Home A Day (已搬遷) 新店位置

呢排天氣勁凍，剛好係上環附近行完，見到係港鐵站隔離有間環境睇落唔錯嘅餐廳，就決定入去坐吓食啲嘢暖吓胃先。餐廳佈置文青，相當適合打咭呢，而且已經因應聖誕節而放滿一啲節日相關嘅飾品添，充滿節日氣氛。兩個人嗌咗蒜香大蝦意大利麵同意式風味嘅香脆薄餅share食。個蒜香大蝦意大利麵一上到枱就已經聞到好味嘅蒜味，成個麵係炒到勁香，而且啲大蝦都畀得好慷慨，大大隻，又爽口彈牙，相當好味。而個意式風味香脆薄餅真係好脆啊，同樣用料十足，先係蓋滿pizza面嘅火箭菜，再嚟係每一小塊pizza上面都有大大塊嘅parma ham係度，一啖咬落去真係完美嘅享受啊。飲品方面要咗杯熱嘅RosADay 玫瑰鮮奶特飲暖吓身，充滿奶香再混合住淡淡嘅玫瑰香氣，係咁凍嘅天氣下，飲緊嘅係滿滿嘅溫暖感覺啊。另外試咗啖朋友嘅Bittersweet Day紅西柚梳打特飲，係好refreshing 同埋微酸嘅感覺係好開胃，加上好多嘅果肉係入面，真係連飲品都好足料喎。另外職員好主動介紹餐廳食物，又會細心留意食客幾時食完，迅速清碟，食物同服務都好好，值得再試。

日常飯堂，閑日黎歎杯cafe打卡又得，同家人朋友黎食正餐又得。韓式泡菜安格斯牛肉炒意粉（可轉西班牙黑豚肉）$108意粉炒得好好，乾身但意粉唔會硬，唔單止得泡菜辣，仲有炒意炒用嘅香草香蝦頭油櫻花蝦海鮮粒炒飯$118比想像中大碟，份量好夠，兩個女仔食唔晒😂😂蝦油同櫻花蝦超級惹味，好香Bittersweet Day $48(Grapefruit soda)Super Raw Coconut Latte $60特濃生椰拿鐵推介😍😍😍

今次特登去到上環接我個frd收工，順便食埋晚飯🥣！行過就見到一間好溫馨既Cafe！個名就叫Home a day！回家既感覺☺️裡面裝修都係行清新少女風格，已經開始左聖誕既deco啦😉鰹魚汁燒魷魚雜菜沙律🥗 💰98極力推薦呢個沙律！鰹魚汁燒魷魚🦑味道好好，好似串燒既味，呢個汁搭埋沙律菜都好搭！作為開胃送，啱啱好☺️☺️黑松露帶子蘑菇忌廉意大利麵💰118首先就係見到佢大大既帶子係面😝真係好足料！黑松露忌廉醬汁同埋意麵一齊食，味道真係好濃蝦頭油櫻花蝦海鮮粒炒飯 💰118炒飯粒粒分明！配埋櫻花蝦，海鮮既風味！而且裡面都落足晒料，份量好大，差唔多4碗飯左右😎😎一人餐💰298紫薯栗子薯餅最鍾意煎炸嘢既一定要試試！新鮮炸出黎！熱辣辣，可以見到裡面滿滿既紫薯餡同埋栗子肉！西班牙豬鞍架配炸薯條薯條新鮮炸出黎！配既係黑松露醬😍😍豬鞍好大件！而且佢好嫩！成日都會以為豬肉好柴，但佢一啲都唔怕！有小小肥肉，不過搭配起來更加好😗😗迷你法式焦糖燉蛋細細份甜品！最後填埋小小既飢餓！飲品Sunny Day &火龍果荔枝特飲 & 紛紛櫻花椰香鮮奶特飲 & Sunset Home A Dag呢度👈甜品杯杯都有特色！我地今晚呢幾杯

