Gali

營業中

休息中

YouTube 真係令世界好美妙。睇片上工廈14樓搵食，對咖喱羊一响有d要求。大約50個座位，12:00已坐滿半個餐廳。自己scan QR 落單，$75 咖啡羊飯跟一罐汽水。全程兩位姐姐出菜冇眼神接觸，應該係唔想接觸。走上收銀叫個姐姐少飯，答應了就冇左件事。上菜一鍋咖哩汁加四件比廣東麻雀🀄️大小小的羊腩肉，咖哩汁不錯吃落creamy 微辣，香料不搶喉。羊腩似冰鮮不是急凍貨，煮淋身肉味一般。失敗是白飯又凍又乾，好似隔夜飯番熱唔夠，成鍋咖哩汁只是暖，汁撈飯都搶救唔到。其實做餐館要求食物要熱都好基本。咖哩同飯都－早煮好，保溫可以做好d。 唔係去大x樂 叫個咖哩腩飯$50，上到工廈14樓俾街鋪價錢應該可以好d。12:30 已人排隊，埋單時叫個姐姐注意下個白飯，希望有改進。

晏晝食都唔知食乜，飲茶，茶餐廳，日本料理，泰國嘢，都食到悶，所以今次就忽發奇想想食吓印度嘢。搵咗一輪，見到工廈有間印度餐廳就去試吓我哋叫咗印度香料咖喱，奶油咖喱，咖喱角，雞翼，都幾好食嘅，比正宗印度咖喱差唔多，如果再重未啲就好啦。咖喱角就一般，唔係必定要叫嘅食物。雞翼都係，比較上，都係佢啲咖喱會好味啲。我哋叫咗芒果乳酪啊，又都幾好飲！

📍gali (觀塘）其實食過呢間好幾次 同朋友黎食都叫過佢啲小食 果陣我地叫左炸乳酪同烤雞 都覺得麻麻地🫣烤雞無乜調味 得香料味 唔太岩我地口味🥲不過份量都幾多的我之前叫過菠菜咖喱 但都係覺得butter chicken 最好食！一定會加錢（$15）轉埋garlic naan!!真係好好食 一次過食曬真係飽到上心口😂成日都好想簡其他咖喱 最尾都係食翻呢個最穩陣😂啲雞都有好幾件大大件！每次突然想食咖喱或者黎開呢頭都會想食🤪

如果喜歡吃咖哩可以試下，套餐很抵食，有個白飯加埋一罐裝飲品。第一次來我係試左個奶油咖哩雞配薄餅，岩晒唔可以食得太辣既人食，加錢轉左個薄餅，六塊薄餅已經係每食一口就沾一次咖哩咁食，點知六塊薄餅食完都仲有三分一咖哩未食完，覺得浪費左仲有剩，所以建議第一次去試先食白飯或者同朋友再加薄餅，叫埋個芒果乳酪岩岩好中和到個辣，尼間值得再去食多次的。佢地咖哩仲有好唔同款式甚至有其他特色小食，如果去食可以搵多幾個朋友一起去，可以試多幾款。

星期六喺觀塘行街搵野食，搵到呢間印度餐廳。點左香料咖喱魚，咖哩辣度好適合香港人；牛油雞翼，新鮮滾熱辣好香口；蒜香烤餅如果多啲蒜會好啲；兩個人食連飲品200蚊唔駛，幾抵食，值得encore。

#fatxkwuntong ‼️觀塘印度美食‼️•① ［ 奶 油 咖 喱 雞 配 烤餅 🫓 ］ ｜咖喱唔會太辣，烤餅就算淨食都好食～咖喱香料味好重，好適合配飯食( •̀ᴗ•́ ) ̖́-係可以encore 的地方^^｜𓋪8/10·② ［蒜 香 蝦 香 料 飯］｜呢個比起咖喱辣好多(´∇｀)連我平時食得辣都覺得有啲頂唔順，要撈埋咖喱先中和返飯粒炒得好香，雖然辣但係辣得過癮｜𓋪7.5/10•③ [ 印度香料奶茶// 芒果乳酪 ]| 印度香料奶茶同平時飲開唔同，呢個比較溫和啲！|·Gali (Kwun Tong)Shop B, 14/F, Fully Industrial Building, 6, Tsun Yip Lane, Kwun Tong#food #hongkong #foodie #kwuntong #kwuntongfood #觀塘美食 #觀塘 #觀塘食好西 #觀塘食乜好 #hk #hongkongfood #hongkongfoodblogger #hongkongfoodies #香港 #香港食物 #香港美食

星期六中午11點半, 店內人不多, 點了2個小食和2個餐, 套餐份量大,夠3人食。 咖喱角 $42, 覺得饀中薯容很乾, 蔬菜少,皮太厚。炸乳酪 $42, 炸得脆,不錯。芝士肉醬配白飯+汽水 $68, 芝士很多, 咖喱肉醬辣味特別, 不過油有點多。咖喱牛舌配蒜醬烤餅 配芒果乳酪 $96, 牛舌份量不少, 咖喱醬味道好, 烤餅很香很酥軟不會乾, 推薦!

