Go Dutch Cafe

營業中

休息中

好少見登打士廣場門口係無人呢排少咗人出街，連平時排滿人嘅地方都無人上去試咗呢間cafe，因為有得順便睇有冇broadgame玩覺得散叫同跟set叫差唔多價錢所以叫咗個二人餐結果睇落唔多，但真係食飽肚小食﹕芝士豚肉釀雞翼成隻連雞翼尖上枱雞翼部份已起骨，好細心釀咗啲材料入去豚肉本身比較肥，其實配芝士有少少漏不過個味道就好香，好有油脂香少食多滋味，4件剛剛好，再多就真係漏主食﹕黑松露軟殼蟹意粉隻蟹上枱好似個心形咁，好盞鬼都幾大隻，趴咗喺意粉上面軟殼蟹輕脆，唔算油膩意粉基本上係白汁嚟建議2個人食，呢啲惹味嘢1個人食會太多德國鹹豬手配薯角男朋友睇得出食得出呢隻豬手係靚嘢嚟平時佢食開脆皮，今次呢隻唔係脆皮但幾驚喜，焗完幾香口，而且份量好足薯角亦炸得恰到好處，外脆內軟甜品﹕Tiramisu係我唯一食嘅朱古力甜品好重朱古力味，蛋糕做底感覺唔會甜到漏士多啤梨比利時窩夫窩夫上面係士多啤梨醬味道幾驚喜窩夫烤得好香脆再淋上士多啤梨果醬，好fresh酸甜味幾舒服飲品﹕本來想飲花茶，但見到星座特飲即管試吓男朋友係金牛座呢杯係薄荷為主，連名都叫李斯得林好重薄荷味，其實我飲薄荷嘢會覺得似牙膏或嗽口水不過男朋友就好鍾意

同朋友出街食飯,諗住揀間café著得舒服都唔多人.傾計都唔會太嘈,見到佢有間2人餐,覺得都OK.小食方面,黑松露焗大蘑菇都幾大隻,加上黑松露,芝士煙肉個D份量好夠,所以未食都聞到好香.不過幾抵食其實.意粉揀咗個出面好難食到既金沙大蝦咸蛋意粉,自問自己係咸蛋迷,所以見到都想試試.咸蛋味都幾夠,夠到係會食落有D guilty,不過真心係幾好味.另一個特濃龍蝦汁蟹肉意粉都幾好味.汁料好濃,而且佢兩款意粉既量都好多.而且環境幾好,同朋決傾計都唔驚會好嘈

樓上cafe依間都算闊落，座位舒適環境寧靜，私人空間十足，坐幾耐都得，二人套餐 $368 貼地，當中菜式選擇多，食物質素唔錯，來傾計食飯最好不過。芝士煙肉黑松露焗大蘑菇厚肉的大蘑菇食落軟淋淋有汁好有菇味，釀左邪惡的芝士加煙肉碎吊一吊鹹香，無敵配搭非常好味。特濃龍蝦汁帶子蟹肉意粉意粉幼身份量唔少食極都仲有，口感煙韌，香濃的龍蝦汁意粉好掛汁好美味，少許豆苗帶來清香草青味，帶子細細粒勝在夠多粒，淋淋地唔錯，加了蟹柳絲撈埋意粉多左份口感，整體味道唔錯。自家製黑松露燒春雞配薯蓉燒春雞即叫即整，等左好耐但都值得，熱辣辣食落又幾好味。原隻雞好大隻，薯蓉兩球份量多食唔晒。雞皮香口入晒味好正，雞肉質嫩油脂焗走晒，食完唔會滿口油膩。玫瑰果茶好大壺感覺好抵飲，味道淡淡的微微的芳香，加了蜜糖較易入口。荷蘭旗色水好靚，藍柑桔加乳酸，酸酸甜甜清新開胃，睇得又飲得。比利時窩夫窩夫分左兩份，沾左朱古力醬及士多啤梨醬，外脆內軟，簡簡單單的甜品。

