Gali

營業中

休息中

抱住期待諗住去試下 坐低掃code嗌野食 嗌完等左差唔多一個鐘都冇上過菜 其他遲來過我地好多嘅都上嗮野食 問佢仲有幾耐就一直話整緊 最尾話再唔上就走 結果話有排.....我地聽完直接走咗🙃🙃好差嘅體驗

自己極少食印度咖哩食都食日本個隻甜甜既今次有frd帶來食就開拓下新視野間舖係駿業里，非常易揾入去搭𨋢直上就可夜晚7點左右來食都full full地原來都幾受歡迎要注意既係餐具隨餐上 都眼見有啲食物殘跡痴住建議開食之前留意下自己抹一抹或者換過奶油咖哩雞適合食唔到辣野既朋友～雖然食落有少少辣 但係可接受範圍可能有奶油中和下 另個辣味無咁出飯份量算多同時加配左 芒果乳酪（推薦）雖則好似比較細杯 但芒果味道偏濃唔算太甜 如果怕辣既都可以叫杯飲下香料咖哩軟殼蟹飯份量偏多香料咖哩比奶油辣些少 惹味多啲軟殼蟹都算大隻 大細對得住個碟唔怕好硬好油整體來講，中意同想試咖哩既人絕對可以去食!同朋友share多隻味都得

呢個星期某外賣平台八週年有半價優惠優惠唔係間間都有，有優惠嘅都食過冇乜特式，咁啱見到呢間印度餐廳，睇埋個餐牌食物同價錢又幾正喎公司同餐廳距離好近來回唔駛6分鐘，決定落單食呢間印度菜嘞印度烤雞，熱辣辣開邊蓋就聞到好香，烤得金黃色望落去流晒口水嘞，咬落去雞肉係嫩滑嘅讚呀炸乳酪波，係方形嘅，我食完個烤雞先食仲有拉絲，口感煙煙韌韌，有水準呀！芒果乳酪，一般，芒果肉唔多，勝在幫助解油解辣，會再試試其他飲品…不過重點一提呢間餐廳喺14樓，雖然有𨋢上但係食飯時間好多人，怕逼嘅就算啦

難得易入口印式咖喱，蒜蓉烤餅出色，大份飽肚抵食！・・・・・・・・・・・・・・・・・・・・🐔 奶油咖喱雞 HK$68> 配蒜蓉烤餅+$15、芒果乳酪+$13・味道：奶香甜味日式咖喱底，對我呢個食唔到印式香料嘅人嚟講係易入口🙏。有4大嚿半隻手掌大嘅無骨雞件，幾入味唔錯吃的。蒜蓉烤餅出色😎，本波打5粒星🌟，蒜味好足幾香口而且幾厚實👍。另外芒果乳酪比想像中易入口，至少成杯飲得晒，exactly係某巢牌芒果乳酪飲品加酸酸地嘅芒果醬～・口感：睇落好細份，但最後食唔晒，好飽肚XD🐮 香料咖喱牛腩 HK$68> 配白飯、罐裝汽水・味道：香料嘅香易入口而且有少少辣，絕對唔係港式牛腩XD。牛腩軟腍唔柴入味，不錯👍・口感：以為會配印度/印尼嗰種長條形米飯，點知係普通白飯。不過本波麻麻地嗰隻長條至米飯，所以用普通白飯對我嚟講仲好～🫓 奶油烤餅 6件 HK$24・味道：呢個就kick了，就係一塊麵餅，麵粉味乜味都冇的餅～・口感：一塊皮囉，又唔係煙韌或者咩特別口感，一咬就開嘅冇味餅皮⋯⋯🧀 炸乳酪波 8粒 HK$42・味道：exactly係炸硬豆腐嘅味XD，點啡色嗰個甜辣醬會一秒變成麥樂雞味哈哈，

今次上嚟已經唔駛等位，店鋪職員同落單apps 已經唔同晒。出品亦不是以前的質素。咖哩汁同飯都唔熱，暖都講唔上，薄餅唔係以前嘅蒜香薄餅。大家可以唔駛再去。我可以用難食嚟形容。

🇮🇳🍛🫓觀塘工廈香料咖喱▫️QR code落單▫️只收現金🔘有職員喺廚房食煙，啲煙味飄咗出嚟好難聞，希望可以注意下。☑️蒜香蝦香料飯 -$68好大碟，飯量好多，新鮮炒起熱辣辣，印度米較長，有幾隻顏色唔知有咩分別，但係粒粒分明，不過唔係好濃味，要撈咖喱食先好食。大蝦有四隻，有炸過，蝦好彈牙。☑️香料咖哩牛舌 -$68牛舌有4塊，都大件厚切，煎得幾香，咬落有少少似香腸，香料咖喱味道幾濃幾惹味，一開始唔覺辣，越食會越辣，好過癮。☑️轉奶油烤餅 +$13烤餅有六小塊，薄薄地但點咖喱食係一流。☑️ 芒果乳酪Mango Lassi - $13幾好飲，吾會好稀，芒果味幾濃又解辣。

