Go Dutch Cafe

營業中

休息中

Dessert 會令人心情愉快，Caffeine又會令人心悸。.當我見到呢杯偏心嘅Latte，眉頭一皺。我會心悸係因為飲得咖啡通常都意味著要準備通宵捱夜 (不能磨滅嘅心理陰影)。.飲住醇厚嘅咖啡品味着苦澀嘅生活，食住繽紛嘅芭菲忍受着隔離枱不停「食雞」嘅噪音，好彩我EQ高。.甜品名稱：粉紅救冰同menu上面嘅圖示差太遠，實物係升級豪華版，又macaron、又脆笛酥、又french toast，優惠價$48。

同好耐冇見嘅朋友 約出嚟食飯 特意揀咗一間位於旺角嘅cafe 方便大家 而且我好鍾意佢昏暗嘅燈光 氣氛舒服 而且座位又寬敞揀咗佢嘅二人套餐 選擇都幾多~~芝士煙肉黑松露焗大蘑菇蘑菇比想像中大隻😍 一咬開仲非常juicy! 而且焗嘅時間啱啱好，熱溶溶嘅芝士加埋煙肉同黑松露， 香口又有口感！特濃龍蝦汁帶子蟹肉意粉龍蝦汁嘅味道好濃好香， 而且意粉煮得軟硬適中啱啱好， 爽滑細細粒易入口帶子加埋彈牙鮮味嘅蟹棒更係錦上添花👍🏻金沙大蝦鹹蛋意粉 一食落去已經停唔到口！！蝦大隻彈牙，而且我特愛佢汁嘅鹹香同粉粉嘅蛋黃口感！ 而且汁嘅份量夠曬多，唔會食食下意粉就冇味~ 紐約芝士蛋糕+Tiramisu蛋糕嘅甜度適中， tiramisu不失帶著淡淡嘅酒香，食得出係健康自家製產品！

如果平時兩個人想靜靜地傾吓計我哋都會選擇去Cafe，旺角嘅Cafe其實都已經去過唔少，今日就選擇在依一間試下喇地方唔算大但係裝修得幾精緻，一入到門口就已經比盞燈吸引住，係幾靚嘅我哋今次就選擇咗個二人套餐，但其實都已經好豐富一大壺茶可以俾你慢慢飲，亦都可以無限加水，茶味亦都夠香，不錯藍妹紅茶穩穩陣陣，唔太甜都幾好飲蘑菇上面嘅芝士飽滿豐富，再加埋啲煙肉一啖一啖咁樣食，非常之滿足依個意粉醬汁夠濃味，每啖意粉都掛滿住醬汁，雖然係咁都唔會太漏，兩個人食啱啱好鹹豬手外皮煎到脆卜卜，每啖肉都充滿鹹香，肉質都幾嫩滑，比想像之中好食喎去到甜品我哋每人各叫左一款，士多啤梨窩夫上枱時仲熱嘅，襯埋啲cream|一涷一熱，好味，另外提拉米蘇唔算太甜，都不錯最後想講依間cafe有好多boardgame玩，一大班朋友嚟坐足成晚絕對冇問題

出開來旺角做嘢，梗係食埋飯先至返屋企。係呢幢大廈有好多食肆，晚上基本上都要排隊先至上到樓，一出電梯見到我中間個吊燈，睇落好似好高級同埋好有格調。兩人晚餐有一款小食、兩個主菜、甜品同埋飲品，$400樓下，價錢唔算貴。佢哋嘅小食款式都幾多元化，有西式、港式到日式都有，真係好佩服呢啲廚師嘅手藝。小食點左我最鍾意嘅日式吉列炸蠔，炸得有水準。黑松露軟殼蟹意粉係冇㗎炸粉，原隻軟殼蟹炸完後上碟，更加食到蟹嘅原汁原味，黑松露唔算好濃但都足夠，意粉嘅汁好 creamy，份量好大。德國鹹豬手配薯角係呢度嘅受歡迎嘅菜之一，薯角好甜亦都炸得好脆，鹹豬手好淋好野味，加咗少少糖喺面，增加味覺層次，起了豬骨食嘅時候更加方便。佢哋嘅飲品選擇亦都超過幾十款，樣樣都好似好吸引，唔知點樣揀，最後叫咗一個薄荷朱古力同焦糖拿鐵，兩杯造型睇落都相似，兩款飲品都有水準。呢度最好嘅地方都算坐得闊落，有副大玻璃感覺開楊，坐低食飯慢慢吹水真係唔錯。

