HOW Food Factory (已結業)

Happy Friday! 聽說這裡很環境舒適，便來試試看！幸好我們來得早，而且有訂檯，要不然就沒有位了！一入店，真是很開揚，整層都是這間店的，除了有cafe，還有精品，而且每張檯的位置相隔得遠，非常有空間感！Lunch menu 沒有很多選擇，但每款都各有特色。而且點所有飲料都不用加錢！豆腐沙律豪不吝惜的芝麻醬！每一口都有足夠的伴醬，蔬菜很新鮮！溫泉蛋煙肉忌廉意大利麵朋友點的，味道非常濃郁，而且份量很多！女生未必可以完成整個！芝士牛油果焗大啡菇蕃茄意粉賣相吸引！未食已加分！蕃茄味不會太濃郁，恰到好處，而且大啡菇很juicy，內藏蕃茄牛油果！雖然牛油果味不是太突出，但整體十分滿意！而且份量也是很多的！朱古力沒想到這杯朱古力也是一個驚喜！非常熱，未喝就已經嗅到陣陣朱古力香味。一喝，是超濃郁的朱古力味！就算已經很飽也要把它喝畢！這裡真是很舒服，而且服務很好，一定會再來！

以下介紹觀塘一間新店，不知怎麼形容，但就是喜歡。係工廠大廈佔有全層，空間很大，同時售賣傢俬、來自日本的家品小物、衣服等，亦有戶外空間，日光滲入，一抖心中的悶氣。文字就不寫太多，留你一點想像空間。  陳設非常輕鬆全人手雕刻 可愛的動物西班牙黑毛豬扒 $138套餐的黑松露磨菇湯，沙律，主菜及飲品對望街景－－－－－－－－－－－－－－－－－HOW 星期一至六: 12:00-22:00星期日及公眾假期: 12:00-18:30地址: 觀塘 觀塘巧明街99號巧明工廠大廈3樓AB座電話: 2805 1708 －－－－－－－－－－－－－－－－－。HOW TO LIVE WELL。

某日行完山， 朋友介紹去這家樓上cafe, 雖然地點方便， 但工廈cafe, 不是街坊或區內上班， 未必知。有幾款Set lunch 可揀， 通常cafe 店多是提供西式料理，出奇地餐牌內有一個中式排骨菜飯（尚有其他扒或意粉可揀）， 所以叫試下。除主菜， 有跟湯及飲品， 飲品可選任何飲品牌上， 非常好。排骨菜飯， 上碟精緻， 份品不小， 排骨入味鬆化， 菜飯不油不膩。比好多上海店好。（有些上海店的菜飯很油呢～怕～）湯是栗米湯， 以為會是罐頭湯， 一喝⋯⋯好多粟米粒粒， 甜甜香香。最後，order 了Latte 算有水準。食物出色， 不是快餐，來吃要有心理準備，起碼等10至15分鐘主菜才上枱， 這裹裝潢走簡約風， 地方大是個很好閑hea 地方，價錢合理，這個餐不用一百元。整體來說很悠閒滿足一餐。

知道官唐有好多cafe，但聖誕節唔係間間都有開，無意中發現呢間開12點就上去試下 ~ 一行入去 地方好寬敞！一邊係買野....一邊係食野重有露天座位... 叫左個果仁南瓜意大利飯$108 包湯，飲品個粟米湯真係啖啖都係粟米碎粒，好好飲！通常cafe既意大利飯份量都會好少，點知呢到唔係錦⋯ 真係要2個人share先食得曬，雖然食唔到有南瓜味，但好多芝士好多汁，意大利飯好淋身，啖啖都有果仁碎~呢度真係令人好舒服好relax ~

