HOW Food Factory (已結業)

- 服務態度奇差。副氣到不得了。- 食物質素非常差。蟹肉蘆荀意大利粉既蟹肉非常多殼。向侍應反映之後只得到佢地不斷邳視的眼光，但沒有回覆。- 雞肉漢堡好大陣雪味。南瓜湯甜得非常怪。總結：可以來睇展覽睇精品扮文青， 但奉勸你食飽先否則非常失望。

阿林：最初留意到這家店，是因為他們的家具。可惜現實上我沒能力豪擲數萬元買一個櫃，也不捨得花費百多元買一隻雪糕匙。陳列區旁就是用餐地方，桌子之間隔著寬闊距離，在寸金尺土的香港甚為罕見。香辣單骨雞翼 ($78)，份量等同6件全翼，頗辣，酥脆而不油膩。慢煮厚切日本四元豚肉 ($168)，慢煮來說，肉質和脂肪都仍然較硬，旁配玉桂蘋果，有點酸。豚肉只澆上普通燒汁，如能調製玉桂或焦糖蘋果醬定能大大加分。法式保雲蘇焗羊架 ($148)，芥末之上舖滿香草麵包糠，惟顆粒相對粗糙和鬆散。肉質雖比豚肉嫩，但還是有點過熟，不過不失。兩道肉皆配搭薯蓉，滑度可以接受，惟調味實在有欠誠意。最後以甜品及飲品作結。抹茶戚風蛋糕 ($5X)，軟熟濕潤，雖然我更喜歡清爽、輕盈一點的。重點在於忌廉，稠厚幼滑，味道帶甘，可惜餘韻不足。Goth Latte ($44)，上年開始由外國興起的飲料，特點是加了活性碳，外貌討好可以呃like。這是我首次品嚐，其實就是分明的咖啡加活性碳味，特別但稱不上好喝。底部的活性碳溶得不勻，越喝越苦。凍朱古力 ($42) 則濃郁且滑溜，屬穩陣之選。總體而言，食物不算十分出色，但環境寬敞潔淨，適合一班

HOW is one of the best chill out restaurant in Kwun Tong. The place is very spacious and comfy and you could shop in the next section. It has a lot of handmade products and clothes etc. Prawn spaghetti in lobster sauce, the portion is quite big and the prawn is fresh. Lobster can be a bit salty and add more flavour. Wild mushroom spaghetti in black tuffles cream sauce is good with a creamy and stretchy spaghetti. The sauce is full of black truffles flavour. Both hot latte and cold matcha latte t

佛誕的起心肝拎部電腦出街做下野揀左觀塘HOW貪佢一向食物水準唔錯裝修簡潔  空間感十足一坐低waiter哥哥就先小人後君子話用餐時間只有個半鐘咁紅日呢個安排我都ok既最多到時冇人就坐耐dd囉之前試過佢個慢煮豬好好食好juicy今日一於encore！好快就上菜ummm 冇上次咁juicy正正常常豬扒唔算太有豬味著實有點失望反而配菜既肉桂蘋果就好有驚喜一啖蘋果一啖豬肉  好解膩結尾來杯Latte質素ok  飲落有少少雲呢拿朱古力味最後真係個半鐘就要還枱可能假日啦4、5點呢d時間人流都絡繹不絕

星期五，食好啲！同事帶我去左呢間工廠大廈入面嘅西餐廳，上到去發現別帶洞天。餐廳好大，左邊係餐飲區，右邊係商店區，賣傢具雜貨，counter位採光好好，窗明几淨嘅感覺。午市都幾多選擇，有意粉、意大利飯、漢堡等，百零蚊有餐湯，熱飲。今日餐湯係南瓜湯，好香甜且濃，真材實料嘅口感。龍蝦汁意大利麵配latte。個麵麻麻地，冇掛汁味唔濃，上菜時聞到好香，可惜入口冇味，同埋覺得龍蝦汁配紅椒黃椒好茶餐廳，兩隻大蝦冇特別。黑松露忌廉汁意粉又唔錯，好重黑松露味，意粉al dante。另加錢點左杯凍抹茶牛奶都幾好，唔會好甜，香濃抹茶味。

