Green Orange

五月之星生日lunch，今次揀左食西餐，係OpenRice見呢間咁多好評，一於試呢間上到去地方不算大，枱放得好密，但勝在樓底高，不算好嘈吵午市套餐可以揀沙律或湯，我揀了沙律，但沙律醬稍為多左，咸左d同酸左d燒紐西蘭肉眼扒配黑松露燒汁及薯菜，我地點了medium，但全部都overcooked，加上塊扒明明話肉眼但都好多筋，我諗大家可以想像到塊扒係又幾咁難咬，唯一安慰係個汁同薯菜都不錯BBQ醬燒豬肋骨伴酸菜及烤薯，份量都幾大份，但同事話個醬汁唔係咁岩佢口味😅味道就真係無好評所講到咁好食，呢度午市免加一就相對中環的較平，fat pooh覺得整體一般

朋友介紹到上環晚飯, 位處商廈的二樓, 有這間 Green Orange餐廳氣氛滿有情調, 尤其有特大的窗戶, 藉著燈火看著幽暗的街道, 別有一番風味幾位朋友各自點了自己的喜好, 首來的麵包, 軟綿綿的, 最重要是帶著微溫, 加分這個是非常喜歡的燒北海道帶子藜麥沙律伴柚子橙香醋汁, 不論是主角北海道帶子, 還是配菜的藜麥都十分好味, 尤其今晚的 dressing 柚子橙香醋汁, 令整碟沙律的鮮味與香甜味提升雞肝醬拼黑毛豬多士香檳啫喱, 黑毛豬咸香, 啫喱裡的香檳味濃郁, 未入口時還以為只是淡淡的, 加上表面的花瓣香味, 吃得滿口芬芳非常濃稠的虎蝦海鮮濃湯, 原隻虎蝦外還有蜆介, 濃郁海鮮味黏糊在嘴裡,  愛剎了這濃濃的味道黃金蟹肉意大利飯, 當大家將這飯放進口裡時, 都大大的意外, 因為非常好吃; 以為只是意大利飯, 可是 texture 卻像蟹粉, 也像流沙,  軟綿香滑, 完全不像平日吃的 risotto ; 每啖都充滿蟹香, 微微的熱溫帶出海苔與藏紅花的味道, 這個飯完全是意料之外的好吃.燒美國頂級安格斯西冷扒, 肉味濃, 比較喜歡這裡將安格斯燒得帶微焦, 吃起來更加香口; 還有

幾個港島友約晚飯，要放工快快到，選定上環，揀 Green Orange 因為好一段時間無食扒，再加餐廳响正地鐵站格離，散水都一樣超方便。食扒前點都要食啲菜蔬，煙三文魚凱撒沙律，三文魚大大片、羅馬生菜健康又有益，煙燻味香；一份梗係唔夠一班大食積啦。所以叫多個燒北海道帶子藜麥沙律伴柚子橙香醋汁，帶子上枱搶眼，橙香醋汁撲鼻，入口習鮮、甜、酸、爽口、彈牙味道口感。美味沙律開咗即來個開胃頭盤 雞肝醬拼黑毛豬多士香檳啫喱 雞肝醬味道不下鵝肝，塗上多士食，味道一流，不過最有趣既味道係香檳啫喱；軟淋淋嘅香檳都係第一次食。但係全碟最愛始終都係黑毛豬火腿，火腿、油脂香味一次又一次嘅咀嚼不斷於口腔內滲出，真係好享受咗成分幾鐘嘅口舌之欲。蟹肉南瓜濃湯 蟹肉、南瓜甜美。唔知係咪太為食，同檯嘅虎蝦海鮮濃湯香味太吸引，試咗啖，下次來一定要會再叫自私飲。燒美國頂級安格斯西冷扒，五成熟粉紅色剛剛好，牛味香，重點係非常有口感，十分軟熟，點唔點醬汁都咁好味！全晚食到想連碟底都舐埋嘅就係 黃金蟹肉意大利飯 黃金蟹肉味道完全同食蟹粉冇分別，佐意大利飯真係好味到冇得彈。大棚人食飯最開心就係可以食多幾味，所以加叫多份 酥脆香草碎果

