Flames (海濱匯)

營業中

休息中

朋友喺官塘工商業區返工，約左佢放工揾佢食飯，佢話呢度環境唔錯，就帶我黎呢度。呢個商廈好新同幾靚，稍為偏離勁繁忙嘅觀塘工商業區。我哋八點到，間餐廳都仲係full House咁。music好啱我心意，成個氣氛都好好，唔多西裝友，反而幾多後生仔。我哋叫咗雜菜沙律西冷扒拼薯條炸雞同埋蘑菇湯。雜菜沙律好大份，性價比幾高。西冷扒朋友話好味，我冇試到。但係個薯條超大份，我都食咗唔少，炸得好夠熱好脆口。我個炸雞，分量又係唔細，新鮮炸，好熱，入面又有肉汁。整體環境，食物一流，價錢合理。👍🏼👍🏼見到出面有一大片草地，outdoor area。但係可能因為疫情，嗰晚冇開。如果開放，喺出面happy hour，應該會更chill，希望下次黎有開再試下。

呢間近住觀塘海濱花園嘅餐廳，見到好多人都讚所以就試下😆👍🏽而且eatigo有折所以幾抵食😁去到個環境覺得好舒服，感覺好大好乾淨✨🔻1/2 葡式香辣燒雞配香烤雜菜（$168）燒雞份量都幾多，兩個人share就啱，肉質都幾嫩唔會好鞋，個皮好脆😍配埋佢個特製辣醬好惹味☺️🔻蟹肉香草忌廉蕃茄汁扁意粉（$158）個意粉有好多蟹肉，而且好creamy好濃郁，啲扁意粉入曬味又唔會好溜😊🔻黑松露薯條（$48）黑松露係好多人嘅至愛😍😍每條都會沾到黑松露，而且薯條好粗好脆🤩🤩超好食👍🏽

之前去觀塘都會去海濱公園行吓，而呢間餐廳正正係海濱公園附近。事緣有一位朋友之前嚟過，覺得呢度其中一個菜式好好味，想再試多一次，所以今次就約埋朋友一齊試吓呢間餐廳。餐廳可以揀坐戶外，可以望到少少風景，但我哋今次就揀坐入邊芝士雞肉燒忌廉薯仔配沙律呢個就係朋友好想再試多次嘅菜式，表面鋪滿芝士，下面就係雞肉同一層層鋪得好有層次嘅薯仔片，差唔多每一啖都見到拉絲效果香草黃姜蕃茄飯雖然應該係一人份量，但我哋三個女仔share食都啱啱好1/2葡式香辣燒雞配薯條外皮好香脆，但係雞肉有啲偏乾，反而薯條比較出色，粗身而且份量多是日餐湯係蘑菇湯，完全係我想要嘅味道，味道好濃，可以食到一粒粒嘅蘑菇，推薦大家可以叫嚟試吓至於飲品方面，蘋果汁同菠蘿汁都好fresh，個人特別偏好蘋果汁一開始我哋冇留意到，原來星期一有buy 1 get 1 main free優惠，如果大家咁啱都係星期一去食，就可以享用呢個優惠啦至於其他日子都有唔同嘅優惠，例如family weekend，小朋友可以有free main，有興趣嘅朋友可以去試吓！

好少可響openrice寫食評，但Flames令我想響呢度留返個好評，希望可以令多啲人黎幫襯，令呢間高質素餐廳可以長做長有，捱過疫情。今晚食左二人餐，包括：- 沙律- 磨菇湯- 牛排- 大蝦意粉- 甜品 （tiramisu & 焦糖燉蛋）所有食物都好高質素，喜出望外，磨菇湯尤其香濃入口順滑，牛排五成熟做到粉嫩，大蝦意粉番茄味濃郁，兩個甜品甜度適中，好有驚喜！除食物質素高外，餐廳員工都好有禮貌、友善同埋好幫手。餐廳對出有個室外用餐區，景觀開揚，晚上嘅夜景好有feel。Openrice訂座有七折優惠，令成餐飯性價比超高。講真以餐廳呢個質素，收正價都會去食。

觀塘海濱一帶商廈林立而晌海濱匯入面嘅Flames室外座位設於空中花園內環境超舒服又寫意☺️無論係放工或放假唔想晌海濱同人迫上嚟食吓嘢都幾好架！🔸1/2葡式香辣燒雞配薯條（$168）燒雞超大隻，雖然係半隻，但都夠2個人食！雞皮燒得好香好惹味，雞本身唔辣，辣嘅燒烤醬係另上。薯條超脆，灑有燒烤調味粉，好味！🔸香煎魚柳配燒蔬菜（$188）魚柳都係大去嘅，煎得乾身唔油，外皮香脆。而燒蔬菜燒得好香甜，煮得剛好唔會太生或太淋，yummy!🔸Dunkel, Love Craft HK（$78）帶有朱古力咖啡味嘅黑啤，麥味好濃。.🔸Sauvignon Blanc （$58）清甜帶有檸檬味，配海鮮就最夾。