雖然住喺港島區，但係去到假日都想搵間特別啲遠離市區嘅餐廳食嘢😎今次就去到觀塘， 雖然觀塘聽落去好似係工廠區但係其實都好多cafe 架💕呢間Cafe係工廠大廈入邊嘅所以一入到去空間超大感覺非常清新今次我哋就揀咗坐入邊啦🤗佢地方真係好大好多空間 又休靜😊😊🙈佢仲有個露台tim yah夠晒chill 😎比埋食煙位你😯😯野食得地就叫左2個set個紅油燴牛肉蛋飯 真係好好食🤗個牛肉真係超滑流兩個人夠晒份量都食唔晒佢個set仲包埋一個前菜☺️☺️杯咖啡係我地另叫既都算唔錯既😊😊但整體黎講 係一流既chill place 😋😋😋😋

這一間工廈餐廳最優勝的地方是空間感。雖然工廈本身就是大，但有不少都會把地方安排得滿滿的。然而，這裡就寧願有多些空間，讓地方有更寬敞的感覺。雖說是有空間感，但卻又能包函餐廳以外的元素。其中就是傢俬的陳設。很有特色，也很有夢想家居的感覺，因為給人舒服之感。而另一邊又有一些小擺設，大型的，小型的也有。算是飲食以外的另一享受。到食物了，先來一個豆腐沙律，涼涼的，很開胃。而豆腐也很滑，吃了很清新。主菜先有煙三文魚意粉，意粉的軟硬度控制得不錯，剛剛好。而另一款的鱸魚魚味頗濃，幸好有檸檬汁相伴，減低了魚的濃味。飲品算是這裡的另一特色，跟餐的可以無需額外收費而點選特色飲品。先有一杯Latte，咖啡的味道很香，與鮮奶的味道配合的很好。又試了一杯Green Tea Latte，綠茶的味道很濃，但不澀，真的很有水準。

位於繁忙的觀塘裡的一間工廈How Cafe 的確做到鬧市裡寧靜一角連接Outside及inside 的門口掛著風鈴一邊坐在外頭時會聽到風鈴的叮噹聲再加上寬闊的空間令人感到舒服Cappuccino 的確泡得不錯，有厚實的奶泡Mocha 偏向chocolate 和 espresso 1:1 的分量對於喜歡朱古力的人來說 真的不錯Lychee Soda 當日因為大廈水管關係下午只提供非咖啡飲品，有別於外頭藥水味的飲品這裡的lychee soda 並不算有藥水味日式芝麻雞翼$68雞翼撒上紫菜絲及芝麻，增添了口感味道也不錯同日也有點晚餐，咸豬手、豬排、鱸魚意粉的味道實在一般，反倒是帶子意粉比較有驚喜。套餐亦包括前菜（南瓜湯或沙律）沙律菜新鮮，南瓜湯則偏咸而甜品則是雲呢拿雪糕配白玉及紅豆雖然食物不稱得上好味，但飲品的確是值得一讚另外餐具的選擇亦非常有質感，大概是因為原本咖啡店的另一半是賣家品的關係吧好的餐具絕對會提高食慾希望食物的質素再提高，但平衡各方面的優點How 的確是間令人感到舒服的咖啡店

第一次踏足隱世藝術+食堂，主要是售賣家居精品 X 西餐廳為主，環境感覺舒服，空間感寬躺，每件家居擺設別出心裁。食物出品方面，餐牌上的釐印十分別緻，炸薯角配黑松露醬配搭好夾，烤鹹豬手外皮十分香脆，包住鮮嫩嘅肉質，蜜糖芥末汁鮮蝦帶子意大利麵的鮮蝦好像不太新鮮，飲品方面soda好像開粉調配，人工味濃，咖啡類飲品應該比較靠得住，最驚喜嘅係最後奉送嘅紅豆白玉雲呢拿雪糕，非常香濃。

