Green Common (The Forest) (已結業)

腸胃炎完想食清D於是揀咗green common望哂成個menu似乎豆乳擔擔麵最清所以就叫咗而男朋友就叫咗未來漢堡咖哩飯擔擔麵望到先醒起擔擔麵係辣⋯⋯同自己本身原意（食清D）有D唔一樣但都冇辦法食落冇咩豆乳味，甚至唔覺有豆乳反而滿口都係「擔擔味」可能同期望有D落差，所以都幾失望漢堡飯相反，男朋友呢個惹味好多咖哩份量夠，撈飯都冇問題（既然都清唔到，所以我都食咗幾啖）肉應該係用豆做，唔會好鬆又唔會好實口感剛剛好

Green Common植物蛋照燒碗☺------Bookmark左好耐嘅green common終於食到啦！ 去左旺角the forest嘅分店點左最想試嘅植物蛋照燒碗☺賣相真係好吸引 唔同嘅蔬菜有唔同嘅顏色好colourful 飯素+照燒汁亦都好香！植物蛋仿真度非常高 而且份量仲非常大份 植物蛋嘅成分係綠豆蓉黎 雖然食落口感無真蛋咁滑 但就少左一份油膩感 唔會食到好滯 好好味蛋下面仲有好多菜 例如茄子 蘿蔔 西蘭花 椰菜花 雜菌 仲有我最中意嘅蟲草花 我覺得食落好似金菇haha~另外飯底係紅米飯 夠曬纖維 配埋照燒汁撈黎食真係perfect☺好滿足嘅一餐☺--------$82Rating:  9.5/10

有一日想同朋友一齊試吓呢一間專食素嘅鋪頭，於是就好快walk in入咗去！原來呢間餐廳係自助形式，先去counter落單，然後坐係位度等，在自己去攞餐食！咁似我哋叫咗個西多士、蘑菇湯、炸魚薯條同埋葡國雞飯！西多士入邊有花生嘅餡料，熱食唔錯！炸魚薯條都算正常，不過我搵唔到有茄汁。不過，除咗西多士同炸魚薯條之外，其他食物都令我有啲失望。首先講吓個蘑菇湯，佢將啲蘑菇打得好碎，而且佢加咗蒜頭係入邊，令成個湯都好重蒜頭味，飲咗一半就停咗啦。葡國雞飯係令我最失望，我第一啖食落去就即刻放返低支匙羹，講咗一句「好難食啊」，就冇再食過成碗飯，因為飯入邊有浸怪味，完全唔似平時食開嘅葡國雞飯，啲葡汁都唔係咁嘅味，我已經覺得難食到唔識得形容，總之大家去嘅話就唔好食啦！

未來熱狗$68 🌭️ 係素腸 基本上唔講都唔知唔係肉 味道一流 好juice 真心推介....海南雞飯$78 素雞口感似豆腐mix腐皮 配豪油最夾 飯加薑黃最香口..七色藜麥超級碗$89藜麥係超級健康食材 夾口無味 再配唔同顏色既蔬菜水果係非常有益 可惜我唔太好 9成藜麥 1成其他蔬菜🥬 如果比較係4:6會好味好多....藍莓蘋果$28 比較稀清唔會太甜太酸......青檸薄荷龍舌蘭密$38比較酸比甜 味覺刺激較大 但好飲的....

自從當上素食者後，這是我最常去的店鋪之一！這裡有大量種類的素食糧油雜貨，以及急凍食物和零食。買得多還可以選擇送貨上門，十分方便。這邊還是一家餐廳，有all day breakfast，午餐，晚餐。我點了一個植物海南雞飯吃。質感就是素雞，似是大豆做。我覺得還好吧。另外我還試了植物魚塊加薯條，就是fish and chips.這個我十分喜歡，不過始終多油，都不可以多吃。最後，我點了豆漿喝，這也是我喜歡的。臨走前，我買了兩包牛油果薯片回家。這個卡路里很低，吃了也不內疚。

未來肉這個名詞聽了很久， 一直想試但好似好貴，今日終於可以一試。其實未來肉食會否成為未來的肉類唯一選擇，我個人覺得唔出奇， 因為污染實在太勁，動物數量又越來越少， 自己都想過好不好茹素。之前留意過廣告，街訪，講到分不出真假咁勁。今日嘗過，口感不錯，個差距很近，但味道...說實的，豆味同菇味怎會認不出？ 但以素食來說已經很高汁，很想跟身邊朋友分享這個喜悅。BTW, 個🍚、個汁一流👍🏻✨ 杯泡沫杏仁奶很吸引，當然，正豆嘅豆漿也不差。 這間餐廳很令人期待

