Go Dutch Cafe

營業中

休息中

今日同老闆行去旺角見客，到夜晚時候老闆話有一間樓上西餐廳幾好，因為佢之前同佢老婆食過，都話好好食！所以決定帶我朋友食完再收工返屋企！我哋入左去發現餐廳以休閒，簡約cafe作裝飾重點，地方勁寛敞，有舒適卡位比大家選擇，仲有不同類型雜誌同card games俾大家食完飯一齊玩下，欣賞完環境之後我地叫左個二人set dinner，首先上嚟係煙鴨胸凱撒沙津，塊塊鴨胸又大又厚，配上酸酸甜甜既秘製沙津汁，非常開胃，之後上既菜係金沙大蝦咸蛋意粉，意粉既軟硬度剛剛好，好有口感，配埋層層咸蛋碎同一隻隻大香蝦，感覺好特別又惹味，絕對值得推薦！我地仲order咗個另一個廚師推介既”龍蝦汁帶子蟹肉意粉”首先講佢個賣相已經一絕，金黃色既帶子配上厚厚蟹肉已經夠搶鏡，外型絕對拍得上出面既米芝連餐廳！之後開始慢慢品嚐、發覺個龍蝦汁非常特別，除左有龍蝦既鮮味，仲有啖啖既忌廉香，呢個汁配上意粉，仲有原隻帶子，非常啱口味，互相襯托對方鮮味，最後我地意猶未盡，仲叫左叫提拉米蘇作為飯後甜品，為一日辛勞工作畫上完美句號。大家有時間一定要嚟試試！

好喜歡去登打士廣場食cafe可以安靜地同朋友傾吓計嘢食一般都唔差今日就去咗位於10樓既Go Dutch Cafe一入門口就有一餐好特別嘅燈可以講係個幾好嘅打卡位枱上亦擺放左好多旅遊書啱晒下好似安然我鍾意旅行嘅人坐低左見佢有呢個二人set可以揀一款小食兩款主菜，兩杯野飲，同兩個甜品小息我哋叫咗個芝士焗薯條主食就叫咗個軟殼蟹意粉同燒春雞應該玄學蟹好香口，意粉啲汁都好好味隻燒春雞超大隻我係劈雞都冇力嘅女人等待朋友切好俾我🤣🤣🤣🤣甜品就點左朱古力窩夫我點左杯玫瑰沙冰好好味呢度啲嘢食又靚，又好味最重要係環境for傾計..非常舒適仲有大量boardgame可以玩下次會再嚟

今日同朋友去左間cafe傾計食飯，環境幾好，坐得幾舒服。見到2人餐幾抵，又多野食，所以我地點左。我地叫美式煙肉黑松露焗大蘑菇，完全落足哂料！唔單止落左好多煙肉，連黑松露都好多，好香。而且焗得岩岩好，一咬落去果吓，大蘑菇非常多汁，好juicy! 特濃龍蝦汁帶子蟹肉意粉。佢地餐廳自家製嘅龍蝦汁配上啖啖帶子肉同蟹柳條，令人回味無窮。自家製黑松露燒春雞配薯蓉。雖然等左一陣先俾到我地，但一上台就嚇親左，估唔到俾左成隻雞我地，份量十足！雞肉唔單止好鮮嫩，一啲都唔油膩，而且黑松露味道非常濃郁，薯蓉都好多。另外，我地叫左熱情果沙冰同金桔檸檬星鑽玉露。兩杯飲品都好大杯，好fresh。星鑽玉露係呢間餐廳特別推薦，吾會太甜，玉露好爽口。最後叫左藍莓芝士蛋糕同朱古力曲奇蛋糕做甜品。藍莓芝士餅芝士蛋糕口感一流，配埋藍莓夠哂清新。而朱古力曲奇蛋糕就好香朱古力味，朋友好鐘意。

