Give Me 5 (已結業)

朋友推介位於觀塘鴻圖道尾的FIVE ME 5西餐廳！於是就同友人TRY TRY！由於已經先前BOOK左位，所以店員都留左窗邊既位置俾我地估唔到個境都幾唔錯！而且好寧靜先叫左個SET，跟左1湯1包1沙津前菜個蒜溶包都幾驚喜！ 即整，好脆好香口！SET叫左 美式豬肋骨配燒烤汁 $168個ribs好正！肉質軟硬度岩岩好！而且份量幾大！而且個汁唔會完全乾晒，食落都juicy！ribs配埋薯角岩晒！黑松露北海道帶子意大利飯 $118 推介！煙煙靭靭的意大利飯完全吸收濃郁的忌廉汁黑松露亦算突出，上菜一刻已聞到黑松露味！鮮果窩夫配雪糕 $68食完主菜，當然要食番個甜品！窩夫即叫即整，軟硬岩岩好！中間個冧酒雪糕都好正！境!仲有，入面仲有得掉飛鏢，又有得玩，又有得食^_^會再光顧！

觀塘工廈都幾多嘢食 今次呢度近住鴻圖道嘅呢間樓上餐廳 七點幾呢度 唔係太多人只有一兩枱 而且地方夠大坐得好舒服 側邊仲有桌球同飛鏢玩 小食叫咗風沙單骨雞翼 餐廳好貼心咁將雞翼一開二 女仔食都唔怕麻煩 雞翼炸得好鬆脆 而且好多肉汁 墨西哥薄餅配蕃茄莎莎及牛油果醬 墨西哥薄餅個皮脆卜卜加上陷料夠惹味 再係上面搽埋蕃茄莎莎醬 少少酸又夠清新 牛油果醬好軟滑 仲有炭燒豬肋骨 豬肋骨冇諗過咁大分 而且好厚肉 肉炆得好林 一切就已經分開 上面加上燒烤醬 令到個味道在提升 主菜就叫咗炸軟殼蟹卡邦尼意大利粉 軟殼蟹炸得好脆卜卜 個身亦都有好多肉 不過就要趁熱食 如果唔係林咗就有啲腥 卡邦呢個汁整得好好 意大利粉亦都煮得軟硬適中 黑松露北海道帶子意大利飯 帶子有兩大粒外面煎香咗 入邊仲係有刺身嘅感覺 好食 黑松露意大利飯 有好多黑松露粒粒 加上忌廉汁 個味道好夾 兩個人食埋單都係五百蚊 而且份量好大 幾乎食唔曬

呢日請左假去醫院覆診，之後就搵埋女皇去食lunch啦之前黎過食dinner，覺得食物同環境都幾好！知道餐廳午市會做半自助餐，反正咁近就呢日就帶埋女皇去食下先有A-G七個set，全部都包晒自助沙律吧都餐飲，價錢由HKd$68-128不等我呢個牛魔皇就要左G餐既“澳洲肉眼扒(8安士)配野菌燒汁”HKd$128+10%；而女皇就要左F餐既“美式燒排骨配牛油粟米”HKd$98+10%自助沙律吧有四款沙律，當中亦有幾款新鮮既沙律菜同醬料可以自行組合沙律既配搭除此以外，仲有埋餐湯、蒜蓉多士同幾款小甜品（紅、白餐酒仲任飲添）既然主菜未到，我到先飲下當日既雜菌白湯同沙律先，味道都唔差啵之後女皇既燒排骨就到啦，份量一啲都唔少，有六舊燒得香噴噴排骨、炸薯條、雜菜牛油粟米女皇分左d俾我食，粟米香甜，個ribs燒得骨肉分離之餘仲肉腍而不梅，調味仲岩岩好而我既肉眼扒都一樣好吸引一大塊肉眼扒配以脆薯角同雜菜，同樣份量十足個日要左四成熟，無落到鬆肉粉既肉眼扒煎得岩岩好，食落嫩腍無筋，加上調味剛好我呢個小牛魔表示食得好滿意之後就同女皇出去拎左啲甜品同蛋糕食，當中既德國芝士蛋糕同熱情果芒果蛋糕既味道都唔錯食完蛋糕個甜胃