收工約咗一班好耐冇見嘅朋友仔係上環見個面食個飯～朋友仔pick 咗呢間cafe ，交通位置方便之餘，餐廳嘅環境都好靚。適逢12月，仲好有聖誕氣氛🎄～仲有唔少打卡位4個人簡單叫咗一個set dinner 同埋額外再叫咗幾個美食鰹魚汁燒魷魚🦑雜菜沙律鰹魚汁撈埋雜菜沙律🥗又意外幾好食😋同幾夾，而且魷魚嘅份量都唔少👍🏼黑松露帶子蘑菇忌廉意大利粉啖啖濃郁黑松露忌廉汁，配搭煎香咗嘅帶子🥰。意粉唔淋好掛汁，而帶子幾彈牙，唔會過淋/老蝦頭油櫻花蝦🦐海鮮粒炒飯夠曬鑊氣之餘，蝦香味好重好濃。🈵️爆海鮮味。配合埋樱花蝦乾同海鮮，額外增添口感香橙罌粟籽蛋糕超級靚，而且好食，大家都爭😆。蛋糕🍰好香再撘配埋奶蓋cream ，想encore 不過太飽啦🤣Steak & Frites 套餐-紫薯栗子薯餅炸得好鬆化，入面滿滿紫薯蓉栗子🌰，香脆亦都口感唔錯-西班牙豬鞍架豬鞍架好大一份，煎得啱啱好。肥瘦適中，油香好濃，啖啖肉超正。再襯埋薯條🍟同黑松露醬👍🏼，正😄-迷你法式焦糖燉蛋一口焦糖燉蛋，微焦甜，唔會好甜而且蛋奶味足Drink Iced Sunny DayIced Hanami DayIced Bittersweet D

是日去開上環區行街後有啲肚餓，經過呢間裝修似CAFE 但TEA SET 價錢只係$58 起嘅 Home A Day而走入去試吓。🍕叉燒蛋香脆薄餅 $78以中式叉燒作為主要餡料，半肥瘦叉燒加埋半生熟雞蛋同甜甜地嘅醬汁，幾有驚喜！估唔到叉燒同Pizza都幾match。🥪特式素三文治$78以自製牛油果乳酪醬，火箭菜，牛油果，車厘茄的；最特別反而係包身唔係平日會食開嘅酸種麵包，而係類似奶油豬嗰種質地嘅包；麵包皮係好脆，再配佢嘅自製乳酪醬；當下午茶都幾好，無乜負擔。🥥Super Raw Coconut Latte $60呢度除咗食物出色，飲品亦都相當IGABLE；呢本以椰水製作嘅咖啡特別得嚟好飲又解渴。加埋啲椰子脆脆，真係超推介鍾意椰子同咖啡嘅朋友。📍上環德輔道中188號金龍中心地下1,2,6號

><裝修走cafe路線 食物卻多元化擺盤頗有心思 既美觀又好食無骨海南雞飯伴胭脂蘿蔔和鮮雪耳濃雞湯($98)特製玻璃碟用嚟放海南雞醬汁雞肉已去骨 皮爽肉幾軟腍油飯粒粒分明 富淡淡香料味自家製醃蘿蔔同雪耳濃雞湯 都好有誠意韓式泡菜西班牙黑豚肉炒意粉($108)意粉炒得乾身富彈性 香辣頗惹味黑豚肉都幾好食 唔會好多脂肪Sunny Day // 藻藍蛋白椰香鮮奶特飲($48)Present得好靚 偷食咗啖cream好正 椰香味都出鮮奶日式焙茶($46)焙茶同鮮奶比例剛好 唔會太甜膩><><><><><><><><><Home A Day上環德輔道中188號金龍中心地下1,2,6號舖

行街行到攰攰地想食個下午茶，依間有下午茶餐而且仲好抵食！下午茶選擇都多，就算唔太餓或者好餓都一定有款岩。首先揀左個迷你牛角包二重奏($58)，分別係蛋沙律同巴馬火腿。賣相靚之餘都好好食，個牛角包好鬆脆，入口好香牛油味，兩款味道都同牛角包好夾。另外就叫左個櫻花蝦海鮮喇沙($78)，非常足料，除左蝦之外，仲有青口、白魚蛋、豆卜。湯底仲好香蝦味，忍唔住飲左勁多！飲品方面，本身個餐都包嘢飲，不過我哋就加錢飲特飲，跟餐每杯減$10叫咗杯RosAday(+$38)，係玫瑰鮮奶嚟，淡淡玫瑰香配鮮奶好夾，又唔會太甜。另外就試左chill day(+$38)，係白桃乳酸特飲，飲落酸酸甜甜，好清新依間食物環境質素都好高！性價比之選。

