Flames (鴻圖道)

營業中

休息中

今日經過觀塘工作，發現原來鴻圖道開左間好有格調既西餐廳，咁岩今晚約左客人食飯，而且仲有免費泊車，於是決定試一試。餐廳走北歐風格，灰色主調x木系裝修x雲石紋枱，而且仲有梳化位，成個感覺好舒服。是日餐湯餐湯每日都唔一樣，今日係黑松露蘑菇忌廉湯，用料十足，食到一粒粒蘑菇蓉，非常Creamy。紅酒燴牛面肉草菇扁意粉牛面肉味道濃郁，燴得好腍，好似食緊牛筋腩咁，而且帶有酒香。扁意粉軟硬度剛好，跟紅酒燴牛面肉非常搭配。慢煮雞胸車厘茄香草醬扁意粉一上枱嘅時候賣相就唔錯，香草醬意粉上面鋪咗一排慢煮雞胸肉，再上面就擺放咗香草，旁邊擺咗車厘茄，香草醬味道好清新，雞胸一啲都唔嚡，而且份量唔少，值得一試。避風塘雞翼雞翼揉合香蒜、黑胡椒及辣椒等重口味香料製成，神級還原避風塘風味❤️食得辣嘅人可以揀呢個味，非常香口👍🏻值得提一提，餐廳有會員系統，做咗餐廳嘅會員，主餐牌A la carte散叫有8折❤️

@flames.hk 大家有無食過呢？佢係澳洲式既西餐廳，以前黃埔成日都見到但就無食過，原來官塘鴻圖道都有分店，新派既裝潢絕對吸引到路人既眼球👀餐廳有Cocktail’s 同Mocktail’s 供應，都幾適合放工去飲返杯😊香草蒜蓉包$48佢地既蒜蓉包做法似Pizza，好香蒜蓉味，焗得脆卜卜，底部有點似餅乾的脆，仲食到橄欖油嘅香味！巴馬火腿火箭菜Pizza $168焗得好靚！餅底都係似餅乾啊，食材新鮮味道偏向清淡健康，二個人分享都唔會覺得漏！紅酒燴牛面肉磨菇扁意粉$158紅酒汁帶點點辣，肉眼係見到小小辣椒的，磨菇同牛肉比例大約一比一，食落都有少少刺激🥵Long Black and Cappuccino聽日仲要返工，都係飲杯咖啡好了！* 設有加一服務費

觀塘工廠區鴻圖道有間好出色的西餐廳Flames,餐廳裝修以木系為主調,設有雲石餐枱,卡位和室外座位,,餐廳內外都有植物盆栽擺設份外吸引,座位之間寬敞舒適,餐廳播放輕快的英文歌,令人聽出耳油,令顧客用餐感覺特別輕鬆舒服,係公餘消遣一個好地方。磨菇忌廉湯蘑菇忌廉湯好creamy,熱辣辣入口夠滑,入口有香濃的忌廉味。蟹肉巴馬臣芝士蕃茄忌廉汁通粉蟹肉巴馬臣芝士蕃茄忌廉汁通粉蓋滿蟹肉,蟹肉份量都不小,通粉充滿香濃芝士和蕃茄味。紅酒燴牛面肉草菇扁意粉紅酒燴牛面肉草菇扁意粉煮得夠入味,牛面肉夠稔滑,有小小辣,每条扁意粉都掛滿紅酒牛肉汁。曲奇芝士蛋糕蛋糕面有曲奇餅和雜果做點啜,芝士味夠濃,餅底夠鬆脆。

