Green Common (The Forest) (已結業)

Green Common呢個名，聽就聽過好多次，但就從來未試過。意想不到嘅係原來自己經常與GC擦身而過而我竟然唔知有呢間素店嘅存在。GC位於旺角波鞋街入面最新果棟建築物Foreset,(Addias樓上果間商場入面)。一上扶手電梯向右邊直行就到。環境⭐️⭐️⭐️GC場地以簡約為主，木枱+硬凳。雖然個setting唔會坐得太耐但起碼燈光夠光猛，地方夠乾淨。價格⭐️⭐️⭐️⭐️一睇GC個Menu，以西方食物為主：沙律，薄餅，漢堡包。感覺好似以前Tripple-O既食物風格。但整體上價錢唔算太貴，每人大概$80-120應該夠飽。食物⭐️⭐️⭐️⭐️今次由店員推介咗試佢地最貴嘅「未來漢堡Plus」，未知推介有否受價錢影響。不過Menu張相係幾吸引嘅。因為我比較大食所以加多$15要埋薯條。共$123。未來漢堡Plus入面有未來漢堡扒(素)配半隻牛油果，素🧀，🍅，🥬。個配搭係Ok嘅，漢堡扒夠厚夠實，有口感👍🏻👍🏻👍🏻(試過一啲好失敗嘅素扒，又淋又鬆👎🏼👎🏼👎🏼)。Burger個size唔細，所以店已經好細心咁幫客人切開一半，方便進食。呢個burger好啱大胃嘅男仕，女仕就稍為over咗少少。而薯條都夠新鮮，脆口。Ove

今日終於都去咗試聽聞已久嘅未來漢堡， 去咗旺角奶路臣街 分店， 環境都幾寧静雖然鋪頭細細， 但係坐位都幾舒服， 同埋亦有一排排賣健康食品嘅好似入咗去一間迷你健康超級市場， 我點咗未來漢堡， 未來熱狗， 日式炒烏冬，七色藜麥沙律， 大約十五分鐘就可以自取食物， 未來漢堡望落去真係好似牛肉漢堡， 而且加咗黑松露鮮茄 但係咬落去仍然好重豆味， 當然同真牛肉仲有好大段嘅距離， 未來熱狗 嘅味其實同漢堡一樣， 不過好在有茄汁芥辣 加咗落去就好味好多， 未試過嘅都值得去試下嘅， 都幾有新鮮感!

想食清啲，又想食好食西餐，黎依間Green Common就啱曬，佢喺香港素食界既地位都算數一數二。佢地既招牌菜「未來漢堡」十分出色。本人每次tum朋友試下素食，都會帶佢地去依度食漢堡，衝擊下佢地思維等佢地知道素肉都可以整到好真、好juicy不過今次唔食漢堡啦，試下佢地其他主食先！▪植物蛋照燒碗 $86終於食到依個好多人推薦既植物蛋照燒碗喇！✨植物蛋係由綠豆蓉做成，其實食落無想像中似真蛋😂但都不失為一pat好食既「蛋」。佢無真蛋咁滑，但佢比真蛋更綿，而且豆味唔濃烈，亦比真蛋少一份油膩感。蛋底下係照燒汁調味既蔬菜同份量超多既紅米飯，又有營養又飽肚，真係食到勁飽😇▪焗葡汁植物雞配黃薑米 $79先講下佢地既植物雞。Green Common既素豬肉總係令人耳目一新，但素雞卻非常平凡，係中式素食鋪用果種素雞，食落似豆唔似雞😂（明明佢地賣野食個凍櫃有款好食既素雞條）不過食落都算有嚼勁既，滿足到素食者想咀嚼既欲望😎淋喺面頭既葡汁好澎湃，黃薑米亦都整得唔錯，而且我鐘意佢配埋大大舊蔬菜，夠疊馬！如果焦邊多啲就好喇▪紫薯沙冰 (+$38)跟餐加錢轉紫薯沙冰，飲落rich得黎好順滑，紫薯味超香濃🙊

唔想食太飽，啱啱好經過GreenCommon，見到有啲小食，可以試下！新豬肉推出咗一段日子，喺純素蛋白質配方，來自碗豆，非基因改造大豆，冬菇同米🤩.炸植物魚塊薯條 $482大塊魚塊加脆脆嘅薯條！薯條脹卜卜，外脆內軟熟，咬落去感該好似食緊薯蓉條咁🤣朋友就話鐘意呢種感覺🤗茄醬膳良肉丸 $42素肉丸食落無咩味道，所以面頭有芝士，同埋個底有濃蕃茄味嘅茄醬😍幾特別嘅感覺🤣燒汁炒雜菜（小） $22有粟米菇菇粟米仔蘿蔔絲同菜，都幾香口同健康嘅一小碟，唔好以為細細碟嘅炒雜菜，其實個底都幾多！都夠食㗎啦🤪

didn't have much time going out and mostly busy with job and work. lets go eat and break one break.going to this restaurant and relax a little bit...ordered a burger but cant realise what is the name and they make it not normal...so pls refer to menu...good taste I am telling, and seat is good drink is refreshing...staff is good.all fine!Green Common  旺角奶路臣街17號The Forest 1樓110號舖

