Gali

今次黎到官塘富利工業大廈14樓 (最高果層) 黎食咖哩， 哩間咖哩我幫襯過好多次，真係唔錯。 早兩日叫外賣， 可惜外賣到左之後有野做，再可以食時凍曬， 所以琴日再同朋友上黎食堂食。佢有奶油咖哩 同 香料咖哩個人唔算食得辣，所以揀奶油咖哩 (可以配雞 / 魚柳/ 吉列蝦/ 軟殼蟹) 價錢都會有所不同， 之前平時食開配軟殼蟹都好好食， 今次想試其他， 就配魚柳。跟住可以跟飯 或加錢 $15 跟烤餅， 我就一定係加錢跟蒜蓉烤餅，黎到香噴噴， 真係唔錯。好食好食。 仲有其他印度小食。 我地另外叫左個蒜蓉雞翼。 炸到脆卜卜。 下次得閒又黎試下。 不過預一餐差不多 $80-$100左右。…查看更多

其實都好耐冇嚟過，因為午餐時段都幾多人，所以一般食飯我都會揀早一個鐘去食。去到得一枱人，店員叫我地去窗口二人位，但因為嗰日都幾熱，唔係好受得強光照射，見冇人，我哋揀咗最後面嗰啲陰暗角落四人位，但係佢話一陣間會好多人所以要我哋坐返前面，咁唯有坐喺門口嗰個位。剛開門，冷氣唔係好夠，所以都唔係好想坐門口位:(坐位安排唔係咁好，其他餐廳喺冇人嘅時候，都可以比人揀位坐。 我哋食完飯，間餐廳都仲係得我同另一枱客邊度多人可能因為啱啱開門，店員都幾燥係咁講粗口，唔知係鬧緊員工定啲網站外賣員所以如果想靜靜地食飯千祈唔好呢啲時間去。又或者去全部都係南亞人嘅餐廳，會比較有禮貌。至於食物，改烤餅要加$15，好少見，唔知係咪港式咖喱嘅關係，其他做印度客多嘅印度餐廳都唔洗加錢🥲不過食物都係好食嘅。但唔係用印度米，感覺始終差啲。…查看更多

本身係一個幾鍾意食咖喱嘅人同見網上有介紹就去試下 本身book咗位 不過七點去到都有少少空位 職員示意直接入座 眼見已經幾多人食緊叫咗個奶油咖喱軟殼蟹配白飯($75)同奶油咖喱牛舌配蒜蓉烤餅($68+15)飲Lemon soda同Lychee juice另外再叫咗個小食香料酥炸球 ($42)埋單一共$200 都幾抵食奶油咖喱軟殼蟹配白飯($75)啲咖喱好正 質地唔算好濃 有啲似飲南瓜湯 帶住奶油加少少甜味辣味會慢慢滲出嚟 但係又唔會太辣就算唔係太食得辣嘅都可以一嘗配埋白飯一流 一啖接一啖奶油咖喱牛舌($68)配蒜蓉烤餅 (+$15)牛舌非常軟腍 而且份量都多烤餅一共有6大塊 大塊兼香脆如果一個女仔來食 都幾飽最鍾意係呢一道菜👍🏻👍🏻👍🏻香料酥炸球 ($42)平時都會有個窿 但呢度就成粒 需要自己敲每一個酥炸球都非常之酥脆 就算放咗一個鐘都仲脆卜卜佢配咗兩種醬汁同埋薯仔加晒之後食落個人麻麻鍾意呢種味道 但係如果齋食酥炸球都好好食 甚至點佢嘅咖喱汁都一樣咁出色嘢飲方面都係叫汽水類 所以就冇咩評價荔枝汁就個人一般般食物方面俾9/10分唯一缺點可能入座時職員語氣麻麻 冇咩表情如果有返啲笑容會比較好但係都值得前來一試 可以再翻食過👍🏻👍🏻👍🏻下次要試吓芒果乳酪…查看更多

