HOW Food Factory (已結業)

放假悶悶地想搵住屋企附近既朋友hea下，一齊去左呢間工廈cafe傾計。 地鐵站行過黎都幾方便，穿過apm後轉右行多陣就到。煙鴨胸香草醬扁意粉 ($158)落單冇耐就上菜，熬辣辣聞落好香。 煙鴨胸足料有好多塊，肉質嫩滑香口，扁意粉夠彈牙，但以香味為主，再重味少少就好。香脆芝士魚柳漢堡 ($128)好大份夠哂豐富，咬落去啖啖肉好滿足，但油煙味都幾勁。　薯角就夠熱夠脆，岩哂傾計慢慢食，食完超飽。價錢偏貴，不過坐到好耐，環境優美，都值得黎試下既。

環境：舒適食物質素：一般價錢：偏高周末最低消費額： $90/人限時進食時間：1.5 小時意見：一間以文青及生活品味為賣點的cafe, 有最低消費雖有點奇怪，但也尚可接受，但同時卻有限時進食時間，便真的令人卻步吧。用餐時間是下午 3時左右，星期日人流不多，仍有空座。坐下後，侍應放下餐牌時便會告知服務細節，顧客當然可以選擇是否繼續用餐，但未免有令人難下台之嫌。這樣的服務細節是否合理，消費前大家可自行思考一下。

旅行在即，想搵間坐得耐、有wifi、野食唔太差既餐廳傾行程原來都唔易，尋尋覓覓後去返朋友食過既HOW cafe。作為路痴既我得知餐廳位於Factory 99同一幢工廈既三樓，本來步伐好有信心，但原來搭呢部工廈貨𨋢都唔容易，轉入後巷後分AB座同CD座兩部專用𨋢，兜兜轉轉搵岩AB座𨋢後又撞正傢俬運輸工人霸住成部𨋢叫我行樓梯，最後夾硬迫埋入去先順利到埗。本來有少少煩躁既心情係打開門既一瞬間煙消雲散，開揚寬敞既佈局、柔和亮眼既燈光同大量木製餐桌係眼前出現，有種豁然開朗既感覺。今晚一行6人walk-in，只淨返廚房前既大台，唔算好大油煙味，坐低即時落order。香煎石斑柳 配南瓜蓉 ($168)石斑柳大塊厚肉，肉質嫩滑、魚味濃郁，魚肉本身冇特別調味，配上青檸芥茉籽汁偏淡但幾開胃。南瓜蓉幼滑香甜，份量只有幾啖，個人覺得甜味同石斑柳唔太夾，如果換上牛油薯蓉會更好。 第一次食椰菜仔原來有少少苦，不過幾欣賞用料優質。朋友亦叫左呢個餐比我先上菜，見佢塊石斑好細同望落唔太滑，本來我想轉點豬扒，問左廚房已經整緊先作罷。 幸運地我塊魚柳大件好多，但同時反映出品質素唔太穩定。蜜糖芥末醬烤雞漢堡 ($128)Bur

一早聽聞觀塘有一間令人舒服到可以訓著嘅文青餐廳, 襯 Day off 就去食啦！因為想避過多人時間~所以5:30pm 就去食晚餐 lu!雖然位於觀塘工廈中心, 不過個入口真係太難搵啦入到門口, 已經比一堆木造傢俬吸引😍😍😍😍因為我全屋都係木造傢俬~所以我實在太鍾意啦！餐牌選擇唔多, 飲品同咖啡比較多, 所以叫左2個主菜, 1個小食同2杯野飲~2杯野飲黎到我嘩左一聲~杯 oreo chocolate 實在好靚而且飲落真係好香濃朱古力味! 另一杯就rose lychee soda 就甜左少少~炸雞黎到份量多, 而且夠晒熱辣辣, 肯定新鮮炸的啊！主菜到啦~雞肉 burger, 份量好大, 而且味道岩岩好, 我晒我對面呢位男士我自己就叫左個石斑魚配南瓜醬, 魚煎得剛剛好配埋啖啖清甜嘅南瓜醬同配菜, 非常之夾啊~呢度除左散叫, 仲有 set lunch~岩晒附近嘅上班族黎 hea 下食個飯, 嘆下咖啡啊