當晚剛巧要到觀塘美容, 所以約了朋友在附近吃飯, 這家是在工業大廈內新開的CAFE. 同一座除了CAFE外仲有家具可以賣, 不過不便宜呢, 當晚看到一張很舒服的沙發要2萬多港幣, 說回食物, 我們點了蕃茄海鮮闊條面和五花腩飯, 五花腩飯非常好味, 不覺肥膩, 晚餐當中還包含了飲品,抵吃好吃

lunch time 約左朋友唔知食咩好，開OPENRICE個app search附近餐廳就搵到呢間餐廳，一開始係俾一張日系感覺嘅相片吸引（我認我係樣貌協會會員) 之後諗都唔諗就拍版決定試下呢間餐廳。由於係工廈餐廳，所以都預左行樓梯，不過由於小女子平日缺乏運動原因，3層樓梯對於小女子真係有點吃力。。建議想去而又唔想行樓梯嘅人都係搵LIFT搭好d～！上到去真係眼前一亮，樓底夠高之餘，原來佢唔止係一間餐廳咁簡單，仲有賣衣服、Accessories、家品、傢私等，隔離仲有間Studio office！講返間餐廳，枱唔算多，每張枱都算大同唔迫，出面有個幾大嘅露台位置可供用膳，如果唔係當日大風我都會選擇坐出面。由於我地係WALK IN，有幾張枱都Reserve俾人，所以我地都等左10分鐘左右先有枱(好彩隔離有其他野可以逛消磨下時間)，建議去前要預早book枱!餐牌都充滿design嘅味道，佢係日式Fusion餐，有沙律、意粉和飯都有，我點了蘿蔔海帶燉雞飯，賣相一流！喜歡他們的陶瓷餐具，味道都不錯，是稍嫌有點鹹，但送飯一流！餐飲點了cappuccino, 不用加錢！美中不足是餐廳另一邊有裝修工程進

知道觀塘工廠區有好多樓上cafe，但一直都未試過見哩間新開，為免帶埋朋友試新野中伏就超樣衰，決定單拖黎試下先位置係內街既工廠大廈，要搭部舊式𨋢先上到去，幾得意上到去正如之前食評見到，空間好大，真係一整層工廠單位咁大。中間除左好似office咁既地方有隔開外，全部係open area。open kitchen+飲品bar。環境冇得頂，好舒服好喇講左咁耐，上野食先Open kitchen黎，我可以見到廚師煮野，又可以聞到煮其他食物既香味，正😂😂是日餐湯 - 蕃茄湯可以揀湯或沙律個人黎講唔係幾中意飲蕃茄湯，但試得出個湯應該真係蕃茄打成，唔係出面咁用罐頭茄醬開出黎烤黑毛豬肉絲包幾夠味，唔少肉絲，夠肉汁包外脆內軟兩樣夾埋一齊幾得意重頭戲 - 西班牙黑毛豬扒只可以話超級好食豬扒林得黎唔係用肉鬆粉乸出黎個種好香，好嫩滑仲有條骨，阿媽教落連住骨既肉先係最好食，果然冇呃人仲有d蘋果蓉，應該係自家製既，有一粒粒蘋果粒，少少甜，襯埋個豬扒岩岩好，仲可以減少d食肉既肥胖感哩個我真係好欣賞Overall真係幾滿意我相信咁既價錢係出面未必食到咁既質素，esp我坐左好耐都冇俾人趕，d staff都幾nice一定有a

係OpenRice見到觀塘又多間新餐廳，咁啱係附近所有上嚟試下！一入到去感覺都唔錯，空間好大！地方很寛躺，感覺很舒服！另一邊則是商店同Office！跟餐的沙律！其實望落去已經覺得唔太新鮮，食落仲有D苦苦地，所以最後放棄咗！不過諗諗下呢個好似豆腐沙律，點解見唔到有豆腐，所以決定搵吓！結果係嗰底度，不過已經俾我整散咗！主菜賣相都唔錯，不過一食就後悔！個意粉好鹹、感覺上落咗好多味精、雞粉之類咁，好彩嘅係唔係鹹到完全食唔到咁！反而蝦同珍珠帶子就冇咩事，不過又冇咩味道咁！飲品叫咗Elderflower Soda，個賣相又係好靚！不過飲落去好似食緊有藥水味嘅糖咁、仲要好甜，Elderflower應該俾人好清新嘅感覺，而味道唔會太重！但這杯剛剛相反！一入去因為冇咩人空間感覺都唔錯，不過後多了一、兩枱客就發現好嘈吵，而且樓上可能係貨倉嘅關係，會聽到樓上搬貨嘅"隆隆"聲！感覺唔係太舒服！

