Go Dutch Cafe

營業中

休息中

環境有少少懷舊感，座位寬敞，設有吸煙房，提供大量的卡game和遊戲，可以在這裏消磨時間，有party room可以約一班朋友玩！我和朋友都在此消磨了兩小時，完全不用擔心會有人趕走你！松露軟殼蟹意粉⭐️⭐️⭐️⭐️整個軟殼蟹是可以吃的，不用剝殼，這一點已經加分了，軟殼蟹是微炸過的，所以咬下去是特別鬆脆，而且想不到這個軟殼蟹竟然是有膏的，淡淡蟹肉，非常棒！意粉有豐富嘅黑松露醬汁，有淡淡的黑松露香氣，意粉煮得剛好，不會太軟或太硬，好吃😋鹹蛋黃蝦意粉⭐️⭐️⭐️⭐️蝦當然是急凍蝦，不過配合鹹蛋黃醬汁就非常之惹味！喜歡吃鹹蛋我的你就不能錯過了。提拉米蘇和藍莓芝士蛋糕⭐️⭐️⭐️中規中矩的蛋糕，是擺設得挺漂亮！味道可以媲美「美心」的蛋糕。

今日約了舊同學聚舊聊聊天，選了這間位於登打士街的樓上café - Go Dutch Cafe用膳。可以在靜靜的環境食個飯，無聊時還可以玩下card games同board games。餐廳有分兩個area，地方都頗大。我們坐的那邊牆壁上有句很有意思的說話。就好像在呼應著聊往事的話題一樣。餐牌設計都幾漂亮，有介紹一下荷蘭。飲品選擇超多！在繁多的選擇下⋯⋯我們點了一杯熱情果綠茶和熱情果蘇打～這個鴨胸沙律做很不錯，鴨胸很入味，份量也足夠兩個人分享。一直都很喜歡吃鹹蛋系食物，所以今次特別選了金沙大蝦意粉。味道不會太濃，有家的感覺。兩碟主菜中的海鮮做法亦不錯，不會有冷藏味。吃完已經開始有飽的感覺。今天晚上最後以兩個可愛的甜品作一個完美的總結。一日一個蛋糕，唔洗爭。😛

要同好友聚餐，當然希望搵過可以傾吓計又玩吓的地方落腳啦！偶爾聽到呢一間樓上cafe位置方便，就即管試吓！飲品：熱情果綠茶，熱檸蜜率先上場，無特別但幾大杯。小食：炸蠔6件！雖然細細隻，但即叫即炸，熱辣辣上碟，非常好食！意粉：黑松露軟殼蟹意粉，整隻軟殼蟹上碟唔單止睇得，亦係即叫即炸非常鬆脆，黑松露味剛剛好不會太濃，不錯！大蝦鹹蛋意粉略嫌太creamy ，食到一半已經好“擠”。但勝在意粉爽口，正！兩件cake：藍莓芝士蛋糕同Tiramisu，表現不過不失。

登打士廣場一向都多cafe shop☕不過今日星期日感覺唔似以前一樣甘多人流，都唔需要排隊，我地揀左間食評唔錯既去try try cafe shop環境比較黑暗，安排左張更係無燈既座位，睇meun都好辛苦，希望店主可以裝反燈💡💡叫左個2人餐,1小食2主餐2甜品2飲品RS14芝士肉醬焗大蘑菇🍄🍄芝士肉醬一向都好match,原來同大蘑菇一齊都好夾😋切開好juice ,落料好足RM2白汁吞拿魚長通粉，超多吞拿魚🐟，份量比較多，味道正常RM6自家釀制芝士煙肉焗雞柳長通粉👍👍呢個可以一試，雞柳釀左大量芝士同煙肉，芝士可以拉絲，一上枱就好香芝士煙肉味，very good雞柳一啲唔鞋，好滑，正RD2藍莓芝士🍰唔會好甜咼，剛剛好，應該都係自家制RD5朱古力窩夫🍫🍫呢個即焗即食，好脆好香呀，不過得一片，唔夠喉😍飲品方面都OK,可以cafe shop關係超大杯，用啤酒杯🍺甘誇張，俾我地可以傾幾耐都唔會口渴🤣🤣🤣

