Give Me 5 (已結業)

這裏環境舒適，早到可以選擇靠窗卡位，有紅白酒任飲，可惜汽水要加錢每罐計，幸好每份餐都包一杯飲品，而且價錢亦抵食，有沙律，中湯，甜品，雪糕和水果任飲任食，個人喜歡今日中湯霸王花紅蘿蔔煲豬骨，沙律醬亦有4款我比較喜歡泰式酸汁和凱撒沙律醬，德國鹹豬手脆口一定要熱食，涼了沒那麼脆可是肉質有少許乾，配薯塊有小小辣亦有附上一小杯醬汁，朋友就吃油鴨脾，鴨脾小小脆口亦有肉汁，配菜有德國腸偏柴，薯塊亦比較淡味一定要加醬，整體來說10分滿分，我會給8分！

估唔到觀塘有一家過千呎間咁大嘅餐廳。餐廳坐位舒服 經訂位多數有窗口座 望觀塘繞道 亦宥部分可以望海景服務亦不錯 收碟上菜都好快 而且細心講解菜色另外餐廳除了有自助餐食外 仲有桌球🎱同掟鏢機🎯 可以減下壓 約埋一班朋友黎食飯玩樂 就一流🌉🌉聽聞晚市 有多款冰鎮海鮮、即燒和牛、燒蠔、串燒等仲有烤羊西冷、煎鱸魚柳等6款主菜選擇甜品方面同午餐相約 有雪糕同精緻糕點任揀飲品方面 有紅或白酒任飲 可以回本了..Lunch Semi-Buffet餐牌有11款主菜 價錢由$88 - $168不等當日叫了 🐂🐂澳洲肉眼扒（8安士）配燒汁 ($168) 及 🐖🐖美式BBQ 燒豬助骨 $118配菜有紅蘿蔔 薯仔 白菜 豆角等等2款肉都唔錯 燒汁同牛扒夾味 5成熟呈粉粉嫩嫩燒豬骨入味 鬆軟 而自助沙律區 多菜同沙律 🥗亦有多款醬汁同配料 配搭餐湯為中式湯 🥣好住家feel當然唔少得甜品區整體甜品都中規中矩桂花糕都幾清香 其他甜品都唔差有豆腐花食～最後完結前 當然要食返杯雪糕

今日同朋友相約食西餐☺️發現左間好抵食嘅餐廳。餐廳裝修嘅採光唔錯🌼有自然光👍🏻座位都好闊落🥳餐廳提供有唔少lunch set 😆除左主餐仲配左任食沙律吧😋自助吧入面有沙律，中湯，紅白酒，熱食同甜品等🥰🌻意大利祖母比薩出面比較少有e種pizza😝所以叫黎試下😋pizza中間係流心溫泉蛋，入面係蕃茄加免治牛肉☺️都幾特別😍食落pizza 口感脆脆又勁多配料🤩🌻澳洲肉眼扒(8安士)配燒汁肉眼扒煎得岩岩好，有炭燒味😊又有滿滿嘅肉汁🤩配埋燒汁好夾🥰仲有少少配菜😋套餐仲有包左2杯凍檸茶😍最後仲去左甜品區試左佢地嘅藍莓芝士蛋糕同柚子芝士蛋糕🍰，有濃濃嘅芝士味。

封左晚市咁耐，等到放寬左，梗係要去嘆返下啦！平時我多數自己黎食，今日帶埋先生一齊試，真心係正既！呢度有得食又有得玩（場內有一張桌球檯同兩部飛鏢機）海鮮bar、沙律、甜品、串燒都係自助形式任食，每人可選一客主菜，我地今次試左羊扒，唔係講笑，咁厚既羊扒可以做到完美七成熟，表面又煎到岩岩好，羊味夠重，加埋個醬真係無得頂！沙律同海鮮都好新鮮！三百幾蚊食到咁既質素，真係超值題外話，呢度個個員工服務態度都係一流，超nice