悠閒下午茶朋友約喺上環嘅Home A Day下午茶，可能係佢住喺元朗，而我住喺港島，佢經西隧來回都好方便，而呢個西餐廳又係上環地鐵站側，位置非常方便📍我哋揀咗兩個下午茶餐，分別係迷你牛角包二重奏及黑松露蘑菇忌廉意大利麵。個迷你牛角包嘅texture 好鬆化，但佢咁鬆化又一啲都唔油膩，口感好好，一個夾住啲巴拿馬火腿及火箭菜，另一個牛角包夾住啲沙律蛋，佢係迷你牛角包，所以食咗一啲都唔滯，係個light set👍另一個黑松露蘑菇忌廉意大利麵，非常滋味，佢有啲拉絲芝士在入面，但又好多黑松露醬同蘑菇，令到啲意大利麵非常香滑，由於比得多料👍好豐富同足料，好惹味😋😋我哋再點了兩個飲品，一個係藻藍蛋白椰香鮮奶特飲，佢嘅賣相好吸引，打卡一流😃有啲食用花瓣哂在啲忌廉上面，好靚，但又好好飲，有啲藻藍、椰汁及奶的混和，口感好好。另一飲品係紅西柚梳打特飲，呢個非常令人開胃，而且紅西柚味酸酸甜甜，非常好飲😋😋餐廳環境好舒服，座位好寬敞，我同朋友可以靜靜地係度傾計，我哋都覺得係一個好享受嘅下午茶時間，並已約定遲啲再嚟食佢嘅晚餐

呢間位於上環站E1出口，一出係右手邊行兩步就見到 裝修幾靚 粉紅色為主題嘅Cafe - HOME A DAY。平時返工日子經過見到都好多人，今日專登星期日去，中上環一般都比較小人，我哋七點去到唔需要等位，店員好有禮貌 即時安排入座。餐廳食物種類選擇都幾多，有🥩扒、🍔漢堡、🍕pizza、🍝意粉、仲有估你唔到Cafe店員推介嘅海南雞飯🤭咁我哋就叫咗一個海南雞飯 $98，食物擺盤好精緻 未食對眼就已經享受咗先！海南雞已經起咗骨，有三款醬料，每款都好味！🍚做得幾好，就咁食個味道都好豐富，應該落咗雞湯去煮嘅！跟餐仲有個雞湯 飲到有好濃嘅菇菌味👍🏻黑松露蘑菇忌廉意粉 $118，我一上枱就聞到好濃烈嘅黑松露味，好香！有好多蘑菇同埋四片帶子，意粉份量都好多，黑松露忌廉好香好食。飲品方面，叫咗玫瑰鮮奶同埋日式焙茶鮮奶，玫瑰味香，焙茶味濃 真係唔錯👍🏻另外餐廳仲有晚市一人、二人扒餐，有前菜、主菜同埋甜品，如果想食扒都係一個唔錯嘅選擇👍🏻

今日行完山頂 經過上環站旁邊一間cafe停低望望 覺得入面環境好舒服就揀左佢食晚飯未到聖誕 餐廳已經佈置好 每枱都有不同既聖誕裝飾 加上有小小音樂好放鬆 好有氣氛 餐廳食物款式有中式有西式可以一次滿足唔同人既口味 金不換日式燒汁煎牛柳粒配白飯混合左泰式同日式調味 估唔到咁夾牛柳粒火侯剛好 醬汁令牛柳粒有另一番風味之餘又不失肉香另有炸蒜片 令菜式更加惹味更值得一提係跟餐的濃雞湯雞湯清甜濃郁 竟然係cafe搵到住家感覺👍🏻蒜香大蝦意粉用左較幼身既意粉 好夠入味同鑊氣材料有大蝦同彩椒，加上炸蒜片調味不錯

中上環不嬲都好多好野食，今次同Fd食既呢間睇得又食得！好多cafe都只係靚但啲嘢食真係唔好食，呢間兩樣都做到，甚得我歡心😆首先想介紹下呢個非常芝士魷魚薄餅，勁多芝士勁邪惡🥲 好好味，個餅底勁脆，芝士又軟綿綿咁口感好正！我朋友叫嘅吉列咖喱厚豬柳烏冬都幾正，係日式甜甜的☺️另外呢到既野飲都好靚好港女😆 Sunny day 係椰奶好香好飲，外型係粉藍色勁靚♥️bittersweet 都不錯👍🏻整體呢到又到菜式同環境又靚又舒服，同Fd黎傾計一定會再幫襯！

