Gioia Charcoal Grill & Oyster Bar (已結業)

第一次寫食評 其實一向都無呢個習慣但真心想比個劣評呢間 所以打咁多字其實已經光顧第二次第一次用app 優惠食 賣單都要1200蚊生蠔的確算新鮮要叫白酒 食半價生蠔 先算合理價錢第一次食 食蟹肉ravioli 好食諗住今次再食點知中伏個ravioli出黎個皮唔熟同個男侍應講唔熟佢sorry都無聲 立刻拎番去隔左10分鐘再拎出黎佢拎番食淨個4隻出黎我地再試 都係兩隻熟 兩隻唔熟 好失望我地無再要求更換埋左單 好心再同個男侍應講 你地再熟隻ravioli都係唔熟 希望你地留意下佢啤一啤我 再講 sorry lor！其實真係好激氣我地都比曬錢 無打算要咩discount 賠償但個男侍應可以咁差態度就算生蠔好食 我地都唔會再黎！

今日難得收早，就同同事去左西環那邊去尋找好東西食，咁岩個日想食啲西野就去試下，好彩個日係平日唔洗點等位就有得坐，而且地理位置都算好，地鐵站行五分鐘就到。一坐下來，就睇左餐牌決定頭盤食半打生豪，之後點左個磨姑湯，仲有大姑沙律，主菜就點左，慢煮牛肉同黑松露雲吞意粉。先講個生豪食到好新鮮既海水味，同埋隻隻都大，之後個湯好足料，味道好足夠，沙律好鮮味配上大姑簡直一流。之後到主菜慢煮牛肉煮得好林而且配合個汁完全冇得輸，而且煮得剛剛好，味道一流。最後個意粉煮得非常入味，而且咬下去好多汁，成個組合都好正，下次一定會再去食。

因為就女友放學, 所以呢兩個月都會係堅尼地城拍拖食晚飯, 呢兩個幾月來都試過好幾間不同菜式既餐廳,呢晚就選擇左去Giola 一試, 餐廳面積不算太大, 但坐落尚選舒適有情調, 嗰晚叫左五樣野食, 食評左附上的相片上有作解釋, 不再重覆, 總體而言, 價錢與食物質素相符, 值得推介, 個人來講幾乎肯定會再次幫襯下~

今日難得收早，咁岩又係港島個邊，就決定行去西環個邊睇下有咩好東西食，我同表姐一行二人去到一間西餐廳門口，望左一望就決定入去，好彩個日係平日唔洗點等位，好快就有位。一坐下來，就點左我最愛既生蠔有六隻，之後點左黑松露野菇湯，大姑沙律，主菜就點左慢煮牛肉同埋黑松露雲吞ravioli 。先講個生豪，食得到好鮮味，而且海水味依然係個口到，好正，之後個湯都好足料好開胃，沙律個姑好大塊真係好岩姑人黎食。到主菜慢煮牛，煮得非常入味，加埋個汁同配菜一齊食冇得輸，最後到個雲吞，呢個技巧要煮得剛剛好，不能太林，不能太硬，而呢個煮得剛剛好，加上個汁又係好味道。而且環境優美，加上位置方便，下次會叫埋父母黎食。

約左朋友今晚到堅尼地城揾食，去到海旁附近Gioia Charcoal Grill & Oyster Bar食晚飯。兩個女仔叫左個一人餐+散叫一個意式雲吞+法國小珍珠蠔。法國小珍珠蠔雖然唔夠飽滿，不過都有濃郁海水鹹鮮味，肉質潔白。焗芝士流心大傘菇個菇好juicy，一咬上去啲汁流晒出黎，再配搭沙律一齊食一流，食落去唔會覺得膩。黑松露野菌忌廉湯套餐既慢煮美國牛仔肋骨牛仔肋骨肉質煮至軟腍的，汁味濃可口，與牛肋骨味道很夾。蟹肉意大利雲吞件龍蝦忌廉汁意大利雲吞內饟了軟滑的蟹肉，雲吞皮較厚。 龍蝦汁味道適中