絕對有驚喜既佢，只可以講，雖然食物既味道唔係滿分，不過性價比絕對高，一個普通價錢，酒店級semi-buffet既offer，重可以點先難怪一到午膳時間，就變左附近打工仔既飯堂了身為bar & restaurant既佢，上到黎正門比我既感覺都幾舒服，環境寬敞，有大量自然光射入，都幾唔錯坐底就睇睇餐牌，lunch set 選擇雖然只得七個，不過入面既配搭梗有一個岩你既由$62至$128不等，另加一服務費，同時已包仼食沙律吧，餐包，甜品，並仼飲紅白餐酒！落完order後，等食往往係最漫長而又痛苦既，不過呢度就一定唔會悶因為餐廳設有飛標機及桌球枱！就算只係黎食個lunch，餐廳都歡迎你使用呢d設施架！今日小編就有玩一玩，就同友人玩左$10一局既飛標如果唔想玩既話，都一樣滿足到你！因為，你已經可以開始食呢個就係套餐包埋仼食既沙律包位置，規模同選擇都唔小架！真係有驚喜呢個係餐湯及餐包，就係於沙律吧位置自助拿取既，份量亦自行控制法包貌似蒜蓉包，不過其實唔係，係少許牛油及香草餐湯係香草忌廉磨菇湯，聞落好香，但味道偏淡，都幾開胃沙律分量同配搭都係自行調教既，當中包括菜，青瓜，蕃茄及薯仔粒等等，全部都好新

這間餐廳🍴比較遠離觀塘地鐵站，要行約10分鐘路程，但食過你會覺得絕對值得走一回上到餐廳十分它大，卡位十分之寛敞，不知不覺間坐了兩小時.....今晚大家都餓了...先叫了Dinner set隨餐送一份香脆蒜茸包，十分香脆可口！叫一客set dinner包這款湯「周打魚忌廉湯」這個周打魚湯無論口感/味道都係好好，清香奶油魚湯很濃烈卻不失清醇口味，很好評Dinner set包埋這款：「蜜瓜西班牙火腿配黑醋汁沙律」這款前菜有許多三色椒粒伴碟，喜愛吃巴馬火腿的人一定喜愛「黑松露北海度帶子意大利飯」意大利飯香味十足，上菜色香味俱全，亮晶晶大大粒的兩顆半熟帶子實屬高質素，整個意大利飯很好吃汁多，火粒外軟內韌，大師級水平作品生蠔做緊超筍價：高質「生蠔」只係$ 10/隻，一向對生蠔麻麻地感興趣既我都食左好多隻，只為好鮮味又唔腥，易入口抵食推介： 餐廳🍴活動期間facebook like1l ike仲送大大杯「檸檬藍碟豆花茶」女士恩物！「田園沙律千島Pizza」木魚鋪滿pizza面，熱力令木魚鬆好似郁郁下..食落發現是酥皮pizza底，加上冇落好多肉，滿口是香菇絲、沙律菜、，但出奇地清新好味而且食足三四件

今日約了同事吃午餐，因為有人生日，所以就提議吃得好一點，吃半自助午餐。首先每人選了一個MAIN DISH就各自出去夾沙律和湯。有桌球和飛標玩有沙律、湯和甜品湯好香，但味道淡了一點。蒜蓉包沾湯食都不錯沙律菜都頗新鮮，可以揀沙律醋*燒豬脾仔墨汁意大利飯 ($98)有2隻豬脾仔，燒得剛好，不會太熟，肉質保持嫩滑爽口。意大利飯很香墨汁味，飯粒都夠煙UN，如果可以濕潤和CREAMY一點會更好。*咖哩乳酪羊肉串白飯 ($88)同事點的，她說羊肉都不錯。*鮮果拿破崙 ($88)因為有人生日，所以就多點了一個甜品。拿破崙好脆，吉士份量夠多；鮮果偏酸，和吉士的甜味中和了一下。

