갈비궁 Galbi Gung

營業中

休息中

裝修以低調典雅木系為主， 座位舒適，staff有禮，抵讚👍🏻 .一坐底已經提供6走前菜，包括有泡菜、醃蘿蔔、馬蹄糕、海帶、菠菜、仲有芝士粟米，好開胃🤤.🥩木槿花和牛壽喜燒 (5件)新鮮嫩滑至極，油花豐富，燒後點蘸蔥花蛋液一齊食，肉更滑身，食到舔舔脷👅.🐮最上等牛肋骨店舖名物之一，上台時一整條超過30cm長，份量十足，口感豐富結實，肉質豐腴多汁，燒完豬肉味更香濃，仍然保持結實多汁.🐽慶州黑毛豬盛合配生菜包括有五花肉、水果醬油豬梅肉組成，燒後豬油逼爆，連🥬生菜爽脆、泡菜包黎食就岩岩好～.🍚韓牛泡菜炒飯韓牛粒份量十足，連太陽蛋漿撈埋泡菜炒飯，口味極佳.🍋🥤柚子檸檬梳打&青檸檬梳打 燒肉嘅時候黎返啖凍嘢真係好爽咖🥰 fresh 得黎仲有氣，又健康，係一個唔錯嘅選擇

「全新高級韓式烤肉店🔥」全新的大型商場圍方，裡面有一家值得推薦的韓式烤肉店採用木系簡約的設計，環境落落大方人氣很高，當晚也是座無虛席服務態度非常的好還有前菜提供！！✨特等牛肋骨 $388目測有兩米長度😂，真的是超級大的份量很喜歡他牛油的香氣肉的質感不錯！✨木槿花和牛壽喜燒 $188外觀如一朵花顏值超高每次來烤肉店必點系列，和牛只需烤二十多秒口感薄而細膩✨慶州黑毛豬盛合配生菜 $270裡面包括了五花肉和豬扒油脂感非常豐富五花肉配上韓式大醬搭配上生菜，非常驚艷✨韓牛泡菜炒飯 $125裡面有粒粒大顆的韓牛肉牛肉香滿滿泡菜的味道很突出荔枝梳打 $42柚子檸檬梳打$42

今日同朋友行大圍圍方商場，終於可以食到＂Galbi Gung”嘅韓燒啦，上次來圍方爆哂棚，今日專登早啲到🤣一坐低，店員就幫我哋攞嚟好多前菜，有泡菜、韭菜，芽菜、菜脯條、蒟蒻等。先嗌左份最上等牛肋骨，一上台好有架势，夾起來賣相超靚，長長一整條，嗱嗱聲相機食先，牛肋骨脂肪均勻，肉質嫩滑，牛味濃郁。接着來個木槿花和牛壽喜燒，和牛係我至愛，入口肉質相當細緻及帶點油脂感，點上帶甜嘅醬汁又係另一番風味。食咗兩碟牛肉後就試埋佢啲豬肉，另外嗌左個慶州黑毛豬盛合配生菜，五花肉同豬頸肉燒完點上特製醬汁，配上生菜一啲都唔會太油膩，反而加入左一份爽脆嘅口感，非常好味。最後當然唔少得一個韓牛泡菜炒飯，份量超多，絕對足夠兩個人分享，炒飯裡面用左好多牛肉粒、加入泡菜同菜莆，確係香口惹味。飲品分別當然要返一啲解油解膩嘅梳打啦，一杯菠蘿一杯青檸，食啖燒肉飲分啖真係好鬼爽！特別想稱讚一下店員嘅服務態度，全程幫我哋逐樣逐樣燒，唔洗擔心自己燒得太老，絕對係非常貼心嘅一個舉動

