Give Me 5 (已結業)

我們一行13人做冬午餐。服務人員可能工作量大，故此不太有耐性而不太客氣。我見他們手忙腳亂，主動把用完餐具拿出去兩次，第一次他們還有笑笑口說不好 意思。第二次連唔該也沒有。半自助有沙律吧雖然話任食，種類不多。正餐：份量不多。當 然價錢經濟，不能苛求吧。

見到社交平台幫佢賣晒廣告，open rice個食評又咁好，就去試吓啦。主菜：西冷五成熟裏面出晒血但外面勁鞋又靱，唔知唔識煮定係塊西冷本身唔靚冷盤：凍蟹蝦螺青口望落去唔太新鮮，好在食落冇乜野，少少鹹味同甜味咁任食海鮮燒烤：一個鐘內只燒熟過三轉扇貝+蠔，唔俾自己夾，下下要問你要咩先響個盤夾俾你，雞翼腸仔就好願意即刻夾俾你，海鮮？唔好玩啦，行幾次都話未燒熟，明明已經黑晒又縮到冇咁滯，都堅持話未熟🤬成晚最好食嘅只有：雪糕唔記得咩牌子嘅海鹽味同埋Movenpick朱古力俾錢我都唔會再中伏，又要行到遠一遠，觀塘區其實大把選擇😤後悔自作孽咗😮‍💨

見到任飲任食兩小時海鮮餐，又有一個main course，又好似semi buffet 咁可以有啲沙律bar，地點雖則超遠(from apm)，去到麗港城個邊，慶生日，坐的士都去一次。我地book 左6點，當時無嘜人到，Order 左兩個main course,西冷七成熟，薄薄地都okay ! 另一個羊，七成熟，熟到鐵餅咁！超硬！咁飲品都算多，都okay ! 雪糕係movenpick ，正既！但去到所謂既任飲任食海鮮bar ，我地兩個人，被分到兩件燒生蠔、兩件燒帶子，就無，仲要自己開聲先R到兩隻燒鮑魚！咁我地坐返埋位，食完個main course ，再去個海鮮bar ，已經係得腸仔、粟米，見到都唔開胃個種！之後去沙律bar ，豆為住，都無嘜興趣食！之後朋友飲左個好難飲既白湯！我就食左一盒百福豆腐花。。。真係第一次慶生，見到啲食物無興趣去影！之後又催走，埋單計$788，咁其實酒店既價錢要來食？因為啲service 好啲？又唔見得。。。伏到一個點。。。

💛💛💛又係黃店推介💛觀塘出名人多車多工業大廈又多 但大家有冇諗過呢啲大廈入邊其實隱藏咗好多好西😛今日就俾小編搵到喱間give me 5 😌餐廳主打半自助餐 即係揀完一款主食之後 仲有自助區域比大家任飲任食😝最最最最重要嘅係價錢都只係三百零蚊左右😨但係食材絕對唔係cheap野‼️😧真係好鬼抵食主食未嚟之前 梗係要出去自助吧度拎野食啦😂除咗沙律同西湯呢啲例牌嘢之外自助凍盤同燒烤串燒區當中仲提供大量貴價海鮮鮑魚、扇貝、帶子、大蝦、蟹腳、青口、聖子🦑🦐🦞🦀全部都任食 而且串燒仲可以即叫即整所有食物仲一直提供到餐廳關門前半小時 完全唔驚食一轉之後就唔再出嘢食🤤🥩🍗至於主菜方面我哋今次揀咗一雞一牛：🥩澳洲肉眼扒配野菌汁牛扒叫咗五成熟 切開係好粉嫩色嘅肉咬落好林 而且鎖得住啲肉汁 非常Juicy🤤配埋野菌汁 更加提升味道嘅層次🍗野菌釀燒春雞配黑椒汁一切開舊雞入邊有超多蘑菇 🍄 🍄🍄隻雞燒到外脆內軟 塊皮超脆身但肉質就keep到好嫩好滑😝🍺🍻飲品方面：超過20款飲品任你飲就算飲日本麥啤都唔會另外收錢😛好啱收咗工之後同同事黎Happy Hour聚會兼食飯🤭🍮🍰🧁🍦🥧🍨甜品方面：我其實最滿意就係個甜品因為真