同fd耐冇見 想搵間cafe舖靜靜地傾下計～上網搵到呢間係因為見到環境好似幾有feel下，於是去試下。<Set for Two>•~• 脆炸鹽酥雞如其名 香炸酥脆 。 肉嫩外脆 沾點沙律醬 絕配唷～•~• 特濃龍蝦汁帶子蟹肉意粉🍝香濃的龍蝦汁 超級Creamy 帶子還蠻多d 藏在意粉下面～ 美味可口•~• 德國鹹豬手配薯角不得不說 呢個份量都幾多下～ 兩個女仔有d食唔曬咯。豬手嘅肉質好鮮嫩而且唔會太鹹。薯角啱啱炸出 外酥內軟 沾番茄醬～•~• 魔蠍座特飲牛奶曲奇雪糕❤️ 成球雪糕擺咗入去 又飲得又食得～•~• 人馬座特飲成分係：柑橘 乳酸。 酸酸甜甜幾好味 而且個樣好星空🌃feel～•~• 士多啤梨比利時窩夫上邊係士多啤梨味嘅泡芙 凍凍地～甜甜地～下邊係窩夫 暖暖地 好軟熟可口。•~• 提拉米蘇甜甜軟軟 幾好味😋總言之 好值得encore 下次會想試下食 自家製黑松露燒春雞 ～見到隔離檯order 好似好正咁 By the way, 呢間有兩個鋪位 隔離仲有一間 一樣咁有feel～

早幾日見到尼間cafe 好似吾錯甘，所以今日就約埋朋友黎食啦~我地叫左個二人餐，套餐選擇自由度大，有好多款菜式可以揀。小食我地揀左薯仔炸蝦卷，炸得好脆，一定要點醬食，好夾。主菜揀左龍蝦汁帶子蟹肉意粉，有超多龍蝦汁,食完意粉會仲有好多汁剩低。帶子雖然細細粒，但都幾多。第二個主菜揀左燒雞配薯蓉。因為即燒嘅，所以要等八個字先有得食。不過我地吾趕時間，所以冇所謂。一切落去，d肉汁爆曬出黎，就算等耐d都值得。燒雞皮脆肉嫩，薯蓉口感細滑，好味👍👍。甜品分別揀左Tiramisu 同曲奇芝士蛋糕，隔離仲有個超可愛嘅兔仔。飲品叫左山羊座同華田脆脆朱古力，兩杯都吾會太甜，吾錯。

今日同朋友出去旺角行左陣 行到有D累就去左間樓上CAFÉ坐下 一出LIFT, 望落呢間CAFÉ環境都幾舒服 有梳化位坐, 燈光比較柔和 有一堆BROAD GAME, 仲有旅遊書可以消磨時間 叫左個二人SET食, 有一份小食, 二個main, 同兩份甜品, 仲有二杯野飲 揀左黃金雞翼, 雞翼上面鋪左咸蛋黃, 感覺都幾特別 特濃龍蝦汁帶子蟹肉意粉: 有好多粒帶子係上面, 仲有幾條蟹柳, 個龍蝦汁好濃味, 意粉煮得岩岩好軟硬適中 黑松露軟殼蟹意粉: 一大隻軟殼蟹鋪上面, 軟殼蟹好入味, 而且可以成隻食, 岩哂怕麻煩既我, 而呢個意粉汁都調較得好好, 唔會太’傑’身, 上面仲有黑松露, 呢間CAFÉ既意粉都好高質 朱古力曲奇芝士餅&士多啤梨比利時窩夫: 食埋兩個甜品, 我就食窩夫, 質地係淋身既, 好岩我口味