今次我哋一行四個人約食飯, 其中兩個朋友好鍾意食西餐,大家諗咗好耐都唔知約去邊度食飯好, 喺記憶當中, 我一年幾之前去過呢一間位處於上環嘅Green Orange, 我對呢一間西餐廳嘅印象十分之好, 而今次食飯嘅其中一位朋友, 佢之前都有嚟過呢一間Green Orange, 而佢都係話呢一間餐廳環境十分之舒適同埋嘢食都做得好好, 咁我哋就異口同聲地決定再嚟光顧呢一間餐廳!餐廳門口餐廳內在環境餐牌餐包呢度嘅餐包軟硬適中,唔會太硬又唔會太軟,暖暖地,味道唔錯!雞肝醬多士拼黑毛豬火腿伴香檳啫喱呢一道菜嘅配搭十分之有特色, 簡單啲嚟講呢一道菜主要有三樣嘢,第一樣嘢就係黑毛豬火腿, 第二樣嘢就係雞肝醬, 第三樣嘢亦都係最有特色嗰一樣嘢就係嗰個香檳啫喱啦! 黑毛豬肉質唔錯有咬口, 雞肝醬嘅味道十分之濃. 香檳啫喱十分之有特色,口感煙韌, 有濃沃嘅酒精味道,加上佢配搭咗乾玫瑰, 入口嘅時候有一種奇特嘅清香感.煙三文魚凱撒沙律呢一道煙三文魚凱撒沙律, 沙律唔會太過鹹或者太甜而涵蓋咗生菜嘅鮮味. 三文魚嘅份量十分之多, 肉質豐厚帶有少少嘅煙燻嘅香味! 酥脆香草碎果仁焗羊架呢一個酥脆香草碎果仁焗羊架, 我

Green Orange早前放工後同老婆去「樓上」買野，對面有幾間餐廳，揀左間試下。樓上舖，都幾骨子！煙三文魚凱撒沙律：厚得來又唔會太咸，沙律菜新鮮，好爽脆。我鍾意佢唔會太多醬，調醬適中！燒美國頂級安格斯西冷扒：賣相幾吸引呀！五成熟。外脆內軟又多汁，又有牛味。仲好窩心咁都幫客人切埋一片片，最啱我呢種懶人。香煎白鱈魚伴昆布忌廉汁：鱈魚肉質嫩滑，燒得剛好，唔會熟過頭，個魚皮好脆。昆布忌廉汁幾特別，同鱈魚好夾，帶出鮮味朱古力布朗尼伴雲呢拿雪糕：重量級甜品。布朗尼有啲似蛋糕，配埋雪糕食，平衡返個甜味。又熱又凍，好盞鬼點左兩杯飲品：檸檬梳打+凍朱古力

最近經常流連中上環，星期六午餐時間，出名或食評推介的食店通常大排長龍。這家餐廳很多好評，但意外地今日只有三幾枱客人，十分清靜。一進來看到整排落地大玻璃窗，充足的自然光感覺很舒適。窗邊加上黑色鐵欄柵，深色木餐枱椅，柔和的燈光，懷舊吊扇，配上悠揚的純音樂背景，大白天都感受到不一樣的氣氛，相信晚上一定更有情調。服務很周到，遞上餐牌後介紹是日餐湯，每道菜適時奉上及收碟。食物味道及份量也叫人滿意，椰菜花忌廉湯香濃順滑，餐包的多士好脆。雞肉南瓜寬條麵，雞肉煎香過，麵的軟硬口感適中，配料的什菌新鮮爽口多汁。醬料有南瓜的香甜，但吃起來有淡淡的羊奶酥味，可能是芝士的味道。是日甜品甜品為檸檬撻，配上熱咖啡，很完滿的午餐。

平日收工去食晚飯，因為男朋友都係中環覆診，所以就經openrice book左位係上環食飯。位置的確很不錯，近上環A出口，以前在附近上班卻未試過。初初睇食評感覺唔錯，因為都想食西餐，但實際同想象太大出入。服務及食物其實很一般，客人已經不多。不過環境係寧靜的，飲下野傾下計都唔錯。首先，跟餐沙律，不過不失。男朋友叫的咸豬手，皮太硬，不是脆的那種，肉還嫩不錯的。蟹肉飯，用紫菜作裝修有點奇怪，因為紫菜跟蟹肉飯的味道不太配。跟餐甜品，如圖，真的很普通。總括而言，試過同一幢大廈的兩間餐廳，呢間確實令人很失望，環境的確不錯，但食物質素或菜式要改善。

早前放工後去樓上買野，對面有幾間餐廳，揀左間試下。店舖細細，但都幾舒服。餐前麵包：點橄欖油同醋食，開下胃先煙三文魚凱撒沙律：三文魚唔會太咸，厚身，沙律菜新鮮，好脆。我鍾意佢唔會太多醬，唔膩燒美國頂級安格斯西冷扒：賣相幾吸引呀！五成熟。外脆內軟又多汁，好正喎。又有牛味。最好就係已經切左一片片，唔洗自己切香煎白鱈魚伴昆布忌廉汁：鱈魚肉質嫩滑，燒得剛好，唔會熟過頭，個魚皮好脆。昆布忌廉汁幾特別，同鱈魚好夾，帶出鮮味朱古力布朗尼伴雲呢拿雪糕：重量級甜品。布朗尼有啲似蛋糕，配埋雪糕食，平衡返個甜味。又熱又凍，好盞鬼點左兩杯飲品：檸檬梳打+凍朱古力