神奇 頂級 超卓嘅服務‼️👍🏻同朋友去咗觀塘食晚飯😀去咗鴻圖道Flames餐廳🍽餐廳以灰色為主調時尚型格◻️裝潢採用水泥牆設計😃侍應嘅出色服務態度👍🏻主打食西式菜餚😋10安士肉眼扒配忌廉薯蓉，268蚊份💰肉眼扒非常精緻，肉眼扒點了五成熟，肉質幾結實，口感非常有嚼勁，配上差唔多大小嘅忌廉薯蓉好滋味嘅組合🤤海鮮香草茄醬薄餅，188蚊份💰海鮮香草茄醬薄餅，非常足料有三文魚，魷魚，蝦，大蝦則彈牙口感同鮮美嘅海鮮風味，薄餅邊位口感非常酥脆，芝士柔軟質地完美拉絲，薄餅十分推介☺️整體環境環境舒適☺️服務態度出色，男侍應對答非常有趣😁食物正常，主要係服務態度，侍應嘅服務態度有今生無來世🫶🏻

本身去呢間食過晚飯，覺得d 食物都好好於是今日經過，想入去食個lunch，特別係剛出完trip 返香港，想食好少少、鋸個扒咁。點知就出事。我都明好多時一間餐廳嘅 lunch 同dinner 未必會係同一個level，特別係lunch 個價錢會平啲，食材可能會不一樣，之但係，我今日叫個肉眼扒加杯凍檸茶，連埋加一都要208蚊丫，都唔算一般午餐價錢丫，果件扒，難切、有筋、無肉味，無肉汁。同我之前響佢地度食晚飯時果個水準簡直係一天一地。其實好多時如果食過lunch 覺得唔錯，先會考慮試下晚餐，但如果根據呢一次嘅經驗，我第一次食佢就係lunch的話，我唔會再幫襯佢。會再俾機會食多次晚餐，畢竟工廠區有時夜晚真係唔知食乜好。

係鴻圖道熟食中心附近新開商廈內，本身商廈嘅裝修都好靚，呢間同樣係高顏值餐廳，除咗打卡，食物質素同服務都好好，值得再訪🤭而且呢度係有得Free Parking！黑松露Pizza，一上枱陣陣黑松露味撲鼻，令人食指大動！上面鋪上新鮮松露片，相比一般餐廳只用松露醬顯得更有誠意，Pizza皮烘得金黃，皮薄有口感，有好多枱都會叫Pizza，所以真心值得一試！另外叫咗燒豬腩配薯仔紅椰菜沙律，無配任何醬料，所以係食佢嘅原汁原味～Menu推介Milkshake，佢嘅質地唔係平時杰身果種～無咁流～呢度嘅Staff好有禮貌同好Nice，環境打卡之餘亦無論係餐具或者座位都好乾淨企理👍🏻另外可join餐廳會員，叫A la carte就會有8折～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10服務： 8.5/10環境： 8.5/10打卡： 8/10CP值： 8/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

食過覺得好食嘅西餐，放工再嚟食過，閒日晚市都好full，証明食物質素有返咁上幵🥣是日餐湯$48係蘑菇忌廉湯，濃稠好飲🍟黑松露薯條$58勁脆唔油，粗幼剛好，好食，真係有黑松露🌽巴馬臣芝士香烤粟米$58烤得好香唔會太乾，加咗芝士粉味道更好🐥避風塘雞翼$78避風塘雞翼好足料又多味，可以一試🍕意式辣肉腸薄餅$168有意大利辣肉腸醬、辣沙樂美腸、俄勒岡菜、聖馬札諾蓄茄、馬蘇里拉芝士，好夾好好食好多芝士

喺舊式工廈與新式商廈穿插嘅觀塘區內，搵到呢間令人放鬆嘅餐廳。餐廳設計新穎、環境優雅，食物出品有質素，適合放假同三五知己或者另一半嚟食。🔥 Flames特盛早餐煙肉｜腸仔｜磨菇｜蕃茄｜包｜蛋傳統all day breakfast，食材優質，蛋方面可以自由選擇scrambled egg或者fried egg。加錢可配餐湯或沙律，是日餐湯有磨菇湯，奶油味重。再追加一杯cappuccino，有綿密奶泡同拉花。🔥 Fish&Chip 炸魚薯條配他他醬由於新鮮即炸，炸魚需時。食Fish&Chip好有英倫感覺。食之前先加入檸檬汁，再沾埋附上嘅他他醬，味道出眾。追加了Mocha，無濃烈咖啡味，而有淡淡朱古力香氣。追加埋甜品試吓，是日蛋糕有Earl Grey或芒果椰子，推薦試芒果椰子🥥，有幾個層次，特別喜歡椰絲果層，有口感之餘，與芒果亦非常匹配。🛎️必試指數：8/10🔆