今次終於幫襯呢一間聽講性價比好高嘅半自助餐。首先，我哋打左電話過去，問左係咪會有生蠔，個店員話係，加錢就有得食，點知去到之後，哇又話根本冇生蠔，係得BBQ燒蠔，雖然我地都有少少失望，但係由於太肚餓，決定依然留低食野，同埋都加錢試吓個半自助餐。我地叫咗個意粉同炸魚薯條，之後就出去拎食物，值得一讚係所有員工態度都好好，返到過去同佢講燒d咩食之後你坐喺張枱等佢拎過嚟俾你就得🫵🏻服務好貼心，態度一百分。首先評價下佢嘅意粉好食嘅，出乎我意料之外，但亦都冇乜特別。炸魚薯條🍟麻麻地…炸魚皮太厚..薯條就正正常常燒烤食物..好難食 唯一雞翼同埋蝦算正常 真心難食 加左一種好奇怪嘅甜味 不過食材本身都唔好 加上燒得差甜品藍莓芝士蛋糕超好食！！！我差啲諗住清空佢個架，因為唯一最好食嘅嘢！海鹽味道雪糕幾新鮮水果哈密瓜好食不過冇影到 亦都好快俾人清晒西瓜…冇味 唔甜 難食 爛左總括嚟講其實半自助餐黎講真係好平 2個人$366埋單 但真係好難食 過唔到自己個關 真係唔會再去啦 不過希望可以keep住佢地宜家呢個服務態度！因為真係非常欣賞！如果食物質量可以提升小小，真係唔好樣樣都咁難食先，我諗真係會再去！

真係要比個Give Me 5，因為我都黎過超過5次黎親都好開心，因為佢個Salad Bar多款，訂位多數有窗口座，望出去真係好舒服，收碟上菜都好快沙律吧好多野，除左幾款菜，仲有熟豬肉火腿，薯仔沙律，粟米粒，長通粉沙律，麻辣蓮藕等等主菜好似係一星期轉一次，呢期有炸魚薯條我最鍾意食炸野，一定要叫！炸魚外脆內軟，自家他他汁好味，我覺得佢似千島汁多啲龍蝦汁海鮮意大利飯就失色啲，藍青口老左，蝦連殼同比較細隻，龍蝦汁就食唔出，而意大利飯就偏就香港人口味地淋，冇左本身正宗嘅煙韌口感甜品都好多架，多色啫喱，芝士餅，綠茶慕絲餅，燉蛋，乳酪同雪糕，仲有水果添雪糕係本地貨，呢次重開仲多左口味，相入面兩款外，仲有沖繩海鹽、芒果啲菠蘿椰子重點都係加埋一嘅百鬆啲蚊可以任飲紅白酒，食返個chill級午餐，休息下真係爽

前排朋友生日，特登過嚟搵佢慶祝生日，上網睇見呢間食放題都唔錯我地係星期五~日過嚟食，收費連埋加一就約$393一個人佢係半自助餐模式，每人叫一個Main然後其他野就兩小時任飲任食我地就分別揀咗一個美國斧頭豬扒配玉米糕伴蘋果蓉黑醋醬，以及一個澳洲肉眼扒(8安士)配野菌汁咁講一講主食先啦，兩份都係非常之大碟，份量好足好厚肉，美國斧頭豬扒啱啱好熟得嚟仲keep到鮮嫩多汁，賣相都唔錯。而澳洲肉眼扒叫咗７成，牛香味唔錯，個野菌汁都好match其實食完２個main都有少少飽飽地🙈🙈咁出面主要分２邊冷盤同熟食串燒冷食方面主要係d冰鎮海鮮：生蠔﹑海蝦﹑凍蟹﹑ 皇冠螺﹑青口等，全部都幾新鮮有店員定時check同fill野沙律配料嘅選擇都唔少，食落好新鮮爽脆熟食有基本嘅餐湯同飯之外，最正係佢地嘅串燒無限任食，選擇都好多任食燒蠔﹑鮑魚﹑扇貝﹑帶子﹑大蜆﹑蟶子﹑多春魚﹑秋刀魚等等嘅海鮮，仲有豬牛羊雞肉同埋各類蔬菜串  食到飽一飽最後仲可以食豆腐花﹑乳酪同各款雪糕。店員們招呼都好快同友善有禮，同埋知我地慶祝生日冇收到切餅費，仲另外幫我地用大盤裝住，真係讚讚讚

