FLIPPER'S (已結業)

日式班戟這期大熱，早前，曾與小姐去K11吃日式班戟。近日，得知日本班戟店 Flipper's也殺到，由I.T.引入，於希慎的i.t BLUE BLOCK開設全新概念店，推出多款日式鹹、甜班戟，瞬間掀起排隊熱潮！ 懶洋洋星期六的下午，一個人，來到希慎朝聖﹗排隊，是例行指定的動作。幸而，這時並不是繁忙時間，稍等不到二十分鐘，即可入座。 店員哥哥帶入座後，客人可去收銀處落單。然後，返回座位，耐心靜待即叫即製的班戟。據說，日本東京人氣班戟店FLIPPER’S開業不足一年，旋即在日本有四間分店。香港希慎店，是其首間於海外的分店。小店約可容納到40位食客，裝潢質樸簡潔。 餐牌上有四款甜味班戟、一款期間限定口味(蜜瓜)，以及數款飲品。此外，也有兩款仍未推出的鹹味班戟。 FLIPPER’S班戟的材料，選用來自日本的新鮮農場雞蛋、水果、天然忌廉和無添加麵粉等，新鮮製成，故戟口感如梳乎里般，非常鬆軟，在口中融化。引頸以待的班戟，等了接近二十分鐘，艷麗登場﹗ 天氣實在太熱了，小妹點來了一杯酸冰凍的凍檸茶$32。客人，也可以只點班戟，請店員送上一杯清水。 五款班戟，各有各特色，小妹掙扎了

※本文以用餐當日的環境、服務和食物質素為準，口味亦因人而異，文章只作參考之用。-上個週末因為屋企得返自己一個，造就左小妹自行出去搵食！結婚後，真係好少會獨自去覓食，仲要晨早咁神心出去銅鑼灣，為既就係近來大熱既FLIPPER'S，真心覺得要黎會一會呢份「奇蹟之班戟」！素來最憎排隊，如果要我排一定係揀間餐廳開門前排，起碼之後既時間會比較好用，唔會被排隊破壞晒全日既行程！大約九點幾近十點去到Hysan既六樓，十點半登記左（拎完飛可以去行下），大約11點就入得去了，食完出黎真係勁多人排緊隊啊！今次被安排坐面壁位，餐廳以開放式裝潢設計，排隊時可看到店內的用餐情況。配上簡單的掛畫佈置和吊燈，令人感覺舒服。中間放置了一張長木枱，有一排靠牆壁的座位，和數張三至四人枱，座位確實不多，也沒有設用餐時間，等位時間會稍耐一點。餐牌上暫時以四款甜味班戟為主，有原味、士多啤梨藍莓香蕉、綠茶紅豆、榛子朱古力焦糖香蕉，仲有一款期間限定，每日限量50份的蜜瓜班戟，一聽到限定兩個字又會特別想試！出去比錢落單後，會有個號碼牌比你放係枱上，店員就會將班戟送上。這一等就等左約40分鐘，其實食就食左20分鐘咋～好彩餐廳有USB叉

呢間呃Like的震震班戟，在日本不足一年已經有4間分店，今次進駐香港，無論如何也要來朝聖一番。麵粉同雞蛋也同樣是來自日本，之所以叫做「奇跡之班戟」，係因為只有奇蹟才足以形容FLIPPER’S班戟的味道和質感。 來自日本的FLIPPER'S班戟口感特別輕盈鬆軟，真的要試上是不是只有奇跡先足以形容了！我點了士多啤梨藍莓香蕉班戟買相就一定好好啦⋯⋯白色的忌廉上面有新鮮的士多啤梨，藍莓同香蕉蛋味十足，有感十分鬆軟，我胃口不太，一碟3件加埋D Cream同生菓已經十分滿足了！

今日同友人去行開希慎見到這間咁眼熟的Pancake 店, Search 到原來這間是日本好出名的FLIPPER’S Pancake店 (怪不得我見到這麼眼熟, 因為在東京shopping eating 時就見到這間是大排出龍的說~) 因為是假日的關係, 人就比較多, 所以排一陣先有位坐…Anyway, 就看看menu 有咩食先. 就叫了這個榛子朱古力焦糖香蕉班戟 (HKD119) 啦, 有大大條焦糖面的香蕉, 外有脆焦糖而內是濃濃的香蕉的呢, 加上落了許多 cream, 朱古力榛子醬, 其實兩個女仔食一份都可以好飽啦 同平時食開的pancake 不同, 這個kiseki pancake 質感就好似梳乎里, 鬆軟Spongy, 而且蛋味甚濃, 但也沒有像梳乎里食咗一陣空氣, 這個kiseki pancake 還是相對有質感的呢~ 怪不得由日本紅到香港啦~

