影片
更多
2023-11-14
56 瀏覽
🥰經過一個漫長嘅工作週之後我哋當然要獎勵一下自己啦！今日就帶大家嚟到新開嘅圍方商場試吓特色韓國燒肉！嚟到已經覺得餐廳環境好好，用餐空間好大，坐得舒服，而且服務都非常好！會有靚仔哥哥幫你燒烤㗎❤️呢度嘅前菜仲可以加$40改做任食，我最鍾意嘅芝士粟米都可以無限添加㗎！。木槿花和牛壽喜燒（5件）$188雖然話係韓式燒肉，但係估唔到佢都有國際fusion新搞作！今次就試吓呢度嘅韓式壽喜燒肉！可以見到牛肉嘅脂肪分布非常平均，而且非常細膩，配上無菌蛋同秘製醬汁真係好正。嗰種美妙嘅口感，簡直可以將工作嘅陰埋一掃而空。。最上等牛肋骨 $388經過店家嘅落力推介，我哋最終揀咗呢個最上等牛肋骨！真係不愧為鎮店之寶，你睇吓佢個雪花幾靚！高級嘅食材係唔需要過多嘅調味，呢塊牛肉係冇經過任何醃製㗎，咁先可以食到最新鮮原汁原味嘅食材。燒過之後嗰種焦脆嘅口感，加上嫩滑多肉汁嘅高級牛肉真係絕配！非常建議可以稍微煎燶少少，口感同油脂嘅香味會更加突出！。慶州黑毛豬盛合配生菜 $270肉食愛好者又點少得豬肉呢？韓燒就梗係要試吓慶州盛產嘅豬肉啦！今次一個價錢仲可以食到唔同嘅部位！我最鍾意就係佢嘅五花肉，好Juicy一啲都唔會柴皮
經過一個漫長嘅工作週之後我哋當然要獎勵一下自己啦！今日就帶大家嚟到新開嘅圍方商場試吓特色韓國燒肉！
嚟到已經覺得餐廳環境好好，用餐空間好大，坐得舒服，而且服務都非常好！會有靚仔哥哥幫你燒烤㗎❤️呢度嘅前菜仲可以加$40改做任食，我最鍾意嘅芝士粟米都可以無限添加㗎！
。木槿花和牛壽喜燒（5件）$188
雖然話係韓式燒肉，但係估唔到佢都有國際fusion新搞作！今次就試吓呢度嘅韓式壽喜燒肉！可以見到牛肉嘅脂肪分布非常平均，而且非常細膩，配上無菌蛋同秘製醬汁真係好正。嗰種美妙嘅口感，簡直可以將工作嘅陰埋一掃而空。
。最上等牛肋骨 $388
經過店家嘅落力推介，我哋最終揀咗呢個最上等牛肋骨！真係不愧為鎮店之寶，你睇吓佢個雪花幾靚！高級嘅食材係唔需要過多嘅調味，呢塊牛肉係冇經過任何醃製㗎，咁先可以食到最新鮮原汁原味嘅食材。燒過之後嗰種焦脆嘅口感，加上嫩滑多肉汁嘅高級牛肉真係絕配！非常建議可以稍微煎燶少少，口感同油脂嘅香味會更加突出！
。慶州黑毛豬盛合配生菜 $270
肉食愛好者又點少得豬肉呢？韓燒就梗係要試吓慶州盛產嘅豬肉啦！今次一個價錢仲可以食到唔同嘅部位！我最鍾意就係佢嘅五花肉，好Juicy一啲都唔會柴皮，可以見到呢度嘅食物質素真係好高！我特別鍾意稍微燶少少嘅脆皮五花肉！如果怕油膩嘅朋友可以夾埋生菜一齊食，口感到非常特別架！
。韓牛泡菜炒飯 $125
雖然好少人會喺燒肉店食咁大碗炒飯，但係呢個炒飯真係好抵讚！炒飯，入邊嘅牛肉粒非常多！加埋泡菜炒都唔會好辣，而且佢嘅味道好突出，真係一秒帶我返韓國，撈埋太陽蛋，紫菜同埋蔥，真係好香好好味！
。提子梳打$42
。荔枝梳打$42
食燒肉最開心就梗係一啖燒肉一啖汽水啦！呢度嘅嘢飲配埋燒肉，真係好爽！兩杯飲品嘅顏值都好高，好適合我呢啲港女打卡，再加上水果味可以中和燒肉嘅肥膩，帶上呢兩杯簡直再好不過！而且提子味仲係新出飲品嚟㗎，真係好清新好Refreshing呀！
갈비궁 Galbi Gung (大圍)
大圍車公廟路18號圍方3樓331號舖
#galbigung #牛肋骨 #韓式餐廳 #韓國菜 #圍方 #新餐廳 #koreanfood #koreancuisine #korean #美食 #foodie #hkfoodie #koreanbbq #bbq #hkfood #韓燒 #韓式 #韓式料理 #韓式燒肉 #韓国 #香港 #香港美食
張貼