約左朋友食晚餐，友人們說想食素，本身真係有點卻步，因為本人無肉不歡，知道如果係全素既餐廳點點肉都冇得食！但唸唸下都係試一次，如果真係唔岩食未下次先唔好再食點知抱住個麻麻地既心態反而有驚喜～餐牌因爲冇影到，所以唔記得d名，但佢既menu 選擇係唔多既！呢個藜麥沙律有好多料，味道都唔錯，睇相都知豐富，份量都好大，三個人share岩岩好！呢個茄汁意大利麵係我最欣賞既，好開胃，而且味道都唔差！呢個飯只可以講大份又健康，唔太岩我口味，因為都偏向清淡，好多蔬菜～總括黎講，食物既質素係唔錯，如果想食得健康一d，又唔想太dry，呢度會好適合～

相信大家都清楚，如果星期日想外出吃晚餐而沒有訂位的話，就是除了等還是等。兔子和友人都不想等，而友人也是一位素食者，最後想到了the forest內的green common！選擇正確，大把位！兔子是次點了新產品：未來漢堡咖哩飯。因為不是第一次吃未來肉了，所以不會太驚訝於未來肉的口感，就是素肉的口感啦！重點反而是一試它的咖哩，咖哩味香濃，也有不少配菜增加口感，唯一缺點就是可以給多一點咖哩汁吧！友人點的是：植物蛋照燒碗。友人說想嘗植物蛋很久了，終於可以一試和真雞蛋的分別！最後得到的評價是：口感和味道比較像豆腐呢。而且照燒汁也可以多一點吧。我們點了肉丸小吃share，加上大量茄汁後，素肉丸真的和真肉丸分別不大了。晚餐＋$18可選湯、飲品、沙律等。兔子點了有機豆漿，友人點了這白雪雪的泡沫杏仁奶：白如雪的baby cino味道很不錯，喜歡杏仁奶的朋友可以嘗嘗！旺角green common走的是自助點餐的模式，座位也是開放式的，自己找位置坐的那種。如果想輕鬆吃一餐，和友人談天說地也不用擔心限時的，這裡確是一個很不錯的選擇。

第一次食素肉漢堡🍔beyond burger $108，同普通漢堡冇乜分別，入面有素漢堡扒、牛油果、生菜同芝士等，漢堡扒幾厚身，同真肉好似，如果同左真肉比較，始終會冇咩肉香，但唔算太乾身，成個burger口感都好豐富😛😛.Beyond sausages spaghetti 係蕃茄意粉🍝，帶小小嘅辣味，意粉爽口，腸仔同樣都係素肉黎～.四川麻辣植物雞 ，麻辣雞係用豆腐整，味道幾似口水雞架，不過我就覺得太辣🤪🤪.牛油果亞麻籽杏仁奶昔，第一下覺得呢杯飲品係好通便🤣牛油果味道creamy，口感濃厚！😝.📸Green Common地址：旺角奶路臣街17號The Forest 1樓110號舖..

Green Common 是我和家人經常光顧的餐廳, 他們提供很多不同類型的新式素食餐單, 使非素食者也可以有很多選擇。今天我和兒子， 友人點了三個餐，葡汁芝士焗薑黃飯配紫薯杏仁奶：很喜歡焗飯的純素芝士味道，即使不是真芝士，但也有入口即溶的感覺。而紫薯杏仁奶是我最愛之一，淡淡的紫薯香味配上杏仁奶，不太甜，很好渴。膳良意粉兒童餐：這是我兒子每次到Green Common必點的兒童餐。意粉用的新豬肉（素肉），口感和味道真的媲美真豬肉。兒童餐配上的素蟹餅，蘋果撻和泡沫杏仁奶也滿足了兒子的食慾。米走雞薑黃飯配餃子，絲韈奶茶：這個是午市套餐，性價比很高。薑黃飯，膳良肉餃子也很好吃。而奶茶配的是健康燕麥奶，健康得來又好喝。最後，如果餐廳可以再提供 毛仔救兵魚柳漢堡兒童餐那便好了。

新年過後肥左好多，約朋友食飯，我地2個女仔都話要食得清淡D，所以我提議食素。不過係香港食素嘅餐廳，一係唔好食，一係勁貴（而且好多都好油）突然諗起有段時間我好愛Beyond Burger，都已經好奈冇去食，最後決定去食Green Common啦！對上一次去旺角呢間分店都起碼半年前，記得當時好爆，要排隊拎飛等位。今日再去，竟然仲有好多空位客人，我地仲可以研究坐邊好！餐廳空間都大，有一半位置係堂食，另有一邊擺放素食食物供客人購物。(有自家品牌beyond burger 的”肉扒”賣，但當天缺貨）堂食都分左2邊，圖下呢邊裝修主要用木系餐桌，整個裝修俾人一種舒服Feel。另一邊近出餐位就坐得逼D，個人覺得冇甘好坐。餐牌款式多左好多選擇，之前食過中餐款（焗豬個D），個人覺得好普通，所以除左必食的Beyond Buger，另外叫左新出的意粉。餐牌仲細心甘有純素，無蔥蒜的標示，仲有一頁介紹返個素豬肉係收銀落單後會有個”餅”俾你，佢響左就可以去出餐位拎，水同餐具都係出餐個到。先唔講服務，講食物：Beyond Burger：仍然好好味，好似真係食緊肉扒，真係好好奇點做！朋友完全係驚嘆mood , 不過同我