夜晚突然想食咖喱，咁就揾到呢間Gali，見食評都唔錯就入黎試吓。佢係用QR code落單嘅印度香蕉甜煎餅 $42呢個價錢都唔算貴，份量都幾多有成4大塊，除咗個邊邊位啲香蕉餡較少，淨係食到個餅皮，不過個餡甜而不膩有香蕉味。印度香料咖哩雞 $68 +芒果乳酪$13 +轉奶油烤餅 $15烤餅都幾大一塊，有五塊，點咖哩食一流但本身食唔出奶油味。個咖哩都有好多舊雞，大大舊成4，5舊，份量好多適合兩個人share食，香料味都重嘅，但味道一般食得多都有啲膩。同埋手套一人只會有一隻，會有啲唔方便。印度烤雞 $42大件夾抵食，但個雞就得啲香料味，無咩其他調味鹹味都無乜，個醬汁好淡味又有怪味，整體黎講味道麻麻，除咗份量之外無咩可取之處。芒果乳酪 係套餐加$13就有 原價$28幾好飲，乳酪味厚實，但店家不夠貼心，杯野咁高但枝飲管咁短，飲到底仲要揾手撩返上黎。

首先，抱住好大希望咁，嚟到大家食評都話又正又隱世嘅推介印度餐廳，諗住食個正咖哩啦，因本身office又喺附近，咁就諗住外賣就算，去到餐廳位置確係隱世。叫左個軟殼蟹咖哩，行左唔洗10分鐘返到office, 一打開，唔熱都算，今日得15度，一睇嘩，呢隻係咩嚟？咩事細隻都咁，同幅相差咁～～～遠嘅喂？又油又黑又細，佢幅介紹圖唔係咁㗎喎，隻咁嘅野，唔洗3口食晒！其餘成餐飯，就喺食+左錢嘅薄餅點咖哩⋯成為$90蚊，性價比極低，送都唔會再食！

放工時間7點去到由原本冇咩人到走果時坐滿曬人仲要等位就知呢度有幾受歡迎啦😉 呢度既咖喱係出色到身邊既人都叫我一定要去試下🥳 Butter Chicken Masala🐓($96)呢個係屬於奶油咖喱, 所以食落奶香味會重啲同滑身啲, 正常係跟一個飯, 但係我地加左錢要好大塊既蒜蓉烤餅, 咖喱既辣加埋蒜蓉既香簡直係無敵😍 跟餐仲叫左杯印度乳酪, 飲落係冇咁結身既普通乳酪😂Fish Curry Masala🐟($96)呢個屬於香料咖喱, 食落會比較濃味同埋辣🥵, 配埋個炸到脆卜卜既魚幾惹味既😉 同樣地都係加錢要比較普通既奶油烤餅同埋要左個飲完好舒服養生既薑黃牛奶😍 不過如果唔鐘意香料味既朋友應該接受唔到😅我個人覺得呢度既咖喱係好食, 不過跟飯會好啲, 因為食到最尾會有啲”漏”既感覺🧐

喺度住咁耐都唔知原來有間咖喱店。🥲知道之後即刻去食🥹環境方面，第一次上去望住門口啲燈，仲以為係酒吧😂不過隔離真係開咗間比人唱歌嘅😓因為餐廳嘅門開住，所以有時夜晚去會聽到隔離大媽唱歌唱到走音，所以一出𨋢如果聽到唱歌，入去最好揀最入面嘅位坐！！🥲好彩唔係次次去隔離都有人唱歌。🙈食物方面，配搭好港式，美中不足係啲飯唔係用印度米，同埋冇得加錢轉印度米飯。🥲🥲🥲其實都唔係好明點解唔用返印度米，呢個情況通常都係多香港人去嘅印度餐廳先會出現。（荃灣，長沙灣嗰啲印度餐廳都係咁）飲品方面冇印度奶茶和湯類，本人唔飲汽水，又唔飲芒果奶，所以飲品方面真係冇乜選擇。🥲另外咖哩味唔會太過港式，會有返啲印度香料味。試左黑扁豆雞配烤餅，雞肉係肉碎嚟，望落去好少雞肉，淨係食碗豆都好飽，食左三片蒜茸烤餅已經好飽，烤餅一定要叫呢個，另一款冇咁好食。最後食剩左三塊烤餅拎走。如果細食嘅女仔一齊去食，可以一個餐兩個人食，另加小食已經夠飽。（第一次去試左扁豆薯仔，反而薯仔好多）另外叫咗烤雞都好好食👍🏻香料夠，價錢平，之前喺出面食要$108，呢度$45有一大碟🥹