係上環返工都一段時間了，都係第一次黎Green Orange，係一間非常有情調既餐廳，就係上環地鐵站出門，好就腳，坐得舒適，店員又有禮貌，幾適合情侶黎傾計呢。餐包預留了每人一個，每款都唔同的，可以同朋友分享交換。微温，我自己覺得都好鬆軟，個包本身已經好夠味，但配埋黑醋同橄欖油就更加香口了！忌廉白酒酒煮青口 $128呢道菜既sauce簡直係今餐既MVP，同朋友都大讚呢！賣相十分，個汁用黎點餐包都好夾，非常creamy又帶微微既酒香，青口每隻都很飽滿嫩滑又juicy有口感。醬燒美國豬仔骨 $238煮得超級軟腍易入口，BBQ醬也很適中，酸酸甜甜夠開胃，吃起來不會太狼狽，加分。份量很大，3個人吃得有點吃力（其實係叫得太多野食），但味道不錯，還是有吃光。黃金蟹肉意大利飯 $178呢個飯都超級surprise的，因為平時中過太多蟹肉菜色既伏了，但呢到既蟹肉份量多到好似唔洗錢咁，感覺上蟹肉就黎多過risotto了，好滿足！risotto都煮得夠軟熟，入哂味，讚！鵝肝醬烤菇闊條麵 $168汁既味道同份量拿捏得剛好，同闊條麵好夾之餘又唔會搶左風頭，事關闊條麵既蛋香同彈性都好出色。好creamy好易入口呢

好朋友在港島工作，一於走出九龍，尋找更多好餐廳。今次選了上環一間樓上西餐廳，和朋友吃個飯，聚聚舊。餐廳內裝潢別出心裁，環境非常舒適，加分加分。點了個燒北海道帶子藜麥沙津。燒帶子十分新鮮，底面香脆可口之餘，帶子不會過熟而破壞鮮味。沙津新鮮醒胃，健康之選。再來便是忌廉白酒煮青口。這前菜令人十分驚喜，賣相有趣之餘，味道也不平凡。每隻青口體積都不少，滲滿嫩滑忌廉汁之餘，還散發著微微白酒香味，非常滿意。接著便是整晚高潮，燒美國頂級安格斯西冷扒。我們叫的是三成熟，剛剛好，外表煎得十分香口之餘不會有燒焦味道，輕輕潵上海鹽和黑椒突出牛扒本身肉味。只能說肉味十分濃郁，肉汁能充分留住，入口嫩滑而不韌，口感一流，而且配菜也一絲不苟，顏色鮮豔而烤得十分香口，我們都給這道菜滿分。最後點了餐廳推介特色甜品火焰香蕉配雪糕，非常特別又有動感，適合打卡。再次想讚賞這餐廳對每款菜式都用心烹煮，充滿誠意，環境設計也花盡心思食客吃得舒服又提供一流的氣氛，服務更是五星級，比滿意更滿意。

自從上次公司聚會食左Green Orange既risotto就念念不忘，餐廳咁近公司，上星期收工就相約友人去encore蟹黃risotto。主菜是配餐包的，我食左個提子包，口感鬆軟，提子乾香甜，個包用黎點忌廉白酒煮青口個sauce更加好食。忌廉白酒煮青口（$128）- 個sauce好香濃creamy，搞到我地不停食個汁，青口新鮮大隻且肉厚，喜歡。黃金蟹肉意大利飯 （$178）- 食過好多用蟹肉蟹黃做主題既菜都係擺少少蟹響度就當係，但呢個真係好足料。蟹黃蟹肉完全唔腥再配上名貴香料藏紅花，每啖飯都煮到入哂味，好好食呀，同食完都好飽肚。鵝肝醬烤菇闊條麵（$168）- 好creamy同順滑既感覺，菇既味道同鵝肝醬好balance，闊條麵有彈性蛋香，好食。餐廳環境雅緻，坐得舒服，枱同枱之間有適當距離，好適合情侶或三五知己黎把酒聚會。為左個risotto同意粉我會再黎😀