東京的超人氣班戟店，他們把自家班戟稱為「KISEKI PANCAKE」（日文意思係「奇蹟之班戟」），比喻質感同味道有如奇蹟一般。終於下定決心去朝聖，放工過去排隊已經超多人，六點半等到七點九先入到去主角現身！！榛子朱古力焦糖香蕉班戟 排隊入去之後告知班戟即叫即做，大概又等咗二十分鐘啦。店員好細心咁同我講要用兩隻叉食，唔好用刀，因為要保持空氣感。味道真係唔錯，蛋香濃郁，開始一兩啖覺得好輕盈，好似空氣，榛子、香蕉、焦糖脆脆同北海道奶油呢個組合好夾。不過食到最後都幾飽。感覺有少少悵然若失，排隊排咗個幾鐘，最後食咗十幾分鐘🙄🙄🙄

等了又等等了又等，終於等到星期日有時間過海食奇蹟pancake la!!近呢兩年香港開始興起呢一種梳乎厘班戟/日式厚班戟，專賣店愈開愈多，各甜品店亦紛紛推出。吃過數家店的出品，講真，做得好吃的真的只佔少數，想吃到好吃的絕不是易事~在日本吃過Flipper's已覺水準高，在港的分店就應該不會伏吧~聽講誇張到要排隊攞至食到，所以我地早上11點黎到，希望人少d~結果真係唔洗排，不過店內都差不多坐滿，估唔到仲有咁多人都係為左食好野都可以希生訓覺時間蜜瓜班戟 $159見到menu有期間限定，諗都唔洗諗我就揀左佢la~~~雖然唔洗排隊入座，但pancake即叫即做，等左成45分鐘至有得食~一客三件厚班戟，每件都好厚漲卜卜，上面淋上忌廉，配以六件日本蜜瓜以及蜜瓜雪皅。班戟非常鬆軟濕潤，入口軟綿，陣陣蛋香~上面的忌廉軟滑，帶輕微蜜瓜香~日本蜜瓜件可說是十分香甜多汁，雖然每件都不小，但也感覺"不夠喉" ，想多吃幾件雪皅亦很清甜，可是沒有經打滑，吃下去冰感重~flipper's punch 其實就是fruit punch，果味特濃，裡面混入了鮮草莓，解喝！朋友點了焦糖榛子香蕉口味~~也是十分滿意~~

超級中伏flipper's pancake 可以用難食形容😑請假食好西系列 flippers奇蹟之班戟 suppose係今日既重點 朝早11點幾去攞定今晚8點既籌 準時8點到達 店員話要等45-60分鐘 唔緊要啦預左等 等到9:20先有店員話佢地3個爐都壞哂 問我地要退錢定繼續等 咁我心諗我都等左個幾鐘啦又食飽飯唔介意等多陣 過多10分鐘 個pancake終於到 歷時1.5hr 之後惡夢黎喇原味班戟 $99 有圖有真相 一上枱個賣相已經好差（圖一）個班戟係燶既 食到有燶燶地苦味 一吉落去已經心知不妙 完全熟哂（圖二） 連啲cream都唔係滑 打到過哂龍 起哂粒粒（圖三）3舊都完全唔fluffy 直頭係燶左既雪芳蛋糕 真心好難食 只係憑住唔浪費既原則先食哂 臨走聽到隔離枱同店員講好難食 個店員解釋個爐無啦啦跳到二百度 佢地控制唔到個熱力先會咁 我心諗 你明知有問題都仲可以俾啲咁既質素上枱？走嗰時見到全部人都擰哂頭話好難食 要等我預左 唔緊要既但呢知質素真心好失望 一定冇下次一段小插曲：等到9點幾聽到有人投訴等左個幾鐘但個pancake凍哂又塌哂 dor坐得遠聽得唔係聽得好清楚但都鬧得好兇

