Go Dutch Cafe

營業中

休息中

星期日 同友人行旺角 上網搵到呢間cafe 好似不俗 一於試下食返個早晚餐 所以6點就黎到一入門就有盞 藝術感既燈 吸睛店舖整體装潢 整潔 舒服 少少暗 有幾分情調同友人選左個二人餐 set for two有一份小食 二份主食 同二杯飲品二款甜品我叫左薄荷朱古力 輕輕有薄荷味點綴一下味道不錯友人叫左玫瑰果茶 幾特別平時飲既都係玫瑰花茶 呢個係果實份量超大一壼 可以二人共享都無問題等野食既時候 有一堆遊戲可以玩我地玩層層疊 同波子棋童年回憶返曬黎都唔知有幾多年無捉過波子棋仲要友人 講返遊戲玩法我知最終都俾佢取得勝利😅小食 先上 豚肉餃子雞翼外皮咸香 少少脆 中間啖啖肉主食 德國豬手 仲有薯角配埋 皮厚厚一層 豐富骨膠原略嫌皮燒得唔夠脆 有別於一般街外食到既德國豬手另一番風味另一主食 黑松露軟殼蟹意粉意粉份量超多 係平時既雙倍超飽肚 滿足曬最後選左二款芝士蛋糕作結藍莓同紐約二款 一人一件 滿足曬 棒住個肚咁走今次二人行 未玩得曬所有game下次約多幾個三伍知己黎 熱鬧d更好玩期待下次再黎

😻今日同老公去旺角做Facial，做完Facial梗係去食好嘢啦，之前朋友介紹登打士廣場有間好高質素嘅餐廳，今晚就同老公去試吓先😻估唔到7點幾上到去已經全場爆滿，感恩有人走我哋就有位啦👍🏻我哋叫咗Set for Two，小食我哋揀咗芝士黑松露焗大蘑菇，主菜我哋揀咗德國咸豬手🍖配薯角同埋黑松露軟殼蟹意粉🦀🍝我好鐘意食德國咸豬手，通常餐廳有我都會必點，呢間餐廳嘅德國咸豬手係切好曬，唔使自己切非常細心，外層的皮炸到好脆，肉質好嫩口，味道唔會好咸，超好食啊😋德國咸豬手係配薯角，薯角好大塊，炸到金黃香脆好好味，仲有要讚吓呢到嘅茄汁好好食，應該係餐廳調過味👍🏻黑松露軟殼蟹意粉🦀🍝軟殼蟹🦀都幾大隻，仲要有膏🤤真係好有驚喜😻黑松露意粉充滿香濃黑松露味，意粉好煙韌，真心推介呢個意粉，真係勁正😻👍🏻小食我哋叫咗芝士黑松露焗大蘑菇🍄蘑菇真係幾大隻，有火腿，芝士和黑松露一齊焗，一切個蘑菇已經爆曬啲汁出嚟，勁Juice🤤甜品我哋揀咗 Tiramisu和朱古力曲奇芝士餅🍰朱古力曲奇芝士餅真係第一次食，口感好滑，每啖都充滿朱古力味🍫超級好食😋飲品我哋叫咗阿華田碎碎朱古力和水蜜桃梳打🍹阿華田碎碎朱古力好靚😻有得睇又得

呢間餐廳極差，難食到要寫食評!收工已經肚餓，喺登打士街廣場等搭𨋢例牌耐，增加餓感。理應咩食物都放到入囗，但相反，情願食麵包都唔會食。一份小食+兩碟菜式都算大碟。擺碟正常，鹹蛋粒更加係唔洗錢、大把貨，但味道令人超倒胃囗。先講精髓金沙大蝦鹹蛋意粉 $118 鹹蛋黃碎乾濕軟硬地包住每條意粉，已經覺得有尐濟同伏。朋友一放落囗，即刻皺哂眉，大聲嗌：咩嚟o架。意粉好似畀鹹蛋黃，抽乾曬意粉嘅濕度。鹹蛋黃粒似溶未溶嘅膠著狀態好核突，增加口感唔係多料就得，完全弄巧反拙。味道名副其實地夠哂鹹。好想知有冇用過鹹蛋黃汁煮，抑或純粹成粒鹹蛋黃打碎整？ 支叉放入意粉拎上嚟，可以成舊拎得到，唔會跌翻落嚟。最後，食咗幾啖全枱放棄，淨係食蝦算。龍蝦汁大蝦海鮮意粉$138 龍蝦汁好濃，亦好鹹。 相比下，呢碟已經算正常，可以放入囗。凍荔枝洛神花茶正常味道，杯底係熱，冰未發揮作用，攪吓唔似水，飲得落。不過，都偏甜。因為兩碟菜式都超鹹，一杯飲品唔夠。叫waitress畀人頭數嘅水，等住救命。 十五分鐘後先催，但佢個樣好疑惑，以為畀咗都算。佢最後竟然只係拎咗一杯，仲要得半滿嘅水走前約半小時，見到waitress走咗去一張客枱嘅附