其實近來真係好少出旺角食野，因為日日都係觀塘返工，放工又想快啲返屋企，所以好少出黎食野。今日咁岩要出旺角fill貨，所以說去左登打士廣場上面食Cafe。-芝士肉醬焗薯角芝士、肉醬、薯角呢三個perfect match真係一定好食，係我嘅最愛嘅芝士，真係食到lam lam脷～-特濃龍蝦汁帶子蟹肉意粉試咗呢個特濃龍蝦汁，都算濃郁。而上面啲海鮮有帶子同幾條蟹肉，特濃龍蝦汁好食:+1::+1::+1:。-黑松露燒春雞令到我自己最surprise就係呢個燒春雞，事關我真係好中意食雞。佢係原隻燒春雞，外皮燒到帶少少lon(再加上黑松露汁又少少黑)，但係完全可以保到入面啲雞汁，所以雞肉好嫩滑，就算雞胸都唔會太乾。食落就知道燒春雞真係好嫩好多汁好好味，我自己一個人都食咗大半隻喇！Tiramisu朱古力曲奇芝士餅奇異果乳酸人馬座特飲

好耐無出旺角啦，今日上樓搵下有咩好食，俾我搵到間坐得舒服又抵食嘅西餐。餐廳入面座位都好寬敞，仲有幾張卡位可以望到街景，兩個人都可以坐到四人卡位，旺角餐廳真係唔多。一見到有二人餐($368)好係呀喔！小食可以選一款，主食同甜品都可以任揀2款，仲有餐飲，重點係選擇都唔少，飲品有成本Menu揀，有我喜歡嘅果茶。黃金雞翅有6隻，淡淡鹹蛋黃味，唔會太餾。德國🇩🇪豬手配薯角，啖啖肉好滿足，薯角係即炸，夠厚身，正！黑鬆露軟殼蟹意粉，原隻軟殼蟹，賣相已經好吸引。紐約芝士餅，芝士味夠膿，榛子朱古力比利時🇧🇪窩夫，外脆內軟，份量啱啱好。

樓上cafe其實真係一個好適合女人雞啄唔斷嘅地方坐喺舒舒服服嘅梳化慢慢食個set dinner而且三百幾就可以兩個字人由appetisers食到dessert有嘢飲而且轉特飲都唔貴 除咗花茶 淨係咖啡已有好多唔同種類咁大隻黑松露菇其實只係前菜唻菇燒完仲係好juicy黑松露醬非常多 落足本燒豬手薯條又係份量驚人燒春雞都幾有驚喜火候啱啱好雞皮極薄 少少脆切開雞肉熱過雞皮但雞肉仲係好嫩最尾仲有兩個dessert揀我地揀咗一個窩夫 一個New York cheesecake

旺角有好多樓上cafe，今次就試下呢一間。餐廳開到凌晨，真係可以慢慢傾，一個聚腳好地方。佢有‘二人套餐’，選擇一款小食、兩款主菜加兩款甜品，再有兩杯飲品。每個種類都有好多選擇，例如小食就有18款俾你揀。芝士煙肉黑松露焗大蘑菇一上枱已經聞到好香黑松露嘅味，呢個要趁熱食。鍾意食大蘑菇嘅，係唔錯嘅選擇。自家釀制芝心煙肉雞柳長通粉芝士味好香，啲汁浸晒入長通粉入面，令到每一啖長通粉都好入味。而雞柳唔係就咁煎炸嘅，佢係釀埋煙肉芝士，比起其他餐廳較為特別。黑松露軟殼蟹意粉軟殼蟹唔錯，唔會食到成咀油，好脆好香，啖啖肉。份量好多，好似食極都仲有咁😁藍莓芝士餅。朱古力曲奇芝士餅飯後仲有最愛嘅芝士餅，好飽呀！特飲： 桂花+荔枝。桂花+蜂蜜大大杯。我杯桂花+荔枝好濃荔枝味，唔錯㗎。