《Flames》📍觀塘站一入到嚟成間餐廳個格局都好華麗，或者成個vibe係好chill同relax，好適合放工做完嘢去享受吓( ´▽｀)💜 10安士肉眼扒🥩配忌廉薯蓉🥢 💰$268最開頭用刀切嗰一下係非常之淋同易切開，一食落口係好易咬開一啲都唔靱，食落口有好香的牛味，而且係本身叫咗五成熟，所以佢仍然係一個唔會過熟嘅狀態，可以煎到外面香脆得來，入邊就比較淋身啲，另外佢亦都有俾到特別調製的醬汁俾我哋去點嚟食，但係meow小編覺得就咁食個牛，已經可以食到好香的原汁原味牛扒🥩上面都望到有香草去調味，而且仲有一條香草擺放住做裝飾，令到食落口再香啲(˶‾᷄ ⁻̫ ‾᷅˵)🫶另外依份餐點亦都有比到一份薯蓉，依度嘅薯蓉係有比到意外驚喜我！！！佢係比喺出邊嗰種普遍嘅薯蓉更加入口即溶，好似一咬就滲透左喺個口腔入面咁，本身小編好鍾意食薯蓉，依一款小編比滿分o(*////▽////*)q幸福指數：😻😻😻😻/5💜 燒大蝦三文魚籽龍蝦汁扁意粉🍝🥢 💰$158一上枱就聞到好香嘅龍蝦味，一食落口扁意粉嘅軟硬程度啱啱好，唔會太硬身，亦都唔會一咬就散，而且佢亦都好掛汁，係用咗好杰身同濃嘅龍蝦汁去調味，令到每一啖意粉都掛住龍蝦的

位於觀塘的多國菜西式餐廳，供應牛扒、海鮮、意粉、手工薄餅等。在近海濱方向那邊的一條街上，餐廳門口兩邊有少量位置可供客人坐在戶外；室內環境優雅，舒適。Pasta: 慢煮雞胸車厘茄香草醬扁意粉以慢煮方式烹調雞肉，六片薄切的雞胸肉鋪在意粉上，口感嫩滑；醬汁用上羅勒香草醬，很惹味、不膩。意粉很掛汁，沾滿每條意粉。其他配料還有車厘茄及豆苗。Pasta: 紅酒燴牛面肉草菇扁意粉牛肉份量蠻多，肉質軟腍，帶微微的紅酒清香，蠻開胃的醬汁；扁意粉軟硬適中，口感彈牙，不過這碟意粉汁略為多。Pizza: 新鮮黑松露蘑菇薄餅即點即製作、新鮮烤焗出爐的薄餅，批邊位置較煙韌，餅底薄身且不油膩。上面佈滿意大利奶酪芝士及馬蘇里拉芝士、切片蘑菇，加上一片片新鮮的黑松露，整體帶非常香濃的黑松露味道。

今晚係第三次光臨，亦係最後一次，差到呢 🤣帶子沙律：帶子煎過下，菜算新鮮，份量較少。夏威夷薄餅：朋友嫌火腿過咸 😆紅酒燴牛面肉草菇扁意粉：牛面肉夠腍，無咩調味，賣相零分，濕嘅意粉，湯撈意粉？OMG 🤣脆皮乳豬黃薑飯：皮脆，無咩調味，飯，食咗半啖停手了 🤷一次錯單，一次上錯菜 🤷到埋單，諗住現場做會員有折啦，但侍應好快手已經出咗張單，無意欲計過張單，同樣我都無意思再黎 🤷呢個時候侍應黎了嘞：侍：啲嘢啱唔啱食呀？朋：唔啱！侍：邊個介紹你黎架？朋：（指住我）侍：揼佢係咩服務咩對話，茶記？好熟？（無計啦我善良樣 😆）黎過兩次覺得不錯先有今晚，點知咁失望，反正都唔會再黎，分享俾同事朋友，大家睇吓笑吓囉 😆