食店多的是， 這間一定不會回頭吧話晒都係一間cafe, 但質數真係好吾掂叫了二人餐， 再加一客小食煙三文魚沙律， 正常貨式， 可接受蜜糖雞亦。 即炸， 但好瘦， 無特別無蜜糖龍蝦汁蟹肉意粉， 竟然係蟹柳意粉， 接受吾到囉龍蝦汁超喊軟殼蟹黑松露意粉， 蟹好梅， 意粉漿糊咁甜品最正常．當然無驚喜飲品加$10加大了， size 同正常差不多我自己都是信錯了食評一向都叫自己過百食評吾好信， 但貪佢限時2.5 hr又上檔了...都係吾信自己

差到不得了，一定唔會再幫趁！1. 味道好普通點熱狗冇熱狗，點蒜蓉汁冇蒜蓉汁。幫你換左個咖哩汁雞柳意粉之後發現咖哩都可以完全冇味！唔知自己食緊咩…… 你諗住食All Day Breakfast實冇死啦，蛋就咸！菇仲要冇味！其他加工食工算係最正常😅2. 份量少、唔抵食88蚊嘅All Day Breakfast 只係得3粒茄、1塊菇、1條腸、1塊蛋、2塊煙肉咁大把……少得可憐😵野食好麻麻都算，職員嘅服務態度差先係重點！點差法？3. 誤導消費者！！！佢同你講每人最低消費係一杯飲品或一份套餐。我地就計過兩個野食加埋係一定過最低消費每人一杯野飲嘅價值，就冇再理會。之後有分別有兩個職員同我地講話仲差一杯野飲，我地就好好奇點會仲差一杯飲品。到埋單走時候，再有另一個職員話係差兩杯野飲！😑 佢地解釋話係最低消費係指單叫「一杯飲品」而唔係一杯飲品嘅價錢。絕對係誤導消費者！前言亦不對後語！😤😤😤結論係如果大家想用$40叫一杯普通再普通不過嘅熱檸水去乎合最低消費嘅「一杯飲品」，歡迎大家中伏……

又來到登士廣場，今次又試下另一間cafe，夜晚8點上來，第一眼是微黑中有帶著浪漫的燈飾，有人在玩桌遊，有人在談天，令人放鬆的cafe。芝士豚肉釀雞翼簡單的雞翼釀上芝士豚肉，外層的雞肉煎得帶點香脆，一咬開就是豚肉的肉汁湧出，芝士味少少不搶雞翼的風頭。特濃龍蝦汁帶子蟹肉意粉帶子雖然細細粒，但勝在有很多，不停食不停都見到有，而主角果然是龍蝦汁，特濃的沒有騙你，已經有點接近忌廉的口感，每一啖意粉都可以感到龍蝦的陪襯。自家製黑松露燒春雞配薯蓉等得比較耐，但上枱時就覺得值得，估不到是原隻送上，香香的燒雞味道湧入鼻腔，當切開時肉汁湧現，白滑的雞肉隨著煙香噴噴出配，肉仍然嫩滑，肉味唔太多變化，但雞香味很足。朱古力曲奇芝士餅+士多啤梨比利時窩夫套餐仲有兩個甜點，芝士餅味道唔錯，淡淡的朱古力香，而窩夫即叫即整，所以熱辣辣上枱，十分香脆阿華田沙冰問店員有什麼好介紹，他就講沙冰，生果系沙冰常常飲，阿華田都是第一次，沙冰的口感，配濃濃的阿華田味，幾有新鮮感。

今日去了油麻地Co Dutch Cafe 同家人食飯。 我哋叫咗個set for two，有雞串，主食有金沙大蝦鹹蛋意粉，及蒜蓉汁雞扒飯 。甜品有藍莓芝士蛋糕！ 首先說過鹹蛋意粉， 這個是很特別的配合，用中式鹹蛋放入西式嘅意粉，再說就係個蒜蓉雞汁雞扒飯，雞扒一點雪藏味都沒有，雞很嫩滑 ！還有就是芝士蛋糕，囡囡簡直對他愛不釋手， 回味無窮 這裏環境氣氛非常舒服！能夠在這裏放鬆一個晚上絕對是很好的選擇！