🥰經過一個漫長嘅工作週之後我哋當然要獎勵一下自己啦！今日就帶大家嚟到新開嘅圍方商場試吓特色韓國燒肉！嚟到已經覺得餐廳環境好好，用餐空間好大，坐得舒服，而且服務都非常好！會有靚仔哥哥幫你燒烤㗎❤️呢度嘅前菜仲可以加$40改做任食，我最鍾意嘅芝士粟米都可以無限添加㗎！。木槿花和牛壽喜燒（5件）$188雖然話係韓式燒肉，但係估唔到佢都有國際fusion新搞作！今次就試吓呢度嘅韓式壽喜燒肉！可以見到牛肉嘅脂肪分布非常平均，而且非常細膩，配上無菌蛋同秘製醬汁真係好正。嗰種美妙嘅口感，簡直可以將工作嘅陰埋一掃而空。。最上等牛肋骨 $388經過店家嘅落力推介，我哋最終揀咗呢個最上等牛肋骨！真係不愧為鎮店之寶，你睇吓佢個雪花幾靚！高級嘅食材係唔需要過多嘅調味，呢塊牛肉係冇經過任何醃製㗎，咁先可以食到最新鮮原汁原味嘅食材。燒過之後嗰種焦脆嘅口感，加上嫩滑多肉汁嘅高級牛肉真係絕配！非常建議可以稍微煎燶少少，口感同油脂嘅香味會更加突出！。慶州黑毛豬盛合配生菜 $270肉食愛好者又點少得豬肉呢？韓燒就梗係要試吓慶州盛產嘅豬肉啦！今次一個價錢仲可以食到唔同嘅部位！我最鍾意就係佢嘅五花肉，好Juicy一啲都唔會柴皮

而家嘅韓燒餐廳越嚟越精緻，女仔去打卡嘅同時又可以滿足另一半食好多好多肉嘅願望，一舉兩得🤣呢晚食咗圍方嘅Galbi Gung，近門口位係木屏風分隔嘅卡位，亦有private room，我地坐最入環境都好好，係用枱板分隔嘅長卡位，如果多人食餐廳座位安排就更有彈性。坐低冇幾耐送餐機械人會播住音樂送上前菜，同其他韓式餐廳一樣都係好多好多款😂當中比較少見嘅係馬蹄糕，清清地配埋醬汁好開胃～肉類我地嗌咗三款，最上等牛肋骨好大塊，店員先幫我地剪開四份，之後我地都可以按喜好自己再剪，牛肋骨肉味最濃，厚身啲咬落有較多肉汁。木槿花和牛壽喜燒由於係薄燒嘅關係，餐廳會提供埋一舊牛脂搽上個網度防痴底，牛嘅質感嫩滑，再點蛋汁味道唔錯。我地最鍾意嘅係慶州黑毛豬盛合配生菜，有五花肉同梅頭豬扒兩種肉，前者唔算太肥，後者成塊燒肉再剪塊非常juicy，而且唔韌，配埋醬汁同生菜一齊食好正～除咗燒肉呢度嘅泡菜炒飯都唔錯，份量多唔算太濃味。菠蘿同荔枝梳打味道都好refreshing，配燒肉食的確唔錯，另外餐廳本身供應嘅凍茶茶味都好出，解膩一流👍🏻

圍方新商場有唔少餐廳，又有多個同朋友聚餐既新地方，餐廳相當有空間感，座位寬敞，設計簡潔燈光柔和舒適今次同朋友兩個人黎食，思前想後，身為愛牛之人既我地最後決定單點。前菜總共有五品，芽菜、海帶沙律、泡菜等等當中有好少見既馬蹄糕，口感軟得黎又帶有點爽口，原來加$40仲可以無限添💡💡今餐最推薦係三筋肉配肩芯肉，輕輕一燒到碗上生耐同壽喜燒汁，甘甜醬汁更能帶出牛既香氣而牛肋骨有兩款，有甕漬牛肋骨同無調味既，今次就先點無原味最上等牛肋骨牛肋骨相當有份量，每件燒後肉色帶輕微粉嫩，有咬口得黎剛好，如果平時怕每口油脂既朋友必點呢款牛！因為唔油膩之餘，牛香味經慢慢咀嚼後更顯露無遺韓牛生牛肉石鍋飯味道香口又唔會過咸，職員好細心咁比我影完相就搞拌石鍋飯，生牛肉同雞蛋拌飯一流，仲有金黃飯焦，為拌飯增添脆口感慶州黑毛豬盛合配生菜🥬當中有豬梅肉同豬五花豬梅肉以水果醬油醃製黑毛豬五花肉包生菜食，每一口食到生菜既新鮮同爽脆，配搭五花肉既油滋，入口融清爽又能解膩兩人食呢個份量相當多，韓式生牛肉同明太子豆腐都好想試，留翻下次同朋友再黎食！

一行8人，食2800元，完全唔飽，超難食，牛咬不開，水冷麵似橡筋，海鮮煎勁硬，石鍋飯無味，唯一可取，正常味的人蔘雞湯，價值$258⋯⋯不要中伏，明明自己燒，但所有肉都無味，質素唔好，又賣勁貴