讚1.房外環境舒服，呢啲天氣坐就清爽2.服務相當唔錯，上菜後主動拿濕紙巾、碗比顧客載青口殻咁3.青口好味，煮得Juicy，白酒汁開胃而唔死鹹，蒜蓉包要大推，蒜香同芝士香配搭得好，焗得薄脆而唔硬身👍彈1.酒貴，$88既啤酒得一杯仔2.以燒雞聞名，但呢種葡式燒雞既話，香港食過幾間，呢間既水準係最有改善空間，皮係脆既，但肉真心柴，同埋速味係滲唔到入去，要蘸辣醬先叫有啲味咁

轉咗嚟觀塘返工一段時間 坦白講收工一般都會盡快離開 因為人實在太多 所以收工約人食飯都會揀去返出邊食🍽️不過最近發現海濱匯入面有幾間餐廳 環境舒服之餘又唔會太多人 今次試嘅呢間Flames就係其中一間 仲好好坐tim💖◾Peri Peri Chicken Burger葡式燒雞漢堡 重點除咗在於塊雞扒夠嫩之外 個醬汁都好重要 Peri Peri醬源自葡萄牙 主要用紅辣椒同蒜嚟調配 食落好惹味😋不過放心 個辣味唔會太誇張 就算平時唔食得辣嘅都應該ok 而side dish嘅薯條都好出色 好味之餘就算放耐咗都係脆到卜卜聲◽Crab Meat Linguine平時意粉我鐘意食白汁 呢個一上枱見到都擔心會唔會好酸 好彩完全無呢個問題🍝味道好適中 好creamy 每一啖都有蟹肉tim◾Rocky Road Smores & Vanilla Ice Cream美中不足係份量有啲細 應該一人一份至夠皮😆Brownie上面有棉花糖同杏仁片 加埋雪糕呢個classic配搭其實無得輸◽Lychee Lover◾Sangria BlancoCocktail都有好多款揀 Lychee Lover係vodka ba

搵到間隱世嘅多國菜餐廳🥰估唔到海濱匯咁多寫字樓嘅地方會有好東西食餐廳有indoor同outdoor選擇兩邊環境都好好 outdoor就會chill啲～Surf n turf $258-10oz rib eye steak, king prawns, friesRib eye steak嗌咗medium 粉嫩嘅肉又唔會有血水🥰 塊扒好厚 啖啖肉～燒大蝦聞落好香但食就一般🙈🙈Chicken, bacon, cheese potato pie $178-with mixed salad呢個好邪惡好正🤤 芝士忌廉好香 芝士仲拉絲！入面有雞肉同煙肉 最底就係一片片啲薯仔成個配搭好夾 如果係薯蓉就好啦🤣 不過薯仔片就會有口感啲sangria blanco $88 係水果brandy mix sparkling wine, peach liqueur同橙汁橙汁味最出 底都有啲雜果喺到 不過果味就唔明顯

好耐冇星期日出嚟食dinner, 今日終於約咗朋友出嚟一聚。呢度有露天位，天氣好坐出去真係好舒服好chill! 今日天氣有少少涼，所以嚟到即刻叫返碗蘑菇湯$38，暖一暖身，個湯好香蘑菇味，每一啖都食到蘑菇粒。小食叫咗我最鍾意食嘅黑松露薯條$48，薯條真係新鮮炸出嚟, 熱辣辣，又夠大條，每條都有黑松露碎，好香好脆，份量其實好多，我哋兩個人食完都幾飽！主菜我哋就叫咗葡式香辣燒雞配香烤雜菜$168，其實配菜可以揀薯條，不過我哋已經叫咗黑松露薯條，所以就要左雜菜。燒雞有半邊雞，燒得啱啱好，外面皮脆，入面既雞肉仲係好嫩滑，沾埋個辣醬好特別，少少辣好惹味！另一個主菜我哋就叫咗香煎魚柳配烤雜菜$188，呢個係健康之選，魚柳煎得好香，啖啖肉，配菜有各款蔬菜，最正係佢整嘅黑松露蘑菇忌廉汁，好creamy好香，有黑松露味，入面真係有一片片嘅蘑菇，配埋魚柳真係最佳配搭！

趁疫情緩和了一點，當然要相約好朋友聚一聚。因為朋友在附近返工，所以這家餐廳是由他提議的。這餐廳的裝修，環境和氣氛都不錯，食物質素高，價錢合理，所以都座無虛席。蒜蓉包我們選擇蒜蓉包做頭盤，賣相吸引，鋪排又整齊 ，粒粒蒜蓉粒均勻鋪在每塊麵包上，牛油香滑，好好味!黑松露薯條這個絕對推薦，份量多，而且每條薯條都沾上黑松露粒，條條都帶有香濃的黑松露，不用沾茄汁 也夠滋味，而且炸得超級香脆， 是我吃過最好吃的薯條!瑪格麗塔比薩Pizza 也不遜色，即叫的焗，上枱時非常熱辣辣，以這塊pizza的size來說，雞肉還蠻算多的， 而且批皮不厚，夠香脆可口。蟹肉香草忌廉蕃茄汁扁意粉我也很喜歡這個扁意粉，整個面都是蟹肉忌廉蕃茄汁，蟹肉也夠多，扁意粉煮得剛好，軟硬適中， 我們兩個人share這碟也不覺得少。Nuts Bout Tella不得不讚這個milk shake，簡直大愛，雖然非常邪惡，但我是榛子醬的fans，沒想過榛子醬也可製成飲料，而且不會很甜很膩的感覺。我們倆一人一杯對他都讚不絕口。這頓飯非常滿足，吃完可以先到附近海濱吹吹風，再慢慢散步到地鐵站， 這樣便能減輕一點罪惡感。