和友人行經堅尼地城，見這間餐廳openrice 都有不少like ， 就推門入來吃午飯。侍應遞上了set menu,介紹加15 蚊可享用set , 包甜品前菜飲品。首先上來的是凱撒沙律加一個湯。凱撒沙律中規中矩，但湯是磨菇加cream, 很濃，好飲。點了個比較少見的意粉-伊文是鴨絲炒意粉，份量蠻大，意粉的配料有很多菇， 火箭菜及芝士。意粉的質地硬身有咬口，不會over cook, 再加漿汁，十分好味。再來是炭燒西班牙黑豚豬胺伴燒汁。 黑豚豬胺好香，賣相都吸引。試一口薯蓉，是黑松露，好好味。覺得店主有用心，一般是頹頹薯菜，但個黑松露薯蓉真心好味。黑豚肉半肥瘦，內里微紅，好有質素。食飽後，侍應麻利地收拾台面，然後我們點餐飲。先上了個士多啤梨奶凍。好creamy 有士多啤梨的粒粒。好滿足。餐飲是熱咖啡及英式凍奶茶。 奶茶好靚 , 顏色分明。慢慢聊天， 待應好細心地添水，收捨。聽到隔離台說生蠔都唔錯，這裡服務態度好，食物好味。下次晚飯都可以過黎試下。

今日和朋友在堅尼地城四處覓食，在吉席街角和士美菲路有間西餐廳很有西式格調，裝修與殘舊的大廈形成強烈對比。餐廳裡將有三十個座位，我們去到差不多2:15pm，餐廳3點鐘有落場時間，我們二人點了依文士鴨絲炒意粉和香煎羊柳拌燒汁，加$15 可享用餐湯、沙律和甜品。忌廉黑松露蘑菇湯甫上檯，濃濃的松露蘑菇味已令人食指大動，湯面灑上點點香草碎，湯本身味道已很濃郁，把香草碎攪拌後味道更突出。依文士鴨絲炒意粉$68 - 配上 火箭菜、香菇、洋蔥、灑上香草碎，個人較喜醬汁，味道特別。香煎羊柳拌燒汁$98 配上 西蘭花、翠肉瓜、薯蓉 - 羊柳沒有羊架的羶味，煎的時間剛剛好，沒有用鬆肉粉，底讚。草莓奶凍 - 超香滑，奶味香濃、不會太硬、太實，草莓味清新。總評：午餐價錢不算太貴，食物用料高質素，下次會再試晚餐。

今日大鄉里出省，去堅尼地城一日遊。玩之前當然先要醫肚一下，我們在海皮附近的一角落找到一間西餐廳。餐牌食物都頗為吸引，就試一下吧。餐廳燈光本是昏昏暗暗的，但設有落地玻璃，陽光直接照到餐廳內，我們坐於玻璃前，感覺特別開揚舒服。星期日餐廳都有午餐供應，仲有4位送1位的優惠，可惜我們只得2位。每個午餐都有沙律/餐湯，主菜及餐飲。今日餐湯是磨姑湯，附送麵包條，磨姑湯打得幼細順滑，一陣陣濃濃的磨姑味，稠杰程度剛剛好。沙律有新鮮沙律菜，配上酸酸的醋汁，十分開胃。主菜我選了煎羊柳卷配燒汁($98)，羊柳卷上一些香料同煎，羊柳煎得剛熟，有少少的羊羶味，點上燒汁，更好味。配角薯蓉亦煮得幼滑。另外，老公點了依文士鴨絲炒意粉($68)，平時炒意粉多食白汁或蕃茄汁，而這個炒意粉用上依文士忌廉汁頗為特別，同鴨絲很配合，最後更灑上芝士碎，令整體更加香濃。最後有雲呢拿mousses 作甜品，很滑，不太甜，滿足。放假當然要來一杯咖啡吧。

