The Butchers Club Grille係一間主打牛扒嘅餐廳，有日响OpenRice見到網上book枱有主菜買一送一就即刻去試試！ 去到餐廳職員見我哋有小朋友都安排咗個較便利位置，不得不提及呢度都有outdoor位置比有養寵物嘅顧客，非常貼心。 呢度餐牌主菜就有買一送一，如果講抵食其實食burger 同埋意大利粉CP值最高，$188 就有兩樣。 但我同先生都想鋸扒就叫咗兩份bone-in strip, 每份都有340g。另外撞正happy hour 紅白酒買一送一，平均$25 就有一杯Merlot，真係超抵。 bone-in strip $358HKD(買一送一） 配菜有些少蕃茄仔，沙律菜，同半個焗到勁香嘅蒜頭🧄 牛扒夾埋蒜頭食不單增加味道層次，而且仲降低油膩感。 另外我哋仲加配咗黑松露薯條，埋單係$548HKD。 以環境、服務、同食物與 質素嚟講我都會推介大家嚟一試。 PS: 主菜買一送一只限每日5-6:30pm 🍽️ 想試就要快啲經OpenRice 訂枱喇

香港人一連四季都鍾意打邊爐，我當然唔例外。同朋友聚餐就揀咗呢間近日好多朋友試過都推介嘅「起鍋Let's Pot」～ 叫咗個二人餐乜都有啲(優惠價做緊每人$368)，包括： ✨熱浪響鈴午餐肉 ✨潮汕牛 ✨海鮮拼盤 ✨芫茜豬肉餃同韭菜豬肉餃 ✨手打蝦丸，牛丸，梅菜豬肉丸 ✨有機菜 ✨水雲麵 湯底方面本身可以揀三款，但我哋聞到隔離枱嘅「龍蝦冬陰功湯底」實在太香太吸引，所以另外加150hkd轉咗個湯底。個湯底一嚟到已經好多材料， 就咁當湯飲都得。而當日因為龍蝦缺貨，所以餐廳轉咗鮑魚比我哋，第一次以起片咁食鮑魚原來好快熟同非常鮮甜。 另外「響鈴午餐肉」都好有特色， 相信都係店鋪自創。而且係用上西班牙黑毛豬午餐肉！ 用響鈴包午餐肉炸透。呢個食物可以就咁食，又可以放入湯底比佢輕輕索下湯底後進食，喜歡午餐肉嘅人士一定鍾意。 二人餐嘅牛肉份量都比預計多，呢度係主打潮汕牛。而我哋有四款唔同部位，薄薄的涮幾下就可開食，牛味濃得嚟質地又柔軟！ 另外都要推介下佢哋新鮮包嘅餃，粒粒都大大粒漲卜卜。同彈牙手打丸，我特別鍾意梅菜豬肉丸，好似食緊蒸肉餅咁！ 以一間咁本土風又有東南亞特色嘅火鍋店其實香港唔算多，二人餐種類多元化而且食到勁飽。推介比鍾意打邊爐嘅每一位。而且呢度裝潢都好靚，環境絕對適合一大班人或者小聚會，呢度好多打卡位，不過掛住食都唔記得影，有興趣或者鍾意打邊爐嘅都絕對推介一試！ 📍灣仔駱克道37-39號得利樓1樓

不知不覺Little Bao已經開咗十年，鋪頭主打以中式包點結合漢堡包概念成名；中西合壁的食材處理手法，是餐廳特色。是日去中環區行街後晚飯時間就決定到Little Bao醫肚。 Little Bao 中環店近「勝香園」同「九記牛腩」附近；晚市6點先營業，而附近有賣手工啤同樓梯，好多人都邊飲返兩杯邊等待開鋪，我哋都唔例外Happy Hour先食小包包。 避風塘翠玉瓜 $68 新春限定小食，以中式翠玉瓜加上西式的炸魚薯條方式呈現。加埋香港特色的避風塘調味帶點鹹香辣，而面頭亦加上惹味沙律醬，外脆內軟相當滋味，是上佳的佐酒小食。 黑松露薯條$98 用魯肉飯嘅醬汁製成菇，加上黑松露沙律醬、同醃製嘅日本蘿蔔絲。送上枱時店員叫我撈埋 薯條拌勻先食。而我係第一次食撈薯條，本身濃味嘅黑松露醬，加上味道酸酸的蘿蔔絲，同埋炒得帶爽口嘅魯肉菇令到我非常開胃，薯條食落都冇咁膩。好好味同埋好驚喜。 招牌豬腩包$98 慢煮豬腩肉配上紫蘇葉沙律、芝麻醬；一啲都唔油膩因為中間夾住幾片酸青瓜同海鮮茄汁中和咗，呢個招牌包包係必點，令人食慾大增。 紅米糟板燒雞包 $108 新春限定雞包包以慢煮三黃雞胸肉加上子薑 配傳統中式紅糟醬，令個包唔會有膩感而且清新😋 清酒雪糕薑汁紅糟糖漿包$58 呢個係新春限定嘅甜品以清酒雪糕同薑汁紅糟糖混成，食起上嚟帶出淡淡清酒香氣 綠茶雪糕包$48 綠茶雪糕加上煉奶，夾響兩塊炸得熱辣辣饅頭包包內，為晚上畫上一個圓美嘅句號。 呢間餐廳有驚喜得嚟價錢亦都唔貴，絕對值得一訪再訪。 📍中環善慶街1-3號地舖