圍方發現有新韓燒店，先上前菜，五小碟，每枱只加4 0蚊就可以任添，加分。叫一個套餐加一份招牌牛肋骨，肉香嫩美味，一份連肋骨有一呎長半寸厚的牛肉絕對是食客必選，燒烤後的肉汁鮮甜，肉質柔嫩，肋骨部份有咬口，好味。另外其他燒肉食材有慶州黑毛豬水果醬油五花肉也十分滿意，本來只喜歡牛牛的我，試完這份五花肉也讚不絕口，一定要食。看到隔籬枱叫了一份韓牛石鍋飯，賣相非常好，下次要試吓。驚喜的是甜品，烤香蕉配朱古力肉桂粉及焦糖布甸，賣相精美又滋味，仲係大大份，正呀。

終於有機會行下圍方😍 餐廳主打韓式燒肉及多款韓國料理，裝潢簡潔又時尚，空間感十足，卡座設計亦坐得好舒服，氛圍充滿格調🥰 ❀ 最上等牛肋骨 🐮招牌菜之一✨ 超長既牛肋骨，由店員幫忙剪開一小塊再燒～肉質嫩滑又帶油脂香🥰 食落牛味亦好濃，啖啖肉好正😊❀ 三筋肉配肩芯肉 🐮有4大塊薄切牛✨ 三筋肉屬於稀有部位，入口柔嫩又帶點爽彈質感～肩花肉油脂分佈均勻，口感細膩又多汁☺️ 將牛肉蘸上生蛋黃食好香滑👍🏻❀ 慶州黑毛豬盛合配生菜 🐷除咗牛肉，叫埋豬肉拼盤試下😜 有豬五花及水果醬油豬梅肉～兩款豬肉入口油香四溢，配搭豆瓣醬及生菜食勁夾❤️❀ 1++韓牛生牛肉石鍋飯 🍚將生牛肉跟生蛋黃、菠菜、木耳及蘿蔔絲等撈勻，味道又香又豐富，食到底仲有好多香脆既飯焦😍❀ 菠蘿梳打 🍹❀ 荔枝梳打 🍹味道酸酸甜甜，清爽又解膩

估唔到呢間韓食除左裝修環境舒適之外，食物質素都好好侍應又好有禮貌呢點都好重要🥰當日與同事食lunch, 剛好不用等位，很好彩，一見到餐牌上的1++ 韓牛生牛肉石鍋飯就眼睛閃閃要食呢款😍，另外同事就叫左個性價比好高既大醬湯現烤牛肉🤤呢餐Lunch 好滿足🥰好好味。

這間餐廳位於大圍新地標圍方, 環境帶點型格、裝潢時尚, 顏色是採用灰藍色調及木糸設計, 座位寬敞舒適, 設有多個卡座, 主打多款肉類韓燒、下酒小食、一品料理及傳統韓食✨一來到餐廳就來了數碟前菜, 有泡菜、涼拌豆芽菠菜、醃蘿蔔、涼拌海帶、涼伴馬蹄糕及芝士粟米, 非常豐富我們點了最上等牛肋骨🥩店內招牌菜, 原條牛助骨份量十足非常吸引, 是最上等的燒肉、牛肋肉口感豐富結實, 油脂分佈平均、肉質柔嫩啖啖肉, 食肉獸的朋友必點推介😍三筋肉配肩芯肉是稀有部位、油脂分佈較纖細, 猶如葉脈般的油花, 口感鮮嫩且帶有濃濃牛肉味, 只需輕輕一烤即可品嚐, 亦可以沾上蛋漿食用, 層次感提升慶州黑毛豬盛合配生菜🐷肉質爽口而不油膩, 半肥瘦肉層次分明, 香脆又充滿肉汁, 非常香口1++韓牛生牛肉石鍋飯服務員會在客人面前烹調, 用了鑄鐵鍋盛載著, 石鍋被燒至熱辣辣, 選用頂級1++韓牛生牛肉、蛋黃及肉汁完全沾於米飯上, 口感煙韌、滿滿香脆飯焦, 除了色香味俱全, 滿足了視覺、嗅覺與味覺的高級享受, 人氣之選👍🏻飲品🍹菠蘿梳打🍍清新芳香的菠蘿味, 甜度適中、味道清爽提子梳打🍇梳打清甜解渴, 味道不錯食物質素高、賣相

