慢煮厚切日本四元豚肉 ，脆炸松子盲曹魚柳，同埋炸薯角配黑松露醬🤤明太子意粉份量都幾多 忌廉汁好creamy 再加埋煙肉，口感上都好滿足！不過同朋友share會好啲 因為自己食盒有點兒太漏🥲慢煮厚切日本四元豚肉，都好輕易就切開，無overcook😍食落都幾juicy ，絕對唔乾身。薯蓉都好加分，連埋一齊食係好夾㗎！飲品方面，最推介Growthing! 酸酸甜甜又夠氣🤤 好好飲好消暑😍另外咖啡都唔錯，不過不失👍🏻不過下次黎會預早book定位，平日晚上都幾full~係慶生聚會既好選擇👍🏻👍🏻👍🏻

lunch time首次去食，服務差到以後唔會幫襯！(食完條氣唔順到要嚟寫食評！)食物份量少，+$15配嘅麥茶好細杯，兩、三啖飲完。味道過咸，冬陰功天使麵冇冬陰功味，得陣鼓油味。漏咗單要追兩次先有人跟，食完之後嚟收碟嘅店員唔講聲就收起隻碟，好似想趕你走咁，金色長髮嘅女店員一直西口西面，唔知邊忽得罪佢，埋單時問佢收唔收AE卡答都唔答，正宗貼錢買難受！👎🏻同一個價錢，喺K11 Art Mall有更多好選擇！要打卡，喺香港都有更多cafe比佢好！

預先喺OPENRICE訂位，被安排坐响玻璃窗前的BAR位，尚算舒適，有陽光射入黎感覺唔錯。Lunch Time，無Lunch Set，a la carte咁叫。兩個女仔，各人點了一杯飲品，一個pizza，一個pasta，埋單 $488我點了凍Americano 減水量一半，侍應聽到時有點錯愕但也願意配合，咖啡味幾濃，Nutty，唔酸。朋友點了seasonal 特飲，oolong tea shake，詳細名唔記得，朋友話比佢想像中略甜。四色pizza，賣相一般，唔夠芝士，餅底偏脆口，我個人喜歡煙韌嘅批底，附上嘅蜜糖係非常普通嘅什牌貨。整體黎講說不上好食。冬陰公大蝦天使面，一向唔太愛天使面，但照試，果然，面質都係太軟了。但味道好好，清新，冬陰公味濃，蝦頭炸得好脆，我成隻連殼都食埋! 蝦肉比左朋友食，所以評唔到。限座90分鐘，夠鐘，侍應會叫我哋埋單先，但就無催我哋走。環境其實唔錯，但性價比唔高。

⧐ ⧐ ʜᴏᴡ ᴛᴏ ʟɪᴠᴇ ᴡᴇʟʟ ⧏ ⧏餐廳依個名字好發人心省，亦都係我經常思考既人生一大課題🐋環境很美，主要用木類做主調，餐枱、椅子都係用木傢俬，很ʀᴀᴡ同令人坐得好舒服~餐廳太多人 所以我就沒有影室內環境了🦧食物味道總括來說是不錯的，值得一試既我會推薦日式櫻花蝦芝士玉子燒同柚子蜜無骨春雞⧃玉子燒芝士味好香濃，端上枱是熱辣辣的，蛋也很滑，沒有煎得過老。而無骨春雞都好好食，雞肉好嫩滑，唔會好乾，煎得啱啱好。唯獨是份量太少了，價錢偏貴，不推薦大家食ʀɪʙ ᴇʏᴇ，我哋叫咗ᴍᴇᴅɪᴜᴍ，入口無即融，仲有啲痴牙🤣🤣日式櫻花蝦芝士玉子燒 $98香煎帶子胡椒魚肚長通粉 $178南瓜素芝士意大利飯 $158柚子蜜無骨春雞 $238澳洲肉眼扒 $248明太子忌廉汁煙肉意粉 $168

再黎呢間 cafe，因為真係幾鍾意呢度既木系風格，好舒服😌😌 加上係尖沙咀少有週末下晝有得book 位既 cafe，唔洗等位，休閒嘆杯咖啡😁😁今次既 Daily Cake 係 Earl Grey Chiffon Cake，茶味唔係好濃，cream 亦比較薄身，甜度比較低，成落比較 light。蛋糕有彈性，質感做得唔錯。食得多都唔會膩，nice😋😋咖啡今次就試 Oat Milk Ginger Bread Latte，薑味比較柔和，入口都幾舒服，但咖啡味就唔出。