最近鍾意探索樓上cafe 好多時都有驚喜就好似今日呢間（題外話：原來go Dutch嘅意思即係各有各俾錢 朋友唔講我都唔知🙈）位於登打士街廣場 位置方便裝修幾靚 有盞吊燈仲有好多board games任你玩 朋友聚會就啱晒收工鬼咁肚餓 同朋友叫咗個二人餐 $368包一個小食兩個主菜兩個甜品兩杯飲品食到捧住個肚返屋企🤓P.S. 唔好意思啲相影得有啲衰 電話壞咗🤫-🐔黃金雞翼一見到有鹹蛋黃 我就即刻叫🤫應該係即叫即炸嘅 上枱熱辣辣雞翼都幾大隻下 整得入味-🐷德國鹹豬手配薯角呢個超級推介！係我成餐飯最鍾意嘅😼個豬手皮香脆 仲要搽咗少少蜜糖薯角大大舊 好飽滿 炸到金黃色 唔會淋晒-🍝黑松露軟殼蟹意粉估唔到軟殼蟹成隻上 份量都幾大意粉有咬口 醬汁嘅份量適中一路食一路聞到好香嘅黑松露味-🍰榛子朱古力比利時窩夫朱古力同榛子不嬲都係不死組合朱古力醬嘅甜度啱啱好窩夫鬆脆得黎唔會太厚實-🍰提拉米蘇一上枱忍唔住講咗句好可愛🙈 隻兔仔畫得好可愛！味道都唔錯 朱古力味幾濃細細件 做黎做飯後甜品啱啱好-☕️香芋咖啡朋友鍾意飲咖啡 又鍾意芋頭 呢個就啱晒佢咖啡夠熱 隱隱約約有芋頭嘅清香-🥤青蘋果星鑽玉露加椰果見佢個名

好耐都冇約朋友出嚟啦！今日好難得，想同朋友靜靜地搵個舒服嘅地方坐低慢慢傾計，喺旺角區，又比我搵到一間唔錯嘅鋪頭😍旺角登打士街廣場應該冇咩人唔識，呢度嘅10樓有間好舒服嘅Cafe，一入餐廳就見到好浪漫嘅氣氛，水晶吊燈、皮梳化、英倫風嘅裝飾，好有情調。餐廳仲有好多棋同埋卡嘅遊戲，另外有啲雜誌同旅遊書，而且啲旅遊書都幾齊，下次去旅行之前上嚟食飯再睇書幾好！我同朋友兩個就點咗呢個二人套餐$368未加一。有一款小食、兩樣主食同兩個甜品、兩杯飲品😍價錢就非常之抵啦！等我試試佢嘅嘢食先！德國鹹豬手配薯角，鹹豬手係用蜜糖整，再配傳統嘅德國鹹豬醬料，好正。自家製黑松露燒香雞配薯蓉，點左呢個燒春雞之後，店員即刻提醒要等九個字！反正我哋慢慢坐住傾計，時間上就冇問題！你都先知道原來燒春雞真係非常之大隻！即焗即燒唔怪得知要咁耐時間。切開先覺得，等待係值得嘅！燒雞出面嘅皮好脆，入面仲有好豐富嘅肉汁！一啲都唔會乾唔柴！而且後面嗰兩個大嘅薯蓉好足料！我哋兩個有啲食唔晒啦😂甜品方面，點了榛子朱古力比利時窩夫，好重嘅榛子味！呢個係即叫即整，熱辣辣好正\(≧▽≦)/，而提拉米蘇就不過不失。呢度最正嘅地方就係有Wi-Fi，而

一出𨋢門就見到非常精緻吊燈🤓餐廳入面燈光浪漫，加埋皮梳化，感覺幾Elegant同舒服！摩天輪 💓有芝士豚肉釀雞翼+吉列炸蠔+炸薯角+咖哩角+薯仔炸蝦卷my favourite:薯仔炸蝦卷:用薯仔絲包住蝦卷,  幾FUNNY。另外芝士豚肉釀雞翼真係幾好食德國咸豬手豬手皮有少量蜜糖，配黃芥末醬更香！配薯角，薯角好大塊，炸得脆卜卜，香噴噴～香脆好好味，仲有要讚吓呢到嘅茄汁好好食，應該係餐廳調過味👍🏻黑松露軟殼蟹意粉軟殼蟹真係成隻黎,🦀🦀都幾大隻🤤真係好有驚喜😻黑松露意粉充滿香濃黑松露味，意粉好煙韌，真係勁正😻👍🏻特濃龍蝦🦞汁帶子蟹肉意粉：龍蝦汁芳香四溢，味道夠濃香而且多汁，伴有蟹柳同帶子, 口感豐厚每一啖意粉都可以有龍蝦味。金沙大蝦咸蛋意粉鍾意食咸蛋既朋友應該會鍾意!! 左：草莓朱古力奶昔口感好滑，每啖都充滿朱古力味🍫曲奇碎+雪糕球食真係超級好食😋右：薄荷碎碎朱古力好靚😻有得睇又得飲仲有得食最後 我DESSERT TIME!!!!!我最仲意................榛子朱古力比利時窩夫朱古力味道純厚🍫突出，加上榛子醬，甜度剛好朱古力曲奇芝士餅質感較軟滑，朱古力味濃🍫。

