Honbo (已結業)

帶着狗狗來到南豐紗廠同時試吓在Openrice有很多好評的Honbo因店內空間不大，剛好坐滿人我們選擇了外賣到對出的戶外空間享用雖然店員說等10分鐘，最後等待了一倍時間有多。打開外賣盒，發現跟餐的薯條份量相當豐盛！茄汁也佔了一個外賣盒份量，完全不吝嗇（相比起連鎖快餐店）對好像我一樣的茄汁控來說相當貼心🔺芝士漢堡套餐（$128）單點$98漢堡包鬆軟，漢堡牛肉雖然口感軟滑唔鞋，但欠缺了鹹味及黑胡椒味，肉味也欠奉。唔差但又未去到好好食想回頭。🔺炸蠔漢堡套餐（$138）單點$108看到餐牌寫著「炸蠔漢堡」十分驚喜漢堡包裏面共有3隻炸蠔，但數量也不能夠填充滿一個漢堡包，令吃起來有點空氣感。原本還以為是炸蠔餅，現在吃過又反而沒有想像中咁特別。🔺薯條 （配套餐）反而最有驚喜的是薯條，薯條炸得好香脆唔油！加上份量十足，我會願意只單買薯條來吃😋.總評：薯條比漢堡出色的食店薯條的好食程度是我願意單買來吃價錢價貴，看到雙層芝士漢堡餐$188令人卻步，但同時性價比唔高出餐時間比較耐，原來也是南豐紗廠特色😆

🍔一啖咬落去，包嘅部分香軟又充滿牛油香味👍🏻兩塊2oz牛肉，肉香重夠Juicy。芝士微溶，再加埋非常薄嘅酸青瓜，酸味恰到好處，配搭其他食材嘅油香，一流😝​每啖都食到每一樣食材，比例以肉香最重，好滿足！包面烘得乾身，而食材完全唔會浸濕個包。係我心目中香港最Top漢堡！🍟薯條同汽水正常價錢：$138 ​味道：10/10 ​性價比：7/10餐廳推介程度：勁推雖然貴左少少，但Burger質素好，鍾意食burger的話，未試過呢間一定要試下！店鋪較細，繁忙時間等位時間長，要留意。

日前去左哩間被譽為全港No.1以及全亞洲top 50既burger餐廳 – Honbo🍔 荃灣哩一間餐牌選擇唔多，而且款式都係走傳統美式burger路線，除左比較特別少少既炸雞同炸蠔burger之外，其餘款式都係以最經典既牛肉patty、芝士、生菜、酸瓜、醬汁為基礎，唔同選項既分別主要都只係牛肉同芝士既分量或者有冇煙肉，所以大家去之前要留意返，如果你係追求一啲配搭同口味上有獨特性同新穎既burger，哩間就未必係你杯茶啦🧐 *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*🍔 Double cheese burger (w/ fries & soft drink 🍟🥤)($146 +$25)餡料有雙層4oz牛肉漢堡、雙層芝士、酸瓜、洋蔥、生菜同自家醬汁，屬經典既Burger配搭，但係入面每樣element都做得好好👍 麵包據講係自家製既，鬆軟得黎有彈性，冇偷工減料靠過度發酵令麵包變大同變空氣包，自然有麵包香又口感實在，再喺烤爐上烘過，面頭香脆同時增加burger既層次感。Patty牛肉味鮮香🐮 口感鬆軟，唔會一塊結實既肉餅咁，同時因為充滿肉汁，所以一咬已經同

今日南豐紗廠有市集，所以就去咗南豐紗廠到行，順便食個晏晝，喺OpenRice上面見到有呢間餐廳都幾多正評，所以就去試吓啦。今次食咗佢嘅芝士漢堡，一啖咬落去嘅時候，充滿着牛肉嘅鮮味，再加埋芝士嘅邪惡味道，簡直令到人食指大動。再加埋佢哋自己特有嘅薯寶，對上一次食薯寶都唔知係幾耐啦，本人比較喜歡鍾意食薯寶，因為同薯條比較嘅話，薯寶嘅薯仔味道比較濃郁。所以我都係薯寶嘅忠實粉絲。然之後自己再喺便利店度買支啤酒，配合埋佢漢堡濃郁嘅牛味，可以話係完美組合。而且，再加埋喺南豐紗廠嘅景觀，對住開揚嘅環境，加埋藍藍嘅天空，真係大快朵頤。