今日同男友行完街，大家都想搵個地方hea下，又坐得耐又hea得舒服，旺角都無乜邊幾間餐廳可以做到架啦，行到號稱cafe大廈既登打士廣場附近，唔想再揾所以就求其入左間cafe到坐下。呢間cafe店舖面積唔算好大，不過勝在每個座位都好闊落，同埋都會有差電位俾人用notebook差電，仲有好多boardgame擺係到任玩，環境都算唔錯，坐得舒服。黎得cafe除左hea當然都要食野啦，我地叫左好幾樣餸，全部都大大份，好抵食。黑松露烤大菇首推！黑松露醬味好香，大菇焗既時間岩岩好，唔會太濕同太乾，之前食過有d會一切開成堆水，呢間就好適中，仲好juicy。另外，白汁吞拿魚焗長通粉真係好大碟，長通粉都幾煙韌，白汁份量都幾多，不過味道就可以再濃d。同埋我地叫多左個炸花枝丸，花枝丸都幾彈牙，不過略乾左d，食落都ok。最後重頭戲，燒春雞，呢味菜真心好抵食，佢係原隻燒春雞上，店員教我地要係表皮逐片切黎食，原本以為好乾，但切開發覺其實好多肉汁，好juicy，而家雞味好濃無乜雪味，份量大又好食，凈係食呢個菜都抵。最後私心推薦香茅茶，去完泰國就好中意飲香茅茶，覺得飲完落去好soft好relax，呢到有得俾你自己泡茶

好耐無同家姐單獨出街食飯，咁啱今晚大家都去旺角，就約埋去食飯，上網見到呢間食評幾好就上黎試下😊叫左叫2人餐，都幾多嘢食🤔薯仔炸蝦卷:薯絲脆卜卜，中間包左豬肉同彈牙蝦肉，點埋沙律醬好好味😋黑松露軟殼蟹意粉:軟殼蟹成隻上，咸左少少但好香口惹味😆黑松露唔算好濃，意粉煙韌醬汁creamy😉德國鹹豬手配薯角:第一次試呢種煮法嘅鹹豬手，豬皮搽上少少蜜糖，入口煙韌彈牙但邊位又有少少焦香，肉質好嫩滑又唔會太咸，仲好細心切好一件件👍👍👍薯角好脆，每件都炸到金黃色，同調過味嘅茄汁好夾好好食😋夏威夷果仁碎碎朱古力:朱古力味好香😊草莓沙冰:酸酸甜甜，勁大杯可以飲好耐😆藍莓芝士餅:蛋糕嘅甜度適中，質感較硬芝士味唔係太重🤗榛子朱古力比利時窩夫:即叫即整熱辣辣，榛子味好重，好似食緊金莎朱古力！外面脆裏面鬆化，同平時食開嘅窩夫有啲唔同，口感比較接近曲奇😋

今日是halloween，所以就跟老公出街吃飯。剛巧經過這條街，有一幢商業大廈全是食肆，我說不如就在旺角的樓上cafe吃飯吧。電梯門一打開，感覺很好，cafe門口是白色的牆，牆上掛上了木刻的店名，簡約不做作。一進門口就看到一件像藝術品的吊飾，很美。吊飾下面是一張桌子，放滿旅遊書籍，可以讓客人看。Cafe當然是有遊戲玩，這裏有一個櫃擺放著各式的棋子，可讓客人一邊吃一邊玩。餐牌有一個set for two，有一款小食，兩款主菜及兩款甜品，非常豐富。於是我們就點了這個餐，另外點了兩杯飲品。飲品先到，我點了一杯焦糖碎碎朱古力，很大杯呀。上面鋪著朱古力脆脆，入口時還很脆，有碎碎的朱古力，很有口感。朱古力味很濃很甜，帶焦糖味道，我喜歡這個甜度，好飲。而老公就點了一杯朱古力mocha咖啡，上面鋪滿了cream。老公說cream很滑，朱古力味亦很濃，帶淡淡的咖啡味道，這個甜度他亦很喜歡，未吃已見他先飲了三分一。小食是日式吉列炸蠔，看樣子覺得好好食。 入口熱辣辣，外層炸得鬆脆，吃的時候有蠔汁流出來，非常燙口，再配著旁邊的沙律醬一起吃，好食。主菜方面，我點了特濃龍蝦汁帶子蟹肉意粉，上面有三條蟹柳，裏面有十