以 Openrice訂座，2022JAN08如期按時出席了，入座時更說明是Openrice 訂位。2022JAN09 收到Openrice郵件通知訂座已被餐廳取消，致電Give Me 5餐廳確認了出席並要求餐廳向Openrice 更正記錄。相隔了9天，2022JAN18 仍未見Openrice作出出席修正，故又再次致電Give Me 5餐廳跟進，回覆是：會通知Openrice。。特此評論，希望餐廳明白此類跟進也是服務之一，餐廳是有責任完成處理！

係禁堂食前2日既夜晚 去左觀塘工廈 give me five🤚🏻 食晚飯 一坐低就有個好舒適嘅卡位 而且餐廳景色都幾靚 坐得幾舒服 職員推介食自助海鮮套餐 semi buffet dinner 有任食海鮮 前菜 燒海鮮 甜品 因為我唔係好肚餓 所以揀左普通set dinner 見到個個都食海鮮餐好似好正咁 我下次一定要試下😌除左食野 原來仲有得篤波同埋射飛鏢 食之餘仲可以玩 啱晒大家聚會🤩Special set dinner for two person1️⃣忌廉湯2️⃣煙三文魚沙律份量係king size 沙律份量真係好多 夠哂我平時鍾意食菜嘅人 😋夠哂健康同開胃3️⃣澳洲肉眼扒配野菌汁肉眼扒肉味濃 肉質夠幼嫩 香噴噴食落又好香口🥰4️⃣牛肝菌忌廉意大利粉呢個意粉超級推介 味道調得好好味 有好香濃嘅忌廉味 d汁唔會話好稀或者太杰 好濃郁順滑5️⃣精選甜品係芒果同埋綠茶雪糕 再加個cheese cake 唔錯啊🥰

趕得切係禁堂食前試下呢間觀塘既半自助餐，佢半自助吧既野食都算多，最想試既原因係佢有即製串燒檔，有唔同既海鮮🤩出面自助吧有啲前菜、冰鎮海鮮、串燒、甜品同飲品可以拎，冰鎮海鮮有凍蟹、皇冠螺、青口同凍海蝦，小編幾鍾意佢既蟹同螺，蟹肉唔會霉，螺肉爽口彈牙，有海水味🤗另外有啲沙律菜同餐湯可以任拎，菜都幾新鮮，有個corner係有專人係度燒海鮮同串燒，海鮮有唔同款式，上面會鋪左啲蒜蓉，都食左成3轉，推介既有鮑魚、大蜆、元貝、牛丸、芝士腸同雞翼，呢度仲有沙嗲醬同麻辣醬可以點，岩哂鍾意食濃味啲既朋友仔😜每人可以點一個主菜，嗌左紐西蘭烤羊西冷配香草醬同澳洲肉眼扒（8安士）配野菌汁，羊扒都幾大塊，叫左七成熟，一啲都唔膻，羊肉好軟淋，配埋香草醬食好夾，側邊仲有啲茄汁配菜，而肉眼扒肥瘦均勻，牛味香濃，冇筋唔韌，熟度都岩岩好😎甜品櫃有多款糕點同蛋糕，有椰汁紅豆糕、馬豆糕、芝士蛋糕、綠茶蛋糕等等，味道都唔錯😍仲有Movenpick雪糕任食😝價錢：$328 （另加一）

估唔到我去觀塘做咗咁耐嘢， 都唔知道有一間咁大咁靚嘅餐廳。餐廳有過千呎， 晏晝坐得舒服， 紅白酒任飲，如果畀我早啲知道佢就好啦！ 我我哋兩個人嗌咗兩款主菜， 主菜下面嘅配菜都係一樣嘅， 今日有好多蔬菜，有紅蘿蔔，南瓜，豆角等等。 澳洲肉眼扒（8安士）配燒汁 ($168) 肉質唔錯，好有驚喜， 燒汁同牛扒都好夾。 燒羊架配時令蔬菜 （$158) 有兩嚿羊架，灑咗喺上嘅香草更加突顯出羊肉嘅香味，推薦大家食！任食沙律吧， 我嗰日有中式湯， 粉葛鯪魚湯， 有住家湯嘅味道， 裏面有紅蘿蔔同埋粉葛。其他沙律菜都係自己夾，都係正正常常，有粟米，青瓜，沙律菜，同埋唔同嘅醬汁。 我最鍾意食係蒜蓉包，好香脆， 同埋沙律一齊食就好正。甜品都有好多選擇， 有桂花糕，椰汁紅豆糕，唔同口味嘅芝士餅， 百福豆腐花， 雀巢乳酪，啫喱，燉蛋。 雪糕嘅話我推薦椰子菠蘿味。