啱啱嗌外賣，裏面烤餅全部都係燶，omg🥲🥲。燶都咁都會俾食客，so sad。突然之間好想食烤餅，買完返屋企見到即刻唔想食。之前都常去幫襯。估唔到今次咁嘅，之後都係堂食啦😂，希望你哋跟進一下

呢間GALI我已經去過兩次，真係每次食完會有種衝動想去再食多次🥹佢嘅香料咖哩羊同芒果乳酪真係世界級好食，絕對無誇張到🤣試過你就知✨🥘1️⃣ 香料咖哩羊肉+ 蒜蓉烤餅+凍芒果乳酪 ($90)🤤🥘✨[🅁🄰🅃🄴 5/5]我兩次去都係叫呢個set，真係超！級！好！食！🤣你見我用感嘆號就知咩料啦🥹✨✨佢啲羊肉好嫩滑同超入味，份量都唔少，食落會好啲似崩沙腩嘅感覺👍🏻👍🏻加埋個蒜蓉烤餅，佢整得勁香軟，配埋個咖哩真係一流🤤我第二次去嘅時候叫咗奶油烤餅🧀不過奶油烤餅就比較薄，同埋口感煙韌，我個人就鐘意蒜蓉多啲⭐️2️⃣蒜香蝦香料飯+飲品 ($81) [🅁🄰🅃🄴 3/5]呢個香料飯係小辣嘅，個飯炒得好乾身而且好重印度香料味，飯上面個4隻蝦每隻都好大隻，不過得4隻就有啲唔夠喉🥹同埋食得太多香料飯個喉嚨會有啲乾🫢3️⃣印度烤雞 ($42/6件)[🅁🄰🅃🄴 4/5]呢個烤雞真係CP值勁高，6件雞都勁大舊，又唔貴，重點係佢好厚肉，同好入味，烤得唔錯👍🏻🍗不過建議平日食嘅話，過咗一點基本上都會賣晒🫢最好一點前去食✨個烤雞都幾受歡迎🤣4️⃣炸乳酪波 ($42/8件)[🅁🄰🅃🄴 2/5]我見到個名就好想叫黎試下🧀但呢個乳酪波食落好似豆腐

觀塘好味咖哩🤤食得出有香料味，而且係香港人接受到嘅程度，濃而不膩又唔會過辣，過吓咖哩癮🙌🏼🐟奶油咖哩魚柳$68睇上去以為條魚已經浸到淋晒，但其實咬落口仲係脆身㗎😍奶油咖哩好味🫶🏼有香料味又夠濃稠🙌🏼🦀Masala軟殼蟹$75隻軟殼蟹好脆身又大隻🥰不過Masala嘅味道偏酸，唔太夾軟殼蟹。個人認為都係奶油咖哩好味啲～🐐海德拉巴羊肉香料飯$75羊肉味濃而不羶，鍾意羊肉嘅各位可以一試🤤而且香料飯都有誠意，意意都沾滿香味🤤🫓蒜蓉烤餅（配餐+$15）鬆軟又散發淡淡蒜香，個人覺得好食過軟身嘅奶油烤餅，相對嚟講前者外脆內軟口感豐富好多🤣觀塘一班經歷動物大遷徒嘅上班族/街坊友，可以上一試呀🤤👍🏼

又喺觀塘區覓食🍽️今次終於去食傳聞中既Gali! 十二點半去食唔晒等位，但差不多一點就見到開始有人等位🤭.✨香料咖哩魚柳+蒜茸烤餅✨咖哩好香濃香料味，杰杰地，辣度係超級bb辣，應該絕大部分人都接受到既辣度🌶️好滿足呀☺️🤤feel到呢個口味係經過改良去配合返hk人口味，因為佢唔會好似印度餐廳d咖哩咁搶口🐟魚柳烤到好脆身，唔算好厚一塊，有三塊.✨蒜茸烤餅份量好多，剪開做六塊，但食左四塊已經好飽！蒜茸味唔算好出，但個烤餅既質地完全恰到好處🥰🥰好軟熟，沾埋咖哩一齊食正正正！

友人食過話咖喱吾錯，今天有空就去試一試。叫了兩個套餐：香料咖喱羊+奶油烤餅+印度香料奶茶 及 香料咖喱鷹咀豆+蒜蓉烤餅+雪梨茶。因為我地二人都不能食辣，初時有些擔心咖哩會否太辣，幸好辣度不太犀利，我哋都可以食到。咖喱吾錯，味道濃道適中。 印度香料奶茶味道較淡和太甜；猶記得在印度飲的是有很濃厚的香料味，十分回味。如果奶茶可改善就更好了。套餐選主菜後，可選白飯或烤餅，白飯是免費的，而烤餅需加費整體而言，運間可以再encore 。