第一次來到堅尼地城揾朋友食晚飯，經過吉席街見到間全落地玻璃意大利餐廳，感覺開陽。。於是就選呢間食晚餐😊一入門口就係Bar枱及不到十張餐枱。。地方雖小，但環境舒適，職員態度親切！👍🏻因為心多樣樣都想食，不知食乜好。。於是決定選了呢2人晚餐！頭盤係海鮮拼盤。。嘩！！好正丫。。內有新鮮生蠔，蜆，青口及凍海蝦。。生蠔滴幾滴檸檬汁加茄汁。。鮮甜軟滑，海鮮味十足！蝦肉結實爽口，青口，蜆肉粒粒新鮮，肉質漲卜卜。。好好食丫😋😋忌廉汁煮藍青口。。每粒青口沾滿了忌廉汁，入口好creamy，好軟滑，個汁點麵包一流！😋套餐有2款湯選擇。。龍蝦湯或野菌湯。。我地揀左野菌湯，個湯好濃厚的野菌味，好滑！鮮蝦天使麵。。麵質軟硬適中，鮮蝦肉質彈牙。。麵上鋪上芝士，火箭菜。。味道好夾！主菜到啦！😍美國安格斯肉眼扒配蔬菜。。7乘熟剛剛好！切開肉汁滲出。。肉質軟嫩多汁，美味無窮！配菜用茄汁輕輕煮熟，酸酸味味。。好開胃😃最愛嘅甜品到啦🥰！心太軟。。賣相超靚！配雪糕一冷一熱簡直prefect match！

老公生日，諗離諗去都唔知去邊度慶祝，公司同事就介紹我去西環一間西餐又有蠔食，環境氣氛都唔錯，所以就打電話去book枱。餐廳燈光昏暗，氣氛一流。餐牌入邊有二人套餐，見到二人餐都好吸引，即時點了個套餐。頭盤見到多款海鮮已經好興奮，有生蠔、海螺、蜆、大蝦、青口等.....樣樣海鮮都好新鮮鮮甜，生蠔一d都吾腥，好爽口😋😬😋香檳忌廉煮新鮮藍青口-忌廉味好香好幼滑，配搭青口，簡直絕配👍龍蝦湯-煮得好入味，好香濃的龍蝦味，好creamy,仲食到切碎咗的龍蝦肉，口感一流。美國蘆筍鮮蝦BB菠菜天使麵-天使麵配搭蔬菜好清新，新鮮大蝦爽口彈牙👍美國安格斯肉眼扒-切開七成熟，入口肉質鮮嫩多汁，好好食。朱古力心太軟用多一切開，暖暖的朱古力流出，外邊的皮面很鬆脆，簡直食完都想再食多一個。😋😋😋

在中環元創坊做完嘢,跟住要去堅尼地城,原本諗住搭地鐵,最後決定行路當做運動，呢條路線好少行，原來沿途都有好多特色嘅本土建築物，餐廳，店鋪！最後喺海旁睇完個日落靚景之後，決定要去覓食啦！行過間餐廳Gioia Charcoal Gill & oyster Bar見到有生蠔食，心思思一於試下先!餐廳其實幾有酒吧feel，頗有格調，可能時間比較早，6:00唔係太多人，於是我就可以舒舒服服咁點野食啦！侍應生介紹今日推介House oyster$10 1隻, 唔使講一定要試吓! 另外再加多兩隻American Pearl ，生蠔新鮮好味，食後回甘！焗芝士流心大傘菇十分出色切開有蛋汁流出，與大菇配合得天衣無縫松露野菌湯，加左松露油，香到不行！慢煮牛肉係本年度最好食既，做得很好，濃濃牛味，又淋又滑！激贊👍👍👍食食下，餐廳越來越多人，下次要帶朋友來食慢煮牛肉，真的不得了！

友人說，他工作的地方附近有間好吃的西餐，今天放假就和我的朋友一起去，一坐下，餐廳職員立即端上兩杯水及兩條長餅乾，我們點了兩個餐，一個配Salad，一個配湯，Salad是油醋汁，很開胃，湯是忌廉薯仔湯，未入口，已經聞到了薯仔的香味。主餐到~~~~D餐-蟹肉青豆意大利飯，眼看已經見到有蟹肉絲，菇和青豆，意大利飯味道濃郁，每一口都滿滿的忌廉和芝士味，相信最後在意大利飯上灑上了芝士粉，令整體味道層次更多!F餐-香煎𩶘魚柳伴忌廉汁，這個有驚喜！薯蓉加上了黑松露，令薯蓉的味道更香，薯蓉𥚃有淡淡的忌廉香味和牛油味，十分匹配。𩶘魚上的香草及少許鹽剛剛好，魚的面是脆的，顏色金黃，廚師處理得很好！能夠吃到餐廳對食物的細心！讚讚！最後送上奶凍甜品，可以給我來多10個嗎？😂