呢到食飯環境真係一流一上到黎發現超大 一邊賣衫 一邊係Cafe 食飯呢到枱同枱之間隔好遠 完全唔迫 坐得好寬鬆可能呢間Cafe 岩岩新開  Lunch 12點鐘都係無咩人所以食物上菜都好快跟餐沙律配上芝麻醬 清清地幾開謂唔選跟沙律可以選湯西班牙黑毛豬扒 $138個豬幾大塊  幾嫩滑  個汁好夠味  跟埋薯蓉  食完好飽甜酸蝦球伴黑松露溏心蛋珍珠米飯 $88成餐飯最鐘意呢個呢個有少少西式加中式的感覺個甜酸蝦球好開謂  有少少似中式咕嚕肉  但個汁感浠D香草忌廉汁配香煎鱸魚意大利麵 $98呢碟個汁好濃味  個忌廉汁整得好出色雖然知好肥  但真係忍唔住食多幾淡個鱸魚都煎得岩岩好  唔會過熟  都好滑香草海鮮炒意大利麵 $98呢碟意大利麵材料幾足 可能成碟意粉真係無咩味  香草味唔夠  好淡  成餐飯其他食物都OK  呢碟味道最差呢間Cafe包所以凍熱飲品  包括任何咖啡都唔洗加錢

最近睇IG，見到一間觀塘既CAFÉ好hit我甘為食，就當然要去試一試啦呢間HOW CAFÉ第一個賣點就係空間超大係寸金尺土既香港，一間舒服又大既CAFÉ，確實係幾難得第二就係佢除左有野食有野飲，仲有野賣店主將成間店分左3個部分餐龐、OFFICE、同埋商店係呢到，你可以搵到D好得意既家居擺設同埋傢俱唔只甘，連衫同埋護膚品都有真係一間SHOP，就可以滿足你3個願望豆腐沙律 我地當日係Lunch時間上去每個set lunch都會包一個前菜，可以揀湯/沙律我地2個都要沙律菜夠新鮮，加埋滑溜豆腐同芝麻醬都冇咩野可以挑剔香草忌廉汁配香茸煎鱸魚意大利粉 $98鱸魚魚皮煎得香脆，魚肉都幾滑不過就有少少油膩忌廉汁其實唔太食到有咩香草味反而最大問題係個意粉意粉無用欖油撈左先，所以好乾，好難先整散到雖然唔係話好難食，但都有d失望香草海鮮炒扁意大利麵 $98如果岩先果個係少少失望呢個炒意粉就係超級失望一見到碟野食，我地就已經覺得中左伏仲要係個好大既伏正係望個樣就已經覺得dry而且完全唔覺得個意粉係有炒過另外海鮮質素亦都唔靚但甘都要等左成15分鐘以上質素比大家X更加不如熱朱古力  / 荔枝梳打跟餐仲會送埋野飲雖

HOW 喺一間有驚喜樓上cafe😎位於觀塘巧明工業大廈3樓全層，一入去發現地方好大，有一半地方放置小量傢具，有家品，有飾物～～，由於老闆喺日本入貨，所以價錢相宜座位唔多，環境舒服、寧靜，十分relax👍🏼lunch set 有豆腐沙律配芝麻醬汁，淸新美味黑毛🐷扒好厚好大件，配蕃茄、薯蓉，蘋果蓉。黑毛🐷扒表面煎到微燶，好香，肉質juicy , 唔肥配蘋果蓉，味道更能突出。飲品有好多選擇，Elderflower Soda 賣相好吸引，好靚，味道不錯飲料有好多選擇，全部不需要加＄及全日不收加一添食物質素高、環境舒服，呢餐好滿足