Gioia Charcoal Grill & Oyster Bar (已結業)

中午於西環走著走著, 走到海旁不知吃甚麼好, 於是便進了一家西餐廳; 這西餐廳的座位不多, 進店只有我們2人, 於是休閑地享用這頓午餐;我們2人點了燴牛肉面濶條面及碳燒美國厚切豬扖; 牛肉汁滋潤了每條濶條面, 十分濕潤幼滑, 牛肉汁香濃, 牛肉較軟滑, 入口即溶; 配以淡淡香草味, 味道富有層次感;而美國厚切豬扖, 一整大片, 外表網燒, 賣相極具吸引, 較厚, 但切下鬆化, 但肉汁較淡, 且不能完全滲入整塊豬扖;這裏的午市套餐份量足夠, 我們2人吃完便繼續行程。

週末黎到西環海傍走走，吹吹海風。行行下見呢間餐廳全部落地玻璃幾開揚就決定入去食lunch。環境除左開揚之外，牆上仲有d採蠔既相。午餐選擇都算多，而且野食種類多元化。最後叫左燴牛面肉闊條麵同埋炭燒美國厚切豬扒伴燒汁首先黎到既係沙律跟餐既沙律一d都唔hea，面頭有parma ham，菜新鮮，伴住沙律醬，有d車厘茄，酸酸甜甜好開胃。然後係餐湯是日餐湯係玉米忌廉湯，呢到嘅忌廉湯有小小似日式個d玉米濃湯，但我覺得呢到既味道'真d'，因為日式個d成日有一種好假既感覺。燴牛面肉闊條麵 $68闊條麵內配菜有好多：車厘茄、青瓜、彩椒、菇等等。闊條麵軟硬適中，煮得岩岩好，而且每一條麵都有汁包圍，因為燴既關係，所以唔會乾。牛面肉軟滑，一咬就散，味道亦不錯。炭燒美國厚切豬扒伴燒汁 $88擺盤好靚仔，港女可以影相呃like。豬扒十分厚切，而且好大塊，咬落淡淡肉，口感方面有某d位好爽，而且炭燒味足。旁邊伴碟嘅薯蓉都十分出色，係黑松露味，所以味道一d都唔單調，而且口感都十分細滑。但我地食到好飽既時候，仲有甜品啊！係tiramisu。淡淡咖啡味，d cream好滑，味道唔會太甜，正！總括黎講，呢間餐廳真係好高性價比，

今日傍晚，好想去吹吓海風，就和朋友踱步去西環海皮逛逛，不知不覺間就看到這間餐廳，見環境不錯，就順便在這裡吃晚餐。餐廳位於轉角位，有兩大塊落地大玻璃，視野廣闊。室內環境清靜，由於餐廳主打吃生蠔，所以有雪櫃擺放各式生蠔。餐前我們先order兩杯 Mocktail 歎吓，才慢慢點選食物。Sunset Island ~ 用橙汁、莓汁加桃味糖漿調製，濃郁香甜水果味。Passion Cooler ~ 以菠蘿汁和熱情果調製，清凉解渴。二人晚餐很豐富，就决定吃這個吧！海鲜拼盆 ~ 有生蠔、鮮蝦、青口、翡翠螺、大蜆，鮮甜味美。新鮮青口鮮嫩，加上香滑忌廉醬汁，又鮮又滑。帶香濃龍蝦味，內裏還有爽脆蝦肉，比目魚外皮煎得香脆，沾上忌廉汁配雜菜，好味又健康。天使麪煮得恰到好處，硬度適中，鮮蝦新鲜爽脆，值得一讚。心太軟微温而不太甜，我們雖然很飽，但也忍不住吃完整個甜品。

港島區好少去， 尤其是西環， 朋友海外回來 要試坐新地鐵， 當然要陪， 行完西區海濱，朋友想食生蠔，上網 search ，揀了在附近的 Gioia ，位置在街角，過了繁忙時間，人流唔多一般餐吧裝潢，燈光昏黃，，感覺好 relax吧枱前的生蠔冷櫃好吸引，有幾款可以任揀覺得2人套餐最抵食，況且海鮮拼盤已經包括四隻蠔，可以多元化，食多幾款 海鮮拼盤除了有生蠔，還有青口、海蝦、翡翠螺和蜆各2隻， 生蠔是招牌食品，果然冇令人失望，大隻肥美，入口滑嫩, 加幾滴檸檬汁，口感鮮鮮，其他海產唔錯，海蝦大大隻，肉質爽厚 叫了杯無酒精飲品， Sunset Island, 由燈汁+蔓越莓 + peach syrup…味道微甜， 色澤粉紅， 冰涼好味野菌湯， 菇味濃，長芝士條當麵包， 脆口好食main course - 蘆筍,鮮蝦, BB菠菜天使麵蝦新鮮大隻, 天使面幼滑, 菠菜鮮甜， 天氣熱，食海鮮好過食肉香煎比目魚柳煎到微焦濃，魚皮脆口，魚肉甜滑厚身，配了鮮蘆筍 baby carrots 等雜菜，甜品朱古力心太軟， 名副其實心型上碟， 朱古力皮層似葡撻鬆脆可口，2個食到好滿意。環境寧靜，可以慢慢食，一大享受