今日同朋友想係K11揾間餐廳食下，好多都full左，無意間發現到呢間都幾隱蔽嘅餐廳，入到去環境好大好chill，完全比佢地理位置呃左，同埋好打卡able。我地叫左一個沙律同埋意粉，再加每人一杯飲品，本身只係叫左一個是日homemade cake，係伯爵茶蛋糕，但上菜後見到人地叫芝士蛋糕好似好好食咁，所以就追加埋，加一後就total埋單548，K11黎講算係咁上下。香煎帶子胡椒魚肚長通粉不過不失，帶子偏咸，但汁算中上，唔係一般現成嘅蕃茄汁。南瓜田園沙律黑醋有啲略嫌落得太多，可以叫少啲醋，不過南瓜口感好好，好軟身，而且＄68，價錢適中。焙茶拿鐵好重焙茶味，而且係茶味重但唔會偏甜，係茶控必點之選！Peach plum shake係以梅加桃茶加烏龍茶嘅mix，幾得意，好清新之後會有陣陣酸感，幾新鮮。Earl grey戚風蛋糕因為每日homemake cake唔同，今日呢個earl grey完全驚艷到我，雖然外型普通但好有驚喜，唔止cream 重伯爵茶味，連蛋糕本體都好重伯爵茶味，同埋都好夠濕潤，十分大推！日式芝士蛋糕因為擺盤好靚令到我同朋友追加左，擺盤加分，食落就係一般嘅芝士蛋糕味，普普通通。

2022.08.08 lunch 放假！走咗出嚟試呢間，早排女友同朋友生日飯係呢度食，覺得食物唔錯，所以叫我呢日試吓⋯⋯ 餐廳地方幾大，樓底又高，都幾好，但好好生意，幾乎坐滿，感覺即時覺得危險咗🫢 好彩空間大，坐位之間唔算太迫，又算通風😅女友揀番明太子忌廉煙肉意粉，我就揀芝心和牛丸咖哩牛肉飯。加$15有個湯或沙律+一小杯凍麥茶，如果揀其他飲品就減$15。食物都嚟得幾快，番茄湯加小麵包先到，都幾酸吓，又唔夠熱，所以一般啦。剛開始飲湯，個意粉就到，又要快快飲⋯⋯意粉整得好靚，嘩！好味喎😋 唔怪得女友要再叫呢個👍🏼 女友覺得好好味，我都覺得好味嘅，但對我嚟講甜味就重咗少少。到我個飲，都好靚，咖哩汁幾好味，可惜芝心和牛丸，牛肉唔夠熱，食物唔夠熱啲味道真係差好遠！

點了南瓜燉飯跟pizza ，食物上桌已有點涼，隨湯附送的麵包也是冷的。vegan pizza 味道偏甜，南瓜燉飯非常清淡，吃不出南瓜味，食物質量與價錢不符。特別是服務生態度非常差，上菜時看到桌上有空盤並沒有先清理，只是端著菜站在桌旁，並要客人自己移動餐碟並收拾好遞給她後，才把餐點放下，有點理所當然的把客人當工作人員使喚的感覺，整個用餐過程感覺不佳，若不想花錢受氣，建議別來用餐。餐廳環境跟氣氛不如想像中悠閒，若想放鬆用餐不建議來這。食物質量低，相信同等價位附近有其他更好的選擇。

同朋友聚舊，他選擇這間餐廳，推薦了明太子意粉😽🤟🏻/🥳明太子忌廉煙肉意粉($168)朋友點名再吃的一道菜😚明太子忌廉醬份量很足濃濃的明太子味道有少少辣味🌶配上淡淡的忌廉口感和味道都很平衡意粉煮得剛剛好✅軟硬度適中麵上還有撒滿滿的木魚片同紫菜有點像明太子小丸子的味道🤤醬料做得很好兩人吃完一整碟都不覺得醬/麵好乾好吃😋超推薦👑/🥳海膽醬小龍蝦薄餅($188)這款應該是季節性菜式餅底非常薄🍕有點像軟少少的餅乾小龍蝦份量挺多🦐還有芝士 一些菜瓜及蘑菇不過沒什麼海膽味菜瓜令整個薄餅變fresh🤟🏻但和其他食材味道有點不太搭🧐喜歡嘗試新配搭/小龍蝦的可以試一試/🥳朱古力($48)很甜有點像金幣朱古力的味道不太推薦🤓/餐廳很寬躺有空間感很舒適⭕️