位置比較隱世，在工業大厦裏面，如果不是朋友介紹真係未必知道，價錢合理。✨奶油咖哩軟殼蟹（$79+$15轉蒜蓉烤餅）奶油咖喱香滑而且濃味，軟殼蟹都算大隻，食咖喱配薄餅一定係絕配，蒜蓉烤餅好大塊，而且有6塊一定夠飽。✨奶油咖哩魚柳配白飯（$65）魚柳都不錯好大塊，而且魚肉好滑口以上兩個套餐都分別有配罐裝飲品，不錯不錯。✨印度烤雞（$49）CP超高有6件👍🏻每一件烤雞都好大舊，肉質好實食落去啖啖肉既感覺，有不同既醬可以點，味道不會太單調。

尋晚去咗觀塘富利大廈食飯 我哋去到嘅時候就嚟8點但依然滿座 冇諗過咁隱蔽嘅位都咁多人😳餐廳燈光好暗 周圍都比暗黑有幾盞特色吊燈幾有格調同氣氛 但咁暗好難影相 最後我哋要打燈🤭搞到周圍嘅人都望住🙈超尷.呢度scan QR code落單史努比搵唔到一份full menu所以冇相比大家睇🙏🏿-每個咖喱set都包一杯嘢飲同白飯除特飲外 普通罐裝飲品唔使額外加錢唔想食飯可以加$15轉印度薄餅🙌🏿.有4款咖喱 分別系奶油、香料、黑扁豆同菠菜我哋揀咗兩款最common嘅🙈-👍🏿奶油咖喱軟殼蟹 Butter soft shell crab masala $75奶油咖喱唔辣味道偏甜食落口感creamy 好邪惡🙈充滿咖喱香😆啱晒啲唔食得辣又想食少少辣咖喱嘅人😂😂軟殼蟹雖然浸住咗落咖喱度但蟹腳依然都系脆口嘅蟹肉亦都好飽滿 食落幾juicy😚美中不足系成個咖喱得一隻軟殼蟹 冇其他配料有啲可惜 如果有幾舊薯仔或者西蘭花蘿蔔咁就好🤣🤣味道: 8/10.👌🏿奶油烤餅 Paratha +$15薄餅有兩款 Paratha系比較薄身嘅就咁食有陣香蔥味😙有成6大塊😳不過佢比較油同埋唔系脆口嗰種薄餅如果佢食落脆嘅話應該會好啲

朋友最近轉左去觀塘返工, 所以我地都轉移搵食地點去觀塘😜呢間咖喱鋪果然好出名, 一過左7點就有好多人係門口等位本身我地想試佢既菠菜咖喱, 但係我地去到已經賣晒🥲最後我同朋友都叫左奶油魚柳咖喱 ($68包一罐一飲, 無加一)。佢比我地想象中無咁辣, 而分量都岩岩好😬食物方面無令我地失望, 但係個樓面姐姐好多時都唔睇路 仲成盤咖喱撞左落我個頭到😢 所以服務方面有待改善🙏🏻

💪🏻 奶油咖喱魚柳($68 +$15轉蒜蓉烤餅)奶油咖喱食落幾creamy，味道偏甜嘅咖喱，唔辣，有微微奶香味，味道偏似港式/日式咖喱，而且咖喱香料香味都好突出，容易入口😋 另外咖喱濃稠度剛好，唔會太水太稀，所以送飯/點薄餅掛汁一流😍 炸魚外邊炸得好脆身，內裏魚肉鬆化，但建議炸魚即快食/先拎上碟，因為浸太耐咖喱脆皮淋晒，冇咁好食😖 蒜蓉烤餅(naan)味道似蒜蓉包，但烤餅更鬆軟同煙靭，就咁單獨食都已經好好食🤤 如果點咖喱都好食，不過會被咖喱遮蓋左蒜蓉味。💪🏻 香料咖喱雞($68 +$15轉奶油烤餅)香料咖喱味道係偏辣，而且香料味較濃較重，味道更加似印度咖喱個種香濃味道，有微微印度咖喱個種酸味，好開胃😋 咖喱嘅濃稠度亦都剛好，而且咖喱中有幾舊大薯仔，煮得好粉好淋😚 但奶油薄餅(paratha)唔太推薦，好薄身，而且唔酥，只有薄薄2-3層，冇咩口感，亦冇牛油酥香味，所以食蒜蓉薄餅/白飯就好了🤣味道：7/10性價比：7/10 食住瘦指數：💪🏻/5