食到一肚火！平時就算食過好差既餐廳，都唔會寫食評，今次真係忍唔到，第一次寫食評就要負皮佢！！朋友話試下，咪去囉，今日1點半到，見到有條隊排緊，而我係排第8位，個員工只係講1點full左，呢到排2點，我當然以為2點有得入去食啦等到2點10分，見鋪頭入面好（吉），加上見到有人客就咁可以入，再問個員工點解，佢先講解原來佢地鋪有派（飛）呢樣野，而我排緊既係（後備walkin），即係2點已取（飛）既客人，如果在2點20分後都沒有出現，我先有機會入……，頂……我心唸(你唔一早講！我未食野架，我轉場唔排啦），講真，我又唔係你店舖員工，我點知你鋪頭運作呀！成班員工企曬係到，又唔係忙，同客人講解下排隊派（飛）都好合理，我算！我見重有10分鐘，既管等到2點20分好啦終於入到去，叫完個pancake，再等左30分鐘，問下個員工點解咁耐，佢先話我地pancake一般等30至45分鐘……頂……我落單個陣你唔講……最後，等左50分鐘既pancake出現喇，賣相ok的，但味道就……真心唔好味，個pancake好似放左好耐，（梳）左氣，完全唔值呢個價同咁長時間去等，就算當我去到唔洗排，唔洗等有得即刻食，我都會講（真心

以「奇蹟之班戟」打響名堂的日本梳乎厘班戟店 Flipper's，自從在香港開業之後，一直吸引大批愛吃梳乎厘班戟的粉絲慕名前往朝聖。最近的一個週日，我也與太太前去趁了一趟熱鬧。 其實，早在這間香港 Flipper's分店正式開業之前，我已在東京吃過那邊的季節限定「芒果班戟」和現時香港還未有供應的鹹味「三文魚牛油果班戟」。在明亮舒適的環境下，吃著兩款一鹹一甜，水準甚高，味道甚好的班戟，感覺的確非常不錯，也令我對這間餐廳的班戟留下了十分良好的印象。 風聞香港店與日本一樣，推出了季節限定的「蜜瓜班戟」，看來也頗吸引，便決定一試。多得友人一早幫我搵位，這天下午，到了指定的時間，我不用等待多久，便可入內用餐。 兩夫妻在簡潔的餐牌上選了兩份不同口味的班戟，再加兩杯凍飲，稍候片刻，不一會，兩杯凍飲與兩份班戟，便先後送到。 我喝的是 Flipper's Punch（$49），太太喝的則是 Iced Original Lemonade（$32），兩款水果味的凍飲都帶有酸味，解渴怡神，同樣是兩款甜味班戟的良伴。 Flipper's的班戟，基本上有四款，分別是「原味班戟」（$99）、「士多啤梨藍

夏天吃什麼好 , 當然就是吃 班戟 最好 ....東京「奇蹟之班戟」FLIPPERS , 售賣的是 日式梳乎厘班戟 , 製作需時20一30分鐘 ~（設最底消費是每人一客班戟或一杯飲品）Menu ~一客有三件圓圓脹脹的 kiseki pancake , 店員再三提示要用兩隻叉子把班戟撥開來吃 ....季節限定 之 蜜瓜班戟 $159 : 選用 日本蜜瓜 來伴班戟吃 , 這味道出來是我們意想不到的好吃 , 日本蜜瓜的香甜是事實 , 班戟再伴着自家製蜜瓜雪葩和有蜜瓜味的軟滑奶油 , 清甜清香之味是夏天的絶配 ! 這個 奇蹟之班戟 有的是究極之味也 ~另有飲品出售 , 選擇會有多款咖啡、果汁、汽水、品牌自家的鮮雜果賓治及檸檬水 等等 , 價錢是 $ 4X 不等 , 餐廳裏也免費供應浸有水果及薄荷葉的白開水飲用 ~caramel macchiato $ 42 : 味道濃郁芳香 , 入口順喉 , 值得慢慢細味 , 好喝 ~總括來說 : 食物美味 , 服務態度良好 , CP值高 ~本篇完 ~

家中有人嚷著吃這個Flipper's，好吧我們就找一晚吃吧！原來這裡要一早拿“飛仔”，如不是，是冇可能吃到的，我們一行3人，約9點入座，但，有些想吃的，已經售罄，有些失望啊！我們點了原味班戟，士多啤梨藍莓香蕉班戟，榛子朱古力焦糖香蕉班戟，飲品有些也售罄了。好開心啊！雖然，等了很久，製作需時啊！見到了班戟一個一個的上檯，賣相已給人開心感覺，吃了感覺，有幸福感覺，可能吃的氣氛開心，所以，食物加分，原味相當唔錯，我個人較喜愛這原味，士多啤梨藍莓香蕉班戟，相機食先已經贏了，顏色也是配得靚，榛子朱古力焦糖香蕉班戟，初時也怕太甜，加上我自己不太喜愛香蕉，這個，初來我不太抱期望，但，也試吃了，反而，覺香蕉容易接受，我也吃到，值得一試啊！眼看他們處理人流不錯，吃得舒適自在，沒有迫人感覺，這樣吃真的容易入口，口感輕軟。。。。，相信很快，我會來第二次，減肥!?暫時忘記吧！ 好味啊！

