Home A Day (已搬遷) 新店位置

9月天氣仲係30幾度熱辣辣係電車路搵間餐廳食飯 順便抖下涼一落車 見到粉紅色主調既咖啡店看似幾舒服 而且價錢唔貴 就入座了 整間店空間很大 裝修用心不論粉紅色的牆身 鏡面牆還有打卡文字牆壁 咖啡吧等等全部都搭配過 經過細緻設計雲石餐枱配沙發座位 坐得舒適 以為粉紅色餐廳就只有少女風茶點但食物種類眾多 中式西式多國菜口味在午餐時段 也有飯類意粉等等下午茶餐牌又有輕食 蛋糕類我跟朋友點了炒飯和意粉另外加2杯咖啡 價錢合理 下次再來 韓式泡菜牛柳條炒意粉 $98餐廳自創的口味，由泡菜炒香了牛柳，再混入意粉，因此牛柳條也食到陣陣泡菜辣味，而兩者很夾，牛柳條份量多，而肉質幼嫩，唔會鞋口，泡菜令意粉口感豐富，辣度剛好，而且唔會油膩，是多元化的好選擇。 蝦頭油櫻花蝦海鮮粒炒飯 $108炒飯比想像中有鑊氣，粒粒分明，由蝦味的油炒起，蝦香味撲鼻，食落還有幾款海鮮粒，唔會太鹹或太油，而櫻花蝦夠多，口感豐富，令人食不停口，意想不到的高質！ 熱朱古力咖啡 $46在中上環的其他餐廳，未必有精品咖啡，而這間除了食物多元化，咖啡也很講究，單點了mocha，拉花很幼細，用自家咖啡杯子，咖啡口感balance，入口順滑

值得更多人認識嘅Fusion餐廳🐂酸奶燉牛尾 配 漩滑蛋包飯 ➰ $98主角牛尾燉得夠晒淋，唔使咬到咀嚼肌酸軟，而且燉到入晒味，無論口感定味道都一流。另外，佢個汁真係超好味，如果淨汁撈飯，我都應該食到四碗飯，啲汁又夠味，唔會好鹹，令人食指大動。而包飯嘅蛋都好滑，飯都軟硬適中。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️🍝韓式泡菜牛柳條炒意粉 ➰ $98唔好睇呢碟意粉外表普普，其實佢好好食。用泡菜炒意粉，泡菜既惹味，又冇喧賓奪主，因為佢唔係太辣，冇蓋過牛柳嘅味道，同埋雖然餐牌上冇强調用邊款牛，但係都食得出係靚牛，夠嫩，而且冇炒過火。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️🥥Sunny Day 藻藍蛋白椰香鮮奶特飲 ➰ $48又靚又好飲嘅特飲，鍾意佢係正常甜度，都好夠椰香。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️🍹Bittersweet Day 紅西柚梳打特飲 ➰ $48見到呢杯飲品叫Bittersweet嘅時候都有啲驚，但係好彩飲落係Sweet多，又好Fresh，最適合宜家天時暑熱嘅時候飲。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️

.💛好味指數:4.7/5💛💜回頭指數:4.7/5💜上環站附近開左間新餐廳，餐廳位置寬躺，好多座位，空間感強✨✅無骨海南雞飯$88海南雞雞肉非常嫩滑，配三款醬汁，油飯味道好香，值得一試！配胭脂蘿蔔和海帶，蘿蔔係粉色用紫椰菜、糖、醋等醃製，好食👍🏻鮮雪耳濃雞湯，每日用新鮮雞湯熬製，味道濃郁😍而且加咗雪耳吸收灑雞湯精華😋呢個湯好欣賞☺️✅藻藍蛋白椰香鮮奶特飲$48好特別的飲品，椰香味好重🥥用咗蝶豆花所以成杯飲品都係藍色😍 🐻總結環境舒適，職員服務細心😊海南雞好食，雞湯非常好飲☺️📍 Home A Day (上環)上環德輔道中188號金龍中心地下1,2,6號舖

一間位於上環地鐵站E1出口新開張概Fusion 餐廳，位置非常方便同易揾。餐廳概環境可以透過落地玻璃見到裏面摩登簡約概設計，餐廳采用左粉紅色概背景令人有一種舒服放鬆概感覺。餐廳亦都有非常充足慨燈光，所以打卡慨相都非常之靚。店員概態度非常好，推薦左我地無骨海南鷄飯同金不換日式燒之牛柳粒。 首先講下海南鷄飯無骨海南鷄飯係佢地嘅招牌菜，擺盤非常之吸睛。除左用玻璃碟外，個碟都係特制嘅凹未黎放醬汁。呢個餐除左有海南鷄同油飯之外有一碗解膩嘅鮮雪耳濃鷄湯同開胃嘅粉紅色嘅胭脂蘿蔔。海南鷄肉質非常之嫩滑，超Juicy 。油飯亦都係精髓之一，有非常濃厚嘅椰子味，有D想再添多碗飯嘅感覺 金不換日式燒之牛柳粒牛柳粒肥瘦均匀啱曬我，蒜頭嘅味亦都入曬牛柳粒裏面。厨師整得非常之好，牛柳粒入口即溶。跟餐亦都附上紀子鷄湯，味道非常之濃鬱。 Iced sunny day 藻藍蛋白椰香鮮奶特飲藍色嘅野飲加上cream上面嘅花瓣最對係最佳打卡配合，除左飲得到香濃嘅椰子香味之外冰鎮嘅鮮奶最對係夏熱消暑嘅因物。

