Go Dutch Cafe

營業中

休息中

樓上cafe在旺角已經開到五花八門，質素也很參差。今天朋友帶我來這間樓上cafe就給我很大的驚喜。餐廳用上橙黃色的燈，十分柔和的氣氛。Board game 可以說是樓上cafe的基本配置了，而這間cafe的board game多得整個櫃都塞滿了，更有一些旅遊書供客人閱讀，不玩遊戲的來這裏邊吃邊計劃旅遊行程也可以。我們點了一個二人套餐，有芝士豚肉釀雞翼，特濃龍蝦汁帶子蟹肉意粉，金沙大蝦咸蛋意粉，Tiramisu和棒子朱古力比利時窩夫。雞翼有四件，全都脫了骨，再塞了些豬肉，漲卜卜的，咬下去十分有滿足感。龍蝦汁意粉份量也很十足，帶子和蟹肉也不少。咸蛋意粉也挺有創意，咸蛋系食物吃過不少，但意粉這回是第一次，金黃的賣相也很吊人胃口，而且意外的美味，令人吃不停口。自家製的tiramisu 很有特色，造得好精緻，有淡淡的酒味，每層餡料都味道分明。窩夫上放了滿的忌廉和朱古力醬，看到已令人垂涎三尺，窩夫也焗得外脆內軟。我們最後點了薄荷碎碎朱古力和好立克沙冰加曲奇。薄荷拼朱古力的組合是完美，再加上碎碎，邊喝邊咬，十分趣致。好立克沙冰也是創意滿滿，沒想到好立克可以做沙冰，而且不減美味。還有很多主菜和小食都想

呢個時勢出去食飯都有d擔心，但系朋友始終都要見，呢到地方闊落，同隔離枱吾會痴得好埋。二人套餐好抵食，$368就有小食一客、主菜兩客、甜品兩款。【芝士豚肉釀雞翼】雞翼吾算好大隻，裡面塞左豚肉同芝士，好juicy。【白汁吞拿魚長通粉】溶哂既cheese包住條煙韌既通粉, 再加埋少少鹹香吞拿魚，入口仲有D牛油香味。【德國鹹豬手配薯角】出面食個豬手都要兩百蚊，吾叫豬手真系對吾住自己。豬手肥瘦剛好，豬皮又吾油膩，最重要吾會食到牙胶軟。【提拉米蘇】&【朱古力曲奇芝士餅】【芋頭鮮奶】&【薰衣草花茶】

我自己好鍾意同朋友去cafe食野， 可以靜靜地慢慢坐，同朋友傾下偈，玩下game， 輕輕鬆鬆咁嘆個晚飯。一出𨋢，就見到餐廳門口有個好大既樹木枱，上面有樹枝擺設同果實燈，燈光暗暗的，幾有格調，室內環境都舒適，坐位闊落，坐得舒服！ 懶得諗就點了個二人餐，非常豐富！二人套餐$368 (小食x1 + 主菜x2 + 甜品x2 + 飲品x2)煙三文魚凱撒沙律分量比想像中多， 表面有六大塊煙三文魚，且而擺盤好靚，好有心思，生菜都算新鮮， 沙律醬配搭好好食， 但如果加多幾款唔同既蔬菜就仲好啦，豐富口感。黑松露軟殼蟹意粉原隻軟殼蟹，炸得好酥脆， 蟹肉鮮甜，意粉配雜菌香菇同黑松露醬絕對冇得輸，好好味，但略嫌意粉偏淋左少少。自家製黑松露燒春雞配薯蓉但係個賣相已經非常吸引，size 係成隻燒雞咁大隻，表皮燒得好香脆，而且裏面雞肉非常juicy， 撕開雞肉會滴汁的，雞髀位好嫩滑。提拉米蘇唔係好甜，味道ok。士多啤梨比利時窩夫即叫即整，外脆內軟，唔會太甜，加埋cream食，正。山羊座特飲Oreo同牛奶攪勻再配上雪糕。草莓脆脆朱古力酸酸甜甜的，味道有好特別。總括而言，環境同食物質素相當唔錯， 值得大家過來試試。