雖然話疫情來襲，盡量少去人多地方，不過朋友係要見架，打邊爐/BBQ哩啲就免喇，普通食個西餐都ok嘅。Go Dutch Cafe係一間樓上Cafe，二人餐$368已經包一款小食、兩款主菜、兩款甜品同兩杯飲品，而且份量好足，女仔唔特別大食三個人食個二人餐都捧住個肚走，都幾抵食。哩個時勢，間間食店都唔多人，每枱客各據一方，只要同枱嘅朋友唔係高危一族，勤洗手個人覺得又唔需要過份擔心。蜜糖雞翼雞翼熱辣辣，雞皮焗到少少脆，加上甜甜地嘅蜜糖味，簡單得黎已經幾好食。二人套餐包兩杯$40熱飲，亦可加錢轉其他飲品。荔枝藍柑桔乳酸(跟餐加$10)冰藍色嘅乳酸賣相幾吸睛，荔枝嘅清甜加埋柑桔同乳酸嘅酸甜味，幾夾幾好飲。薄荷碎碎朱古力(跟餐加$20)薄荷朱古力上面鋪滿朱古力脆米，朱古力味都幾濃，加埋脆米口感好豐富。黑松露專殼蟹意粉意粉份量都幾多，一碟都夠兩個人食，上面除左有原隻軟殼蟹，中間仲有唔少野菌，意粉都幾香黑松露味，汁底係比較水潤，食完都唔會好濟。德國咸豬手配薯角雖然咸豬手大約只有半隻份量，但薯角份量都幾多，所以加埋絕對夠兩個人食。薯角熱辣辣，我都要撻一陣先食倒。豬手已經去骨，可以就咁食啖啖肉。不過豬手要趁

好友好久不見，特意來到旺角探望她，跟隨到旺角覓食，她帶我到這家樓上cafe「GO Dutch Cafe」，我同好友悠閒地放慢腳步，歡聚閒談享受美食的好地方。  門前擺放食物的介紹，令人期待，地理位置方便，很有家的感覺，一個人來或幾個朋友一齊來都很適合。  樓上cafe佈置和擺設十分美觀，店內佈置優雅，周圍添置了很多充滿風情的藝術格調。  高樓底令整間店很寛敞，用餐的空間感更舒適，店內佈置優雅，人多也不感覺侷促，舒適很寫意，乾淨整潔，氣氛輕鬆。  坐下後立刻點食物，餐牌選擇很多，分門別類，心思的設計，自選2人餐，一款小食、二份主食、二份甜品 $368，食物質素良好，上菜速度頗快，享受美食的滿足滋味。  薯仔炸蝦卷小食是薯絲，彈牙很香脆，中間是豬肉及蝦肉，肉質很爽滑，沒有沉重的香料，加入沙律醬，食下來口腔中的香味久久不散，非常滋味。  德國咸豬手配薯角主食是德國咸豬手配薯角，原隻已去骨咸豬手，豬手厚度相當，肉質鮮嫩，紮實彈牙，面層巳熟，不會過韌，啖啖肉有嚼勁，薯角炸得好，外面脆内嫩，備有番茄汁同黃芥末，調味的醬汁配搭佳，令味道提升，整體增加美感生色不少，帶到另一個新層次，單單看

二人餐都算抵食，$368 就有一款小食，兩款主食同兩款甜品，仲有飲品一杯！我地叫左小食芝士煙肉黑松露焗大蘑菇，小食來說，份量一點也不少呢！未上檯已聞到香噴噴的黑松露香，侍應端上的焗大蘑菇上，有大大羹黑松露醬😍芝士煙肉也很香，跟大蘑菇十分搭配~飲品也很美麗，令人捨不得喝最飽的莫過於是這個金沙大蝦鹹蛋意粉，金沙鹹蛋醬汁掛滿每一條意粉，帶鹹蛋香味，每口非常滿足之餘，吃不了幾口便覺得很溜，還是留肚子吃德國鹹豬手！😂店員非常細心，上枱前已把鹹豬手切好，鹹鹹的豬手用沾上黃芥末醬特別好吃😋還有剛炸好的脆脆薯角好不容易才吃飽德國鹹豬手和意粉，才醒起原來還有甜品🙈甜品賣相吸引，另一個胃又可以吃了🤣不得不讚賞擠忌廉的手藝😂雖說可能有些人不太喜歡一大堆忌廉，不過這家Cafe的忌廉可以一試，不會太甜，而這個窩夫本身便有士多啤梨糖漿，還有脆脆的糖衣包裹着窩夫，剛好有適當的甜度~很滿足的二人餐呢🥰