日本大熱FLIPPER'S Pancake 黎到香港 ，作為崇日既我，星期日當然要tea 一 tea 🍵試下，都知新開一定要排隊，心諗應該都要排成個鐘，兩點鐘到去到，原來有分兩條龍排隊，餐廳每日早上10:30派籌，當你拎到籌時，可以揀當日邊個時段去食，無拎籌既只能排隊等walk in ，Walk in 位只得10個8個，會有服務人員係隊尾載龍，即係話你想食都未必有得食🙄每個時段分別係撘正咁計，有籌既有20分鐘寬限，每個鐘既20分鐘後，如果無人黎先會放walk in 既入去，除時等你兩三個鐘 🤦🏼‍♀️ ，其實侍應生都唔係好明公司個制度咁，點解唔有d位留walk in 有d位比派籌呢？上午要返工既人咪無得食？點解會有20分鐘寬限咁多？講完一大推廢話，講返個pancake，真心覺得一般，如果要我等二 三個鐘的話，我真係唔會再食😅 pancake 做到好鬆軟，有蛋香味不過唔係好重味，或者我排左個半鐘期望太高。

今日朋友生日，決定去新開既Flipper's 食pancake。 位於Hysan 6/F i.t.內的Flipper's，座位真係唔多，等位在所難免，所以今朝十一點一開門就去左攞飛，兩點鐘就可以入去食啦！另有walk in 隊，等幾耐無人知。入座後無限時食幾耐。我地一行四人，叫左三款pancake，分別係原味，士多啤梨，同埋蜜瓜。落單後大概要等三十分鐘，不過食都新鮮熱辣既pancake都值得既。原味pancake，口感鬆軟，入口即溶，個cream甜度適中，兩者配合一流，女仔絕對可以自己食一碟！食完一啖就有滿滿既幸福感。👍👍👍👍👍蜜瓜pancake，蜜瓜非常清甜，配合蜜瓜味雪芭，非常適合炎炎夏日，消暑一流。👍👍👍👍👍士多啤梨pancake，呢一款不過不失，士多啤梨唔算好甜，好似同pancake唔係咁配合。👍👍👍另外我地仲叫左mocha同cappuccino 配pancake食，一啖咖啡一啖pancake，正！

特登見閒日放假想去悠閒試食pancake, 一早去到點知門口個姐姐話籌已派完，最快今晚9點先有得食好啦，即管睇下有既好食⋯pancake味道超一般，又唔係難食既，不過無驚喜囉～計埋等大半日既時間同精神，本人覺得完全唔值。

最近得知銅鑼灣有日本譽為「奇蹟之班戟」Flipper's進駐，剛好同行朋友對日式pancakes非常有興趣，當然要試一試！我地揀左平日星期五去，由於參考過網上食評嘅關係，我決定一早去11點一開門就攞定下午3點嘅位先，如果你係附近返工返學又想試想的話，拎定籌就冇錯！我地準時3點鐘去到，大約等左10分鐘左右就有得入去，我地留意到walk-in真係有唔少，所以大家最近留意返時間去。我建議排隊嘅時候要諗定想食d咩，因為當時落單後，職員都話要預返30至50分鐘製作時間。一早排隊諗定落單，可以慳返唔少時間㗎！我地叫左一款榛子朱古力味同期間限定的蜜瓜味班戟！再加兩杯飲品，分別係flippers punch同lemonade！先講pancakes本身，兩碟pancakes 質感各有參差，一款頗鬆軟且有蛋香味，一款有點兒硬身略嫌有點烘味。果然仍在開業期間，出品質素必然有參差。但兩碟嘅配料都好好味！有驚喜！唔會過甜，我個人會推薦棒子朱古力味！飲品方面，flippers punch味道過甜過酸，價錢亦頗貴唔抵飲，唔建議叫。但另一款lemonade(忘記了影底)相反唔錯，幾好飲，值得一試！