其實本身都無話要慶祝或者搵間咩餐廳食飯。兩個傻瓜行下行下見到li間餐廳就入左去。我地點左個二人餐，整體味道是可以的，唯一可以改善就是牛扒點了7成出來是9成，有點兒浪費了個扒。頭盤：海鮮拼盤算滿意，除了大蜆差少少，其他都不錯～餐湯：龍蝦湯，幾好味，喜歡沙律：帶子普通，但沙律個汁幾開胃主菜：肉眼扒上面已評價，另外大蝦天使麵d麵同味道幾好，左d蝦唔係我喜歡既口感，「啤」左水得個爽字點品：心太軟，普通，沒有評價

閒時去堅尼地城走走會有很多新發現。新舊交替，是一個不錯的小社區。走得累了，找間餐廳享受一下我的午餐。午市套餐是一個不錯的選擇。價錢有平有貴，任君選擇，梗有一款合心水。粟米湯有濃厚的粟米香，沙沙的質感，好咮！鮮茄海鮮炒扁意粉，份量頗多，好抵食。採用鮮茄打做醬汁，夠惹味好開胃。海鮮有蝦，青口和蜆，食落非常新鮮甜美。是曰甜品是奶凍，奶香濃郁，不會過甜，份量少少最適宜。環境悠閒，只有叮叮的電車聲，假日午餐的好地方。

西環至今開了很多西餐廳，且中午時份未又不像中環銅鑼灣這樣要和其他人迫，今天碰巧機會來到吃午飯，就試試這裡的set lunch吧!炭燒熊本霜降西冷牛扒伴燒汁($128)好像很吸引，就點這個吧！ 是日餐湯為黑松露野菌湯，調味得宜，野菌夠份量，加上忌廉，口感不錯。 到主菜出場了，和牛西扒是以Gill 的方法烹調，份外惹味，牛肉的肉質則口感軟綿，十分多汁，牛味亦濃。 餐茶飲小妹至愛的熱檸水，這個則有點失準，檸檬很苦，且只得兩塊，有點吝嗇吧。 甜品則有朱古力雪糕，朱古力味濃，小小一球，已經滿足了。

今日同男友帶住悠閒的心情來到堅尼地城揾食，在海旁附近發現Gioia Charcoal Grill & Oyster Bar 的環境和午餐款式不俗，決定一試。店內裝潢走型格輕工業風，大量落地透入自然光，令人感到格外寫意。午餐選擇多，配搭頗創新，而且會定期更新菜單。生蠔的種類也很多。南瓜湯幼滑香甜，令人回味。麵包條口感鬆脆，帶微微的咸香，配搭南瓜湯更添滋味。沙律菜新鮮爽甜，沙律醬下得剛好。香煎三文魚扒伴忌廉汁，煎魚的火喉控制得非常好，整塊魚皮都是脆，三文魚外脆內軟，入口即溶，每口都混和忌廉汁的香甜與黑椒的辛辣，味道一流。茄蓉疏菜香甜濃郁。炭燒澳洲穀飼肉眼伴燒汁，肉眼肉味香濃，煎得夠香口，薯蓉充滿香草和牛油香。甜品是芝士蛋糕🍰，香濃幼滑，同樣是高水準之作。Gioia Charcoal Grill & Oyster Bar食物水準高，環境一流，值得推薦！

平日的中環每到中午都擠得水泄不通、要找間坐得舒適又沒有時間限制的餐廳、價錢都不便宜。跟同事越走越遠、來到堅尼地城覓食。午餐選擇挺多、價錢合理又奉送甜品。椰菜花湯綿滑、配上這個脆麵包條。什菜沙律新鮮開胃、還有巴馬火腿和哈密瓜。炭燒羊扒伴蒜子燒汁看上去很吸引、羊架烤得剛好、肉質軟嫩還保持著水份、伴菜的薯蓉伴上燒汁味道不錯。友人點的香煎鯛魚柳伴忌廉汁。魚柳略略煎過、唔會太乾、外脆魚肉嫩滑、幾濃黑椒香味。炎熱的天氣下最佳的甜品不外乎是雪糕吧。

The staff in this restaurant called me and told me without any explanation that the booking I made yesterday (there was a deal with 50% discount for the booking)(which was booked successfully) will not work today, just 3 hours before my dinner appointment. Totally understand that the restaurant needs to make money, but not in this dishonourable way.