朋友推介奶油咖喱🫶🏻今次我叫咗奶油咖喱軟殼蟹，加$15轉咗蒜蓉烤餅(6塊)🤫不得不說佢個奶油咖喱出色🤙🏻油而不膩👅軟殼蟹份量十足😙可以一啖餅一啖軟殼蟹 😏要挑剔嘅話 ～蒜蓉烤餅略嫌有啲油😣食咗三塊已經開始有啲濟 可能因為厚餅 不過幾惹味🤩我朋友配飯食🍚 勁快就食完🤣 個咖喱配飯真係一流🤭下次我都會試下叫飯，除非真係好肚餓轉蒜蓉烤餅都係一個唔錯嘅選擇🥸同埋鋪頭客人之間坐得比較親密🤫…查看更多

今次食啲唔同野 印度菜講真真係未食過Gali 🍽️🌟奶油咖哩軟殼蟹🦀✨ $75 呢道菜真係無得輸！香濃嘅奶油配上咖哩，軟殼蟹炸到金黃酥脆咬落去肉質鮮嫩，口感爆炸，令人一口接一口完全停唔到🤤蒜香蝦香料飯🍤🍚 $68 呢碗香料飯～ 蝦肉鮮嫩，蒜香味十足飯粒粒分明，搭配蝦肉真係一流！每一口都帶住滿滿嘅幸福感，真係心滿意足！😍跟餐仲有野飲比我見到多年無見過既西柚汽水 真係驚喜滿分🥰環境都幾好唔會好嘈 岩哂親朋聚會Gali觀塘駿業里6號富利工業大廈14樓B號舖…查看更多

之前嚟過呢度食咖哩，覺得唔錯，所以買佢嘅咖喱牛腩冰包返屋企食。餐廳聲稱一包HK$ 88嘅冰包屬於2至3人份量。入面有7大件牛腩，似乎好抵食。點知，7件牛腩當中，只有兩件細嘅食到，其餘完全咬唔入。我嘗試冒住甩牙嘅危險不扯其中一舊，發覺根本唔係牛肉！！！點解咖喱牛腩入面會發現一啲不知名嘅肉類？從烹調同包裝嘅角度，唔明白呢件事係點樣發生。其實係咪搏人哋外賣冇得退換，所以用啲咁差嘅嘢去造冰包？而且仲要混水摸魚，摻雜不知名嘅肉類！…查看更多

假日晏左起身，晏啲食午餐就小啲人。知道觀塘有間食咖哩比較地道就去試吓。奶油咖哩牛脷+蒜蓉烤餅，奶油味香，牛脷超淋，咖哩汁唔太辣，好多香草味，當然之後好口渴。😅我覺得配蒜蓉烤餅好味，好多塊，食完好飽。奶油咖哩雞 + 蒜蓉烤餅，個汁其實一樣，雞就比牛脷遜色，下次會上牛腩或羊肉。…查看更多

🍛 奶油咖哩雞套餐 ($68)奶油咖哩好香滑，食開辣嘅我覺得佢唔辣😌啲雞明顯有陣醃咗嘅香料味👍🏻 肉質偏柴，冇乜汁（不過滑嘅雞同佢呢種香料嘅感覺應該唔係好夾🤣）🫓 白飯轉蒜蓉烤餅 （+$15）個餅上枱熱辣辣，香噴噴😍 食落軟糯有口感，蒜味唔重，食耐咗都唔會覺得好鹹，但幾惹味同幾香口😋 雖然塊餅摸落油油地，但食個陣又唔覺好油餐跟飲品有好多選擇，我揀咗包裝無糖茶，所以唔細說DaiC的話💭：建議普通食量嘅人可以唔洗心急叫小食住，有次同🍄‍🟫一人食一個餐，加咗個炸乳酪波，飽到傻咗😂第一次試嘅可以一個加錢試下個烤餅，一個叫飯再Share🍚 我當日好肚餓，一啖咖哩一啖飯，暖笠笠食落去勁滿足勁舒服😍🍽️：Gali📍：觀塘駿業里6號富利工業大廈14樓B號舖…查看更多