同朋友放工後去左海濱匯既 Flames 食dinner之前睇食評既相就已經好吸引所以見有返晚市堂食就book黎試下😋首先前菜點左蒜蓉包同芝士肉醬粟米片上碟熱辣辣芝士夠拉絲肉醬味道濃郁配粟米片食好開胃蒜蓉包份量比我想像中多本身麵包已經有味道既風乾蕃茄香草包配埋蒜蓉再烤好惹味主菜叫左烤海蝦肉眼扒配薯條份量同樣好滿足2個人食唔洗打架烤蝦肉質彈牙無梅質感肉眼扒係我地要求既生熟程度肉質輕易切開唔會好un 薯條有調味，但有少少過咸我地仲叫左牛面珠扁意粉牛面珠燉得非常軟淋一咬就分開到配上醬汁好好味美中不足係因疫情關係室外草地環境無開放所以只能坐店內希望下次有機會坐室外景觀會更加開揚

小公主復課後多左時間同老公去拍拖食午餐，老公係觀塘開完會之後約佢食個休閒午餐，今次去左海濱匯既Flames試下。平時午餐主要食菜加少許肉類，今次老公滿足到我既要求。香煎魚柳配燒蔬菜黑松露蘑菇忌廉汁魚柳煎到金黃色，魚柳夠濕潤，冇腥既味道，黑松露蘑菇忌廉汁很香濃同幾幼，很重既蘑菇味，有層次。1/2葡式香辣燒雞+香烤雜菜燒雞即叫即燒，都幾大隻，肉質都嫩同juicy。配佢特製辣醬，好惹味，香烤雜菜好味又健康。瑪格麗塔披薩係迷你Pizza，pizza都幾鬆脆仲好juicy，芝士半溶狀態仲拉到絲，一流。沙律菜新鮮，仲有大大個番茄添

餐廳位於海濱附近，晚市都幾旺場，座無虛席。食物質數不錯。食物飲品選擇都有不少，是與好友食飯談天好地方。 先點了一個小食香草蒜蓉包。有六塊，炸到金黃色，十分香脆。蒜蓉牛油味好香。 蟹肉香草忌廉蕃茄汁扁意粉。蟹肉醬汁鋪滿了整個意粉，十分濃郁。當中蟹肉份量有不少，食到蟹的鮮甜味。扁意粉掛到醬汁，味道取到平衡，不會太溜。吃到尾仍是啖啖蟹肉。 1／2葡式香辣燒雞配薯條。半隻燒雞都很大隻。外皮燒香，雞肉一點也不乾，鎖住了汁令雞肉嫩滑。醬汁有少少辣，加了又是另一風味，更惹味。薯條香脆，保持水準。 餐廳飲品或酒類選擇多，啤酒品類亦有不少。薯條配啤酒。

又到十分期待的星期六，今天選擇了在牛頭角吃個late lunch，用OpenRice 預訂有7折。餐廳不是很大，但有個令人注目的大bar 枱。餐廳出名吃烤雞，沒想到上碟時，份量十足，皮脆肉滑，即使是最難控制的雞胸肉，亦不會很粗糙，肉質恰到好處，配上健康薯菜，十分飽肚。來杯橙汁，十分開胃。大蝦意粉有兩隻爽口的蝦，配上茄汁扁意粉，有淡淡的香草味。女人總有第二個胃食甜品，brownie 配雲尼拿雪糕，一熱一冷，是味覺的享受，還有棉花糖、杏仁片和雜莓等，多重口感。

白色情人節就同老公浪漫一下，去郵輪碼頭行吓兼食個燭光晚餐啦。Open kitchen 設計可以睇到靚仔廚師為我地預備嘅美味晚餐，聽住下鑊嘅沙沙聲，同聞住美食嘅香味，等我哋更期待我哋點嘅食物。香草白酒煮青口(1/2kg) - 未上枱已經聞到香，令人食指大動，大大隻青囗，加上牛油同白酒香味一流，最愛個汁加入洋蔥同蒜頭，帶出青口鮮味配黑松露薯條 －不少黑松露鹽，陣陣香味，唔駛點茄汁都好好味燒肉眼牛扒配大蝦－大蝦大大隻，新鮮彈牙，牛扒我哋要medium rare, 做到想要效果，牛肉味濃，juicy