下午見完客去開附件搵食，當然係睇下有咩好食啦見到依間Café 唔錯就試下啦同朋友叫左個2人餐特濃龍蝦汁帶子蟹肉意粉帶子都很多，特濃龍蝦汁有點接近忌廉的口感，每一啖意粉都可以感到龍蝦的陪襯。卡邦尼意粉忌廉芝士味超濃郁，醬汁厚厚包裹意粉，炸煙肉粒粒狀口感豐厚青蘋果沙冰沙冰成高樓般，非常吸睛，青蘋果味濃餐廳可以Hea好耐又有Board game玩，當然岩一大班人—————#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig #Go Dutch Cafe

其實樓上cafe呢家野令我又愛又恨... 因為成日易中伏😭但樓上cafe就真係環境坐得舒服啲 仲可以玩下board game咁😂今日黎到旺角嘅Go Dutch cafe, 好開心 終於不是伏！而且野食幾好食 會想再回頭嘅餐廳！今晚就叫左個dinner set for 2, 其實menu裡面選擇好多！可以揀一樣小食, 兩款主食 加兩款甜品！野飲選擇都極多！😂加錢就可以啦薰衣草花茶好抵飲！好大杯 而且好香😜我個人幾鐘意，相比之下杯花邊教主就一般啦講返野食 個焗大蘑菇我好鐘意！焗得好香之余 層次好豐富 整體好juicy 加上煙肉嘅咸香 好好味而意粉都出色 現場其實都好多人揀左意粉 我地都跟風嗌左個軟殼蟹意粉haha! 個汁好好味 意粉方面係整得幾好食，推介推介！而個咸豬手都唔錯，幾入味最後甜品 每隻碟都畫左隻兔仔 hehe好得意 不過就比起咸食相對遜色 但以呢個價錢包埋甜品 okay啦！ 環境幾舒服 service都好好 會想再上黎食架！

中午同朋友去左旺角呢間樓上cafe食午餐，呢度環境唔錯，仲有啲旅遊書比人睇，好chill!呢度有二人套餐，$368有一份小食，兩個主菜再加兩個甜品。小菜方面，我地點左日式吉列炸蝦，蝦炸到好脆，而且又新鮮，好味道！主菜方面，我地點左金沙大蝦咸蛋意粉。呢碟意粉真係岩哂咸蛋黃既粉絲，意粉上面鋪滿新鮮既大蝦同埋濃濃既咸蛋黃醬，仲有一粒粒既咸蛋啊！仲有呢個黑松露軟殼蟹意粉，同樣好高水準！飲品方面，芋頭加鮮奶呢個配搭真係冇得輸，好creamy，有香濃既牛奶味又唔會太甜。仲有甜品作一個完美既句號。

上次同完中學同學去完旺角既Go Dutch Cafe, 有D野食想叫但因為個陣食到太飽試唔到其他。所以今次我特登約其他fd試埋剩返其他我想試既野食XD餐廳裝修好靚我同fds 加埋4個人, total 叫左兩個小食, 4個Mains 同4個甜品 share 大家一齊食。小食我地叫左摩天輪 (裹面有芝士豚肉釀雞翼+日式吉列炸蠔+脆炸薯角+咖哩角+薯仔炸蝦卷)。餐廳係用薯仔絲包住蝦卷一齊炸, 幾得意。另外芝士豚肉釀雞翼真係幾好食, 不過我地食完主食之後, 發覺份量真係好多, 唯有下次再黎叫多次芝士豚肉釀雞翼 XD我地額外再叫多個日式吉列炸蠔, 因為真係幾好食下XD我平時好少配醬食, 但呢個日式炸蠔配埋沙津醬真係好食D。推介!! Mains 我地叫左特濃龍蝦汁帶子蟹肉意粉,黑松露軟殼蟹意粉,德國咸豬手配薯角同埋金沙大蝦咸蛋意粉。特濃龍蝦汁帶子蟹肉意粉真係大推~ 龍蝦汁非常濃但又唔會太膩。同埋帶子份量好多好多料!! 必叫!! 黑松露軟殼蟹意粉軟殼蟹真係成隻黎, 真係見到都好興奮 XD而且黑松露同雜菌份量都好多, 所以呢個都好值得叫!! 咸豬手同出面既好唔同, 佢個皮唔係脆個隻。所以感覺無甘熱氣。

