Gali

營業中

休息中

早幾日要去「富利工業大廈」做野，放飯一個鐘，落到地下發現落大雨，諗起搭𨋢嗰陣見到有餐廳既poster 貼左0係𨋢入面，好奇就試試佢。入到去，可以用QR code 落單，都方便既！今次叫左：1）奶油咖喱軟殼蟹: 好食😋如果咖喱度有少少薯仔/菜粒就好啦2）奶油naan bread：同平時食開既唔同，相對片身，無平時食既咁乾3) Mango Lassi ：好飲⭐️⭐️⭐️⭐️⭐️Menu 上面仲有其他野食都想試，可以翻叮！

Gali係一間位於觀塘嘅印度餐廳，係一個非常值得推介嘅餐廳。我試過佢哋嘅炸乳酪波、燒牛舌同奶油烤餅，味道十分之好，而且相當地道，想食印度菜必試。炸乳酪波外脆內軟，搭配上醬汁食起來十分爽口。燒牛舌燒得恰到好處，入口即化，加上香料調味，令人回味無窮。奶油烤餅入口幾脆，亦都好有奶油既香味，搭配上印度咖喱汁或芝士味道提升左一個層次。除了呢三款菜之外，呢度嘅其他菜式都非常好味，令人意猶未盡。環境舒適，服務態度良好，價錢亦相當合理，性價比極高。Gali嘅印度菜絕對值得一試，如果你鍾意印度美食，呢間餐廳可以一試。

上次試過唔錯，今日再次重臨呢間印度餐廳。今日係星期五中午，都幾多人呢，要等一陣先有位。今次帶埋朋友一齊黎食，每人叫左一個set，黎到見到好豐富。奶油咖哩軟殼蟹, 奶油烤餅咖哩好香好惹味，感覺有好多種香料，軟殼蟹好入味，奶油烤餅有牛油香味，有點淋身同薄身，如果喜歡食硬身D或厚身薄餅嘅朋友，可以考慮蒜蓉烤餅菠菜會羊肉咖喱, 蒜蓉烤餅菠菜會羊肉咖喱賣相一般，食落唔係好食得出菠菜味，羊肉就好軟腍，都算可以一試。比起奶油烤餅，蒜香烤餅相對厚身，烤餅鬆軟帶著濃列蒜香味，好大塊點著咖喱食一流，份量充足，食到好飽!吃完整個套餐，我同朋友都非常飽肚，會繼續encore 🤭

一個人游完水,想食咖喱。觀塘工廈什麼都有得食🤭呢間舖頭用手機點餐非常方便。叫咗一個香料咖喱羊套餐，加$15有6片蒜蓉烤餅套餐係有一罐汽水👍🏻咖喱份量都算足夠，而且香料味道都很正宗，但係烤餅就比較一般厚身，但係沒有蒜蓉的味道。吃完整個套餐，非常飽肚😅

今日想試下食D唔同野，行行下黎到了AIA 大廈附近，結果揀左間印度野食。平日下午1點半過到黎，還有約兩成空位，望落都唔少人黎食。自己一個人黎食，淨係點左個印度烤雞同蒜香牛油雞翼，烤雞肉質有點韌，醬汁有點怪，可能係個人口味問題，唔係咁啱我。雞翼就唔同了，烤得剛剛好，肉質香脆，熱辣辣，都幾香牛油同蒜味，同烤雞有強烈對比，呢樣一定會再叫。見到仲有好多菜式，有唔同口味的薄餅套餐，見其他人都食得津津有味，下次會再叫其他野食試下!

間餐廳響截單之前3分鐘先打比你話無貨，要求只可以轉其他。然後卻一邊響個app度，顯示可取餐及已完成！唔係掛。。。然後個app 無退款功能的，大家唸清楚先用啦！失望後記，上述的食評，是收到職員不願意退款也沒有聽電話之後，很無奈之下只想透過文字反映情況，以免不愉快的事情再發生。後來，有位不知名的人士來電抱歉及處理退款事宜，並再三強調會給員工培訓。然後我作為第一次使用OpenRice去落單的用家來說，仍然想分享這經歷以致新手們可以一起吸收以下兩個程序上會發生的事，不用感到詫異！當你落完單之後，才見到Openrice 跳去一個畫面，跳去一個畫面話如果你超時去自取訂餐的話，餐廳有權不退款。然後餐廳剛巧在提取訂單前三分鐘聯絡你、話你只能轉餐及無法退款，若你感到不知所措，你不是孤單的。。。然後OpenRice個app響事件未處理完之前，當時我根本沒有取餐、但個app話你已經取餐完成，並請你評價，當時就寫了這評價。。。然後當職員處理好退款事情之後，若你好似我一樣，想打返開個評語去取消佢卻找不到的話，請你不要感到徬徨，因為再過幾天，沒有想到我會收到一個電郵話我嚴重指控個餐廳、然後可能要承受法律責任！我不