放工Happy Friday 想搵一間樓上cafe醫肚同傾住計慢慢咁食野既地方.朋友介紹話呢間係附近又唔錯，就上咗去試啦！氣氛都唔錯，燈光昏暗柔和，令人岩岩放工即刻有種放鬆既感覺！叫咗個二人餐，小食可以揀一樣，揀左芝士豚肉釀雞翼，就咁聽個名都好似好好味咁食落去芝士濃郁，我係芝士控覺得好正主食都可以揀兩款，叫咗兩個意粉！覺得個龍蝦汁帶子蟹肉意粉好出色！個龍蝦汁好香軟殼蟹黑松露意粉還好，都值得一試跟餐仲有兩杯飲品，叫咗啲特飲，星座飲品（巨蟹座），係一杯雜果茶，都幾足料，好多生果！另外就叫一杯椰香鮮奶，有驚喜，好似飲緊杯勁足料既椰子奶咁，好濃好香最後甜品都可以揀兩款蛋糕🧁，揀咗tiramisu 同藍莓cheese cake ，之後想食焦糖燉蛋都另外叫咗食完有甜品真係必須嫁！完滿

CAFÉ係同大學朋友熱門嘅聚腳點，地點方便，旺角登打士廣場，可能時間尚早， 不用大排長龍。GO DUTCH CAFE 格調以荷蘭特色為藍本，難怪佈置亦富有濃厚的荷蘭色彩。 仲有好多旅遊書比人睇，好chill! 我鍾意梳化位，坐得舒服D，條腰無咁累！Menu"set for two"幾吸引，有小食，主食，甜品，飲品，重點係選擇夠多！芝士肉醬焗大啡菇大啡菇好juicy!加上口感十足的芝士肉醬！好搭啊！金沙大蝦咸蛋意粉非常邪惡！咸香濃稠！最意想不到是份量超多，我諗足夠兩個女仔的份量！黑松露軟殼蟹意粉很少見用原隻軟殼蟹上，賣相已經好殺食！ 黑松露味道很重很香！榛子朱古力比利時窩夫就算幾飽都好，個胃總有位食甜品！ 而呢個窩夫絕對冇令我失望！提拉米蘇也不錯！ 但個人比較鍾意食窩夫多啲！肉桂茶肉桂茶功效可以預防感染和有很強的殺菌能力。真非常適合這個時期喝！！！Mocha coffee有大量桌上遊戲、雜誌、免費 wifi 等消閒娛樂。有吃有玩兼可以無限時停留，難怪不斷有一班又一班的客人光顧！飲品太多很難選擇, 不妨試下你的星座飲品, 可能會有驚喜!