在工作的日子想找一個地方好好休息和朋友享受午餐，第一時間就想到這間Cafe！無論室內還是室外都充滿空間的設計，今次天氣十分好，我選擇坐室外的吧枱，享受陽光和午餐😌這店的裝修佈置和食物一樣做得很有心思，午餐有很多款可以選擇，飯，意粉和burger可以選擇，平日放假，這小店都是吃蛋糕或burger, 今次午餐點了豬軟骨蛋包飯，份量很足，豬軟骨軟中有一點脆，好好食！另外部份飲品是套餐配送的，咖啡也不錯，在俾錢的時候，被蛋糕吸引着，很大很大的伯爵茶蛋糕，下次一定會再試！

都已經食過唔炸次，都算公司飯堂~記得黎食之前book位~今次我就叫左個厚切豬扒配蘋果蓉~先講豬扒，豬扒雖然有少少本身個豬味，但我又接受到，而佢個肉質就軟硬適中，有口感得黎唔會咬唔到，而且配合佢薄荷蘋果醬幾清新，個薯蓉個牛油味都適中，成碗食哂飽哂~唔記得講個餐湯 佢waiter話蕃茄湯，但我地飲落去係南瓜湯，哈，可能一時口快講錯，個湯既南瓜味道都算出，而最重要夠熱辣辣~最後餐飲就叫左oreo 朱古力，佢個朱古力係double chocolate,面仲有oreo，oreo粉同綿花糖，整體外觀好靚，但味道真係好甜…其實可以唔要綿花糖，咁應該會好d!

觀塘區有好多工廠大廈已經變身成為餐廳，每一間餐廳都各具特色，有啲會係主題餐廳（例如運動主題/學校主題）、有啲會係重視氣氛嘅餐廳（例如重點放喺餐廳環境、燈光、裝飾佈置），而「HOW」可以話係有文青feel 嘅餐廳🤓走出工廠大廈嘅𨋢門，就會見到「HOW」，地點非常方便又容易找到（因為有好多工廠大廈嘅餐廳，有啲係幾隱蔽，唔容易找得到）所以呢度都尚算方便！「HOW」其實一半係賣傢俬家品，另外一半係餐廳，令餐廳感覺好有個性！餐廳係採用open kitchen，用膳地方可在室內亦有室外室內，可看到食物和飲料嘅製作過程。今晚，由於室內座位已滿，所以在室外用餐。食物方面，西餐嘅risotto/ pasta/ burger 配薯條/mashed potatoes 之類，味道不比其餐廳個性/環境特出。至於服務方面，可能由於我係坐喺室外，所以要召喚侍應有點難，但相對嚟講，喺度食晚餐，優靜嘅感覺，令食客可以在鬧市中享受一下寧靜！😇亦算不錯！

係，繼續食開年飯，今次係15個人。同事一早已付超過一半嘅訂金（呢個訂金真係夠誇張，我諗我未必會book呢間），我同意呢間嘅裝修係好靚，好多嘢睇，不過好大陣油煙問題仍然存在，搞好耐都散唔到。好多木製傢私可以睇（呢兩張用咗同事book餐嘅相，俾大家參考有咩食）一係湯一係沙律，我揀左湯，都幾特別，係甘荀。呢個係我同事揀嘅比目魚扒，外脆內軟，煮得幾好，味道都可以。薯蓉有粒，唔錯，幾好味。我呢份係牛小排，用咗最簡單嘅洋蔥汁，可以接受，而沙律部分有菇，不過無乜汁，相比個牛就乾咗。肉都可以（無問我地要幾成熟），肉汁算係夠嘅。我同事呢杯oreo chocolate latte，夠哂浮誇，同事話味道ok嘅。我就叫咗latte，不過不失。職員點餐飲略欠經驗，點個陣同上個陣都有失誤。