星期日去上環永安shopping，斜對面有一間好優雅嘅餐廳Home A Day ，座位舒適，格調優雅，就入去試吓啲下午茶。 我哋喜歡食清淡嘅食物，所以叫了芝士青蘋果紅桑子田園沙律，菜同蘋果紅桑子都好新鮮加咗蜜糖、油和醋，酸酸甜甜清新可口，係健康人士嘅首選。另外要了一客素三文治，三文治麵包十分軟熟，麵包上面鋪咗香滑的牛油果，配了自家製造的乳酪醬，味道一流，火箭菜、車厘茄嘅味道好夾，而且食落去係好新鮮嘅，三文治的顏色鮮艷，紅紅綠綠，味道清新，女士們一定鍾意。友人有點餓，所以叫咗一個荷香蒜蓉大蝦球蒸珍珠米，這飯都好有驚喜。飯好有蒜蓉味，而甜豉油配珍珠飯令人食不停口，大蝦球亦十分鮮甜，喺不錯嘅選擇。火龍果荔枝特飲唔會好甜，有淡淡嘅茶味荔枝味，還有幾粒火龍果和薄荷葉加以點綴，真係色香味俱全。士多啤梨鮮奶沙冰特飲嘅顏色是粉紅色好吸引，味道酸酸咪咪，奶味濃郁，友人十分滿意。下次再encore。

📍#老屎忽係上環#oldszefood #老屎忽 #老屎忽食飯 #老屎忽搵食 #老屎忽都要OT #上環返工成日經過上環見到開左間新cafe 叫Home A Day 終於有機會同朋友試下 cafe環境寬敞 燈火通明 我地足足坐左兩個鐘 傾計一流🤪🥬Gruvere芝小青蘋果紅桑子田園沙律 ($78)材料有沙律菜 火箭菜 青瓜 (青瓜刨成長片狀)等等 另外特別之處加左青蘋果同紅桑子 仲要出奇地同黑醋好夾 好開胃 appetizer 不二之選👍🏻🍕香脆薄餅 - 意式風味 ($88)唔同一般pizza，cafe採用較薄既餅底 配料有parma ham 同火箭菜 本身麻麻地pizza既我因為個薄餅底竟然都食左3塊 2個人份量岩岩好🤪🍝黑松露帶子蘑菇忌廉意大利麵 ($108)蘑菇索唒黑松露同忌廉汁 帶子煎得好香口👍🏻 Bittersweet Day 紅西柚梳打特飲 ($48)有d酸酸甜甜 西柚既酸味同梳打既甜味又幾夾 個名都幾應景🙈Rumba Day 火龍果荔枝特飲 ($48)特飲係綠茶底整成 配上兩粒紅火龍 唔會太甜 好fresh 好清新Home A Day (上環)📍上環德輔道中188號金龍中心

餐廳位於上環站地鐵一出就是，地理位置方便。充滿少女情懷嘅粉紅色裝修，店舖寬敞闊落，枱櫈都幾大坐得幾舒服。店員十分好客，用心咁介紹每一道菜色。無骨海南雞飯套餐擺盤已經好震驚，點解一個普通海南雞飯都可以擺得咁靚。有三種醬汁可以選擇。雞油飯有濃烈嘅油香味，同埋食到微微嘅椰香。肉質超級嫩滑，就算係雞胸既口感都完全唔韌。雪耳雞湯雞味好濃烈，食得出係用左足夠既時間去熬製。雪耳同一般乾雪耳唔同，入口即溶，係採用新鮮嘅雪耳，滋補養生。金不換日式燒汁煎牛柳粒套餐牛柳粒加上雞髀菇、炸蒜片、洋蔥炒成。飯既份量頗多，食晒d菜，但d飯仲有好多，啱晒食量多嘅朋友呀。Sunny Day 澡藍蛋白椰香鮮奶特飲特飲上面加左好多乾花，香味撲鼻。牛奶同椰子真係完美嘅組合，飲落去唔會太甜，所以唔會蓋過牛奶同埋椰子嘅味道。Cappuccino呢度嘅咖啡唔係拉花，而係加上乾花，陣陣花香更加出眾，好有少女心。啡味濃郁，唔會偏酸。覺得唔夠甜可以加d咖啡糖哦。