前2日去食 任食海鮮燒既set 因為OpenRice 寫開到11:00原來只係到10點我book左晚上9點 諗住食2個鐘9點準時到 入場都冇講得一個鐘食野叫左2個main 牛扒勁多筋意粉冇味跟住Buffet 海鮮燒 原來得一個人燒燒完就擺係個盤到 客去拎蠔勁細隻 蜆同花甲 基本上都燒到燶晒 Buffet 既冷盤選擇少蟹得返幾隻蝦冇晒 叫佢再拎 竟然話冇晒即係我食得一個鐘 2個人差唔多$800 我唔會再嚟 差到不得了！！！第一次寫差評就係呢間

最近去左觀塘搵朋友食lunch，朋友介紹左間CP值好高嘅lunch 半buffet比我，就係Give me 5。一入門口就有個自助沙律區，夠多菜同沙律可以食，亦有多款醬汁同配料可以落，幾好唔錯！餐湯就好搞笑，西餐廳但供應中式湯！亦有餐包多士配！中湯OK，好住家feel，如果配餐包有埋西湯就正！自助區除左沙律仲有甜品，整體甜品都中規中矩，綠茶芝士蛋糕較特別！桂花糕都幾清香，其他甜品甜左少少。另外佢有一個菠蘿雪糕+菠蘿乳酪，兩個各自食，一個太甜，一個太酸，但兩個夾埋一齊食！好好食！變左乳酪雪糕！正！IG - mr.travelgenius正式主菜我地揀左牛扒+羊架。【西冷牛扒 $188 】含沙律甜品吧+紅白酒任飲+餐茶牛扒唔算好大塊好厚，還可以，因為食左好多沙律，呢個尺寸又岩岩好。牛味唔算好重，但都可以。【燒羊架 $168 】含沙律甜品吧+紅白酒任飲+餐茶羊架好厚肉，影完相都仲好熱，好腍好Juicy！呢個好好食，下次再黎我都會再叫羊架！整體都唔錯，最開心有沙律bar任食，飲品又可以任飲，紅白酒都可以自己隨便任飲好抵，但Lunch時間就飲醉得唔得架？😂

今日嚟開觀塘做嘢 喺工廠區嗰邊搵到間有自助沙律吧嘅餐廳即刻狗衝去無計啦 打工仔生活成日想食多啲菜餐廳環境幾舒服 有啲卡位可以望到海景介紹吓沙律吧有湯有甜品有沙律有水果全部都任拎是日湯係魷魚豬骨節瓜湯 鮮甜嘅 我唔覺有落味精沙律係自己拼 亦都有好多醬選擇 菜係新鮮 有啲特色啲嘅例如麻辣蓮藕都幾正 同朋友叫咗兩個lunch setG 德國咸豬手配酸椰菜好大舊一個人真係食唔晒皮整得好脆 同friend傾咗成個鐘計都keep到香口同脆 酸椰菜就比較一般 煮得太唸 個人喜好爽脆啲先好食K 澳洲肉眼扒(8安士)配燒汁有紫薯蓉雜菜做伴碟叫咗7成熟 牛扒好有牛味 略嫌有少少薄 以呢個價錢其實已經好不錯凍檸茶 凍咖啡 就普通啦甜品方面 得朱古力蛋糕最好食 每次一拎出黎都俾人拎晒 要專登問職員先有 總括嚟講今次食物水準都幾唔錯午餐有沙律吧而且咁樣嘅價錢其實已經物有所值啦推介大家！

📍Give Me 5📮觀塘鴻圖道90號5樓.今日🙎🏽‍♂️又要OT, 決定去九龍東接佢收工順便係附近搵野食😌最後揀左呢間係觀塘海濱花園附近既工廈餐廳, 原因係有得食飯之外仲有桌球🎱同掟鏢機🎯, 返完工想減下壓, 去呢度食過飯就最適合不過.兩小時任飲任食 HKD328本身只係打算食set dinner, 入到去見到條buffet line, 最終抵受唔住誘惑改為食semi buffet🤭呢個價錢首先會每人包一份Main Course, 其他食物飲品都係All You Can Eat, 包括有沙律, 餐湯, 凍海鮮, 串燒, 甜品雪糕, 同埋成個雪櫃既飲品可以選擇特別值得一提係最受歡迎既串燒counter, 質素拍得住出面既串燒店, 仲要食到蟶子, 鮑魚, 大蝦, 生蠔等等貴價食材, 難怪長期大排長龍, 好彩串燒師傅refill得好快, 唔洗得好耐又出新一roundMain Course🔸加勒比海辣煎爐魚柳推薦大家揀煎魚柳做Main Course, 相對無咁heavy😏煎魚火候掌控得一流, 口感滑溜, 味道調味都十分出色, 唯獨伴碟既古斯米就唔太岩我口味😂🔸澳洲肉眼扒（8安士）牛扒肉味濃郁,