一心諗住坐底食個tea飲杯野 傾下計d野食上得慢都算 唔重要😊起碼上左野飲俾我地飲住先！😊哇！但個壺桂圓紅棗茶真係....完全無味 好似清水咁 個d桂圓紅棗好似沖左幾次咁 好肉酸🤮🤮但野食野飲難食都唔係最大問題！最大問題係 侍應無禮貌！dum餐具係枱係我爆發點！即刻埋單唔洗講 淨低既薯條整好我都唔要！仲要大大聲話無dum餐具 ok！當係我地專登屈你啦😊😊其實都有好員工 識明辨是非！但有得揀 都唔會再去附近好多好餐廳好cafe好玩好食 真係唔洗去呢到買難受😊😊😊

一行五個朋友諗住去cafe食個晚餐，玩下boardgame過一個開心既晚上，點知肚餓都變到飽哂，因為食到成肚氣🤦🏻‍♀️🤦🏻‍♀️🤦🏻‍♀️Book左六點半，一入到去係靚同有氣氛既～Menu~有另一本menu專講野飲，可以係果本嗌再加返相應既價錢。1️⃣笑料第一則開始😂- 意大利飯 vs 意大利飯style 話說我個朋友嗌左D9-黑松露白汁雜菌意粉/炒椰菜花(意大利飯style)，要飯，然後侍應姐姐就話飯要加$10。冇問題！然後當個餐黎左之後，我地呆左😱😱😱😱😱朋友同我地一樣，心諗：「呢個係risotto?????」然後我地就發現，我地每個人都睇漏左style呢個字— 係意大利飯style!!!!!! 係意大利飯style!!!!!係意大利飯style!!!!!即係唔係意大利飯，結果只有一碗飯加黑松露菌汁😂😂😂😂😂😂😂之後有朋友嗌左自家釀制芝士煙肉雞柳長通粉，得舊雞好食，啲通粉加埋啲醬有陣‘up’味🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️2️⃣笑料第二則😂😂— 幫你減肥既豬手話說我想嗌D13既黑松露燒春雞，點知話釀等起碼45分鐘或以上😂咁我就轉嗌鹹豬手，點知都等左大概半個鐘，心諗早知就試下燒雞啦🤥🤥

在訂座平台 book台有7折但唔包set lunch 同drink menu但每人最低消費一份 set 或一杯野飲變相即係無折女侍應態度極差問佢野唔答仲要黑口黑面已經成間cafe得我地一台都可以服務得咁差Lunch時間得我地一台但叫左半個鐘都只係黎左野飲最後要叫外賣走仲要個外賣出左佢無叫我去攞我自己呆等食物質素方便份量很細咖啡不用說的質素差基本上無飲過薯蓉係乾的環境方面居然有人係另一張台食煙我食完成陣煙味唔知點解會咁多好評但親身黎食過就會知道係伏

星期日 同友人行旺角 上網搵到呢間cafe 好似不俗 一於試下食返個早晚餐 所以6點就黎到一入門就有盞 藝術感既燈 吸睛店舖整體装潢 整潔 舒服 少少暗 有幾分情調同友人選左個二人餐 set for two有一份小食 二份主食 同二杯飲品二款甜品我叫左薄荷朱古力 輕輕有薄荷味點綴一下味道不錯友人叫左玫瑰果茶 幾特別平時飲既都係玫瑰花茶 呢個係果實份量超大一壼 可以二人共享都無問題等野食既時候 有一堆遊戲可以玩我地玩層層疊 同波子棋童年回憶返曬黎都唔知有幾多年無捉過波子棋仲要友人 講返遊戲玩法我知最終都俾佢取得勝利😅小食 先上 豚肉餃子雞翼外皮咸香 少少脆 中間啖啖肉主食 德國豬手 仲有薯角配埋 皮厚厚一層 豐富骨膠原略嫌皮燒得唔夠脆 有別於一般街外食到既德國豬手另一番風味另一主食 黑松露軟殼蟹意粉意粉份量超多 係平時既雙倍超飽肚 滿足曬最後選左二款芝士蛋糕作結藍莓同紐約二款 一人一件 滿足曬 棒住個肚咁走今次二人行 未玩得曬所有game下次約多幾個三伍知己黎 熱鬧d更好玩期待下次再黎