難得我和朋友都可以準時下班，當然要食一餐好的晚餐慶祝一下啦。 我地想了一陣子，決定食這間Green Orange。店舖雖然不算太大，但是都坐得相當舒適，幸好我們7點左右就到達，之後全舖都坐滿客人。看到menu後，我們決定點燒北海道帶子藜麥沙律柚子橙香醋汁，脆焗豬手伴蜜糖芥末醬，大蝦闊條麵配藍芝士忌廉汁和甜品火焰香蕉配雪糕。首先上菜的沙律十分開胃，醬汁酸酸甜甜充滿果香味，還配上燒到十分香口的帶子，好味！接著上菜的就是焗豬手，店員好細心問我們需要切好嗎，豬手切好後十分好不用自己切到好狼狽，表面層皮和他的名字一樣，十分脆，再點蜜糖芥末醬，十分惹味，會忍不住不停吃，而且豬手份量都很大。而大蝦忌廉闊條麵，由於他是配藍芝士，所以平一般芝士忌廉濃郁十萬倍！一進口充滿芝士香味十分驚人，而且大蝦真是很大😂，質感爽口，味道鮮甜。最後已經很飽了，但是都還要點一個甜品來畫上完滿句號，意想不到，十分有效果！餐廳會調暗燈光，再在我們面前倒火，雪糕著火了！！冰冰的雪糕再配暖暖的香蕉，簡直是完美配搭呀！！

放工相約同是港島區工作的朋友吃晚飯，坐叮叮到上環感覺很悠閒寫意。餐廳位於大廈二樓，離電車站不遠很好找。面包味道很好，配上油醋醬更添美味。先點了白酒煮青口和安格斯西冷扒，照舊medium rare。前菜白酒煮青口賣相很好，每隻肉質都很飽滿，散發出陣陣酒香，能帶出青口的鮮味，忌廉也令青口入口更嫩滑。西冷扒上桌前已經切好，厚薄適中，方便跟朋友一同分享。牛扒介乎三成到五成熟之間，肉質軟腍而且肉味濃郁。紅酒汁味道也不錯，但直接吃更能吃到牛扒的鮮味。值得一讚是伴碟蔬菜也一絲不苟，顏色配搭好看之餘，調味也恰到好處。單憑這個西冷扒已值一個好評。之後再點了豬手和鵝肝白松露烤菇risotto。豬手外皮做得香脆，表面看起來比較乾身，但肉質仍很細滑，加上豬手本身的膠質，及香而不辣的蜜糖芥末醬，口感非常富層次。risotto上的鵝肝很大塊，切開後可見呈淡淡粉紅色，香煎過後入口軟滑，口感細緻綿密，油脂也很豐富，配上白松露意大利飯是尊貴的享受。意猶未盡再點了一份甜品。Brownies較為乾身，是Cakey brownies的類型，朱古力味重，配上雪呢拿雪糕和伴碟水果甜而不膩。一整晚在舒適的環境下和好友聚餐，實在是人

星期五晚去上環接朋友放工上環真係好多特色餐廳友人因為上完大陸工幹，所以好掛住西餐之前聽同事講過呢間小店風高質西餐廳七點多去到已經坐滿人好彩我地兩位易搵位姐！餐廳環境很有情調，好適合情侶拍拖燭光晚餐😎坐低後侍應送上餐包，暖暖的，配上意大利醋同olive oil可以醫下肚仔先😽Menu上食物種類繁多心思思乜都想食，但人少少點左：（1）燒北海道帶子藜麥沙律柚子橙香醋汁 $118身為菜菜子既我當然要叫個沙律！帶子四片，燒得剛剛好，無overcooked，新鮮彈牙，海鮮味仍在，配試柚子橙香醋汁好開胃！蔬菜新鮮爽口，藜麥比想像中少，但由於佢係starter,都岩，唔好咁飽肚！（2）脆焗豬手伴蜜糖芥末醬 $238Menu上帶👍🏿。每次食豬手都好驚會咸到要洗腎，但呢隻豬手連怕重口味既我都覺得Impressive!豬手外皮焗得脆皮乾身、內裡肉汁仍在，肉身幼嫩，配上Honey Mustard讚！另外我好中意墊底既grilled vegetables 🥬（3）香煎鵝肝伴白松露烤菇意大利飯 $188身為Carbs精，唔食澱粉質唔會夠飽！Risotto份量十足，芝士忌廉松露毫不吝嗇，鵝肝厚度都有>5mm

今日去左上環睇中醫，睇完就帶老婆食好野。我係openrice 搵到呢間餐廳食評唔錯，所以就同老婆黎食。先上左兩個餐包，兩個都係熱ga，個皮香脆，但又唔會硬，所以忍唔住成個食哂，無留肚食主菜。 脆卜卜豬手伴蜜糖芥末醬：皮脆肉嫩，上菜既時候仲係熱到出煙。豬手唔太咸，配蜜糖芥末醬食就剛剛好！全熟安格斯牛扒：我不嬲食牛扒都食全熟，但全熟都可以咁淋，而且一d都唔韌，呢間餐廳既牛扒真係做得好出色。榛子蛋糕：食完主菜，當然要點返個甜品。本來以為係海綿或磅蛋糕，嚟到先發現除咗蛋糕之外仲有榛子忌廉夾心，口感豐富。