今日同姑姐、表弟同媽咪出去食Lunch ，碌下IG 搵咗呢間係觀塘工廠大廈嘅CAFE 因為見到佢個menu有個set lunch（牛肉配黑松露炒蛋熱狗）好似好吸引。雖然有D貴98蚊，包杯野飲，但都係好吸引，所以就決定約佢地去呢間。入到去見到都幾大，一邊有賣衫，好似係日本牌子，而另一邊就係食野嘅，D坐位有D少，但地方好闊落，坐得都舒服。所以如果要食記得BOOK 位了講翻野食，去到冇我想食果個餐，所以就叫咗其他！！我地分別叫咗：日式燴牛柳粒蛋包飯、黑松露雜菌炒意大利麵、2個洋蔥檸檬汁配香煎三文魚意大利麵，仲有日式芝麻雞翼同日式芝士黑松露玉子燒。先講日式燴牛柳粒蛋包飯都幾好味D牛肉好"林" 好入味，個蛋包飯都做得唔錯，加埋d汁食~正！而洋蔥檸檬汁配香煎三文魚意大利麵，個魚都算大舊而且都煎得唔錯，唔會太熟老但意粉就乾咗d 冇咩汁。之後黑松露雜菌炒意大利麵，好重黑松露味（個人好鍾意食黑松露）都炒都唔錯，因為唔會好多油咁，食素嘅人可以試下。而日式芝士黑松露玉子燒，真係幾好味超多芝士。同埋蛋汁同埋黑松露都超多。而雞翼就正正常常，仲叫咗1杯咖啡（cappuccino）同3杯水果茶，都幾好飲。

昨天打算去呢間cafe試一試啦！點知去到樓下行左樓梯上3樓關左閘，本以為係後門啦。落到樓下睇到有條後巷好多人出出入入，甘就試下行入去啦！點知有老鼠橫行，之後我就打電話上去cafe，無人聽....幾經辛苦終於行入左條巷，經過後發現有兩部𨋢寫住地址上既AB座，滿心歡喜入𨋢禁3樓啦...揸𨋢阿叔見到我禁3樓佢即講「人地包場呀！你入唔到去，你出𨋢睇下啦！」之後我就出𨋢，無開門。我就禁返𨋢走啦！點知...揸𨋢阿叔飛𨋢唔載我走，直到我禁上佢先肯開𨋢比我入去🤦🏻‍♂️🤦🏻‍♂️🤦🏻‍♂️其實我覺得包場唔緊要，可以聽電話，唔洗人地上左去跟住搞勁耐先可以走得。最不愉快係條後巷*驚惶失措下，無影到相

午飯時間一粒鐘，對打工仔唻講真係好寶貴！要知道香港地一粒鐘內由排隊、揀嘢食、食埋落肚去到埋單，實際你可以進食嘅時間可能只有20分鐘。如果不幸地侍應落錯單/廚房出漏單，你可能只有5分鐘食入口加呑埋落肚。呢間cafe環境係唔錯，食物水準唔係差。但響觀塘區做得lunch set, 其實可以做好d。做cafe廚房唔及出面茶餐廳、快餐店，所以餐牌貴精不貴多會比較易handle。落錯單果位侍應唔該俾番少少責任心，唔好要你同事幫你執手尾。

工廠大廈一向多美食，但這間真是令人常常憶起！*環境寬敞，座位多。清靜，最適合三五之己傾計！侍應服務態度良好，價錢值。食物賣相靚又好味。除了吃東西，這裡還可以逛逛，看看商品。忍不住來了一次又一次。*蕃茄湯濃郁。*三文魚菠菜飯份量都剛剛好，好味道！Double chocolate也是超好味！*友人吃了肉眼排，嘴刁的他都讚不絕口，說用料不錯，煮得好好！*甜品：綠茶雪糕還有巧克力粒粒，甜苦中和得實在是恰到好處！