上環街道上開了一間cafe，門面為落地玻璃，內裏彩光十足，係繁忙的道路上望著中環既人流，幾寫意！下午茶set有叉燒蛋香脆薄餅中式叉燒作為主要餡料，肥瘦適中，估唔到呢個配搭又幾夾手工製特式果醬 配厚多士菠蘿迷迭香同埋綠色既斑蘭咖央醬菠蘿迷迭香食落較酸甜，而斑蘭醬則香味濃郁，什有馬拉風味！跟餐仲嗌左兩杯飲品紅棗柱圓枸杞子同Bittersweet DayBittersweet Day飲落勁fresh ，西柚配上打咭杯子，味道帶少許酸，好靚🙈

去完中環donki shopping之後諗住喺附近食埋dinner先走，同姊妹一路行一路傾，行到去上環見到一間幾吸引嘅cafe, 於是就入左去坐~環境好有聖誕氣氛，裝修都好靚，好啱同朋友嚟聚下傾計！✨Such A Cheesy Squid Pizza - 聽聞係新出品，面頭滿滿魷魚，爽口彈牙，中間勁拉芝，啱晒芝士控！我幾鍾意個汁，甜甜地幾香口，同埋個pizza底係薄脆，唔會太膩😻✨冬陰功海鮮忌廉長通粉 - 第一次食冬陰公嘅pasta, 估唔到幾夾，微辣得嚟幾過癮，加埋忌廉汁夠creamy!✨Sunny Day - 係好靚嘅baby blue, 飲落好香椰奶味，撈埋面頭d cream一齊飲好滑😜✨Berry Frosty Day - 係士多啤梨鮮奶沙冰，唔會太甜，幾有驚喜，質地幾細滑🤩

今日放工約友人一起在公司附近食dinner，見到電車道附近有間 Home A Day， 門面看起來挺精致，於是決定吃個簡餐。一進門感覺裝修十分溫馨、整潔，少女感十足，再入去已經見到有人在打卡，座位亦有卡位，闊落方便。菜單選擇都很多，價格也都正常。 金不換日式燒汁煎牛柳粒，配埋濃雞湯同中華沙律，好似一份set，十分滿足。牛柳粒煎得煎香，配白飯一起食簡直一流 ，濃雞湯暖笠笠在冬日飲也最合適。冬陰功海鮮忌廉長通粉也沒想到意外的好食，濃濃的忌廉mix冬陰功甜辣的味道，反而覺得好搭，從來沒試過如此獨特的口感。推薦！我們見到drinks當然不會放過，好多特飲都想一一嘗試。我們選擇Staff推薦的Chill Day同 Bittersweet Day，白桃乳酸飲落來非常refresh，朋友都話紅西柚梳打都好好飲，亦都不會太甜， 真是好Chill的一餐！

新餐廳，好近上環地鐵站，地點方便。餐廳裝橫是糖果🍬色的牆身培添溫暖，像回到家的感覺，好舒服。菜單有不同菜式，東南亞，西餐，日式都有，總揀到啱你心水。店員推介無骨海南雞，另外揀咗個沙律和2杯飲品。無骨海南雞🐔飯🥢🍚餐具好靚，擺盤像藝術品一樣。雞肉肥美，超嫩滑，食出雞味，醬汁有3款，薑蓉，濃黑醬油，甜酸泰式醬。我最愛泰式醬，好滋味開胃。另配雪耳濃雞湯，我一向怕飲雞湯，覺得好肥膩，意外地雞湯濃郁唔算肥，加上雪耳飲完好滋潤。Gruyère 芝士🧀青蘋果🍏紅桑子田園沙律🥗🍽️沙律菜🥗新鮮，配上黑醋，清新又健康。白桃乳酸飲品🍹妹妹話好fresh好飲。RosAday🥛天氣凍我叫左熱飲，玫瑰鮮奶，牛奶細滑，有淡淡玫瑰味。呢間餐廳食物精緻，環境十分適合打卡，配合裝橫和柔和燈光，在繁忙的一天稍稍慢活放鬆一下。