剛好有時間同家人食個午餐，老人家都喜歡吃中菜，但係有時候呢就應該要帶佢哋食西餐韓國餐日本野。今次選左呢一間餐廳原因簡單，因為之前有次食晚飯覺得都幾好食。而且搭車過嚟只需幾個巴士站，近電車路唔使行斜路。種種理由都覺得呢一間餐廳值得再試。午餐$6x$100左右，可以配餐湯或者沙律還附有飲品，再有甜品，呢個價格10分實惠。餐牌選擇多大概有10款，選咗呢個蕃茄肉腸長通粉。鍾意食長通粉多個意粉嘅我，喜歡長通粉嘅質感而且可以掛更多醬汁。好適合食番茄醬汁底。呢度嘅長通粉軟硬度剛好唔會太淋，份量呢亦都適宜不太多也不太少。蕃茄醬汁香濃，60幾蚊嘅價錢絕對水準之上。沙律亦都清新，配上香草汁，好過胡麻汁同凱撒沙律汁。因為冇咁肥嗎！哈哈家人選嘅湯香濃好飲。甜品係精彩嘅奶凍，一睇就知道係自家製香滑奶味剛好唔會太濃，甜到亦都剛好，相比一啲泥貨嘅奶凍，有過之而無不及！因為我一食第一啖已經立即心心眼，唔記得咗影相了。價格實惠座位舒適性價比真係好高！

想扮扮文青行下海旁，隨意選了間餐廳醫肚。Lunch set 在這區來說不貴。陽光透過落地玻璃撒在店中，很休閒的感覺。沙津是黑醋汁，爽口醒胃。是日的湯是粟米湯，以粟米打成蓉，香甜不膩。炭燒羊扒伴蒜子燒汁羊扒烤得剛好，肉質鮮嫩，味道不太騷，薯蓉質地細滑，沒有太重牛油味，蒜子燒汁味道不錯。辣椒蒜片鮮蜆炒意粉蜆是意料之外的肥美，意粉蒜香微辣，炒得乾爽不油膩，清爽惹味！ 甜品是奶凍，雲呢拿味很香，質地綿滑，不錯。奶茶帶點伯爵茶的味道。

昨日去西環探望朋友，朋友帶我到了一間西餐廳午餐，他說這家餐廳的性價比很高，價錢便宜且質素很好。一入座，侍應便拿來麵包條給我們做小食，麵包條很脆。我們覺點了一客午市套餐，分別是蟹肉青豆意大利飯（$78）及香煎鴨胸配香橙燒汁($98)。套餐包括了湯或沙律，餐飲及甜品。朋友選了湯而我則選了沙律。下單等了一會兒，湯及沙律上枱。湯是南瓜湯，南瓜湯充滿南瓜而且做得creamy 加上少許忌廉更覺香滑。沙律菜很新鮮爽口，有番茄仔，配上黑醋汁酸酸甜甜。之後，意大利飯上枱，很香忌廉味，做得很香滑但不膩而且配料豐富，每口都是蟹肉，而且很多菇菌，做得很不錯而且份量很大。燒鴨胸，外皮煎得香脆，肉質不嚡口，配上香橙汁很易入口。另外配菜亦有驚喜，鴨胸旁邊有黑松露薯蓉，很香黑松露味，令人吃不停口而且旁邊的香草番茄醬翠玉瓜粒亦很醒胃。吃過主菜後，輪到甜品及餐飲。甜品是奶酪。奶酪很滑，富奶香，而且不太甜，非常滿足。總括而言，今餐很有驚喜，平民的價錢配上高質食物，實在令人滿意。