登打士廣場真係年青人地方😃成幢大廈都係cafe同cafe😂😂今日專登去感受下...上咗10樓呢間Go Dutch Cafe，之前朋友推介過呢度原隻燒雞好鬼正🤤🤤🤭一出lift浪漫氣氛環境舒適好啱情侶撐枱腳💑SET FOR TWO $368經濟又實惠👍🏽套餐包括小食一款(有18款咁多比你任揀)，13款主食中揀2款，6款甜品中揀2款...淨係點餐都有排揀🙀我地揀咗：芝士煙肉黑松露焗大蘑菇：煙肉焗完已經夠哂香啦...仲要再加黑松露就香上加香😋主食必點朋友推介既自家制黑松露燒春雞配薯條🍟另一個就試左特濃龍蝦汁帶子蟹肉意粉🍝隻雞真係冇得輸！肉嫩多汁...意粉個龍蝦汁好濃厚！最後試埋兩個比利時窩夫，即叫即整好好味！仲好窩心畫咗別緻又可愛嘅公仔🧸食都食得開懷😄😄😁

呢間Cafe喺登打士街廣場，即係Cafe嘅集中地，呢一間雖然冇咩特別主題，但係應有盡有，而且啲食物質素都唔錯。我哋叫咗鹽酥雞，其實即係炸雞粒，但係味道都唔錯嘅，始終都係煎炸嘢食好食呀嗎！跟住我哋叫咗燒春雞同埋意粉，燒春雞就好大隻嘅，味道都幾好，而且夠多汁，只係啲肉比較難咬出嚟，食得有啲輪盡。意粉個汁呢就比較唔慣，因為有種講唔出嘅奇怪感覺，雖然食得落口，但係都唔算太鍾意呢一碟。呢度嘅飲品選擇都有好多，譬如有花茶系列、沙冰系列咁樣，會揀到選擇困難症，但係花茶比我想像中大兜，感覺上比較抵，推薦大家都可以試吓花茶呀！最後最後仲有食埋甜品添，呢度嘅甜品我諗都應該係喺外面買嘅，所以味道唔會差。另外，如果想玩board game嘅話呢度應該都有好多～不過我無玩到。

夜晚7:00又係Dinner time我哋今次去咗油麻地樓上Cafe食嗌咗SET FOR TWO任選1款小食:煙三文魚凱撒沙律煙三文魚大大塊凱撒沙律好大碗🥗份量都唔少架任選2款主食：金沙大蝦咸蛋意粉意粉上面有啲鹹蛋黃碎本身個汁係冇鹹蛋黃味大蝦有幾隻意粉嘅份量都有好多一個人未必會食得晒黑松露軟殼蟹意粉軟殼蟹好大隻而且炸到好脆味道偏鹹配上淡淡忌廉味嘅意粉都唔錯嘅任選2款甜品: 藍莓芝士餅 提拉米蘇一見到個擺盤就覺得好心動有一隻兔仔好QQ食埋個甜品就非常之飽另外我哋都叫咗兩杯飲品：洛神花茶 flower blossom tea洛神花茶有個茶壺裝住幾得意 另外個茶杯好細個仲有糖漿比你自己落因為個茶本身係冇甜味薄荷碎碎朱古力 Peppermint chip chocolate上面有啲coco crunch 同cream薄荷朱古力嘅味道都好突出