今日大食妹同朋友仔去咗位於旺角嘅Go Dutch食飯我哋嗌咗個二人套餐, 套餐包括一份小食、兩份主食、兩份甜品, 同埋嘢飲餐廳嘅上菜速度唔算快, 但嘢食的確係唔錯嘅<蜜糖雞翼>蜜糖雞翼啱啱出爐, 外脆內有肉汗, 上面搽左唔少蜜糖, 好正<特濃龍蝦汁帶子蟹肉意粉>特濃龍蝦汁帶子蟹肉意粉嘅龍蝦汁都幾濃郁, 帶子同蟹肉嘅份量都頗多, 加埋意粉都唔差<自家制黑松露燒春雞配薯蓉>自家製黑松露燒春雞嘅份量真係嚇死人, 竟然係－隻完整嘅燒春雞, 仲有好大份嘅薯蓉<Tiramisu and chocolate cookie cheesecake>甜品方面我哋就揀左tiramisu同朱古力曲奇芝士蛋糕, 蛋糕比較硬身, 大食妹就唔係咁好啦<芒果沙冰>呢個沙冰都超級多, 要快啲飲, 如果唔係就溶到成枱都係<肉桂花茶>因為大食妹有少少唔舒服, 就揀咗肉桂花茶

今日同朋友去旺角食飯！又唔想找人多的地方！所以我們決定去cafe 登打士大廈有好多cafe 今日選了10樓Go Dutch cafe cafe 內面有好多card game,可自己拿來玩我們點了一個兩人餐有兩個主食德國豬手不是和外面一樣的是脆的！這一家是似半蒸焗皮是爽口彈牙！內面的肉好入味！帶子蟹肉意粉味道不錯個汁好正一個小食炸盬酥雞炸得香香脆脆！外脆內軟！一點都不乾！兩個甜品藍梅芝士蛋糕提拉米蘇味道上可！兩杯飲品脆脆朱古力加雪糕水仙玖瑰花茶

黎過呢度兩次，兩次不管係叫a la carte 定係dinner set我都無失望。 成個set 同朋友開心share 果個肉醬芝士大菇好好食。而且意粉類既味道都多選擇，可以不只一次咁返去食唔同的美食。

某天晚上同朋友想去cafe玩，去左最多cafe既登打士街果棟cafe大廈,之後就黎到10樓既go dutch cafe.一入門口就見到一盞好靚好浪漫既燈，而且入面所有傢俬都係梳化位，坐位舒適好有家既感覺。入面仲有多款board game玩，之後我地叫左個二人餐，有一款小食揀左三文魚凱薩沙律，三文魚既花花造型好靚，同埋份量都幾大碟，兩個主食揀左豬手同埋燒春雞配薯蓉，豬手仲要配埋薯角，份量都幾多嫁，肉質好淋好好味。個餐仲跟兩杯特飲，揀左煉奶朱古力碎碎加雪糕好好飲同藍柑桔乳酸加雪糕都好正。最後仲有芝士蛋糕食。滿足的一餐。

今日同媽媽去飲茶，但由於太多人，好嘈，所以我提議去Cafe食野，靜靜地，同媽媽傾下計。因為我志尸出左旺角，所以我就去左登打士廣場果邊搵Cafe，最後決定左去呢間Go Dutch Cafe。一入到去，感覺好寧靜，入面的客人雖然有講有笑，但都吾會好似酒樓咁嘈，非常之好👍🏻我地選左一個卡座，就開始點餐。估吾到佢地有咁多野食，睇餐牌都要少少時間😂我同媽媽一齊叫左個小食，蜜糖雞翼，然後一人叫左一個餐，加飲品。我叫左龍蝦汁蟹肉元貝長通粉，而媽咪叫左蒜蓉燒雞扒長通粉。由於食物是即製的，所以需要一啲等候時間，同媽咪傾一陣計小食就上菜了。呢個蜜糖雞翼熱辣辣非常之香，一入口食到甜甜嘅蜜糖味，非常野味，好快我哋就將啲雞翼食晒了😂媽咪嗰個長通粉都上菜啦，估唔到件雞扒係噤口嘅，而且雞皮非常香脆，賣相十分吸引。媽咪話味道唔錯，最吸引係件雞扒，因為非常香脆，啖啖肉，非常滿足😍而我呢個長通粉都唔差，長通粉上面鋪滿蟹肉，下面亦都有好多細細粒嘅元貝，當元貝同埋蟹肉吸收左呢個咁濃嘅龍蝦汁，即時將個鮮味提升咗，非常好味。忘記咗介紹飲品，我同媽媽都叫咗花茶，原來呢度除咗好多特飲之外仲有花茶，跟餐一齊叫都可以，啱晒我媽咪。如果大