喺香港好少試素食餐廳 中午時間點左兩個午餐 西式蘑菇湯 食得出一粒粒蘑菇 真材實料唔係溝野 我就點左白汁雞皇飯 個素雞真係外表做得好似 似到第一眼覺得係真 連雞肉嘅纖維都模仿到 不過味道始終有少少出入 但已經做得好好比較差係個通粉同汁 食得出溝左好多麵粉 味道麻麻另外朋友點左魚漢堡 我試左半個 值得推介好驚喜！ 可能包埋其他汁同個素魚炸左 個味道做得好好味近少少睇都覺得咬落去好似真嘅魚跟餐飲品方面可以選擇蕎麥茶整體來講素食餐廳算做得唔錯 價錢有少少偏貴 下次可以試埋牛肉

去收銀落order，等no. 自取收銀比我感覺都係hea，求其，唔係想理我咁。試食埋發覺啲野食好難食，同想像中好有距離。不過口味好主觀，但我個人覺得真係唔岩食。韓風牛肉碎薄餅6吋：個素牛，食到肉碎入面仲係粉粉地，硬硬地，韓國風就係有小小泡菜辣粉味咁，感覺啲材料野同個pizza完全唔夾，唔好食！未來熱狗腸磨菇炒意粉：個名改得好聽，但就好難食，食到差啲想嘔，揀個蕃茄麵，伏極都唔會太差。碟野有陣酸臭味，一食落口，一陣怪酸味，完全唔係蕃茄陣味黎，好奇怪嘅味道。好彩有個熱狗中和下，有啲黑椒味搶下味，如果唔係我實食到嘔。如果唔信可以去試下，食到好失望。我唔知佢本身個味係咁，定係失手，唔會想再幫襯濃香紫薯沙冰：好好飲，但係好貴！！！單買要$5x，睇你接唔接受到啦，我試一次就算。

一直以來都好中意佢哋嘅未來漢堡，今次轉下新意思，試下新博多拉麵。雖然無了解個名點解叫博多，但第一次試拉麵，感覺唔錯。首先拉麵嘅軟硬適中，係我中意嘅幼拉麵，個湯底都有味嘅，唔係淡而無味。另外，都有加咗新豬肉落去，不過唔係好多，而係球狀的，少少辣辣地，總體拉麵不過不失，加上今次去會員有九折優惠，十分抵食。另外試咗用燕麥奶沖嘅咖啡，對牛奶敏感嘅人都可以轉用燕麥或杏仁奶沖調。咖啡味道濃郁，無俾燕麥奶嘅味道蓋過。Green common成日有多優惠，加上有幾間分店，食物同產品都大眾化，會員跑素咭嘅積分又可以當錢嚟用，真係要繼續支持。

員工服務態度囂張，櫃檯收錢員工經常板起面孔 。如顧客是外國人，態度良好; 如是本地人，總是板起面孔。看似素食係高檔食物，本地人不配購買。green common由上環第一間鋪開始，員工服務態度已不友善。好懷疑此公司究竟如何訓練員工，是否特別提倡素食是高檔食物，一般人不配?櫃檯員工從來都以不友善態度回答本地人嘅提問，如是外國人，面容就會有180度轉變!請green common 重新檢視為何提倡素食，素食不應是樸素簡約嗎? 而且green common嘅產品價格，從來都比外間任何一間素食食品公司買同一款產品嘅價格為高! 令人懷疑究竟green common 嘅宗旨是如何。

嘩，樂樂雞有半價，買左兩盒黎食！原價32蚊，而家$15.9一盒！好味道！一盒有5隻，炸得好脆，素雞肉口感真係有 d 似真雞肉。點埋 d 醬，食落口其實同真嘅麥樂雞無太大分別，但我覺得仲脆 d 添。叫左兩個醬，我就鐘意 honey mustard 多 d，BBQ 醬個味濃 d。我地係外賣攞走，由旺角坐巴士去尖沙咀，應該都超過半個鐘，但食嘅時候仲係好脆。相信係個粉漿度，下左唔少功夫半價好抵食，係好好食嘅，但原價就會再考慮下 lu...

見之前出左素炒蛋既宣傳，就黎到Green Common食，點知去到先知每日限量發售，唯有試其他🤨叫左個素牛同素雞午餐，麵同湯底方面冇咩特別。素牛同素雞既肉質似真既肉，但太濃味、香料味都好重，食素其實都係想食light 同fresh d😕今餐食完好頸渴......最後我地都叫左個Cheese Cake，🥥重椰奶味，但唔係好夠凍，質地又唔夠硬身，似mousse 質感，亦都唔抵食🍰 整體令人失望😕暫時都唔會再去食......