想不到隱身在觀塘工廈內有咁好既地方。lunch 時間我地一行十二人去試左呢間的lunch set,呢到的白酒紅酒免費飲、沙律、前菜、餐湯、甜品都係免費任食！好抵，重點是個甜品有cheese cake,啫喱同奶凍，三種都幾好食，連我老闆都話個奶凍勁好食！而講返個main course先，塊扒唔錯喎，抵食！

Give Me 5位於鴻圖道街尾，近觀塘繞道麗港城一帶，位置比較隔涉。晚上時候到達，空間感很大，很寧靜很舒服，適合經過一天辛勞工作後放鬆心情。晚餐選擇很多，基本上所有主菜意粉飯都可以改成套餐。當晚有10蚊一隻生蠔的推廣，每人可叫三隻，不過當晚只想簡簡單單吃個晚飯套餐，沒有多作考慮。晚餐前菜為蜜瓜西班牙火腿沙律，蜜瓜與火腿配搭多為蜜瓜火腿卷，今次將蜜瓜切碎，上面放上一大片的西班牙火腿，不失為一個新穎的配搭。周打魚忌廉湯味道很港式西餐，有魚碎亦有梳打餅碎，餐湯熱度十足，入口亦算可口。北海道帶子黑松露意大利飯芝士忌廉味道足，少少的黑松露帶出幽幽香氣，北海道帶子煎成半生熟狀，滑嘟嘟的很有質感，味道鮮甜。德國燒豬手上枱時感覺很震撼，很大的一隻，兩人都未必可以消滅到。侍應隨後帶回入廚房切開。豬手切開後皮肉分離，豬皮脆卜卜但又至於很硬，豬手肉本身帶有鹹味，可以唔點黑椒汁。黑椒汁味道好似港式鐵板餐，味道好濃老公好喜愛。伴菜酸祡椰菜剛好中和肉食的厚重感，薯角切得很大塊，外脆內軟亦很香口。主菜過後老公忽然傅家俊上身，話要打番場桌球。桌球為美式桌球，較易入袋，老公不消幾分鐘已清袋。玩完桌球，輪到飛鏢，老公有

6個朋友去呢間餐廳慶祝生日，叫左3個主菜同埋啲小食。主要想讚下啲主菜 我地叫左一個牛扒，個魚同埋一個ribs，個牛扒叫左5成熟，啲肉好嫩，同埋佢配左個蘑菇汁，個蘑菇味好濃好好味😋😋個魚煎完之後個皮好脆 味道都好新鮮 肉質嫩滑！個ribs先係最正！👍🏻 好怕食啲ribs嘅肉好鞋 但係呢度個ribs超林 個味又唔會太咸 讚呀👍🏻👍🏻👍🏻 因爲我朋友生日 我都叫左個甜品，係一個朱古力空心嘅波波 入面有心太軟同雪糕 都好味嘅 同埋啲字寫得好靚靚😍😍

