Greyhound Café (啟德零售館2)

營業中

休息中

令人失望嘅用餐體驗早排同朋友去咗間新開嘅餐廳，本來諗住可以嘆返餐正嘅地道泰式美食，點知成件事變晒樣，真係失望到爆。我哋叫咗一份豬肉條，上枱嗰陣樣就OK嘅，但一咬落去即刻皺晒眉——鹹到出晒面，簡直似係倒錯咗鹽咁，好懷疑廚房根本冇試味，求其煮完就拎出嚟。跟住嗰碗冬陰功味螺絲粉更加離譜，以為酸酸辣辣幾開胃啦，點知第一啖已經有陣怪味，有腥臊味，完全唔似冬陰功口味，亂咁混嘢落去煮出嚟咁。個淡淡蟹肉咖喱飯蟹肉完全唔見蹤影 性價比好低 最後嗰杯珍珠奶茶直頭係打擊——啲珍珠根本未煮熟，冇彈性冇口感，好失望。總結：成餐飯又貴又冇質素，服務態度仲差過快餐店，成班人好似趕住交更咁，無笑容，無講多謝，咁嘅服務真係唔掂，難怪香港飲食業咁差啦，食物冇心機整，味道亂晒籠，真係冇乜誠意。如果唔改善，肯定冇人會想再幫襯。價錢唔合理，兩個人食五百幾蚊，食物質素差到令人心情低落。