Gali @hk_gali 📍：觀塘駿業里6號富利工業大廈14樓B號舖🚗：觀塘地鐵A2出口 步行4分鐘📞：+852 6857-1097💲：~HKD90-100/head for lunch Food quality✔️：奶油咖哩雞、蒜蓉烤餅、印度乳酪👌🏼：香料酥炸球、香料咖哩羊、奶油咖哩軟殼蟹❌：奶油烤餅(跟餐)總結：😋一間由印度先生港人老婆夫妻檔經營嘅印度餐廳 我諗大家都有聽過 因為都有唔少youtuber介紹過👍🏼😋企喺門口都聞到好大陣咖哩🍛味 好香 奶油咖哩雞好濃郁 配蒜蓉烤餅正 😋跟餐嘅印度乳酪🫕唔駛加錢 所以幾滿意🤔香料酥炸球就略有點普通了 畀多啲馬鈴薯🥔同埋如果配埋薄荷葉洋葱會更開心 入邊啲餡料香料味不足🤔香料咖哩羊同奶油咖哩軟殼蟹就比較普通😨跟餐有得揀蒜蓉烤餅同奶油烤餅 強烈建議選前者 因為後者完全冇味 好淡🥲…查看更多

位於觀塘工廈內的Gali，早已以地道的印度風味聞名 😋😋 這次趁收工後與朋友一探究竟。餐廳內部燈光幽暗，營造出具異國情調的氛圍；加上晚飯時段（約七點）人流不算太多，很快便安排入座，整體用餐環境令人滿意 👍🏻1. 瑪莎拉咖喱雞肝 + 奶油烤餅 + Mango Lassi （$68 + $15 + $13）🌶️瑪莎拉咖喱的香料味十分濃郁，卻不會過辣。以雞肝入饌，跳脫了常見的羊肉或牛肉搭配，令人眼前一亮。雞肝處理不錯、份量不少，與濃厚的咖喱醬汁相得益彰 😌雖然白飯是免費提供，但我們特意加了 $15 試了奶油烤餅，結果發現這選擇非常值得。烤餅份量足，有六塊，外層烘烤至微脆，內裡則保留了柔軟與嚼勁，帶著一絲奶油香，成為咖喱的完美伴侶 🤭再加 $13 的Mango Lassi是經典的印度飲品，儘管份量稍小，裝在較細長的玻璃杯中，但質感濃郁，帶著濃厚的乳酪奶香與淡淡的芒果甜味，為整餐帶來一抹清新 🥭2. 印度烤雞（$42）🐔這份加點的印度烤雞是意料之外的驚喜。雞肉本身調味充分，香料滲透，烤得外層微焦，帶有特有的炭香。🍗 雖然雞肉稍嫌乾身，但不至影響整體口感。配搭的兩款醬料頗有心思——乳酪醬帶來濃郁奶香，番茄醬則酸甜開胃，為味蕾帶來多層次的體驗 ✨整體而言，Gali的性價比相當高、收費亦免加一。餐廳充分展現了地道的印度風味，雖然隱身於工廈，但很適合與朋友或家人分享美食。🇮🇳 以不到 $150 的價錢便能品嚐到豐富的印度風味料理，實屬值得一試。下次再訪，或許會嘗試其他咖喱菜式，期待更多驚喜！😉…查看更多

今日去Gali食Lunch，試咗佢哋嘅香料咖喱牛腩飯🍛。呢個咖喱味道偏濃，有濃郁嘅香料氣息，帶少少辣，唔會太刺激，但又夠味🌶️。牛腩方面相當出色，質地爽口帶咬勁，食落非常滿意。不過，飯嘅部分就稍微遜色，偏硬，可能未完全熟透。如果唔係特別想食飯，會比較建議試吓佢哋嘅薄餅🍕，之前聽朋友講過係招牌之一。整體來講，呢餐飯都算滿意，咖喱味香而且啱口味，牛腩質素好，加上價錢合理，性價比唔錯。如果對香料重嘅咖喱有興趣，呢間餐廳都值得試試！…查看更多