觀塘工廈愈黎愈多高格調餐廳，試過有啲價錢唔平不過質素麻麻，呢間係朋友介紹，應該有保證～所以都抱有一定期望！黎到目的地樓下～入左𨋢想㩒5字～但係掃視所有按鈕唔見5字？有一刻以為入錯𨋢，望清楚原來5字貼住個Give me 5貼紙...我同朋友都笑左出黎XD雖然店方原意係好～不過可能有少少好心做壞事～如果貼係按鈕側邊就清楚啲入到餐廳～嘩！好大！樓底好高！空間感十足！坐低左店員好主動介紹有咩做緊promotion~睇完menu覺得散叫岩食啲～上菜先知跟埋一人一塊蒜蓉包，個湯好香濃，黑松露味強勁，蒜蓉包脆卜卜點湯食非常滋味～吞拿魚係厚切，好有口感，表面既黑椒味濃烈，中間魚生既口感好柔軟，食吞拿魚魚生最怕食到筋同埋成口腥味，佢完全冇筋又唔腥，非常唔錯～薯仔雖然係配角但係都唔可以忽略，表面煎香加少少鹽調味，睇落簡單但好好味！沙律菜新鮮係正常水準～生蠔特價$10/隻，價錢咁實惠都預左唔係好大隻，雖然size細細但都好鮮甜，亦處理得好乾淨冇雜質，呢個價錢過下口癮絕對抵食！不過特價只限一人3隻～點左5成熟，但係切開第一件有啲驚訝因為應該已經9成熟...好彩另外兩件符合水準切開仍有粉嫰紅色，羶味淡淡的唔係好

真係好羨慕係觀塘返工既人，可以係觀塘工廠區食好野，呢次多得朋友介紹，我又發現左間性價比高既brunch 叫 Give me 5Give me 5係5樓，好易記餐廳佔地應該有二千幾呎，有部份劃左做遊戲區，有桌球， 飛鏢，可以又食又玩裝飾設計走水手海洋風，梳發卡位闊落舒適未食野已經感覺唔錯午餐有A至G，如果只食沙律吧，就最平$62，如果食埋main就 $78至$128我地三人行share 兩個main，要左香煎雞扒配磨菇松露汁& 澳洲肉眼扒配野菌燒汁自助沙律吧有括新鮮沙律菜，可以自配橄欖油，黑醋汁，千島醬等，亦有已配搭好既沙律，仲有甜品，香脆蒜蓉包，任飲紅白酒今日餐湯係蔬菜忌廉湯，質感幾creamy，加D麵包粒落湯到，脆卜卜好好食紅白酒任飲，不過我地只係淺嚐一下都係智利出產，白酒比紅酒順喉甜品係日式芝士蛋糕，德國芝士蛋糕，布丁，啫哩等，都係餐廳自家製日式芝士蛋糕鬆軟，芝士夠濃，口感幼滑而德國芝士蛋糕更好食，混入提子乾，芝士味更濃，我想再食時，已經無左refill，轉左 第二款，應該係Raspberry 味兩款main course 同時黎到澳洲肉眼扒，有成8oz，仲有香脆焗薯角肉質軟稔好易

上回講到同好朋友嚟到觀塘尋覓高質西餐， 畀我哋搵到Give Me Five ， 主菜非常有驚喜， 由德國豬手到黑松露燴飯， 材料新鮮， 份量十足， 每一個細節都落足功夫， 好欣賞廚師嘅一番心機。今次要介紹下個甜品， 兩個女仔食飯等於有兩個甜品胃，只係食跟餐甜品有點會夠， 一般西餐廳通常只有焦糖燉蛋,芝士蛋糕,朱古力蛋糕等等， 見到餐牌上有較少食到嘅鮮果拿破崙，就特意點了一客。從相片睇可能較難知道實質大小， 但作為現場觀眾嘅我哋就畀佢嘅巨型份量嚇了一跳， 整個鮮果拿破崙足足有一隻前臂咁長！ 上面鋪滿好多唔同生果， 有藍莓,士多啤梨,火龍果，仲有我最鍾意嘅覆盆子 (平時在超市買一點也不便宜哦)💕💕喺深層充滿牛油香嘅酥皮之中仲有厚厚的兩層幼滑吉士， 熱愛吉士的朋友立時心心眼~個人最怕食到油膩又有油益味嘅酥皮， 但呢個拿破崙做得真係出色， 每一層酥皮都好鬆脆， 吉士甜度適中， 好香滑好creamy， 雖然食到甜品呢部分已經好飽， 但真係忍唔到口😂至於下面呢個跟餐嘅甜品就不過不失啦， 賣相係幾好，但係雪糕就嫌唔夠甜， 似牛奶雪芭多啲😆， 不過細細件嘅芝士蛋糕都不錯， 質地鬆軟， 蛋糕結構綿密，