😡😡😡去到嘅時候見到幾靚本身己為實無死啦點知去點杯野飲，系cashier 個短髮staff 講緊電話，咁正常都會叫快d講完，落張單先，點知佢無，咁我林等佢一陣得啦掛，點知企左幾分鐘佢都當睇吾到，有甚他staff見到，就系叫我等佢講埋先🙄 真系無佢咁好氣，咪坐番埋位，之後佢行過黎，吾好意思都無聲，就問系咪食野呀... 真系好似欠左你咁都算，最過分系呢度：我地林住系度食埋晚飯，咪繼續坐，佢五半叫我地埋左下午茶張點佢，咁我就問啦，下午餐去到幾點可以落單，佢話6點，之後晚餐加一咁我地order晚餐嘅時候領埋下午餐單出去，林分開埋，點知佢逼我地下午都要加一，仲好串咁話：「無架啦岩岩叫你地埋又吾埋，宜家仲知系要一張單過，所巿要加一！」之後仲要落錯單，黎錯野食！真系嬲到呢，如果吾系近排忙，真系會同佢理論，同埋留低投訴！6點你話系下午餐 last order 時間，己吾系如果果時未埋單就要逼我加一！吾怪得呢度咁靚，野食正常，都多過一半系空位🙄

自從官塘多左工廈餐廳, 都會周圍試吓~ 因為工廈環境比較大, 一般都坐得較舒服 . 成日見附近有呢間既banner 今次终於一試 . 一出拉閘升降機內進係日本傢具區, 環境有D 似FrancFranc 既感覺 . 左邊就係餐廳部分 , 另外有一邊日本salon . 店員先安排我地坐中間位置, 可以望住傢具區,臨近X'MAS 佈置特別有氣氛 . 我地先點日式明太子蛋卷 , double chocolate , green tea latte  明太子同蛋既比例好好,切開蛋卷流左明太子出黎仲有蛋香 先呷一口Double chocolate , 好香濃幼滑 , 甜度恰到好處 , 至於green tea latte 都唔錯~厚身既綠茶味 不過兩者比較, double chocolate 較豐富味蕾 Main course 方面揀左寶雲酥焗羊架, 黑毛豬扒 . 焗羊架, medium 剛剛好 ,肉夠滑, 配埋薯蓉 , 個汁有少少黑椒, 唔錯~ 黑毛豬扒 , 係厚切既,不過略鞋.  相比下羊架較出色 . 不過有埋薄荷蘋果蓉 , 好清新 !! 整體黎講,成個用餐氣氛係舒適既, 加埋店員點左售賣既日本

意想不到，隱藏於觀塘巧明街工廈的 HOW，從環境設計、裝修佈置、擺設及食物外觀都帶給極大新鮮及強烈的視覺感。食物選擇很精簡，反而飲品有好多種款式。選擇了餐廳推介的蜜糖芥茉醬烤雞漢堡包、士多啤梨加藍梅梳打及番茄湯。香濃蕃茄味加上黑椒的是日餐湯：番茄湯這杯士多啤梨加藍梅梳打是今天的亮點，非常吸引的一杯紫紅色梳打，很清爽。這個蜜糖芥茉醬烤雞漢堡包，份量狠狠巨大。至於味道方面，都是一般美式快餐雞扒漢堡包的質素。巧大的蜜糖芥茉醬躺在烤雞和餐包之間。雞肉一般，缺了那種鮮滑的質感，雞皮炸多了一點。觀塘大部分特色餐廳，都會出現同一個問題，主要心思和資源都放在環境和食物外觀的視覺創新上，反而在食物質素上缺乏了驚喜。說真的，我喜歡這裏的環境和飲品多過主菜。