最近諗起以前讀書嗰陣好鐘意同d同學去cafe傾計、玩board game, 今晚就約咗位舊同學食飯, 去咗我地以前成日去既登打士廣場搵cafe😝今次就去咗位於10樓既 餐廳裝飾攞設加上燈光都好有情調, 感覺似西餐廳多過cafe😝(下次要帶男朋友黎撐下枱腳先)Set of two ($368)*小食*1+主食*2+甜品*2+飲品*2小食 - RS13 芝士煙肉黑松露焗大蘑菇 滿滿芝士加上香濃黑松露醬, 好食💯主食 - RM9 金沙大蝦咸蛋意粉第一次食咸蛋配意粉, 特別得黎又估唔到都幾夾幾好食🤤 醬汁份量亦啱啱好, 每一條意粉都掛上醬汁👍🏾 不過唯一美中不足d大蝦麻麻地主食 - RM12 德國鹹豬手配薯角份量💯 鹹豬手味道不錯, 蜜汁加點黑椒味既肉, 又厚又腍既豬皮, 滿足💯, 另外新鮮炸既薯角特別好食😋 甜品 - RD2 藍苺芝士餅 & RD3 提拉米蘇甜品比較普通, 不過不失🤪大大杯, 飲住野慢慢傾計😝

要同老公過旺角買嘢，順便食埋飯先返屋企叫咗2人餐但2碟意大利粉原來勁大碟🤣🤣.黃金雞翼特濃龍蝦汁蟹肉帶子意粉軟殼蟹黑松露意粉榛子朱古力窩夫朱古力曲奇芝士餅蟹肉其喺係蟹柳啦，帶子就係細細粉嘅帶子仔😂不過份量都多。軟殼蟹原隻上，帶少少椒鹽味甜品我覺得窩夫比較好味，芝士餅就係朱古力味，冇乜曲奇嘅感覺呀二人餐$368，仲有2杯嘢, 呢晚唔多人，都坐得幾舒服

呢間Café 之前同一大堆朋友聚會果陣嚟食過，份量都幾多，今次同朋友係旺角行完街，特登過嚟食多次。Set for Two ($368+1)芝士豚肉釀雞翼烤雞翼去骨後塞滿芝士同豚肉，雖然餡料豐富，但食落唔會好滯，每人食兩隻都未必夠喉！卡邦尼意粉啲意粉堆到座山咁高，唔講重以為叫左到會份量，味道不過不失，不過配上煙肉脆粒都幾特別。德國鹹豬手配薯角豬手去骨同醃得幾入味，落左蜜糖同少量黑椒甜甜地幾好味，薯角就稍為唔夠香脆。甜品食完主菜都已經好飽，同朋友叫咗藍莓芝士餅、士多啤梨比利時窩夫呢兩樣酸酸地比較消滯嘅甜品，食完更加滿足。飲品朋友簡咗檸檬草茶、我簡咗薄荷朱古力，每樣野飲都只係補十幾至二十蚊，好划算，而且大大杯，可以慢慢飲住同朋友玩同吹水！

今日同阿仔出開去旺角買嘢, 有啲時間 剩 , 又未到下，於是搵咗一間 cafe坐低。😋💑 嘩 ！打開𨋢門，原來好浪漫(當然是因為同阿仔，所以特別浪漫啦)， 我好鍾意放在餐廳中間的"燈飾樹" (haha, 我仲同盞燈影咗好多相添)，環境很好，有好大的窗，啲客都幾有質素，雖然玩board game 但唔係好嘈。🍽 點了一個二人晚餐，有頭盤、主食、甜品加飲品 ，才$368。 頭盤是"吉列炸蠔"係阿仔的至愛，有六件，炸蠔不算大隻，但好有蠔香味， 夠juicy。🍝 阿仔點了"龍蝦汁蟹肉意粉"，我超鍾意，食咗佢一半 (因為真係好大碟)， 龍蝦汁又香又濃，蟹肉好似是新鮮的，我估不是仿蟹肉。🍤 我點了"金沙大蝦鹹蛋意粉"， 好似有六至八隻大蝦，全部已經脫殼，鹹鹹香香都幾好味。🍹 我最鍾意係飲品， 點了一杯粉"紅戀人"(特別合適處女座) 草莓、玫瑰及士多啤梨雪糕，雪糕球好大，仲有好多士多啤梨果肉。 阿仔點了"朱古力脆脆"，朱古力味濃郁但不太甜，用嚟打卡影相一流。😋