觀塘無論什麼時候都人滿為患，要找個歇腳的地方就要捐窿捐罅。這間cafe並不好找，但當進去之後，像是進到另一世界，與外面的車水馬龍隔絕。店內有三份二的地方都是賣別具質感的傢私和擺設，只有三份一是用餐的地方，但桌與桌之間空間很夠，不會覺得侷促。我們三人行，叫了三份餐點分享，包括大蝦意大利麵、菠菜蟹肉意大利飯及和牛漢堡。意大利麵份量略嫌過少，但是是好吃的。十分喜歡這裡的意大利飯，菠菜和蟹肉很搭，米飯是稍有嚼勁的正宗煮法，三者合而為一，融為一體。反而漢堡比想像中普通，但薯角超熱超脆，要讚飲品叫了消暑的水果茶和蜜桃梳打，清新感覺就像這家世外桃源cafe

星期日旺區實多人搵食、想悠閒靜靜地食個lunch、我反而去左平時番工附近既工廠大廈搵食、同男友開心過個520.上到去、地方寬敞、佢分有幾區、最入面係食野、出面有d lifestyle 既野賣、好特別.我地叫左一份牛排、漢堡、同兩杯飲品.個牛排叫左medium、剛好、無over cooked、好juicy 、薯角好脆、食曬蜜糖芥末雞扒漢堡、有沙拉跟堆、就感覺無咁膩鍾意飲咖啡既我、就選左綠茶latte、雖然無特色拉花、不過幾有綠茶味、唔太甜、幾好飲男友選了peach soda、佢話好好味、話咁快飲曬環境舒適、唔駛同人迫、可以悠然自在嘆咖啡☕️、一定會再黎

呢間餐廳係走工業風路線, 說穿了就係冇乜裝修嘅餐廳. 有啲位置係賣designer用品, 有一邊就係餐廳. 環境都算係ok, 但講到食物就認真麻麻.佢嘅價錢係一般中上餐廳價錢. 大蝦義大利麵set$148, 但隻所謂嘅大蝦, 個size同你出去食白灼蝦嘅大小差唔多, 同埋好珍貴只係得兩隻. 食羊set$168, 啲肥膏多到冇朋友, 差唔多有一半都係肥膏, 真係冇咩肉食. 同埋呢間餐廳冇咩服務, 水係要自己攞嘅, 但佢哋又收你加一喎.我諗淨係飲杯嘢都ok嘅. 再去食飯就唔會再去. 

套餐比較抵吃,有湯有飲品,所以没有選用EATIGO-9折.但點了全熟牛扒,上菜時已解釋因牛扒是全熟,所以收縮成很小塊,但真是很細小哦.或者是靚牛,細點也可以,一切開,半塊又黑又硬,是煎得過熟了. 反映後,我們改選了豬排,味道及肉質也不太好. 另外還點選了大蝦意粉，野菌意粉，明太子玉子燒，這些味道正常，但CP值抵.一年前因工作關係經常到HOW晚膳,食物質素是很不錯的. 可能轉了廚師,官塘區太多同類選擇,不會再去HOW了.

正如其他食評所講，踏入大門一刻會“嘩”一聲， 非常寬敞、用色簡約、樓底高，有工廠大廈食肆的優勢，很大的地方用作家具及手作擺賣，環境好好。配合整體環境，座位都是木枱木凳，坐並不是太舒服。星期日來，限時90分鐘，有最低消費。食物質素～非常麻麻選了日本和牛芝士漢堡、龍蝦汁大蝦意粉、炸單骨辣味雞翼、凍latte、玫瑰荔枝梳打。每個主菜配湯或沙律。今天是南瓜湯，味道及質地是可以的，勝在濃厚。意粉質地、硬度適中，龍蝦汁味道濃郁，但是所說的大蝦確實並不大😑，而且沒有蝦味😑，只可説新鮮挺身。玫瑰荔枝梳打，個樣好靚好fancy，清新可口，不過甜。和牛漢堡，不好吃，配菜沙律未夠新鮮，有點乾水，薯仔不香口炸不透，不值一百多元。咖啡沒有咖啡香味，奶過多，整杯接近奶色。雞翼很乾身～太乾身～硬，吃得出辣味，但同時間也吃得出解凍不好的腥味。至於服務，有一位勤快實幹的男同事🙋🏻‍♂️，最盡責最賣力，落單清晰準確。另外也有一位不願做不願做的女同事🧓🏼，我旁邊的客人，不停擺手示意，也有半分鐘時間，她也視而不見，客人差點便起身跳舞叫她。整體而言可以一試，一班同事來食午餐，也是高興的。若想食餐好的，不會來這裏。