呢間由台灣廚師主理，湯料由台灣直送，務求香港人試到最新鮮同真正台式原味嘅台式火鍋♨️位於尖沙咀。 而晚市120分鐘飲食套餐價錢由$299起就可以瘋狂任食澳洲M9和牛！每位仲會送一隻活生生嘅鮑魚一隻。

我哋另加$50叫咗鴛鴦湯底:牛品秘製麻辣鍋+酸菜白肉鍋 呢度地方夠大，枱同枱之間距離好足夠，而且食材新鮮同多選。酸菜白肉鍋湯底係我暫時响任食台式火鍋食到最好味嘅一間， 麻辣鍋就帶啲油香同幸辣，會愈食愈辣。

牛肉雖然款式唔多但主要食M9澳洲和牛肩胛肉，肉質激嫩同油脂平均分布好好味，另外仲有豬肉，羊肉同雞肉任食，不過我當日只係狂食牛肉因為佢哋M9和牛太高質啦！ 而任食方面除咗好多配料同飲品之外，仲有台式小食同多款炸物；例如： 芋圓／魚蛋／香腸／鴨血／皮蛋豆腐／台式滷水豬耳／台式甜不辣／五味墨魚仔 食到咁上下仲可以自製台式甜品，材料有：仙草/愛玉/寒天/紅豆/紫米/芋圓任你自己撈。 總括嚟講呢個價錢超值仲要啲食材同肉類好新鮮，午市90分鐘食到飽亦都只係$169起，有興趣食台式火鍋嘅朋友一定唔可以錯過。 📍尖沙咀樂道32-34號1樓        

住響太古嘅我平日收工都會行超市APITA 買餸，呢度比起其他超市有更多日本產物，有時太夜唔夠時間煮亦可以買兩餸飯或其他熟食做晚餐。 而APITA 地庫裏面有一個多種類FOOD COURT；之前見佢裝修咗一排，而11月底終於以新面貌展現！ 新FOOD COURT命名為 【APITA Eatery】，多咗好幾間日本菜，包括：主打天婦羅丼嘅 揚天，Hello Teppan 鉄板！，MOS Burger，有拉麵同燒魚定食嘅 橫濱麵大將 & 百万石，Mikichiミキチカシ 味吉，神戶北の坂，匠工房秀吉，丸龜製麵等等⋯⋯種類更豐富更吸引！ 是日我哋想食和洋料理，所以就揀咗【神戶北の坂】嘅咖喱吉列豬扒飯$56同埋茄醬雞扒奄列飯$60，另外加凍飲$6 咖喱豬扒飯一上枱塊吉列豬扒出晒煙、而且都幾厚切！ 加埋啲咖喱醬撈飯簡直係一流～ 而茄醬雞扒就係煎嘅形式，相比起唔會好熱氣，而且茄醬酸酸甜甜好開胃～ 以呢個價錢快食嘅話可以話OK，而且比起之前多咗好多位，空間大咗，坐得更舒服。呢度有咁多品牌，可以做我飯堂～ 下次再試埋其他餐廳。 #Apitaeatery#Apitahongkong 📍香港鰂魚涌太古城路太古城中心二期B1/F

green waffle係好多年前我一諗到想食窩夫🧇都一定會去嘅餐廳，貪佢可能自選任配自己鍾意嘅材料，又多食物飲品選擇。 是日响希慎廣場行完街就上咗13樓嘅Green Waffle Diner 食晚餐。 草飼牛肉鑊仔薯粒$188(大份)🐮🥔🍳 配搭好豐富，而且個鑊係超熱，搞到薯粒香脆得嚟好綿密。 焗肉醬鑊仔意粉$158🔥 番茄肉醬好開胃，雖然正宗肉醬意粉沒放芝士，但呢度加咗好多芝士都一樣好食！ 自家製士多啤梨大黃醬窩夫🥞 士多啤梨大黃醬窩夫配雪糕套餐包窩夫，雪糕可以自選朱古力、雲呢拿、抹茶。 自家製窩夫好香脆得嚟份量都唔小，配埋幾粒新鮮士多啤梨，好滿足。 ＊＊＊食滿$680的話仲會即時成為VIP! 店鋪會即刻送你窩夫型咖啡羮禮合一個（連茶包一包/原價$108)，呢個窩夫型茶匙好特別！而且以後嚟食嘢仲會有會節扣優惠，今晚諗唔到去邊食就試green waffle啦。 📍銅鑼灣軒尼詩道500號希慎廣場13樓1303號舖