位於觀塘寫字樓那邊的flames 這個店午餐時間好多人 12:00開門 差不多12:15已經滿座 還好還有少量位置給我 現在的觀塘已經和以前不一樣了 很多比較好的餐廳 這個店的出品上菜速度也配合觀塘區的午市 非常有效率 我點了一個五花肉 菜單上面寫的是crispy pork belly 奈何上菜的時候和我心目中相差甚遠 我絲毫感受不到crispy 但單單那個五花肉來說 $128其實也是可以接受 主打就是一個觀塘區環境不錯的lunch地方

📍Flames (鴻圖道) (觀塘)觀塘鴻圖道51號Two Sky Parc地下1號舖同朋友慶祝生日揀咗間西餐過嚟食，觀塘地舖，都幾近。門面裝修都幾令，叫左個dinner set for 2。Dinner set for 2 $498(CHOICE OF 1 MEAT OR FISH + 1 PIZZA OR PASTA)🥗煙三文魚乳酪青瓜沙律SMOKED SALMON CUCUMBER SALAD睇到個賣相都好精緻，細細地一碟，成個感覺都好fresh 。🫕黑松露蘑菇忌廉湯BLACK TRUFFLE MUSHROOM SOUP佢又係一飲落口，滿滿打碎晒嘅蘑菇，唔係普通罐頭湯。🥩16安士安格斯肉眼扒配忌廉薯蓉+$158160z US ANGUS RIB EYE STEAK (potato puree, red wine beef jus)呢個冇諗過咁大塊，兩個女仔食唔晒，叫咗五成啱啱好，唔會過熟。好juicy。🍛海鮮忌廉龍蝦汁意大利飯SEAFOOD RISOTTO(lobster bisque, scallops, mussels, king prawns)原本係想叫另一個意大利麵，但可

8安士紐西蘭肉眼扒配薯條肉眼扒超大塊，8安士超足秤👍。牛扒表面燒得又焦又香，散發出黎的香氣惹人犯罪🙈。切開塊牛扒都幾用力先做到🥲，太韌太實😓裡面的肉雖然係粉紅鮮嫩嘅，但肉汁唔算多。食入口牛肉質感同切既時候一樣，都幾難咬開?牛肉味道就一般，唔算太濃🤨薯條外表金黃粗身，咬下去酥脆可口，油香又唔會過膩，鹹鹹地味道啱啱好，超惹味超正😇Latte咖啡表面個拉花算不過不失，係經典葉紋拉花圖樣，感覺還好啦😙鮮奶咖啡裡面，牛奶比例較高，令到整體口感順滑綿厚，帶有濃郁的奶香，咖啡味道就唔會過重，淡淡的咖啡香氣非常誘人。

星期六都要返工, 好在放工之後,還趕得及到觀塘flames, 享受美味的weekend brunch。眾多分店之中, 始終真的最喜歡觀塘店, 鄰近海濱公園, 品嚐美食後可以輕輕鬆鬆散步, 同陽光玩遊戲。最近假日餐牌的選擇多了， 朋友來這裏聚會更開心 更方便。烤大蝦三文魚子龍蝦汁扁意粉龍蝦汁味道濃沃意粉夠彈牙， 最喜歡就是三文魚子， 晶瑩剔透鹹香十足， 配上彈牙的大蝦，味道鮮甜。照燒汁魚柳配烤菜無骨魚柳煎至兩面金黃香脆， 魚肉嫩滑多汁， 照燒汁味道濃沃惹味， 重點是烤菜非常好吃， 外表乾爽帶點焦香， 內裏保持質感柔軟。假日午餐cp值最高 ， 主食配免費餐飲 ， 還可以加 配蘑菇湯和清新沙律，伯爵茶蛋糕 有驚喜， 質感濕潤綿密， 充滿牛油香味 不會太甜， 伯爵茶 味道清新， 重點是35蚊加配的蛋糕還有漂亮擺盤。