堅尼地城站地鐵開通後，都未有前往，今日約了朋友去食午餐，由朋友帶路，去了食好東西。餐廳在人來人往的十字街口，透過玻璃窗望進去，見到餐廳以黑色為主調。點了兩個午餐，套餐有餐湯或沙律，甜品及餐飲。是日餐湯是南瓜湯，很熱很濃很綿滑。沙律配煙三文魚，好開胃。鮮茄蝦仁炒扁意粉，有四隻大蝦，食落好爽口，不止用茄汁炒，還用了新鮮番茄仔。另外要了一個比較少吃的法式油鴨浸伴黑醋燒汁，有隻鴨腿，肉質頗實，容易切開，配有薯蓉及蔬瓜。幾悠閒寫意的一餐。

而家我地聚會既地方己向港島區發展，呢晚 ladies talk 就揀咗呢間餐廳。餐廳較細，大約有10張枱，不過坐位都唔算迫挾既，所以坐得耐傾計都唔怕。但初期可能冷氣開得唔夠，所以有啲熱，係後期開返大啲先好啲。未 order 食物前，侍應已送上每人2隻焗蠔，話因為當晚冇新鮮生蠔供應，為表歉意，所以送焗蠔，雖然係送既但都好好味 😋由於幾位女士平日食量唔多，我地決定4個人叫兩個 set dinner 再加少少其他嘢share黎食（最後發現，其實都唔少 😅）。另一原因係好似 set dinner 比散叫抵 😂😂😂Set dinner 既餐湯，蟹肉南瓜茸湯，啖啖蟹肉，忌廉味濃，夠香滑，唔錯！Set dinner 頭盤既其中一個選擇，三文魚紅菜頭，食落好清新，又有羊奶芝士香味～另一個頭盤，焗芝士流心大傘菇，呢個真係有驚喜！！以為佢會係普通焗大菇，會冇乜味，點知佢入味之餘，切開重有蛋漿流出黎，夠創新！👍散叫既青口，呢個味道中規中矩。呢個都係散叫既黑松露什菌 pizza , 黑松露既香味好突出，餅底薄脆！讚 👍套餐既美國馬拉蜆扁意粉，啲蜆好大隻好肥美，意粉既質感其實唔錯，但味道就比預期中普通。。套餐既

突然想吃蠔，看到這餐廳能即日網上訂座，就決定過海試試。入座後，職員都有詳細介紹不同種類的生蠔，亦有介紹每天特價$10一隻的生蠔。最近特價和正價的生蠔都點了，一個海水味較重，另一個剛較鮮甜。

雖說西環地鐵站通車已有一段很長時間,但每次來這區總感覺沒有那種煩囂不安,連帶這地段的餐廳也有這種感覺,正如好友這晚約我飯局的這家意大利餐廳更帶給我很美好的用餐體驗!這餐廳離西環地鐵站也有些許腳程,但跟著Openrice大神的地圖功能,很快便找到了正確位置!招牌以刀叉代替字母,餐廳設計確是有點心思;內裡的環境佈置給人舒服放鬆的感覺,以灰黑為基調,配合適中的柔黃燈光映照,加上樓底亦夠高,所以整體都是個十分良好的用餐環境!看看餐牌,其實選擇亦夠多,晚餐套餐與散點菜式俱備;與好友研究一番後,決定選擇了套餐;餐廳的酒單選擇也不少,但因自行帶備了意大利的葡萄酒,問及侍應生後也是收一個合理的開瓶費,心想在這種環境下也是值得的,就讓侍應生去處理了;頭盤是每日精選的生蠔拼盤,以冰粒雪凍著來遞上;蠔身色澤光潔,擠些許檸檬汁在其面,在口中咀嚼兩下,享受著爽脆的質感的同時,味蕾即時感受到海水的鹹味與生蠔的鮮味交融著,回味有著淡淡的木瓜味!與好友點了兩個套餐,選其一前菜是焗芝士流心大傘菇伴田園沙律配意大利黑醋汁;芝士流心大傘菇,加了黑松露醬伴意大利一起焗製,香味完全滲入到爽滑的大傘菇裡面,每一口都是充滿層次,尤

午餐收費以香港的西餐廳來說絕對合理，做到應有水準，如果服務水平/態度提升會比較好，如面部表情寬容一點或多一點微笑牛排及豬扒大致上都幾好食，最有驚喜是卡邦尼意粉，比預期中整得好。個甜品是水準以上