是日去開上環區行街後有啲肚餓，經過呢間裝修似CAFE 但TEA SET 價錢只係$58 起嘅 Home A Day而走入去試吓。 🍕叉燒蛋香脆薄餅 $78 以中式叉燒作為主要餡料，半肥瘦叉燒加埋半生熟雞蛋同甜甜地嘅醬汁，幾有驚喜！估唔到叉燒同Pizza都幾match。 🥪特式素三文治$78 以自製牛油果乳酪醬，火箭菜，牛油果，車厘茄的；最特別反而係包身唔係平日會食開嘅酸種麵包，而係類似奶油豬嗰種質地嘅包；麵包皮係好脆，再配佢嘅自製乳酪醬；當下午茶都幾好，無乜負擔。 🥥Super Raw Coconut Latte $60 呢度除咗食物出色，飲品亦都相當IGABLE；呢本以椰水製作嘅咖啡特別得嚟好飲又解渴。加埋啲椰子脆脆，真係超推介鍾意椰子同咖啡嘅朋友。 📍上環德輔道中188號金龍中心地下1,2,6號

幾年前响附近做運動就開始幫襯呢間位於西營盤B1出口嘅 Coffee By ZION。 呢間鋪主打CAFE 同美式食物，除咗有all day breakfast，pancake，意粉之外，亦都有近人超人氣 croffle！ 而我亦都非常欣賞佢地嘅加購食物，就好似車仔麵咁任搭自己鍾意嘅嘢食！好滿足。 All day breakfast +pancake+fries $160      呢份all day breakfast畀我加料加到超豐富；除咗份嘢有煙肉、腸仔、炒蛋、菇類 薯餅、茄汁豆、蕃茄同酸種麵包之外，仲有牛油香嘅PACKCAKE 同熱辣辣出爐嘅薯條。超鍾意佢哋用料上乘；啲炒蛋炒得超滑嫩，自已煮絕對做唔到呢個效果。 薯餅炸到外脆內軟又唔會太油， Black truffle linguine $98
意粉係彈口，醬汁偏CREAMY，加埋啲有咬口嘅菇真係絕配。呢個意粉收$98係超值。唔貴又好食。 Butter Croffle $68 呢個牛角包窩夫叫咗職員幫我哋後上，一上枱時真係出晒煙，唔需要太多配料都食到牛油而製嘅牛角包窩夫係酥脆可口，加埋冰凍嘅牛油同埋甜甜嘅糖醬，極度邪惡～

同先生結婚三週年揀咗响GIACOMO慶祝，揀咗佢哋以海鮮為主材嘅五道菜品嚐菜單「Degustation Menu」基本價為$1,580/位。 頭盤麵包籃送上熱辣辣既酸種麵包、芝士麵包條、芝士薄片；職員會配埋黑醋同橄欖油同麵包一齊食 前菜有煎得香脆北海道帶子，配埋咸鮮魚子醬；同小茴香。

第一道菜有KING CRAB 帝王蟹配Oscietra Caviar魚子醬；Oscietra呢款魚子醬因為收成少，所以響魚子醬內係比較稀有同珍貴，而且價錢亦較貴，而大舊大帝王蟹之下配上一份鮮甜蟹肉，份量十足亦增加咗新鮮茴香，打開食慾。 Red Prawn Spaghetti Chitarra 西班牙紅蝦意粉（+$320HKD) 招牌菜紅蝦意粉係我嚟呢度主要原因，職員話廚司好巧秒咁將意粉整便長方形令到彈牙嘅麵條可以掛起濃濃醬汁。將蝦頭嘅膏都吱埋出嚟撈埋食；會食到意粉嘅彈牙，蝦膏嘅鮮，蕃茄嘅酸，同高湯嘅甜，咁複雜同多元化味道放晒入口，絕對值得加錢試。 AMADAI 甘鯛 AMADAI（アマダイ）被品評為冬季限定嘅日本貴族魚之一，廚司以日本傳統製作方式「立鱗燒」處理，煎時用熱油一勺勺淋在魚鱗上，令到魚鱗片層層立起，食落亦都脆卜卜，魚肉質實在，魚油加埋碟中湯底融和一齊，好味。 而最後甜品部分有朱古力 梳乎厘；好耐無食呢款睇落簡單但並不容易整嘅甜品，出晒煙嘅梳乎厘超有空氣感；加埋雪糕一齊食冰火交融，另外仲有自家製PETIT FOURS 同朱古力，超滿足。 📍香港銅鑼灣皇冠假日酒店地舖

位於灣仔主打和牛扒房「BIFTECK」係主打法日料理。近日餐廳為慶祝1週年限定優惠，由而家開始到12月18日，於星期日至四晚市時段推出「C’est Pour Ma Pomme」5大超值優惠！ 就好似星期日有主打雪室熟成和牛餐、星期一任食和牛漢堡、星期二買4送1晚餐優惠、星期三任食澳洲藍青口、同埋星期四USDA Hanger Steak同Boston龍蝦意粉～ 而我是日嚟到就係挑戰佢哋星期一《A5和牛漢堡連薯條放題》 只係每位$228，就可以無限任食「迷你A5和牛漢堡配炸薯條」，呢度每份漢堡薯條都係即叫即製，新鮮熱辣得嚟係勁好味！食到個漢堡每一個部分都有細心處理過，非常好味。 📍灣仔皇后大道東202號QRE Plaza 23樓