阿囡係官塘工廈上完跳舞班，就係附近搵野食 呢間GIVE ME 5，樓下掛滿了banner, 價錢也可以 樓下就像工廠的入口 但上到黎就豁然開朗 敞大的環境，唔會迫迫夾夾~ 六點上到黎，我地係第一枱客呢~XD 臨近麗港城，窗外仲有美麗的萬家燈火~ 一覽無遺的景致係官塘呢個咁稠密的地方真係好少有 可能近海關係，呢度都以海軍藍為基調，再配上唔少關於酒的擺設。 原來咁樣擺都幾靚喎~ 呢度真係堅大，大到可以放得落一張桌球枱俾客人玩~ 仲有2部鏢機添~ 真係寓食飯於娛樂~又有得食又有得玩~ 呢度既啤酒超多選擇，不同牌子，手工啤, Whitstable Bay 都有 而且價錢都好抵，除左有買2送一，仲有生蠔啤酒SET 添 講緊係 百幾蚊咋~ 甜品櫃見到呢個勁靚既"愛麗絲夢遊仙境" 甜品SET 個朱古力波就係傳說中會溶開個隻 可惜今日得3丁友，食唔哂呢個咁豐富既甜品，無綠見佢溶既一面 呢度既食物選擇都幾多下 每個MAIN COURSE 都可以轉做4 COURSE 既套餐添~ 不過最後我地都係來個散餐 雖然無叫餐，無湯，但都送上了熱辣辣，香噴噴的3片蒜蓉飽 呢度既其中一個賣點 10

星期六看完電影後，apm 商場人來人往，我最怕人多要等位，所以就寧願走遠一點，來到觀塘工廈內的Give Me 5吃午餐。環境雅致，還有午間柔和的陽光滲入餐廳，使整體室內風格和諧溫暖。場內設有飛鏢機和桌球台，有得玩又有得食。所有午餐均有供應任食沙律吧，這個價位來說，可以說是超抵食！全部餐湯、沙律吧、甜品和紅白餐酒都是任食任飲，款式雖然不算很多，不過一直都會有店員refill。平時外出進餐經常多肉少菜，沙律吧就可吃到大量新鮮蔬菜，清新爽口，健康又開胃。蒜蓉包烘得香脆，不會烘得過於乾硬，不過蒜香味就略為淡了一點。羅宋湯味道濃郁，雜菜下得頗足料。香煎豬柳蘋果燒汁配寬條麵 $88原來主菜份量亦不少，豬柳肉質不會太韌，而且煎得香口帶焦香。黑胡椒燒春雞配薯菜 $88雞皮不會過厚，烤得香脆，雞髀肉夠嫩滑，配上黑椒醬格外惹味，不會過辣而蓋過了食材的原味。薯角炸成金黃熱辣辣，表面酥脆，肉心軟綿細密得似薯蓉。吃完主菜和沙律已經極度飽，不過吃甜品的又是另一個胃~ 個人推介芒果mousse 蛋糕，帶有清甜果香，質感綿密細膩。還有牛奶布丁和雜果啫喱，真是吃到超飽足的一餐！午餐亦包括餐飲一杯。

朋友選擇的一間工廈西餐, 由於是平日及工廈, 所以晚上比較小人, 適合三五知已傾下計, 唯獨可能地方太大, 聲音困住, 就算人不多, 感覺都好似有D嘈.生蠔每人最多3隻都只係10蚊, 其後再叫$15, 非常抵食, 味道都OK 唷~另外還點了~~豬手 (好好味, 比出面點的還要大隻)牛小排配大蝦 (OK)薯條配魚柳 (OK)周大蜆湯 (好味)環境~~ 一排排的長卡位, 場內可以飲酒, 有飛標及桌球，不錯的選擇