又約了朋友到Go Dutch Cafe，喜歡樓上cafe除了在這裏食飯之外還可以傾偈，玩下boardgame。Cafe位於旺角登打士街人流非常旺的地方，平日去都有滿滿的客人非常熱鬧。今次餐牌又轉了新菜式，我們點了二人套餐 $368，小食～意式肉醬司華力腸， 主菜有兩個～特濃龍蝦汁帶子蟹肉意粉和自家製黑松露燒春雞配薯蓉， 甜品兩款～榛子朱古力比利時窩夫和藍莓芝士餅， 飲品選了焦糖朱古力， 青蘋果乳酸。意式肉醬司華力腸 ～ 好喜歡這一款小食， 大人和小朋友都喜歡的， 司華力腸切成一片片， 方便食用。特濃龍蝦汁帶子蟹肉意粉～ 濃濃的龍蝦汁，入口 creamy， 配上帶子和蟹肉， 食材豐富。自家製黑松露燒春雞配薯蓉～ 開頭以為半隻燒春雞， 原來是一隻的，份量好多喎！ 燒春雞做得剛剛好， 控制到皮脆肉嫩的口感， 薯蓉有微微的胡椒香， 入口不會單調 ，推介這一款。榛子朱古力比利時窩夫和藍莓芝士餅～ 食飽之後又點少得甜品呢？ 朱古力窩夫和藍莓芝士餅做得唔錯， 味道不會太甜。焦糖朱古力～ 焦糖朱古力上面有一層厚厚的忌廉， 焦糖和朱古力兩者的味道很夾， 薄薄的一層焦糖味和濃厚的朱古力， 完全飲到兩種層次

野食唔錯既cafe呢日搵地方hea試下呢間cafe見到呢間cafe竟然開到4-5am(可睇圖）真係冇車番屋企上黎坐下都唔錯.呢日點左2人set$368有一款小食 二款主菜 二款甜品RS14 芝士肉醬焗大蘑菇（2大粒焗得唔乾 切開勁多汁 芝士味都夠但冇得玩拉絲.主菜點左RM10&11呢2個都好正個汁都係偏多 同偏濃 意粉夠上汁所以淨食汁會小咸 但加埋意粉岩岩好特濃龍蝦汁蟹肉意粉黑松露軟殼蟹意粉特別一提 成隻軟殼蟹咁上爆開外外脆內軟 有汁整體份量偏多 男仔夠飽 女仔會食唔哂.野飲都唔錯.甜品ok未到太突出得閒上黎同朋友吹水玩遊戲既好地方

今晚同姐妹補做生日，特登搵左間浪漫餐廳慶祝，因為之前聽朋友講呢度個環境好啱拍拖同打卡，個裝潢係好有心思的，所以都想來試試呢間餐廳的味道來到旺角登打士街，係10樓全層，上到去好易認，入到去個環境瀰漫著浪漫的氣氛，周圍的飾品同燈飾都係比較歐美風格，真係名副其實打卡聖地啊我同姐妹點了個二人晚餐set, 小食點左芝士煙肉黑松露大蘑菇，超大個蘑菇加上有好多黑松露係面頭，真係超香超正。主食仲正，可以揀兩款，我們揀左德國鹹豬手配薯角同埋自家制黑松露燒春雞配薯蓉，呢兩個份量我想講兩個女仔真係食唔曬，全部都大大份。首先講個鹹豬手，味道剛剛好，其實不會太閒，也不會太硬，肉感係彈牙爽口的，加上不會太硬，易入口簡直一流，超好味啊係。而著雞大大個圓整，肉質係新鮮嫩滑多汁，一上碟時已經覺得係超野味超香，皮質更係香脆，正到爆啊。最後仲有個甜品，又係可以揀兩款，我們揀了藍莓芝士蛋糕同榛子朱古力窩夫，兩個都好味，窩夫仲要熱辣辣香脆，食完鹹既食甜既，簡直絕配啊。而且我們仲有兩杯野飲點，我點了熱情果沙冰，大大杯，我走時都飲唔曬。朋友點了焦糖latte, 夠甜夠有咖啡味。總括而言，呢間餐廳真係便靚正，要環境有環境，要食物水準