呢間餐廳前後食過兩次，之前經驗不錯，再翻啅🤣 將兩次經驗2合1寫一篇算大廈旁邊直行有貨𨋢上樓，怕撘舊式𨋢可以行樓梯嘅...我懶，撘𨋢上去基本上冇門可言，一入餐廳範圍就會見到可以購買嘅家俬、手工藝品、衫褲等。左手邊近窗係半開放式水吧位同座位。閒日lunch時間都keep住有人入嚟，人多最好訂定位穩陣。近住賣野部分嘅座位好有趣，係一個高大概80cm高嘅木台(?)，上面加個座墊。似係會用嚟做workshop嘅感覺。好處係空間感好夠，絕對唔會肩摩轂擊！欣賞！lunch餐牌叫lunch set可以揀沙律/湯，加main同指定飲品。湯每日不同，試過南瓜湯同羅宋湯。南瓜湯濃郁豐富南瓜蓉，調味剛好羅宋湯湯料豐富，香甜蕃茄味，稍稀煙鴨胸青醬扁意粉青醬稱不上香，但勝在唔會過咸。鴨胸肉份量適中，但大小不一同偏油，但夾埋意粉就剛好。和牛芝士漢堡薯角香脆夠熱有薯仔味！有油醋沙律伴碟，油醋調味幾好，唔會好酸酸到乸喉。和牛漢堡有肉汁，但不至於會食得messy，芝士比意料中好，幾滿意，但可以再熱d。熱green tea latte呢度飲品比食物出色！綠茶粉絕不吝嗇！奶泡略嫌唔夠挺，但味道同熱度好好，飲到最後入口有少少

工廈cafe越開越多,貪佢空間感大,舒舒服服渡過一個悠閒的下午就最好不過。Cafe地方好大,有傢俬可供選購,好文青feel,走進左原木生活......厚切豬味道和醬汁都ok,但煮得過老,只有邊嫰滑,但心位置太實。出奇地好味喎,麵包烘得香口,雞肉嫰滑,沙律菜新鮮,唔苦,薯條都係即炸,夠熱夠脆,有薯仔味。左邊顏色好吸引,但味道卻是右邊個杯好飲D。

1. 西班牙黑毛豬扒・薯蓉・燒蕃茄・蘋果蓉（$148）🍗薯蓉、燒蕃茄、蘋果蓉都有應有嘅水準，唯獨是黑毛豬扒🤦🏻‍♀，真係唔可以再韌啦，仲冇肉汁，好失望😫😫😫彤樂評分：3/102. 紐西蘭黑安格斯肉眼扒・炸著角・雜菜沙律（$168）相反黑安格斯肉眼扒就淋身好多，而且堅juicy，不過以依個價錢，有依個水準係應該的😂彤樂評分：8.5/103. 日式芝士明太子玉子燒（$68）玉子燒本身滑，加上芝士同明太子更creamy😋，不過都係個句啦，貴左D😅彤樂評分：8/104. 日式脆炸雞球配芥茉醬（$68）脆炸雞球就驚喜，香脆又多汁，點上少少芥茉醬就可以中和膩感😆彤樂評分：8.5/105. Oreo Chocolate Latte（Iced$44）🍫依三重碗搭都好match，飲落口好creamy口感，仲有濃濃朱古力味🤤👍🏻但就好細杯🙈彤樂評分：8.5/106. Orange Berry Tea（Iced$44）🍹飲落去好fresh，仲有茶香，可以一試😝彤樂評分：8/10

昨天晚上，同朋友來官塘呢間叫 “HOW” 嘅餐廳，佢係工廠區，可惜唔記得影相留念，果度地方唔同一般餐廳，比較特別，有嘢買，衫褲，首飾頸鍊耳環，但食物價錢就比較貴，不過來見識一下，都唔錯嘅

之前睇相，見環境好靚，就想去見識下。環境係正過啲食物嘅，你入到去，就好似入左台式cafe 咁，好樸素嘅文青feel ，坐低睇下書就一流，另外仲有木傢俬同埋飾品買，食完野去行下都好開心。 野食方面，我就覺得一般，我地叫左羊架、黑松露意粉、蛋包飯、餃子同薯條。啲野食份量好少，所以我地食吾飽，尤其班男人見到自己碟飯就嚇親，心諗點夠食，所以叫左小食。最好食係蛋包飯，豬軟骨又夠淋滑，仲要夠大份，食得飽肚。其實價錢都吾算平，所以緊係要叫個飽肚嘅食。另外套餐個甘荀湯都好飲嘅，仲要跟餐有個甜品食，係枺茶紅豆布丁，意想吾到好味，真係日式枺茶味，仲要賣相相當靚，食完就好幸福！