同朋友午餐揀咗 Gali 印度餐廳，感覺係份量足夠，味道有水準，仲幾有驚喜。雖然唔係完美，但絕對值一試！Masala Chicken($75) ⭐️⭐️⭐️⭐️香料味道十足，雞肉嫩滑又入味，masala 醬汁濃郁得嚟唔會太膩。唯一缺點係鹹咗少少，但拎嚟配薄餅食真係一流。薄餅 (+$15) ⭐️⭐️⭐️⭐️⭐️呢個係必點！大份得嚟又夠軟熟，男人食都夠飽。拌埋 masala 醬汁食，口感層次豐富，絕對係升級餐點嘅關鍵。加 $15 完全值回票價！送飲品 ⭐️⭐️⭐️飲品冇乜特別，基本款解辣用，但總算有心思送，補充返少少分。服務 ⭐️⭐️⭐️服務態度中規中矩，唔算太熱情，但亦唔會冷待客人，感覺仲有提升空間。總結：呢餐午餐食得好滿足！味道方面幾正宗，薄餅尤其推薦，性價比高。服務未算突出，但食物已經補返呢方面嘅小缺憾。如果鐘意印度菜，真心值得帶朋友嚟試試！食品評分：⭐️⭐️⭐️⭐️（4/5）總體評分：⭐️⭐️⭐️⭐️（4/5）午市印度餐好選擇，特別推介加薄餅！…查看更多

首先佢嘅咖喱唔太辣，裏面落咗好多香料都幾俾心機煮。可惜黑羊好多肥膏，另外配的米飯並不是印度米。有點兒格格不入😅服務快亦都有禮貌。另外叫咗一個印度奶茶，可能係我飲唔慣印度奶茶口味吧，只飲左半杯…查看更多

估唔到第一次寫食評係負評，真係忍唔住要喺度comments。平時鐘意食印度薄餅，見食評同食物相好似幾吸引，所以黎試下！一入到去環境屬於係暗暗地黑mama既style?不多人只有幾枱客， 當時去到坐低，自助手機落單，有問題問櫃枱嘅長髮女士staff態度不錯，不會扮睇唔到。食飯份量多，薄餅可2個細食女仔share，味道正常質素。本身黎之前見佢地舖頭寫收夜晚9點，因為本身想食嘅餐廳早收所以過嚟呢度試，坐近廚房位置見到廚房嘅人經過同做野。點知當食野食到好記得係8點20分左右，入面廚房一名中年黑髮男士，應該係廚房幫工？唔知係想趕收工定點？ 一路食果陣無端端feel到有人喺咁望過嚟，望到既時候發現係俾人用好惡既眼神啤住左，好似用眼神同你講，你食完未快啲食完就走，唔好阻住收工。跟著停左一停手冇食之後，果時8點30都未夠，另外2個女仔staff就走過嚟問係咪食完，跟著就收走左我同朋友嘅餐走🤔👀👀 原來未到收工時間，食物未食晒，就要被咁對待？太印象深刻，冇下次了，用餐體驗差。比錢買難受。👋🏻👋🏻👎 …查看更多

其實依間餐廳係唔係轉左手？見到好耐之前喺MM 話係個印度人同佢老婆兩個有心做，好好食，好多人排隊依家可能熱潮已過，無咩人排但最後都有條人龍，不過唔係因為太多人係因為啲伙計chill 到以為佢地黎餐廳散步服務 間餐廳入面樓面有5個人嗰陣有4張空枱但完全唔比人入見到唔係雞嘅咖喱都漏單嚴重唔知點解落唔到薄餅佢地話因為啲薄餅仲整緊，要5-10 分鐘所以鎖左唔比人落我聽到成頭黑人問號吓？咁你照比人落住，遲啲上咪得囉都係5-10分鐘啫。你半間鋪空枱我企喺門口等你比我入座都喺咁等啦不過兩個女侍應都好有禮貌之後有番薄餅都提我（我話：吓…但我落左喇喎）佢地都肯親自幫我換番，咁我覺得都算係咁啦同堆你如果叫雞，真係好快就有得食唔想等好耐建議一概叫雞食物一開始等到真係嬲，加埋見好多人好似游手好閒但又冇人執枱唔安排人入坐嗰下真係嬲嬲地但啲野食估唔到幾好食佢啲咖喱全部隱約有啲蕃茄味butter chicken, masala chicken 兩個都唔錯塊薄餅質感似crepe 多啲如果仲有下次，我諗叫番飯算總計，野食估唔到係真係幾好食嘅同埋68 埋有4大件雞件加野飲真係抵但服務嚴重需要改善可能請番啲快手啲嘅伙計依家話事嗰個男人處理事情嘅手法（例如薄餅單野）真係需要改善下，家下好似冇軍師咁同埋依家似轉左手，唔係印度夫婦，似係一個中港家庭（老豆阿媽阿女加2個伙記）…查看更多