特登搵呢間黃店貪佢環境好 嘢食同價錢又OK重點係！！！ 佢可以俾你玩飛鏢同桌球(我就係想玩飛鏢🤭🤭🤭)超啱同朋友gathering佢有二人餐同埋半自助餐任君選擇小妹覺得半自助餐好抵食 乜都有有沙律吧、餐湯、餐包、凍海鮮、串燒連燒海鮮、甜品區、movenpick雪糕但因為小馬話要控制食量 所以我哋揀咗二人餐佢而家仲做緊六折 都超抵😆Special set dinner for two person $377 (原價$628)紫薯湯 🙆🏿‍♀️熱辣辣上枱 小妹最愛辣嘴嘅熱湯💓湯本身較稀 所以好易入口但又離奇地紫薯味好濃厚🤩蒜蓉包 💁🏿‍♀️超脆 入面灑咗啲黑椒配湯食就會淋返晒 可配合返個人取向煙三文魚沙律 💁🏿‍♀️2大片煙三文魚配上青瓜、車厘茄同沙律菜同沙律醋未食肉之前先食返啲rabbit food打個底可以均衡啲😆澳洲肉眼扒配野菌汁 (8安士) 🙆🏿‍♀️根同肉都有 jeng 🤤塊扒有肉汁 而且重牛味隔離嗰個紫薯薯蓉都正 又特別啲💓意大利西西里茄醬意粉伴脆炸軟殼蟹 🙆🏿‍♀️一上枱已經聞到好香軟殼蟹少粉 鬆軟 個番茄醬酸味好出 而且入面有洋蔥粒增加口感👍🏿餐飲 💁🏿‍♀️凍檸茶 自己落糖 可以自己

🦸🏻鍾意篤波嘅你一定唔可以錯過嘅西餐廳🦹🏻‍♀️餐廳係工業大廈入面，地方好大！特別係有個供大家篤波同埋掟飛鏢嘅地方🤣玩味十足～而且影相都一流🙈整體評分：7/10服務：6.5/10環境：7.2/10人均消費：$100-200地址：Give Me 5 (觀塘)觀塘鴻圖道90號5樓午餐採用半自助餐嘅形式，沙律、餐湯、甜品、水果，甚至紅白酒都係任飲😍法式香草🌿羊架配露絲瑪莉汁（$158）：份量都大，羊架燒得好香完全唔會肥！配上露絲瑪莉汁十分美味🤩仲有薯條好飽肚澳洲肉眼扒（8安士）配燒蒜汁（$158）：肉眼扒5成熟，牛味重，食落啖啖肉😋 配上燒蒜汁好惹味！

是晚沒有食buffet,店員貌似很不滿，最後還沒有確認我的出席，不會再光顧，氣憤😡食物份量少，性價比低，店員無禮，難以理解。價錢又貴，垃圾車經常在場邊穿梭，衛生情況也很差

• 𝙶𝚒𝚟𝚎 𝙼𝚎 𝟻 •-餐廳大部分枱都一字排開 好啱一大班朋友黎聚會！😆窗邊都有一啲卡位 就算情侶或者幾個朋友黎都可以~座位坐得幾舒服 唔會太迫😗佢個放題都幾吸引😻$3xx有海鮮、即燒串燒食 仲有movenpick雪糕！不過近排成日出街食飯食肥左 叫個二人餐算喇( ･᷄ὢ･᷅ )-𝚂𝚙𝚎𝚌𝚒𝚊𝚕 𝚜𝚎𝚝 𝚍𝚒𝚗𝚗𝚎𝚛 𝚏𝚘𝚛 𝚝𝚠𝚘 𝚙𝚎𝚛𝚜𝚘𝚗 💰$377+10%二人餐係有沙律、餐湯、主菜、pasta/risotto、甜品 仲包埋野飲！咁多野食一定夠飽😙幾欣賞佢啲食物好快就送上 唔洗等好耐當日餐湯係羅宋湯 味道正正常常~餐包夠脆👍🏿-🥗煙三文魚沙律沙律大大兜 有唔同嘅沙律菜 蕃茄仔幾甜( ⑉¯ ꇴ ¯⑉ )煙三文魚係一片長薄片卷成花嘅形狀-🥩澳洲肉眼扒配野菌汁牛味濃郁 肉質唔韌 點埋野菌汁就仲好食仲有薯蓉、紫薯片、蘆筍同少少沙律作配菜 咁就冇咁油膩😛-🍄帆立貝黑松露野菌意大利飯呢個賣相吸引🥰帆立貝有幾粒 表面有燒過啲飯唔會太水汪汪黑松露味再重啲就更好~-甜品係芝士蛋糕加雪糕Cheesecake幾重芝士味雪糕似係Häagen-Dazs😗🤣-📍觀塘鴻圖道90號5樓-