今次推介朋友聚會之選，旺角登打士廣場的樓上cafe，性價比高之如，出餐速度快，可以一邊食一邊玩board game二人餐 $368好掋食，有哂小食、主菜、甜品和飲品🧡芝士豚肉釀雞翼雞翼炸至金黃色，完全沒有燶，拿捏得非常好👍🏻👍🏻一咬就食到啖啖肉，外皮脆，內裏的芝士豚肉好足料🧡特濃龍蝦汁帶子蟹肉意粉龍蝦🦞汁味特別，除了有龍蝦的鮮味，還有淡淡忌廉香，所以入口特別creamy。意大利粉上有3條蟹棒，而細細粒的帶子份量都幾多，隱藏係意粉裏面。推介👍🏻👍🏻👍🏻🧡自家製黑松露燒春雞配薯蓉店員告訴我們燒春雞是即叫即整，所以等候時間會較長，但非常值得等待。一上碟有震撼的感覺，原隻燒春雞配上超多薯蓉。一切開燒春雞，汁就湧出來。雞肉不會乾，肉質都算幾滑，但欠缺黑松露味。我仲會將雞肉點龍蝦汁😂😂😂多種口味😂😂😂🧡黃昏下的戀人（星座特飲）芒果🥭和水蜜桃🍑的味道，杯中的顏色是漸變色，呈現出黃昏的感覺。🧡拖肥碎碎朱古力🍫肥仔之選呀😂😂😂超濃郁的拖肥味，上面有朱古力片脆脆，幾重朱古力口感，朱古力迷必試碎碎系列。

好耐冇去過旺角d cafe了~今日行完街經過登打士廣場就上去樓上d cafe試下去到門口已入座了2/3 ,所以店員就帶我地去隔離party room位置，應該係比客人包場用的，可以自成一角Menu上的二人餐價錢都ok, 於是我地就選左set~包一款小食﹑兩個主菜﹑兩客甜品加兩杯飲品小食我地選左吉列炸蠔即炸所以係熱同脆ge主菜就選點左龍蝦汁帶子蟹肉意粉，味道ok不過有少少失望係蟹肉變左蟹柳另外就叫左黑松露軟穀蟹意粉，成隻軟穀蟹上甜品方面就order左朱古力同士多啤梨窩夫飲品就叫了阿華田朱古力碎碎同芒果朱古力碎碎

好耐無係星期六日出去拍拍拖，今日見同男朋友都唔忙碌，就想去下好耐無去過既旺角，咁岩又諗翻起好幾年前好中意同朋友仔搵唔同既樓上餐廳，因為主要係又有得食下野飲下野仲有得玩下唔同既兒時桌上遊戲。上網搵左陣，我只記得我黎過呢間Go Dutch Cafe，咁我記得幾年前既一間餐廳，應該係比我印象唔差啦，一於再去食下先！餐廳嘅裝修都無咩點變但都依然幾好新淨喎，佢地而家有二人套餐，價錢都好合理。所以我地就叫左二人套餐，套餐包括一份小食，兩份主菜，兩杯飲品，兩份甜品。首先係小食，我地叫左芝士豚肉釀雞翼：雞翼係最受歡迎的食物，不過如果要當住你既愛人拆骨，大家都怕怕啦，因為女仔人家點都會醜樣嫁嘛成個口都係骨，左串右插。呢度好好既係，廚師貼心地一早幫你拆曬骨，你只會食到溶溶的芝士與豬肉混合而且雞肉入口嫩滑, 質感令味蕾滿足感大增, 實在令人想食完一隻又一隻。黎到主菜，主菜份量亦非常大份，我地叫左一份德國咸豬手配薯條同一份卡邦尼意粉：卡邦尼意粉係意粉當中係我既首選，愈邪惡就愈好味同時都愈肥呀！一個好味既卡邦尼意粉一定要有濃郁的芝士香氣同香脆的煙肉，呢度我比滿分！德國咸豬手配薯條，咸豬手皮很薄，不太油，肉很嫩，

一班朋友最好就係去食嘢，坐下糖傾吓計，特別係最近發生咁多事嘅時間，真係好需要一個地方等大家散下心，我想傾訴一下同支持下。旺角呢間樓上Cafe，提供一個非常安靜又舒適嘅環境，同時又有好嘅食物、飲品，可以一路食，一路傾計。我最欣賞佢嘅熱飲，呢杯熱mocca得好趣字，而且咖啡和朱古力味10分平衡，既有香濃咖啡味，又有甜甜朱古力味，讚啦。煮食方面，煙鴨胸長通粉，以及白汁煙三文魚意粉，份量非常之大，味道也很好，大家可以盡情咁食，真係非常暢快。小食方面，有瑞士雞翼，以及我最愛嘅芝士焗薯條，呢啲餐前小食，真係令人好開胃，而且新鮮焗起，趣博博特別好食。呢間餐廳交通方便，而且環境舒服，下次一定要再嚟坐下、用餐並好好休息下。