7月10日，暴雨。今日約左個好耐無見既跑友去睇球鞋、食飯同睇戲。去到旺角既Forest 度醫好肚先🥰作為素友既我，當然拉朋友去Green common度做入門既推介啦😉有Beyond meat 可以齋口唔齋心一野丫嘛🤘🏻😜同朋友一樣，都係叫左Lunch set：日式咖哩牛肉飯配香麥奶茶+一客like facebook就會送既新豬肉椰菜煎餃子😊講左個咖哩飯先😉日式咖哩微甜，沒有辣味，最岩小朋友食😉（即係我😅）白飯既米都香濃，粒粒分明，煮食時間剛好，最起碼係完整，唔係爛飯😜Beyond meat做既牛肉漢堡扒，像真度高，口感都似肉類，而唔係豆類做既素肉。而且切既時候會有點似剛煎好既肉，內有微紅感。香麥奶茶：茶膽用左捷榮既茶黎沖，香濃茶味，不錯！麥奶既味道係好香既麥味，配上茶味，就會有點似日式麥茶加奶，但又無飲奶既膩感，可以飲多幾杯都唔會覺得好濟😊新豬肉椰菜煎餃子：新豬肉既感覺都真係好似真既豬肉，加上調味，真係會有點分唔出食緊素定肉啊😊餃子皮算薄，煎香後亦不會有韌的感覺。評分先👍🏻日式咖哩漢堡排飯 4分香麥奶茶 3分新豬肉椰菜煎餃子 3分

首嚐green common嘅餐飲位於旺角The Forest嘅一樓，成個環境都green。order左兩款餐🍔未來漢堡Deluxe +🍟薯條🍜新博多拉麵 + 🥛豆乳.近期素食大行其道，勁多素食自助餐其實係green common食一個set同自助午市價錢都差不多🤣不過就唔會因爲任食，食over左quota.bookmark左greencommon一段長長長時間終於來一試佢個未來漢堡係磨茹同牛油果之間掙扎左下決定試試個Deluxe先即係磨菇餡🍄比牛油果🥑個款平10蚊左右.磨菇🍄一上手已經好香 食落都好香口一啖咬落去菇味同漢堡好夾！煎得好香！漢堡肉嘅texture都好似真肉咁, 咬開有juicy嘅感覺！有豆味, 夾埋芝士, 火箭菜味道很好👍🏻🥳.而博多拉麵🍜素拉麵配素豚骨醬油風味湯底飲落同平時拉麵湯底都幾似😳而且無咁重油！麵嘅質地都彈牙, 唔會一patpat🥴配料新豬肉碎, 粟米, 木耳, 筍。佢仲有得加錢配昆布同泡菜，不過一樣要+$8有點貴喔！杯豆漿都好香濃豆味重！好喝😋.食物都幾值得一試食完感覺係幾輕巧無食肉咁油膩同頂胃 個人覺得很可以💕不過再食未必會order拉麵，性價比感覺低d😝

素食餐廳越開越多，但要整得好食並不容易。呢間素食餐廳主打高仿真度的‘‘素肉’’，果然十分高質👍🏼未來漢堡 Classic $78加素芝士片 +$12未來漢堡扒是這個漢堡包的主角，味道帶濃濃肉味和燒烤味，非常有驚喜🤩如不說也會覺得這是肉🤭但其實這是由碗豆蛋白和其他香料製成的素食。素芝士亦感覺和真的沒有什麼分別。其他材料用料新鮮，在味道上整體配合算不錯。當然唯一分別是少了真正肉類會有的肉汁，而且感覺用了不少增味劑，食後口中殘留一股人工製的鮮味。炸薯條 +$15薯條連皮炸，份量十足，薯條質地佳不會太粉或過油。 未來漢堡咖哩飯 $78這是用了未來漢堡扒製作的日式咖哩飯。咖哩汁不辣而且帶甜，汁中加有秋葵和紅蘿蔔，可惜咖哩汁偏少不夠撈飯。飯混入了紅米感覺健康。整體料理技巧不算高，性價比偏低。新豬肉椰菜煎餃 免費 (like fb page)老實說，新豬肉和真正的豬肉味道上分別不大，在煎餃這類亞洲食品中發揮出色。新豬肉同樣用了碗豆蛋白，亦有大豆蛋白、冬菇和大米等材料。與未來漢堡相比，新豬肉似乎在製作食物時可作的配搭更廣。

第一次食green common 平時都有食素習慣 但好小食素肉 叫左個咖喱🍛素扒飯 好好食 個素扒煎到邊邊有濃濃地 好香 唔似真牛扒 但味道真唔差 加上脂肪含量低 卡路里含量低 健康選擇！不過有一點乾 要伴咖喱一齊食 4/5⭐️⭐️⭐️⭐️另外叫左照燒素蛋雜菜飯 d汁好好食 不過唔夠多 令到底下既飯較乾 d菜特別係西蘭花overcooked 過分淋 菜既份量亦唔係好多 另外 素蛋望落真係好似雞蛋 食落唔太差 但亦唔算係好食 味道好似豆腐 但質感亦真係有d太軟同鞋 2.5/5⭐️⭐️環境乾淨 服務態度ok （唯一係收銀員態度比較淡 無笑容 亦無答我問題）