見呢度啲評語都好好咁，又話高質又話性價比就決定試一試。點知極失望！佢又唔係話好差好難食，但真係樣樣都好普通，完全冇食完覺得「嘩！好味！」嘅感覺。特別要講講個爐，較到最大都好弱，好似圖中壽喜燒咁薄薄一塊牛肉，正常一擺落去兩秒都轉色啦佢可以燒好耐都仲係紅色。總之就以呢個價錢（人均$600左右）實在係有好多更好嘅選擇。連服務亦都非常一般，就連紙巾咁基本都要問先提供。除咗環境比較好，坐得舒服之外真係冇咩可取之處，嚴重overpriced

圍方高質韓式燒烤🔥 餐廳以木系為主，卡位非常寬闊，餐牌選擇都好多！肉控一定鍾意🥰 一開始就有好多開胃前菜，有泡菜、菠菜、芽菜等等！/最上特牛肋骨 $388/餐廳主打牛肋骨梗係要試下😍賣相不得了，牛肋條超長，一夾起有成個手臂咁長😍肉質有咬口，咬落去有肉汁！帶有一陣陣牛嘅油香味！/三筋肉配肩芯肉 $220/牛肉雪花均衡，肉質鮮嫩，點蛋黃食口感更加順滑！/慶州黑毛豬盛盒配生菜 $270/除左牛之外仲食左黑毛豬，分別有豬五花同埋豬梅肉，豬五花油脂豐富，加埋生菜同埋大醬食一流！豬梅肉肉質彈牙，真係食落啖啖肉🐷/1++ 韓牛生牛肉石鍋飯 $188/石鍋飯面頭有好多牛肉！打完卡之後侍應幫手拌勻，等多真先食仲有飯焦，好有咬口！/荔枝梳打 $42/ 提子梳打 $42/兩杯飲品都味道唔太甜，能夠帶出果味，入面仲有果肉添！飲有氣梳打黎燒烤啱曬🤣整體黎講，食物質素好好，環境舒適，服務唔錯👍🏻

圍方開咗都一段時間見有段時間無食燒肉，就決定黎試下一坐低就會放低各種前菜，幾有誠意三筋肉配肩芯肉一碟裏面試晒兩款牛肩胛部位，各有特色牛肉味較濃郁，以肉香為主，口感香軟，蘸上蛋漿一齊食用特級牛肋骨真係超大份，油脂分布平均，保持了肉質的嫩滑和多汁，食落唔會有油膩感慶州黑毛豬盛合配生菜五花肉燒到外層焦香，油脂豐腴油香較為突出最後叫左個1++韓牛石鍋飯上菜後店員會幫你撈勻所有配料，十分窩心拌埋生蛋黃 ，洋蔥 ，菠菜 ，蘿蔔食落層次豐富，仲有唔少飯焦燒肉點少得飲品，分別叫左菠蘿梳打同埋青檸梳打，好fresh！

圍方三樓的Galbi Gung主打高級韓牛燒肉，仲有慶州黑毛豬、裝修高雅，環境舒適，可以話係韓燒中的極致享受。一坐低店員就馬上送上前菜，一共有5小碟圍在爐邊放得靚靚，泡菜、菠菜、豆芽、海藻等，泡菜好中我的口味，微辣又帶點甜味😋今次總共試咗三款牛，最搶眼一定係牛肋骨！一夾起長過手臂💪🏻😆食落牛味香濃，呢款最好剪開一件件食。另一款係三筋肉配肩芯肉，兩款肉都係博切，有啲似日式壽喜燒，輕輕兩邊一燒配上蛋和醬汁，滋味🤤🆙🆙慶州黑毛豬都不能錯過🐷個人甚至覺得豬仲好食過牛🙊黑毛豬肥瘦均勻，肉質好鬆軟，食落甜甜地，用生菜加大醬包埋黑毛豬食簡直係Perfect Match‼️一啲油膩感都無😍仲叫左個韓牛生牛肉石鍋飯，店員幫忙撈勻，石鍋夠熱，底下面嗰層飯焦好好味，配料有菠菜、雲耳、雞蛋、牛肉、芽菜等等，口感啖啖豐富☺️推薦💯🔸最上等牛肋骨🔸三筋肉配肩芯肉🔸慶州黑毛豬盛合配生菜🔸韓牛生牛肉石鍋飯🔸茘枝梳打、提子梳打📍#갈비궁 #GalbiGung (#大圍美食) @galbigung#大圍 車公廟路18號 #圍方 3樓331號舖