同朋友好耐冇見，所以想搵個可以坐得耐嘅地方坐低食下野傾吓偈，上網見到呢間Cafe好似唔錯，所以就嚟咗啦。一入到去已經覺得幾驚喜，因為啲裝飾好靚，環境都好闊落。意外地都幾有情調哈哈見到呢一個餐每人只係百幾蚊但係有咁多嘢食好似幾抵，所以就揀咗啦比想像中更加抵食，因為原來每樣野都勁大份，我諗可能三個人嚟到都夠食兩杯嘢飲都超大杯，由未上菜 到所有嘢食晒都未飲晒明明已經係咁飲果茶幾香 加啲蜜糖甜甜地幾好味鹽酥雞整得好好味，外脆內滑，雞肉好有驚喜，好嫩滑好高質，點埋啲蛋黃醬真係一流仲有你都睇得出份量真係超多，我哋食到停唔到都食極仲有好多正意粉都好好味，果然係特濃龍蝦汁，口味偏重，又係份量極大，食極都有哈哈哈哈哈。意粉質感控制得幾好都幾意外自家製燒春雞，超級大隻薯蓉都好好味，啲醬汁好啱我口味燒春雞稍嫌肉汁唔夠，有少少乾，不過overall都幾香。仲有甜品， new york cheese cake & blue berry cheesecake 雖然已經超級飽，但係我哋都食得晒，因為甜品係另一個胃食㗎嘛芝士味好夠濃，好好味喺度坐左好耐，食得好飽，傾左好多計，滿足

今日去咗食下午茶，喺油麻地登打士街10樓樓上咖啡廳，估唔到有驚喜！這裏的環境好別緻，設計得好靚，燈光明亮、座位舒適，仲有輕鬆嘅音樂，讓客人可以享受一個好好嘅時光！食物方面，佢有好多選擇，如：飯、意粉、麵、沙律、甜品、漢堡、全日早餐等等，包羅萬有；飲品都有好多種類比客人選擇，例如：沙冰、咖啡、特色星座飲品，又凍又熱，好吸引！今日我選擇左蜜糖芥末雞扒漢堡包配薯條即叫即整啲薯條好熱辣辣，要小心會燙親嘴，裏面有薯蓉好香軟，而外面脆卜卜又粗身好正，配埋蕃茄醬就一流！漢堡包就好巨型好大個，冇可能一口咬到，我分左一層一層食：上面個漢堡好脆好厚嘅麵包口感，中間更抹上牛油，更加香；雞扒好厚身又好多汁一啲都唔乾，更加芝麻喺上面令到成塊雞扒更加香更加好味；中間配料有生菜及蕃茄，可以中和雞肉嘅油膩感；飲品我揀咗Mocha 呢一杯咖啡朱古力好好飲，佢唔會好甜中間有一個朱古力忌廉慢慢溶在咖啡中，好滑好香好濃郁，咖啡質素好高，好推介呀！

好耐冇去過旺角嘅樓上cafe,今次同朋友三四個一齊嚟，就令到交通非常方便嘅登打士街，朋友介紹你呢間Cafe，因為坐得舒服，而且價錢合理，所以我哋今次又來。呢度有提供三至四人嘅特別套餐，可以選兩款小食、及兩款主食，小食有薯條、雞翼、薯蓉、花枝丸、等等嘅款式，選擇都有好多。最後我哋揀咗芝士焗薯條及瑞士雞翼。呢兩個小食都係熱辣辣新鮮出爐啊，雞翼有大概八隻，覺得好好味，而且都好大隻又好香。芝士焗薯條就更加不得了，濃郁嘅芝士同薯條🍟真係天下絕配。主食方面我哋叫咗三文魚白汁意粉，話見鴨胸長通粉，兩個嘅份量都非常之多，同行嘅人有男孩子，先至食得晒。總括而言呢度真係一個良朋歡聚的，由大家都食得飽嘅地方，特別係呢度嘅飲品都做得好出色，令人食過返尋味。