如果我喺觀塘返工，應該會日日去呢度食囉，lunch semi buffet 唔單只有沙律吧、甜品、湯、雪糕任食， 仲要午市都有紅酒白酒任飲！！ 朝早返工返到攰，嚟呢度飲兩杯，晏晝繼續去扮公！！ 講返重點， 午市主菜有好多選擇有飯、意粉、 比薩，有魚有肉，唔知點揀好之下最後揀咗羊扒和肉眼扒，兩種都點了半成熟。羊扒好香，肉好腍，少少肥，接近入口即溶嘅狀態，好食。 肉眼扒不過不失， 熟嘅程度應該過半成。沙律吧沙律新鮮多選擇 是日湯是粉葛鯪魚煲豬骨，味道清甜，飲得出無味精甜品亦好精彩有啫喱、豆腐花、乳酪、芝士蛋糕、朱古力mousse和其他糕點等，仲有本地製造雪糕，試咗是日四種口味： 沖繩海鹽、菠蘿椰子、芒果和比利時焦糖餅，後者最好食仲要講埋個環境，雖然係工廠大廈，但係空間好大，而且好光猛有海景， 性價比高！

是日係觀塘開會，中午同事介紹呢間餐廳既半自助午餐，餐廳佔左一整層，環境幾闊落，有唔少卡位，可惜我地得兩個人，被安排左坐兩人位，多D人坐卡位有得睇下風景應該幾CHILL。呢到係半自助沙律湯品 + 主菜，先點完主菜就出去拎野食。半自助沙律區有好多選擇有湯品，調好味既沙律，有唔同既菜，車厘茄，青瓜，粟米，甜品、新鮮水果同雪糕，更有紅白餐酒免費供應，因為仲返緊工，所以只係拎左碟沙律食下。主菜就叫左:-(1) 德國豬手配黑椒汁 ($118)見到好多人叫，隻豬手好大隻，仲有薯條同沙律菜，豬手應該係慢煮完再炸，外皮炸到好香脆，又唔會好肥，肉質結實，咸咸香香，比得上出名個幾間德國餐廳既手，加上黑椒汁補番啲辣味，非常好食，係值得一試嘅菜式，仲要好抵食。(2) 澳洲肉眼扒(8安士)配燒蒜汁 ($158)塊肉眼扒我哋叫7成熟，上枱火候適中，仲有薯條同沙律菜，牛味夠濃，脂肪分佈算平均，煎封後都能夠鎖住個肉汁，賣相好吸引，配合燒蒜汁好好味。食曬D野都已經好飽，選左其中幾款想食既甜品試試（啫喱，馬豆糕，杞子桂花糕，椰汁紅豆糕，豆腐花）。好經典既甜品，細細件，味道好好，另外仲有唔少糕點同雪糕，不過已經飽到食唔落了，

老婆生日月第二擊✌️黎到好多人都介紹話正嘅「Give Me 5」餐廳，可以選擇叫套餐，亦可選擇任飲任食，小編當然諗都唔洗諗就揀任飲任食啦，至緊要盡興😝玩得開心又食得開心🥳至緊要老婆大人鍾意😛任飲任食 每位$328加1 每人可選一款主菜，我哋揀左美國斧頭豬扒配玉米榚伴蘋果蓉黑醋醬 同 澳洲肉眼扒(8安士)配野菌汁😋仲有任食多款冷盤 海鮮 沙律🥗 餐湯 甜品外，仲有無限量供應嘅串燒 燒蠔 及 燒物😋食到咁上下仲可以去篤下波 掉下飛鏢，消化下😬