嚟會一會令友人心掛掛，甚至要自製咖哩同烤餅嚟解癮嘅隱世印度菜 🇮🇳🥘🥬🐑 菠菜燴羊肉咖哩 套餐 $75跟 奶油烤餅 +$15 印度黃薑奶 +$13被另一位友人不停大彈佢嘅外表🥲食唔出菠菜味，亦唔係好覺係咖哩🙈 不過羊肉真係好軟腍，加晒分😚奶油烤餅軟薄身，比較難蘸咖哩汁😟🐄👅香料咖哩牛舌 套餐 $68跟 蒜蓉烤餅 +$15 芒果乳酪 +$13咖哩夠香辣，牛舌腍得嚟有少少爽口，蒜蓉烤餅蘸咖哩汁一流，唔驚口臭絕對值得一試🤤🍤🍚 蒜香蝦香料飯 套餐 $68跟 印度乳酪 +$13一上枱就覺得好香，原來印度米比平時食開嘅較長身😯 蝦肉爽口調味又好，不過飯偏辣，食到要🤧🥛 炸乳酪波 $42外層香脆，乳酪波口感幾似豆渣，冇乜味😂附上嘅兩款醬汁，認真搭都試唔出係咩味🤨 綠色就偏草青味，個人比較鍾意啡色嗰款，似燒烤醬🤓抱住試伏嘅精神，試盡印度奶茶以外嘅特飲，出乎意料之外，通通都唔伏，仲幾啱我口味👽

平民食評睇完Youtube，剛剛經過就試試，星期六都仍然客似雲來，手機點餐都好方便，中午時冷氣有點不足。試左香料咖哩羊+$15蒜蓉薄餅，薄餅份量多，印度式制法，蒜蓉味不強烈，欣賞！咖哩香料味足，食得出落左好多材料，不太辣 ；羊肉大概6件，每件部位都有肉和夠軟淋，是花時間去燉和炆嘅製作；有一件大薯仔，軟度適中；最初擔心用薄餅可能會黏得太少咖哩，浪費了咁好味嘅咖哩，但最終竟然食到照晒鏡下次，要試芒果乳酪，奶油咖哩，牛油雞翼和其他印度小食，一定重來。註：不設訂位，只收現金

印度，俾我嘅咁覺係一個有歷史，神秘，但又帶點亂嘅國度。今次搵咗間喺觀塘工廈嘅印度餐廳。入到去，冇咩裝飾，甚至乎可以話有啲舊。但正因喺咁，反而又多返啲印度嘅感覺。由於餐廳喺高層嘅關喺，所以店内境觀相對開陽，坐得舒服。而印度菜我本身都幾鐘意食，可能因爲細嗰留學時接觸得多，所以都會週圍搵印度菜食。而今次呢間餐廳啲嘢食又真喺有驚喜。奶油咖喱雞 Butter Chicken Masala 咖喱香濃唔辣，有奶油香味。雞肉烹調得嫩滑。好食👍🏻喜愛度(5分為滿分): 4.5香料咖喱羊 Masala Curry (Lamb)香料咖喱味道好有層次，除咗辣以外仲有洋蔥，豆寇等等。配埋帶微臊嘅羊。我私心覺得比奶油咖喱好食。喜愛度(5分為滿分): 4.5蒜香烤餅 Garlic Naan有啲似薄餅厚批。烤餅鬆軟，有蒜香。點咖喱一流😋 份量夠。好滿足。喜愛度(5分為滿分): 4.5奶油烤餅 Paratha比起蒜香烤餅，奶油烤餅相對薄身，有牛油香。唯獨如果可以焗耐多少少，再乾身啲會更好喜愛度(5分為滿分): 4蒜蓉牛油雞翼蒜香多過牛油味，感覺冇咁油膩。炸得冇過火，仲保留到肉汁。喜愛度(5分為滿分): 4芒果乳酪 Ma

難得去到觀塘上堂 順便觀塘周圍搵下食，本身唔太食到辣野 同事們介紹呢間係正宗印度咖喱 跟大隊 就算怕辣都要試試佢🐓奶油咖喱雞 $68Butter Chicken Masala咖喱既香料味比以往食既唔同 更多層次(不過食唔出多左咩香料🤔) 加左忌廉 拌勻再食 成個咖喱會滑左 啲味再融和啲 更易入口 呢款咖喱唔算好辣，有4大件無骨雞件 依然嫩滑 咬開會見到有少少紅色醃料 微微辣辣的🐟奶油咖喱魚柳 $68Butter Fish Masala有兩大件炸魚柳 外脆內嫩而且唔會皮肉分離 就算炸魚面沾滿咖喱 都仲保持到脆口套餐都會配白飯同罐飲品 +$15可轉蒜蓉烤餅/奶油烤餅(6片)我轉左蒜蓉烤餅😍厚厚烤餅而唔係油酥餅果種 外乾身香口而芯軟 少少蒜味 唔點咖喱直接食都好味，6大塊…最後只食到4塊 份量絕對夠*QR code落單*地板有d滑滑的 有個小哥哥唔小心跣親🙊