旺角登打士廣場樓上有好多間餐廳，而我最喜歡的一間是十樓的go dutch cafe,去過幾次真係念念不忘佢呢間的燒春雞，今日特登帶朋友上來坐下同點我最鍾意的燒春雞。點解我咁推介呢度？因為呢度係有好抵價錢的二人套餐，而同時包曬前菜，兩個正餐，兩杯野飲同埋兩款甜品，都唔洗$400，真係普通學生拍拖都負擔得起的價錢，加上試過幾次的食物質素，絕對好評。我們前菜點了煙三文魚凱撒沙拉，第一次食真係大大碗沙拉菜加多件煙三文魚，一點都不吝嗇給客戶食物的享受。今次照舊一個自家製黑松露燒春雞配薯蓉，因為每次即叫即製，所以要等耐少少，但絕對值得，因為剛剛出爐的燒春雞真係好香，而且美味多汁，雖然叫燒春雞但一點都不少，如果朋友大食應該食得飽不是問題。第二個正餐係特濃龍蝦汁帶子蟹肉意粉，意粉雖然係好普通的東西但都唔係度度都整得好食，呢度整的意粉真係令我眼前一亮，我覺得呢度的廚師真係大材小用，絕對係頂級廚師能夠整出咁美味的食物，無得頂啊。其餘兩杯野飲同甜品我就唔介紹啦，留返比大家來發掘及品嚐，呢間餐廳本人極力推薦。

傾偈好地方讀完書後都好少去登打士廣場食下cafe聽朋友介紹呢間cafe幾好坐就去試下上到去都幾闊落而且坐椅係L型 可以45度角坐傾偈更覺舒服Cafe燈光昏暗 感覺浪漫兩個人上去hea下都幾好餐廳內有boardgame 有興趣可以玩下今次嗌咗個二人set黃金雞翼 炸熱嘅雞翼點上鹹蛋醬汁 非常鹹香特濃龍蝦汁帶子蟹肉意粉照多帶子 拌上龍蝦汁 好juicy而且份量都幾大兜黑松露軟殼蟹意粉一上菜就聞到濃郁黑松露香軟殼蟹係原隻炸 加上少少海鹽調味配上tabsco 更有風味甜品每人有1set tiramsu 幾特別同出面有啲唔同 佢加一層朱古力mussue窩夫份量ok 加上朱古力醬 更加好味飲品方面嗌咗薄荷mocha同洋甘菊花茶兩杯都好大杯好啱一路傾偈一路飲野

-------📍悠閒抵食樓上cafe -- Go Dutch Cafe☕前排同朋友去旺角行街，見咁耐冇見就想搵個地方可以坐耐少少食個飯傾下計😍最後就上咗呢間go dutch cafe☺-------⭐二人套餐 ($368)套餐可以選一款小食 兩款主食 兩款甜品 兩款飲品 幾抵食💕⭐芝士火腿焗黑松露大磨菇大磨菇包左好多芝士同火腿 鹹香十足好邪惡😍上面仲加咗黑松露醬 好香☺大磨菇一咬落去就爆晒汁 好juicy😆-------⭐金沙大蝦咸蛋黃意粉呢個係小編食過最濃郁嘅咸蛋黃意粉 幾驚喜😍首先意粉份量好多，咸蛋黃醬汁滿滿，香味四溢💕咸蛋黃汁好濃好creamy，沾滿晒意粉，啖啖滿足😆而且仲有咸蛋黃碎🤩意粉煮至al dante 夠彈牙 高質💕-------⭐蒜蓉汁雞排飯份量頗多 雞排煎得幾香 肉質嫩滑👍蒜蓉汁味道可再濃一點 相信會更出色-------⭐藍莓芝士蛋糕芝士蛋糕口感濃郁 酸酸甜甜 不俗👍-------⭐榛子朱古力比利時窩夫窩夫食落暖笠笠 帶微微脆口🙈加埋半溶嘅朱古力 令人無法抗拒😍-------⭐雲呢拿朱古力朱古力味道好濃 仲唔會太甜😙---------⭐玫瑰花茶賣相精美 有茶壺同小茶杯

過年要添新衣，行左成日街好攰，要搵個地方抖下，補充體力再買過。叫左個【Set for two】$368 ，可以揀1款小食、2款主菜、2款甜品。【炸雞翼（6隻】勁香花生味，外皮脆脆地，內裡好juicy。【德國鹹豬手配薯角】豬手肥瘦岩岩好，肥肉爽脆，吾會好油膩，但邊邊位有少少焦左，薯角香脆又勁多。【特濃龍蝦汁帶子蟹肉意粉】好香濃蝦味又好多汁既意粉，醬汁有d creamy卻不膩。【士多啤梨窩夫】&【紐約芝士餅】窩夫既蛋香同牛油味好邪惡。【芒果沙冰】&【荔枝沙冰】沙冰搭到好高，飲到輪輪盡盡，好驚崩掉。荔枝味好fresh😋