以前睇youtube見過有人訪問佢地 果陣已經想去試今次自己終於黎左食 我原本想叫奶油咖喱雞$68 點知完全無留意自己叫左奶油咖喱魚😂😂😂qr code 落單的～本身想叫多個小食但怕太多🧐平時都好中意食印度菜 呢間啲咖喱真係好好味 我加左$15轉蒜蓉餅 食3塊已經好飽😂跟餐包氣水～total $83 有埋手套比你唔洗食到隻手污糟曬😽D咖喱汁比我點曬咁濟 好正😂我仲見到現場有客人將啲汁打包起佢😂😂下次同朋友黎食一定試下佢啲小食😋睇落好好味咁

🍽今次叫咗：🐯奶油咖喱魚柳 $68奶油咖喱偏甜，相對比較creamy，唔會辣比較適合大眾口味。魚柳非常好食🥹大大塊而且炸得幾好，魚肉同炸皮唔會好易分離。魚肉滑嫩亦都冇魚腥味。強烈推薦💓🐯香料咖喱軟殼蟹 $75相比起奶油咖喱多咗啲香料嘅味道，唔會好濃郁令人好難接受。比較鹹啲、惹味啲，亦唔會太辣。適合重口味啲人士！不過配軟殼蟹有啲太膩，可能都係配牛羊肉比較夾！🐯蒜蓉烤餅(6片) 跟餐加$15好大份！以為係六片細細片結果係滿滿一籃😍唔係香脆派，煙煙韌韌嘅麵包質地。不過火候控制有啲參差😂我哋兩籃烤餅唔同時間嚟到，一個烤得好啲一個相對冇咁焦黃。🐯芒果乳酪 跟餐加$13唔甜，芒果味唔算濃，重奶味。🐯印度乳酪 跟餐加$13質地濃稠，呢杯奶味更重。好似將原味乳酪飲咗咁🤣唔會太甜。星期五晚去到都差唔多full，餐廳只接受walk in。枱與枱之間嘅隔離比較迫夾，唔算坐得好舒服。但食物質素真係唔錯！價錢亦都好抵😍想有下次指數(5粒⭐️為最高)：⭐️⭐️⭐️⭐️⭐️

Lunch time同事帶了我去了一間沒有門面的餐廳這餐廳主打是吃咖喱的午市套餐選了軟殼蟹咖哩再配蒜蓉烤餅份量十足人多的話可以互相分享一下這樣可以吃到不同類型的食物這個蒜蓉烤餅有點像蒜蓉包但比起蒜蓉包這個烤餅多了一份煙韌建議什麼都不沾先直接吃一片（餐有六片）新鮮熱辣彈牙吃厭粥粉面飯的話吃一下另類的主食也是相當不錯之後烤餅可以沾一下咖哩烤餅配咖哩也是一絕這店的咖哩很特別細看有點像肉醬意粉上的肉醬入口少少辣這種天氣吃一點辣咖哩也相當開胃突然間發現我冷落了剛炸好的軟殼蟹錯過了進食的好時間軟殼蟹吸了咖哩部份位置變得不脆口下次應該先把炸物拿起來因為進食都需要一定時間所以建議分隔開直到吃的時候再沾上咖哩汁就可以保持一定的脆口有了這次經驗下次再來的時候就可以吃得更加滋味!

本身喜歡食印度菜，有幸一試呢間，點了一個招牌香料羊肉㗎喱， 75蚊的午餐，食物味道係物有所値，印式㗎喱的香料，及恰到好處的蕃茄及黃薑，炆得焾而不散的連骨羊腩，今日是對味蕾有了個交代。鐘意食野嘅朋友絕對可以一試，美中不足是侍應係到處可見嗰隻，「入去食飯就已經得罪佢😂」，但絕不影響味道，主角仍然係咖哩👍🏿同行朋友點了一個炸蝦㗎喱，一睇隻蝦就知係返貨嗰隻，大家可以不理。不要介意冇相片分享，食物係要用條脷去感受