🍔Honbo 🐮《荃灣》繼續南豐紗廠覓食！終於試到攞咗全球最佳漢堡大獎之一嘅Honbo 喇 ！招牌漢堡1.5（$128）牛肉好juicy 好鬆軟好有牛肉味😋個包微微烤過脆脆地 又唔會過硬 外脆內軟🤤（三層兩安士牛肉 雙重芝士 青瓜 洋蔥 🧅自家自家製醬汁）個薯條🍟都烤得好香脆 係幼薯條熱辣辣咁😌食到停唔到口😋不過個男店員講野好細聲同冇咩禮貌咁🙄點餐時完全聽唔到佢講咩 好似唔想同你講咁 服務態度要改進下 就算多人食都唔係咁樣樣掛😐 始終價錢都唔平 🤪 食物質素好 但人質素差🤣

難得入荃灣就試下呢間全港唯一入選「2020全球最佳漢堡」嘅餐廳。12點開門，11:58分去到，望下個店員，其實我同朋友都好明顯係想入去食，但店員同我地眼神對望咗之後，迴避眼神，都唔緊要，問佢係咪就嚟開門，佢撳住電話，眼都唔望下我哋，輕輕噏頭，一副完全唔想做我哋生意咁嘅態度，其實已經好嬲。不過一心嚟到就算啦，諗住可能都係敏感。去到落單，我落完一個餐之後，只係用咗2秒望返menu，（一早諗定叫咩），個店員就又開始㩒手機，落落吓仲要橋埋對手，到底咩態度！！！！！落完單，用好差嘅態度講「坐」，呼喝我哋咁嘅態度。已經好唔開心，真係好嬲。請講返食物，超級普通嘅漢堡，夠牛又唔係特別好食，個包又唔係特別好食，份量又細，唯一可以讚嘅係個薯寶。總之我就一定唔會再推介朋友去食，因為店員嘅態度真係好差好差。全香港一定有大把好食過佢嘅漢堡。

星期日，間鋪有少少full，行埋去想叫野。指住個餐牌講左一兩隻字，男店員就一句車埋黎：堂食呀？我點頭。佢下一句車埋黎：冇位wo。我聽倒呢句呆左好幾秒。如果你一早知自己鋪冇位，正常態度就應該係：唔好意思我地未有位，會唔會考慮係門口等一等或者叫外賣。雖然話帶住口罩睇唔倒佢咩表情，但店員反應比我感覺就係“你自己醒少少，見冇位你就唔好行入黎白撞，我唔憂做你唔買外賣就快d走唔好阻住門口”因為成3點自己又未食lunch我都好餓，猶豫左一陣好唔好買外賣走，不過佢咁嘅態度我最後都係決定咩都冇買就走左。奉勸大家一句，唔想“享受”呢d服務態度就唔好幫襯呢間鋪頭。南豐紗廠大把其他選擇。

得閒嚟到紗廠又有啲餓，就嚟吓呢間出名嘅Hobo試試，本來諗住食個下午茶，不過似乎呢個餐只係夠下午茶嘅一半... 點左呢個Classic Burger ($78)，其實都算好食，肉汁豐富，亦有牛肉味，不過實在太細舊了，真係食完好似冇食過啲咩嘢咁。而且配菜只得生菜一片同包，以主打漢堡來說實在單調同失望。想健康啲食沙律，但係加$35配呢碗毫無驚喜嘅Coleslaw雜菜沙律，也不太是味兒。呢個價錢仲有罐可樂嘅，不過連呢罐汽水都係細罐版，口渴些少嘅朋友就唔係好啱。有心食漢堡的朋友，還是搭多幾個站車落葵興嗰間食吧。

喜歡閒日去南豐紗廠，人少又有特色。好友放假同我食生日飯，今次揀咗曾被評為全球最佳漢堡、亦係香港唯一一間榜上有名嘅小店，好奇係咪真係咁好食。Cheese Burger $88麵包似brioche，軟身鬆軟有牛油香，patty煎得香口，肉味略遜。Fried Chicken Burger $88相對下炸雞漢堡更有驚喜，雞肉香脆juicy，入味唔肥膩，加上特製蛋黃醬，惹味高質。Fries (+$25)薯條金黃香脆，兩人分享一份剛好。吃畢覺得的確唔錯，但你問我係咪食過最好味嘅burger又唔敢講，畢竟依樣肥仔comfort food好多地方得整得好食。不必執著，在此再次謝過好友，感激一直有你。

呢間burger 餐廳被Bloomberg選中為<2020年全球最佳漢堡>，同時又係全港最佳漢堡，我又點可以錯過呢身為荃灣友，今日我就嚟到南豐紗廠The Mills 三樓試試佢手勢我叫咗個Honbo($78) 加combo($25)，有一份薯寶加嘢飲，我就要咗罐可樂。個漢堡塊patty係手打嘅，煎嗰陣時勁香，就咁聞都知唔會差得去邊，搞到我想即刻去廚房食咗塊肉先等咗15分鐘左右有得食我先食新鮮滾熱辣炸起嘅薯寶，真係即炸，外面脆入面軟個burger係全餐嘅重點首先個包外面脆脆哋入面軟軟哋，好味然後塊手打肉份量都算多，都係煎到表面少少脆咬落幾juicy勁多肉汁洋蔥我鍾意生生哋，pickles酸少少，芝士唔會熔到唔見咗，呢個包都俾到我食完再慢慢行埋個紗廠打埋咭，咁又半日🙆🏻‍♂️