今日星期五放工，我就打算去旺角信和行下碟舖，再同朋友去樓上cafe傾計，同埋食晚餐，我地就搵左一間係登打士廣場既餐廳，地點夠方便，附近行完街，再上樓食飯休息餐廳環境同埋氣氛都好好，門口波波球燈好令，枱面玻璃底下仲有放左乾花，十分有心意，加上座位坐得舒服，可以同朋友開心傾計我地叫左$368既2人套餐，包括1款小食，2款主食，同2款甜品，如果想飲特色飲品就可以加錢轉芝士煙肉焗薯條薯條食落香脆，加上煙肉一齊食就唔會太單調黑松露軟殼蟹意粉軟殼蟹炸完仲食到蟹肉同蟹膏，味道較重，但配上意粉就剛剛好燒春雞配薯蓉上枱時嚇左一跳，估唔到咁平既價錢，可以食到成隻雞，超大一隻，但肉質嫩滑，啖啖肉，好滿足，配上香滑薯蓉，2個人食已經好飽茉莉花茶有淡淡花香，味道清新山羊座用左牛奶，曲奇，雪糕製成，味道唔算太甜，可以當甜品食石板街芝士餅(朱古力味香濃)+士多啤梨窩夫(窩夫脆得黎似格仔餅)

晚上的時候和朋友來到旺角吃晚飯，想着找一些樓上Cafe可以坐耐啲傾計同食下野，最後就揀咗呢間位於登打士廣場10樓嘅餐廳_我哋叫咗嘅係二人餐 $368包左一款小食、兩款主食、兩款甜品和飲品個人覺得非常抵食而且味道都唔錯小食方面我哋揀咗美式芝士煙肉焗薯條，份量都唔少而且好香口主食方面亦都有非常多嘅選擇，我哋就揀咗黑松露軟殼蟹意粉同埋自家製黑松露燒春雞配薯蓉賣相非常吸引，燒春雞係原隻上，外皮燒得非常香脆，雞肉亦都幾嫩滑，薯蓉入口非常綿滑，大家來到也可以叫來試試_甜品方面揀咗自家製士多啤梨醬窩夫同石板街芝士蛋糕🍰最欣賞係個窩夫能夠做到外脆內軟食落去亦都唔會話太甜，這裏的飲品也有很多不同的選擇，花茶咖啡冰沙特飲應有盡有，另外這裏有提供不同類型的桌上遊戲，下次會和朋友再來這裏🤣

今日嚟到登打士街呢個廣場10樓嘅一間餐廳，突然間青春嘅味道好似返晒黎咁！上到去，空間好大，氣氛幾好！中間盞燈勁eyes catching，除咗盞燈仲有d旅遊書同games. 唔諗咁多喇，見到二人set 都唔錯就食你啦！蜜糖雞翼雞皮好香口，再加上甜甜地嘅蜜糖，好惹味！龍蝦汁意大利麵一上枱，心諗，點解咁大碟嘅😂，龍蝦汁真係好香濃，而且仲落足料添！d帶子好似唔使本咁！豬手配薯角又係好大隻，仲有兜新鮮熱辣嘅薯角！真係飽到一個點呀！豬手炸得好鬆化，而且味道又不會太咸，最重要係無嗰種奇怪嘅騷味！食到呢度，其實已經好飽，但仲有兩個甜品！！！我地要個咗waffle 同 cheese cake 由於之前d食物份量太多，搞到我同友人差d食唔落個甜品！初初揀黎呢度，係因為以為呢度係食荷蘭野嘅，後尾黎到發現原來係食普通西餐，本身都有d失望，不過最後竟然有驚喜，質素唔差之餘而且性價比極高！即刻開心返lu 😂😂😂