同事話year end happy friday lunch 要食好d~就黎試下呢個間，講左好耐想試既semi buffet lunch~ 有自助沙津吧同埋甜品區，真係好加分😋❤️西京燒比目魚柳 魚柳煎到皮脆但魚肉仲好嫩，好高質~ 伴碟既蕃茄味薯菜沙津，好開胃！🧡法式白酒蜆肉意大利粉 大大隻蜆，意粉質地幾好咬口，味道唔錯💛沙津吧 有好多款沙津菜 青瓜 粟米 車厘茄，有幾款dressing 可以自己mix 個田園沙律～仲有mix左沙津醬既火腿長通粉 鷹嘴豆沙律 蘋果沙津等等，好健康又多選擇～💚餐湯 以為應該西湯，點知係中湯，仲要飲得出係真材實料既老火湯，好特別呀💙餐酒甜品 lunch 都可以自助斟紅白酒!! 甜品有唔同口味既雪糕，藍莓芝士/朱古力蛋糕，桂花糕 椰汁西米糕 等等，好多款式

餐廳地方寬敞，沙律菜有不少的選擇，甜品則分成細細件，喜歡吃的吃多幾件，普通喜歡的亦可淺嘗即止，不用浪費。甜品還有豆腐花，啫喱及乳酪等，算得品種豐富；coco berry 的雪糕亦不錯。美中不足的是，員工在我們剛開始吃主餐不久時，一而再問我們要什麼餐茶，但餐茶不需要這麼早叫吧，如是熱飲，吃完主餐已變成凍飲了。此外，我明明清楚說明是OpenRice Booking，但餐廳竟疏忽地取消了我的Booking，要我打電話要求他們更正。

我在openrice訂座無數，未寫過食評, 今次唔寫唔得，平安夜諗住食個豐富大餐，坐得迫多人已經預咗，諗住又有扒又有海鮮又有串燒，都好豐富啦！點知其中一塊西冷薄到好似美X餐廳嘅早餐牛扒咁！另外豬扒好“鞋”,汁又少，又冇味！而另一塊西冷催咗三次終於一個鐘後先嚟！而海鮮青口，螺就涷到結冰，涷蟹無味！串燒仲離譜，完全無燒過，串起嚟求其整熱就擺出嚟，擺串燒又亂又求其，睇見都唔想攞唔想食，唯一一樣值得讚係服務，職員有禮貌。絕對不會再去食

在觀塘鴻圖道有一間走美式酒吧style的餐廳Give Me 5~因為是工廠區，地方好大！場內更有免費的飛鏢機和桌球讓大家來飯飯之餘，也能和朋友們一同瘋狂玩樂~在女生面前一展技術呢~!餐廳採用半自助餐嘅形式，一入門口就有個自助沙律區，不止是沙律、餐湯、甜品、水果，另外加多98元連紅白酒都有供應。法式香草羊架配露絲瑪莉汁（$158）：燒羊架份量都大，好熱好腍好香好有肉，又沒什麼肥糕！配上露絲瑪莉汁十分美味， 伴碟的薯條好香脆~澳洲8安士肉眼扒（$158）：肉眼扒厚身，牛肉味重，味道剛剛好， 即使不配上醬汁也很好味呢！自助區除左沙律仲有甜品，甜品都不錯，當中的綠茶芝士蛋糕較特別！桂花糕都幾清香，其餘的芝士蛋糕又濃又香。仲有雪糕和乳酪，加埋一齊食！可以自製乳酪雪糕！！更難得是有杯裝雪糕Movenpick供應， 平時一杯都34蚊的。