呢間cafe算是我去過的cafe中，服務最差的一間！我跟朋友7半上去，見客人不是太多，大約只有6枱有人。整個場應該只有2個員工在外場服務，其他人在廚房。我跟朋友坐的位置是正對著廚房的最遠距離，我們先跟外場說想要2杯熱水。但過了數分鐘也沒有到，見著2個外場員工一直站在廚房前面，我們也懶得等他們，自己走到他們面前要水，不夠一分鐘就有水到，我不明白2杯熱水這麼難出嗎？之後我們叫了飯跟意粉，先到了一個飯，但她只給我一個餐匙，但明明2個人，佢預是各吃各的嗎？正常cafe即使就算不給碟也會給多一個餐匙吧。。。想叫他們給多套餐具，舉手沒人理，有趣的是經常見2個外場站在廚房出菜口不知在幹什麼，餐具也是我們過去要他們俾。。。。感覺她們很hea，完全不想sevre客人。之後吃完我們舉手埋單，終於有員工見到，但為何要就這樣將單放在我旁邊沒人的位置，正常不是放在客人面前的嗎？最後我舉手想俾錢，又發現人不見了，我都懶得等，直接交給廚房算了。其實人客已經不多，服務還這樣差，還要收加一服務費，真的要檢討一下（雖然旁邊有另一間房，但經過看到人客不算很多）食物方面是正常，普通，倒是朱古力摩卡咖啡挺好飲

👍🏻環境:環境空曠寜靜，梳化座位坐得舒服。加上有很多紙卡遊戲、旅遊書、A4紙等，黎討論旅行行程同聚會一流，加上無時間限制，可以慢慢傾。👌🏻服務:侍應態度親切，但食物等候時間較長，去洗手間需要問侍應拎鎖匙。[👍🏻芝士豚肉釀雞翼]雞翼肉質嫩滑，肉汁多到一咬就瀉出黎，加上雞翼去骨，吃得更方便，食到淡淡肉。[👌🏻卡邦尼意粉$118]係白汁煙肉意大利粉，配料十分多，又磨茹火腿煙肉脆，好飽肚。[👌🏻自家釀制芝心煙肉雞柳長通粉$108]雞柳炸完再焗脆卜卜，再釀左加芝士煙肉，味道濃郁。[👌🏻提拉米蘇$38/$28]海綿蛋糕佔一大半，這樣反而不會太滯太甜，整體似朱古力蛋糕多過提拉米蘇。[👌🏻朱古力曲奇芝士餅$38/$28]朱古力味十分突出，但甜而不膩，入口細緻滑溜。

樓上cafe☕️環境優美 燈光柔和 適合小聚浪漫氣氛 有情調 適合與情人一起共進晚餐場內有近窗位供食客觀賞窗外嘅風景場內更設置遊戲供食客遊玩🎮🎯🎲～Set For Two ($365)～飲品（2杯）：- 花釀桂花蜂蜜（熱）🍯一大杯甜甜的桂花蜂蜜 甜得黎又有花香- 阿華田沙冰🍨阿華田沙冰上面有一層層嘅creamCream上面灑上了一些朱古力粉既柔軟又甜嘅cream 再加上無俾水沖淡嘅阿華田沙冰簡直係Perfect match小食：-芝士豚肉釀雞翼🍗除咗雞翼尖之外完全冇骨🦴適合好似我咁嘅懶惰人士食用🤪主食：- 自家釀芝心煙肉雞柳長通粉炸過嘅雞柳包住一些芝士同煙肉唔知點解我食到有濃濃嘅Pizza味🍕- 卡邦尼意粉🍝醬汁濃郁 意粉軟硬適中 超多配料甜品：- 提拉米蘇🍰有層次感 都算係正宗- 朱古力曲奇芝士餅🍰香滑 甜而不膩 上面還鋪想一層柔軟嘅cream 餐牌：

店內播着Big Bang 的歌曲，有一整個櫃子的board game。桌子上亦放上不同地方的旅遊書，但千萬不能在很肚餓時光顧🤣。【環境】地點方便，室內裝修稍舊，但環境清幽，與旺角鬧市形成強烈對比。座位亦見寬敞及舒適。適合大伙兒聚會及消磨時間。【食物】食物質素高，份量大，兩個人吃也吃不完。我們叫了「自家釀製芝心煙肉雞柳長通粉」和「德國鹹豬手配薯角」兩個Set Dinner。豬手以黑椒和蜜糖調味，外皮脆和煙韌，不油膩，好吃！長通粉軟硬適中，調味佳👍🏿。雞柳的做法創新，好不好吃見人見智。【服務】店員親切有善，但人手不足。當晚約只有8成客人，但食物在坐下1小時後才出現。樓面和廚房約只有5人，故不能餓著肚子光顧啊。🙊*只收現金