中環新派Fusion 餐廳🍽～呢度裝修充滿韓日feel，粉色系列風格好清新，舒服環境加上特色fusion菜，仲有好正cocktail🥰 韓式泡菜安格斯牛柳絲炒意粉🍝新款菜式，韓式泡菜已經好吸引，今次配炒意粉，好新穎配搭，仲有安格斯高質牛柳絲，味道唔錯，好有創意😍 無骨海南雞飯🐥配雪耳濃雞湯，雞脾肉好香滑，好似去左新加坡嘅感覺，醬料又正 香橙罌粟籽蛋糕🍮好香橙味蛋糕，入面有罌粟籽，可以提升香橙嘅味道👍，加埋芝士奶蓋好creamy好好味😋 Sunset HomeADay🍹Gin tonic 混合西柚汁同冷萃咖啡，味道香又帶點酒味，值得一試👍 Super Raw Coconut Latte☕好香Latte，再加椰子香味，仲有椰子絲可以自由加係咖啡度

最近去上環，經過一間新開既café & coffee shop【Home A Day】，見裝修幾靚pastel color，食物又多種類就試下。地點非常方便地鐵一出就到，價錢又親民。而且主打多國菜，包括東南亞、日本、中式、西式，咩都有。 無骨海南鷄飯伴胭脂蘿蔔，鮮雪耳濃鷄湯：海南鷄非常嫩滑、鮮甜，油飯味道都好濃。胭脂蘿蔔係餐廳自己腌製，微甜，一D都唔酸，仲有中華沙律。鮮雪耳濃鷄湯味道偏鹹左D，但有無味精，好濃郁。 All Day Breakfast：包括芝士豬肉腸、煙肉、煙三文魚、牛油果、番茄、茄汁焗豆、沙律、炒蛋、蒜蓉包。擺盤好靚，每一樣分量都唔少，炒蛋算係我食過好多間入面好creamy，只係煙肉鹹左D。 Gruyere Cheese青蘋果紅桑子田園沙律.蜜糖油醋醬 + 巴馬火腿：沙律菜好新鮮，蘋果同紅桑子又加左D甜味同唔同口感！蜜糖油醋醬唔會好酸、好開胃，巴馬火腿鹹鹹香香，不過略嫌cheese有D少。 甜心鮮菠蘿特飲：超濃既新鮮菠蘿肉同菠蘿汁再加少少茶底，好refreshing，好適合宜家仲熱既天氣。 火龍果荔枝特飲：火龍果非常清甜，但唔係好飲到荔枝味，都係有茶底！

在上環永安對面新開的多國菜餐廳。 剛剛開業兩星期，捧場客非常多。 第一次同朋友試咗咖哩牛腩蛋包飯和牛尾蛋包飯。都很好食。 牛腩很冧。服務非常好。大廚還過嚟問我們食後感, 滿意否？我們當然如實報道。還問大廚有什麼必吃菜式？ 他說是海南雞飯。所以第二次去，就是試了海南雞飯，果然名不虛傳。 賣相超美，雞已去骨，才$88。唯一美中不足的，是要等齊人才可入座及沒有午市套餐。不過加飲品只需加$12。 總括而言，是非常滿意的一頓午餐。推介!

好幾次經過這間cafe透過門口落地大玻璃見到幾吸引想入去試試今日終於踏出第一步入去試一下摩登簡約嘅設計令人坐得好舒服打工仔嚟呢度食晏或者夜晚約朋友都非常適合嘢食係中西fusion菜 而且真心好食最欣賞蝦頭油櫻花蝦海鮮粒炒飯($108)炒飯粒粒分明 滿滿嘅櫻花蝦真係好香大蝦和帶子都切成粒狀 仲有粒粒嘅露筍完美和炒飯混合 真係堅好味酸奶燉牛尾配漩渦蛋炒飯($98)薄薄嘅炒蛋覆蓋香軟嘅白飯酸奶和番茄煮成嘅醬 感覺有點像咖哩同牛尾好match 牛尾唔算好腍但係夠入味冬陰公雞中翼($68)係一字骨唔太辣 食得出有冬陰功味 炸得香脆 好快就食曬雖然係cafe 但係有酒提供 仲有自家調配三款cocktail除咗大路嘅果味cocktail試咗另外兩款espresso martini 和 a little tipsy兩款都大大力推espresso martini($98)如其名 重咖啡味感覺比較野性和剛烈 酒味濃 調配得好a little tipsy($88) 有baileys和熱鮮奶分量調教得剛剛好 質感細滑又飲到baileys味雖然成分簡單 但真係好啱飲