素？也可嘗出肉味經朋友介紹 就一試這家西式素餐廳一般素菜給我的感是 甜，膩，齋但這家完全讓我改觀環境: 座位不多，簡單的間隔，有一邊高枱面向街景，優靜舒服用膳。食品: Beyond burger($108) + fries ($15)賣相跟普通漢堡沒分別，此漢堡包🍔夾有生菜，淡芝士，素漢堡扒，牛油果。淡芝士味香滑，素漢堡扒真的抵讚！ 居然有肉的味道，而且亦十分juicy，口感跟medium 的牛扒相似，另我多次懷疑它是否真肉漢堡扒十分厚，配料十足！Beyond sausages spaghetti 番茄🍅醬加少少辣味，惹味十足！意粉爽口彈牙，素腸？真的有香腸味令我再次懷疑我吃的是否是素。總結，素都可如此出色，值得一試！

跟死黨老友相約聚餐，大家一路上講吓健康嘅重要性，老友就帶我去呢間自助式餐廳。聽老友講呢樹係用上「新豬肉」，所謂新豬肉其實係素製嘅肉，質感似豬肉。零殘忍，純素，非基因改造，不含膽固醇，無添加，含膳食纖維，卡路里含量與飽同脂肪含量都比真豬肉少，含鈣量同含鐵量比豬肉分別高。良豚煎餃四件 $28當然係用上新豬肉，肉質真係同真豬肉一樣口感，餃子香口，點上醬汁，美味。茄醬肉丸 $42第一時間就諗起 IKE.. 傢品店裡嘅肉丸。呢樹一樣肉味十足，惹味多汁。絕對值得一試！七色藜麥超級碗 $89食健康餐，又點少得食藜麥，含胺基酸，營養補充，配上羽衣甘藍，紅腰豆，健康致上。未來漢堡 Plus $108新豬肉漢堡扒多汁，再夾上新鮮火箭菜、蘑菇及番茄，加配新鮮牛油果，醬汁啖啖濃香滋味，老友同我都無法抗拒牛油果亞麻籽杏仁奶昔 $38又係我致愛牛油果，但今次係杯奶昔，估唔到質感都幾 creamy，但唔太油膩。以前食親中式齋總係油炸，肥膩指數極高，係香口，但對健康就打了折扣。今餐就真係唔同，唔再係齋口唔齋心，正確嘅健康餐才是皇道。

仲記得第一次黎呢度朝聖，係為左個素食煎釀三寶。配埋豆乳麵，連我的非素食朋友也為之驚艷，覺得非食不可。今次有事黎旺角，重臨舊地，叫了個show me your love ：粟米肉粒飯是也。因為是快餐，幾分鐘就食得。賣想吸引，但口感呢...我覺得老人家食會覺得好好。唔知是否因為過左lunch time，飯焗耐左，明明係紅米飯，都可以好鬼淋。配埋粟米蓉，畀老人家食真係一流。佢個西蘭花又好野，翠綠色但又入口即溶。係d肉唔夠淋 XD。茹素廿幾年，我都唔記得小時食豬肉的味道，但呢個肉粒，口感同細個食肉的口感一樣！所以本能地食剩好多。我覺得肉食朋友可以一試。

之前去過海港城的Green Common，試了幾款素食，頗喜歡，今天在旺角搵食，決定帶朋友來試試其他菜式。旺角這邊的Green Common，餐桌跟零售貨品在同一空間，一到繁忙時間都幾多人，幸好我們早過lunch hour 少少到，這樣才輕鬆找到座位。叫了兩個lunch set，我的海南雞飯及朋友的口水雞湯麵。海南雞飯，有三種醬汁：薑葱蓉、辣椒醬&豉油，為素雞增添不少風味，不過都被飯搶去風頭！黃薑再加上少少香料味，這個飯讓我吃到停不了口！怎樣可以如此開胃？好想學點整啊！朋友的口水雞，辣汁分開上，自己可以調整想點幾多汁，我試了一點，都幾惹味，配上素素的湯麵正好可以中和辣味，非常好！