HOW Food Factory (已結業)

從網上看到其風格是本人喜歡的，所以專程入觀塘試一試。那裡真的很大！比想像中大，很寬敞，很舒適。他們的工作室自然光，感覺很舒服選了lunch set 溫泉蛋卡邦尼 $88好足料！甜腍洋蔥起左畫龍點睛既作用，好好食！😋 份量都好大，值得一試👍🏼南瓜忌廉餐湯，好好飲😋日式燒汁烤黑毛豬肉絲包 $88好多黑毛豬肉絲！非常多肉汁！😍 配埋滑蛋，好好食呀！仲有埋少少薯角同沙菜，有驚喜😋Latte 味道吾錯，同埋喜歡呢個咖啡杯，好靚！雖然呢間cafe食物同飲品選擇吾多，但勝在質素高，味道好，環境舒適，店主服務態度良好，會推介比朋友。☺️

因為星期日觀塘好多工廈餐廳都唔開, 諗起之前在一個BLOG 上面見到介紹呢間餐廳. 就試O下. 一出電梯就見到好大個門口, 望入去好開揚有一排窗, 簡約的裝修. 好大個AREA 但枱唔多,入到去感覺好舒服. LUNCH SET 由$88 - $138. 本來覺得幾貴. 但原來包一杯飲品, 有好多咖啡揀, 平時其他餐廳要加錢的. 即刻開心O左. 叫O左2個SET, 甜酸蝦飯和煎鱸魚意粉, 一個SALAD 一個湯. 個湯係粟米湯, 平時我自己整時會隔渣, 佢呢個冇隔, 但原來有D咬口幾好, 個湯好香好濃郁. 甜酸蝦個味啱啱好, 唔會好似中餐咁有好多汁, 賣相靚. 鱸魚意粉個忌廉汁有D淡, 但魚好滑而皮又煎到crispy. 份量剛好. 飲品揀O左 Flat White and Hot Chocolate. Flat White 幾滑, 只是奶泡有點太厚. hot chocolate 好正, 不像一般茶餐廳的, 好濃郁好滑.

一入去見到成個環塘都好好，地方又大。點知...食物好失望...叫咗個薯角，都OK。飲品都好飲，但到飯同意粉就出事了。炒意粉沒有炒過的感覺，份量又少，海鮮是急凍的，整個意粉唔夠味。甜酸蝦球海鮮珍珠飯，叫咗好耐都無上菜，其他人都已經食完都未上，見到個飯就不停送去另一台比我地遲到的客人。追了多次都未到，起初亦無人向我交待發生什麼事，然後無啦啦一個待應問我介唔介意轉做意粉.......當然唔得啦，我叫飯架嘛，成件事都唔襯...我地見廚房應該係煲唔切飯....過咗好耐終於個飯到喇，一食入口，個飯硬到飯焦咁，而且唔係珍珠米黎嘅...應該係趕住煲個飯就落少啲水,我只可以咁諗...啲蝦又係急凍的，等咗咁耐，等嘅係失望的。

叫左海膽意粉，蝦意大利飯，豬肉包So far 食物都可以，全部熱辣辣，咖啡反而超好飲！意粉海膽小腥，但overall可以接受豬肉包脆身好食多d汁仲好意大利飯好香！介得推介！

難得在觀塘區，不用在人多嘅apm去排隊等叫飛，又可以寧寧靜靜去食個西餐，relax ~~。Order咗兩個dinner set,紐西蘭羊架同西班牙黑毛豬扒，價錢不貴，但質素極高。是日餐湯係磨菇忌廉湯，連平日吾食磨菇嘅呀囝都飲曬整碗湯。黑毛豬扒用Apple source沒有肥糕但好鬆軟。羊架生熟剛好，非常juice。值得推介～最後來個Auto Drip~ 完美的一餐

Super hip lifestyle cafe! The serenity of the place contrasts extremely well with the industrial exterior. Food was on point 👌🏻👌🏻 the mocha's divine! Best i ever had!!!Price was super reasonable too!!!