放晏同同事試吓新餐廳，裝修靚，環境舒適！我點了海南雞飯，雞湯好味！盛器超大，幾驚張枱放唔到，但賣相用心！整體用餐體驗不錯！唯一是....餐廳要求人齊方可入座，呢點確實令人不爽！lunch時間大家都趕頭趕命又點會專登霸住張枱，同事先到，如果佢可以先就坐幫我點埋餐，整體用餐時間可能比我地等齊人入坐再揀餐短！ 希望餐廳可以認真考慮吓唔好再定呢個咁不合時宜又令客人做成不便嘅規則啦！最後，如果能主動為客人提供水咁就好喇！真係最後，一位負責添水嘅男職員好有禮，讚呀！

Home A Day 上環E1出口附近，好容易搵到。店舖簡單嘅設計，坐得舒服。最令我難忘嘅係，主廚除咗食物好食，佢都放心思在擺盤上，飲品都好靚。1)芝士青蘋果紅桑子煙三文魚田園沙律，蜜糖油醋醬我好鐘意青蘋果🍏做沙律，食落好清新，沙律菜落左蜜糖油醋醬好開胃。2)無骨海南雞飯伴胭脂蘿蔔(好靚嘅粉紅色胭脂蘿蔔👉係自家製)店內有得買番屋企食😋鮮雪耳濃雞湯，好好飲，有埋雪耳好滋潤嘅湯水 。海南雞好滑溜，配搭三種醬汁好滋味，胭脂蘿蔔酸酸地好好食😋3)自家製牛油果乳酪醬，火箭菜、牛油果、車厘茄你望吓😍有益好食又靚。4)飲品泡沫咖啡，咖啡上面放左食用花，好靚唔捨得飲😝白桃乳酸特飲，用碟豆花所以係紫色，又係好靚，乳酸飲品好解渴，係夏天之選。

《休閑chill正多國菜💕》———————————————#HomeADay 🏡-返工lunch time經過呢間新開張嘅餐廳，就喺正電車路上環站出口， 十分方便～佢嘅門面已經好吸引，裝修典雅，粉色系嘅color tone令我少女心爆發💖 小店環境寬敞空猛，老闆娘同店員都幾好客，用心向我哋介紹菜式🧡-🐣 無骨海南雞飯呢款就係佢哋嘅招牌菜，無骨海南雞口感完全不韌，肉質嫩滑，鮮味十足😚 擺盤好靚，啱哂打卡📸 旁邊仲配有粉紅色嘅胭脂蘿蔔，十分爽口，零舍開胃👍🏻 另外仲有碗鮮雪耳濃雞湯可以解膩，雞味非常濃郁，相當足料😙-🧡 冬陰功海鮮忌廉長通粉呢款長通粉好有驚喜，配搭好特別，將泰國同西餐Fusion埋一齊🇹🇭 忌廉長通粉口感濃郁creamy，再滲出冬陰功香味，互相嘅平衡做得好夾之餘味道又唔搶😚-小店嘅特飲亦好出色，士多啤梨鮮奶沙冰叫Berry Frosty Day，鮮甜美味，充滿果香，質地幼滑🍓另一杯菠蘿梳打特飲就好清爽，飲得出係以新鮮菠蘿製成，可以連埋果肉一齊飲🍍-🍫 Baileys 朱古力芝士蛋糕配忌廉最後又點少得食返個甜品，揀咗佢呢款自家製Baileys 朱古力cheesecake ，口

今日喺上環同朋友食個晚飯, 餐廳個裝修都幾靚, 坐得非常之舒服店員介紹咗兩杯咖啡, 一杯就係Coconut , 而另一杯就係冷泡咖啡Coconut Milk Coffee Latte 棕櫚糖椰香咖啡拿鐵香醇椰奶交織法國鮮奶油， 濃郁口感的厚重乳香滋冷萃咖啡, 有股淡淡既威士忌既酒香，喝起來絲滑綿密，不必加奶和糖，AFTERTASTE 感受到朱古力既味道, 回甘, 口感複雜飲完咖啡之後, 再食兩個main course, 第一個就係海南雞飯, 再配上一個海南雞嘅湯, 香濃嘅雞湯, 再加上雪耳, 增加口感海南雞, 雞皮脆肉嫩甜美多汁，吃起來超有彈性，掀開油油亮亮閃閃發光的雞皮，還能發現裡頭藏著一層厚厚的雞汁，凝結成果凍狀，滑嫩順口就正正係咁啦!配上用雞汁煮的雞飯，米飯吸了飽飽的高湯雞油粒粒分明, 滋美無窮!另外免治牛肉漢堡, 個size非常之大, 厚切嘅免治牛肉, 有1.5吋厚度, 咬落去非常之多汁, 香脆內軟, 肉味非常之香濃, 真係值得一讚, 再加上香脆薯條一配搭着他他醬汁一齊食, 滋味無窮