影片
營業時間
今日營業
11:00 - 22:00
星期一至日
11:00 - 22:00
*Last Oder: 22:00
以上資料只供參考, 請與餐廳確認詳情
有關獎賞計劃
相關文章
令人失望嘅用餐體驗早排同朋友去咗間新開嘅餐廳，本來諗住可以嘆返餐正嘅地道泰式美食，點知成件事變晒樣，真係失望到爆。我哋叫咗一份豬肉條，上枱嗰陣樣就OK嘅，但一咬落去即刻皺晒眉——鹹到出晒面，簡直似係倒錯咗鹽咁，好懷疑廚房根本冇試味，求其煮完就拎出嚟。跟住嗰碗冬陰功味螺絲粉更加離譜，以為酸酸辣辣幾開胃啦，點知第一啖已經有陣怪味，有腥臊味，完全唔似冬陰功口味，亂咁混嘢落去煮出嚟咁。個淡淡蟹肉咖喱飯蟹肉完全唔見蹤影 性價比好低 最後嗰杯珍珠奶茶直頭係打擊——啲珍珠根本未煮熟，冇彈性冇口感，好失望。總結：成餐飯又貴又冇質素，服務態度仲差過快餐店，成班人好似趕住交更咁，無笑容，無講多謝，咁嘅服務真係唔掂，難怪香港飲食業咁差啦，食物冇心機整，味道亂晒籠，真係冇乜誠意。如果唔改善，肯定冇人會想再幫襯。價錢唔合理，兩個人食五百幾蚊，食物質素差到令人心情低落。
繼續閱讀
最近同朋友去咗啟德零售館嘅Greyhound Cafe食飯. 環境寬敞舒服，裝修簡約有型，佢就在啟德主場館旁邊，睇完演唱會都仲有宵夜食，夜晚開放至1AM。鮮蝦帶子墨魚汁麵，麵條吸收咗墨魚汁嘅鮮甜，味道層次好豐富，而且帶有微辣。蝦同帶子都係啖啖肉，彈牙又Juicy，口感好夾。炸紅鯛魚配紅咖喱醬，魚皮炸得好香脆，魚肉嫩滑中帶點鮮甜，啱啱好保持咗魚嘅鮮味。餐廳嘅紅咖喱醬好入味，帶少少椰香，醬汁同魚肉完美結合，令每啖都好冧。嗌碗泰國絲苗白飯撈汁食粒粒分明，中和返濃味嘅主菜。飲品方面，我地叫咗泰國椰青，椰青水甜而清新，飲落去好解渴，能夠中和辣味同咖喱嘅濃郁，感受到自然嘅鮮甜。
繼續閱讀
今晚同幾位朋友一齊食晚餐，見到唔夠2成檯有客，但係唔知點解OpenRice就book唔到。我哋每一個人叫咗一碟嘢，所有嘢食都係兩個字嚟形容：辣、鹹。無論我哋嗌咗冬陰功意粉、pad thai、魷魚、炸雞、豬頸肉，每一樣都非常之鹹。食完之後全部都要不斷飲水。食物細份，我哋七個人食完之後都唔夠飽。飲品方面，有嗌到泰式檸檬茶、西瓜同埋芒果沙冰，全部一般發揮。空間夠大、舒服，我哋都坐耐咗去傾偈，但係嘢食真係唔OK。
繼續閱讀
之前夜晚參加完活動后經過啟德主場館，係出面見到呢間落地玻璃好，環境好chill甘，就約左fd去食。開到1點都好少見喔。去到環境格局裝修非常好，可能因爲離地鐵站有D距離所以不多人但約大班朋友來應該幾開心，不多人又不會限時！散叫左幾款食物，發揮得幾好。🌶泰式辣炸鷄：非常有驚喜，炸粉好薄，每塊鷄裏面仲有洋葱，正。🦐鮮蝦炒金邊粉：金邊粉幼身，更加惹味，大蝦都多🥬泰式炒通菜：呢個好好食，超有鑊氣，而且辣辣地非常開胃龍眼冰成半杯龍眼肉！值得叫👍🥢Greyhound Café (啟德零售館2) 🌏九龍城啟德承啟道38-39號啟德體育園啟德零售館2 1樓M2-112號舖
繼續閱讀
餐廳地點位於啟德主場館附近如果有演唱會同大型活動舉行餐廳更會營業至凌晨一點 好啱睇完show過嚟食宵夜餐廳仲會播返開show歌手嘅歌 超有氣氛✨招牌脆炸單骨雞翼單骨雞翼炸到酥脆 香口惹味✨炸越式蟹肉春卷春卷外層脆卜卜 內餡飽滿彈牙包生菜 配上酸酸微辣嘅醬汁食 清爽開貴✨馬沙文甜咖喱牛肉咖喱濃郁帶甜 牛肉軟腍入味揀左配印度煎餅 份量唔少印度煎餅 熱辣辣上枱 外酥內軟 沾上咖喱汁 都幾夾✨蒜蓉包一客兩件 蒜蓉包長形厚身 焗到外脆內軟 蒜蓉香氣突出✨ 招牌椰子千層蛋糕椰子千層蛋糕 層次唔錯椰子忌廉清香厚滑 班戟皮薄濕潤中間夾住爽口椰子肉 口感好豐富✨椰子雪葩椰子雪葩 雪葩質感綿密帶少少冰感 唔易溶 味道清甜總結：食物可以 菜式選擇多環境服務唔錯 價錢可以
繼續閱讀