睇YouTube 介紹，經過觀塘就試吓。叫了牛利，羊肉，同雞翼，直接重點是：牛利咸，原來雞翼仲咸，以為咬走咗d雞皮會好啲，點知裡面雞肉更咸。雞翼好多有六隻，點知食左一隻頂唔順，我都盡量隻隻試吓但一共六隻雞翼都好咸呀！係食唔到落口，我覺得好浪費。另外，建議職員叫食客埋單前，簡單一句問下人地食物係咪上齊才應該叫人俾錢先埋單，咁樣會有禮貌啲。

這是我收藏超～久的觀塘人氣咖哩餐廳🥹🔥終於吃到了！-•-•-•-•-•-•-•-•-•-•-•-•🇮🇳這裡有至少4種咖哩🍛✨1️⃣奶油咖哩：吃起來會甜甜的～ 2️⃣香料咖哩：店員介紹說是偏辣的3️⃣菠菜咖哩：之前吃過其他地方的菠菜咖哩覺得這款咖哩沒什麼味道4️⃣黑扁豆咖哩：真的非常多豆豆，味道也是沒那麼濃。很像是用了黑扁豆、奶油、洋蔥🧅、番茄🍅去燉煮的咖哩！-•-•-•-•-•-•-•-•-•-•-•-•然後偷偷說聲，我有申請過這間的兼職🤣但最後因一些緣故推辭了面試聽說他們的咖哩很辣（？）然後一心期待試試看它的辣。結果不是特別能吃辣的朋友也覺得沒很辣😂▪️香料咖哩牛舌 套餐 $68 👍🏿牛舌非常大片！而且有六大塊～如果來吃蠻推薦牛舌的！！！▪️黑扁豆咖哩羊肉 套餐 $75羊肉蠻重羊騷味的，然後煮得蠻像散開的牛腩～▪️奶油薄餅 +$15我更喜歡這個！這個有嚼勁▪️蒜蓉薄餅 +$15這個皮比較厚～吃第一片覺得還好，吃第二塊又覺得其實還不錯🤣朋友不約而同也是這麼覺得▪️Chicken Tikka $48這個蠻有名的！朋友最喜歡這個。那兩款的醬跟我想像的不太一樣。紅色的非常甜～可能期望過高，和本身喜歡重口味，所以這間沒

作為食辣程度bb級嘅人揀呢間專食印度咖哩嘅餐廳都鼓起左d d勇氣🤣叫左一個奶油咖哩雞($68)同香料咖哩羊($75)～價錢有包主食同野飲（解辣好重要！）其中一個餐加左錢要蒜蓉烤餅🥰烤餅一上枱係超 級 香😍仲要有6大塊 果斷裝走左3塊唔好浪費🤣烤餅唔係酥餅嘅口感 偏向似麵包但又軟熟d加埋蒜蓉味 就算唔點咖哩都好好食😋奶油咖哩濃味得來唔會好鹹 仲帶少少甜味同埋係我接受到嘅辣度🥲但男朋友食開三小辣就覺得完全唔辣🤣咖哩有4大件雞 絕對唔孤寒😝雞件唔鞋口 但唔知點解食雞會辣過就咁食咖哩(=.=)香料咖哩就再濃味d 但都唔係勁辣嗰種🤣

點了份咖喱軟殼蟹，一份蒜蓉烤餅同汽水，埋單$90。質素很高的咖喱，一口吃下去，便知道是正宗印度咖喱。軟殼蟹酥脆，咖喱香濃，蒜蓉烤餅沾上咖喱，真的很可口。詢問過，是印度人主理。CP值很高，很值得再回來，及向朋友推介 👍

話說睇完米紙嗰條「港女嫁印度人」片，見勁多人喺cm推介佢哋開嘅印度餐廳，主打正宗印度咖喱，用多種香料調製而成🍛 試完覺得真心正，觀塘打工仔又多個「是靚午」好去處🤭▪️奶油咖喱魚柳 $68▪️每次食印度菜最鍾意都係叫奶油咖喱！加咗奶油啲咖喱特別香，食落口感亦好creamy，唔會太辣🤤 呢度個魚柳真係要試，外脆內嫩好正！▪️香料咖喱羊 $75▪️呢種應該算係喺香港比較常見嘅咖喱🍛，食落係辣過「奶油咖喱」，比較多辣油。入面除咗羊肉仲有薯仔，不得不提啲羊肉好嫩滑，份量又多，好好食😍▪️黑扁豆烤雞咖喱 $68▪️入面啲黑扁豆已經煮到碎晒，食落超級濃香料味，但係冇咩咖喱嘅香味🤔個人唔太鍾意呢種口味，試過一次夠了🤣 烤雞亦偏乾身唔算好滑～▪️烤餅 跟餐+$15/6片▪️本身咖喱免費配飯，亦可以加錢揀蒜蓉烤餅/奶油烤餅～蒜蓉烤餅比較厚身，有啲蒜蓉嘅香味配埋咖喱食好正，個人比較鍾意呢款！而奶油烤餅係比較薄，口感煙韌啲同油啲，不過食落好似同咖喱唔係好夾😛▪️印度香料奶茶▪️好濃香料同奶味，甜甜地又帶點辛辣，幾有驚喜！▪️芒果乳酪▪️見同事杯嘢幾靚就影埋🤭佢話幾好飲～