突登山長水遠去食跟餐嘅薯寶點• 知• 賣• 鬼• 晒！！！！！真心嬲！•4點鐘去到賣哂真係喊出嚟但係已經勁肚餓唯有排一排試吓個漢堡算• 我哋叫咗一個cheese burger + fried oyster burger 跟炸雞塊餐 +$45 有雞塊、汽水Cheese burger $88正正常常，冇咩特別• Fried Oyster burger $108 唔記得咗影相🙈幾特別，有3粒蠔都合理，如果有4粒口感可能會再crunchy 啲😆😆😆•跟餐嘅炸雞塊都有5塊，幾juicy 嘅•性價比一般，可以一試如果薯寶喺假日可以預多啲會好啲囉😤完

美食林立既南豐紗廠入面有呢間售賣漢堡既餐廳 - Honbo。餐廳售賣不同種類既漢堡, 今天我同同事都選擇左CHEESE BURGER + MEAL A。餐廳係採用到CASHIER落單, 然後再送餐。等咗約10 分鐘, 店員上餐。我同同事各自點了薯條及薯寶一齊分享。CHEESE BURGER - 包SIZE 算大, 中間既肉好JUICY, 不錯薯條 - 份量好多! 多到食唔晒! 薯條香脆薯寶 - 好耐冇食薯寶, 令人懷念! 一舊細細既薯寶包含好多細細薯粒, 又香又脆!餐廳坐位不多, 可能有時要等下。

喺南豐紗廠搵嘢食，見到有間睇落唔錯既快餐店，於是入咗去試下。餐牌簡單，基本上係漢堡包配飲品同小食。座位都算幾舒適，而家有限聚令，座位寬敞，有吧枱同埋普通枱，可以任君選擇。叫咗一個classic漢堡另外同埋一個芝士漢堡，配薯餅粒。薯餅粒相當特別，幾有咬口，炸得幾香，可以點上枱面上嘅蕃茄汁或者芥末。Classic burger分量正常，入邊有好厚嘅牛肉。另外仲有蕃茄青瓜等等嘅配料，牛肉有啲乾，但係都食到肉嘅鮮味。Cheese burger個人比較鍾意Cheese Burger有咗芝士嘅香濃味其他嘅配料都更加出色！個漢堡包入邊餡料幾多，相當豐富！

第一次去南豐紗廠，之前一路都沒有機會去，朋友話想食漢堡包於是我就上網搵吓啦,就搵到 “Honbo”, 原來漢堡打入咗 Bloomberg 全球最佳漢堡2020嘅名單，而且係香港唯一一間漢堡包打入呢個名單...去到之後就覺得餐廳嘅裝修佈置好特別唔似一間普通嘅漢堡包店, 有種外國漢堡包店嘅感覺由於我哋唔算好肚餓嘅緣故，就揀咗兩個漢堡包餐，一個就係招牌漢堡配薯寶, 薯寶係香港算比較罕有，牛肉漢堡每啖都有好多肉汁而且有淡淡的牛肉香味配埋芝士, 讚讚閨蜜叫咗個炸雞漢堡，炸雞漢堡嘅雞肉好厚身而且一啲都唔乾，每一單都有雞肉嘅肉汁而且是落去會唔會覺得好肥膩下次去嘅時候想試埋炸蠔漢堡

每次帶狗狗黎南豐，都會來到這間漢堡包店吃，不論是堂食或是外賣，也是這麼美味!這間的裝修好有cyber的感覺，而且可以帶狗狗一齊食!餐廳牌上有幾款不同的漢堡可以選擇!Honbo，這款是他們的招牌漢堡，內裡有兩層2安士的牛肉漢堡，漢堡扒是自家製的，所以非常有口感!外層煎到脆脆地，內裡鬆軟，牛肉味濃!加上有芝士、酸瓜、洋蔥，和他們自家製的醬汁，非常惹味!Fried Oyster Burger，黎咁多次，今次第一次食牛肉漢堡以外的burger!炸蠔唔會炸得好油，蠔肉脆卜卜，整個包有香濃的蠔味，加入了椰菜絲和明太子他他醬，有種西日的風味!炸薯條，薯條是幼身薯條，但是也有種外脆內軟的感覺，鹽份調味剛剛好，再點上茄汁，更加令人停唔到口!