旺角樓上有好多間cafe，眼花撩亂，但呢間令我印象深刻因為裡面的環境優美，好有氣氛，座位坐得舒服食物質素都很好，份量都好多，一定夠飽我同朋友去，所以叫左個2人餐🔶蜜糖雞翼（6隻）蜜糖令雞翼皮脆香，甜甜地好開胃🔶日式咖喱吉列豬扒飯咖喱味啱啱好，唔會太稀豬扒都幾厚，而且唔會太硬、肉質鬆軟👍🏻🔶黑松露軟殼蟹意粉意粉份量超多，有不同嘅菇配搭，材料豐富而且黑松露味濃，多汁夠juice軟殼蟹炸到好脆，香脆易入口🔶藍莓芝士餅我覺得麻麻地因為蛋糕位唔夠實唔夠芝士變左好似麵包咁🔶榛子朱古力比利時窩夫呢個推薦，因為窩夫夠香夠脆🔶芒果沙冰（超誇張，整到勁高，幾得意）🔶阿華田朱古力脆脆（好飲）總結：一大班去傾計去玩可以試下呢間

今晚同朋友去咗旺角登打士街廣場食晚飯，係一間環境氣氛不俗既cafe餐廳。呢間cafe有免費Wi-Fi，有不同種類嘅卡game玩，絕對啱晒一班朋友敘舊傾計消遣，值得推介！今次我哋叫咗set for two 既晚餐黎食，分別包括一份小食，兩份主食，兩份甜品，兩杯飲料。值得一提既係小食選擇非常多，啱晒唔同口味嘅朋友，而我哋今次小食就叫咗份煙三文魚凱撒沙律打頭陣。一上菜就比佢既大大塊三文魚吸引着，食落口味道係偏咸，但有少少煙薰既味道再配合埋凱撒沙律算係唔錯既開胃菜。主食我地就叫咗份卡邦尼意粉同埋德國鹹豬手配薯角。前者絕對真心推介，佢嘅芝士味非常濃烈，幾乎每條意粉都沾滿芝士汁，而分量都算多既，哈哈岩晒我呢啲鐘意食意粉又非常大食既人。後者德國鹹豬手本人覺得整得非常煙銀，亦唔會話好咸同難咬，配合埋芥茉漿食落口滋味十足。而佢配埋嘅薯角絕對有驚喜，每隻薯角都炸得非常脆而又唔會油膩。飲料方面我地分別叫榛子脆脆朱古力同蜜桃乳酸。前者有一層沙冰係中間托住啲可可脆片，就算飲到最尾啲脆片都唔會溶，非常好飲。蜜桃乳酸做得非常出色，蜜桃汁同乳酸好夾，飲落唔會話好甜，有少少沙冰飲落好正。最後甜品叫咗份朱古力曲奇芝士餅

㕵角登打士廣場一直係我私竇，玩完鏢都喺樓上樓下搵嘢食，今次就去10樓Go Dutch Cafe食dinnerDinner set for two ($368)呢個set完全係自選menu黎，由小食到main再到甜品飲品，每一項都有成10幾款比你揀，唔使再逐樣食物去格價。小食揀左芝士肉醬焗大蘑菇，肉醬嘅汁偏甜，蘑菇大大隻超多汁，如果肉粒再多d就好😀Main就有黑松露軟殼蟹意粉，超大一盤，完全可以比3個男人食，而且是有水準的，軟殼蟹亦多脆。另外有德國咸豬手配薯角，又係大大份，皮可以再炸脆d，成個set根本可以分到3個人食都完全冇問題😋甜品嘢飲分別係Tiramisu 同朱古力曲奇芝士餅，好靚但唔夠甜，嘢飲選擇亦勁多，個場仲有board game等住你，係個幾chill嘅地方黎😌