一大班人食飯去Cafe最好，唔限時可以慢慢傾 ，又有game玩。所以揀左位於登打士廣場go dutch cafe 7點鬆d到，好多人排隊等lift,等左3，4個字先上到去。cafe門口有一盞好有藝術感既燈,燈光較暗，好有feel! 我地人數較多，座位真係迫左小小。食物方面有多人套餐同埋個人套餐選舉，飲品既選擇十分多👍🏻我地每人都叫左一份個人餐，我叫左龍蝦汁海鮮意粉，套餐包一杯$40既熱飲，加$10可以加大。意粉入面有小墨魚，蝦，魷魚，而且份量都不少，面上有小小日本豆苗，龍蝦汁足夠，每條意粉都可以均衡沾到龍蝦汁! 如果味道可以再濃d就好了。

做完facial 距離下一個活動仲有時間，就去咗附近一間Cafe到坐下hea下💻💻.剛好黎既時候人不太多，我又可以扮吓文青喇😎點左香蒜焗西蘭花配榛子咖啡🥦🥤香香嘅蒜蓉非常多配上分量十足嘅西蘭花夠晒足料👍🏻下午茶來講算唔錯了，呢度有Wi-Fi提供同埋大量旅遊書籍仲有部份玩具供客人閱讀玩樂📚🧸我都坐左兩個鐘左右，店主仲好好俾咗佢個95折我☺️💕.

中學時代起就成日去登打士街廣場，當年好流行食樓上Cafe，可以Hea好耐又有Board game玩，當然人大左已經好耐冇再特登去樓上Cafe，不過最近同朋友去咗一間Go Dutch Cafe都可以分享一下。.叫咗個二人餐，有一款小食，兩款煮食，兩款甜品同兩款飲品。.晚市二人餐（$368）Set for 2.📍煙三文魚凱撒沙律沙律新鮮爽脆🥗，加上微酸的沙律汁和4大片疊成玫瑰狀🌹的煙三文魚，份量慷慨，不錯吃。.📍特濃龍蝦汁帶子蟹肉意粉龍蝦汁味道非常突出😋👍🏻，味道濃郁，真的吃到有龍蝦味🦞。意粉沒有煮得過腍，醬汁牢牢的包住意粉🍝，味道非常好吃，麵量多，配料有嫰滑的小帶子及三條蟹柳，值得推薦❤️。.📍德國鹹豬手配薯角豬手份量剛好充足🐷，外皮焗得未算乾身，有點少失分，但豬手肉質還算不錯👍🏻，調味剛好，彈牙有口感，配上芥茉同吃有助解膩。旁邊還不少薯角🥔，略欠調味，但十分飽肚。.📍紐約芝士餅📍藍莓芝士餅芝士蛋糕味道一般🍰，質感較硬，沒有吃到芝士香，兩款芝士蛋糕基本上沒有分別，藍莓芝士蛋糕只是在表面加了一層膠感很重的藍莓果醬😂。.📍天蠍座餐廳有12款以十二星座作為主題的飲品，草根選的這款天蠍座以橙汁、雜

已經好耐無上過登打士街D樓上CAFÉ啦! 今晚同個FRIEND有D野傾, 佢話有間CAFÉ環境幾好又坐得舒服, 就帶左我黎~因為成幢大廈都係餐廳, 所以PEAKHOUR等LIFT都有D耐, 不過上到去即刻覺得又OK WO, 環境真係唔錯WO! 餐廳燈光昏暗得黎舒適, 坐位十分之闊落, 整體感覺真係好舒服! 餐廳仲放左d boardgame同旅遊書比客人添~我地叫左二人SET, 然後打開DRINK MENU, 發覺超級之多野揀, 而且有D幾特別, 我足足揀左5分鐘先決定到飲咩。薄荷朱古力脆脆面頭鋪左滿滿既朱古力脆脆, 唔好浸咁耐如果唔係淋左無咁好食架啦~杯朱古力真係好濃郁, 撈均哂再溶左少少冰都係咁濃芒果綠茶good! 淡淡既芒果味, 茶既味道就出d但係好清香~煙鴨胸凱撒沙律煙鴨胸微微煎過幾香,有5大塊沙律加左煙肉碎粒, 不錯~白汁吞拿魚長通粉即叫即焗, 因為店員拎過黎既時候仲叫我地唔好掂到隻碟, 因為勁熱🔥岩岩係焗爐拎出黎咋!自家製黑松露燒春雞配薯蓉wow隻燒雞好有睇頭, 好大隻之餘又焗得好靚, 切開入面焗得岩岩好, 唔會乾而且入面仲有d汁隻雞勁厚肉!! 至於個薯蓉就加左芝士落去, 好