Flames (海濱匯)

營業中

休息中

有時就係咁，諗定食乜，跟住臨時轉軚。上次試完鴻圖道Flames，想再試佢其他意粉，就襯今日冇落雨去”海濱匯”分店chill吓。”海濱匯”分店有著白色主題，加上有自然光，食brunch就最好。所以，一嚟到我哋就轉軚食brunch😂。例如一個8oz肉眼薯條連餐飲(juice/tea)，只是HKD 188。至於All Day set則只是HKD 138。百幾蚊嘅扒set卻一點也不失禮。肉眼炭燒香突出，肉質和成熟度睇相就知，唔會呃人。最正係個薯條，香料粉好足，又夠脆，擺耐咗都唔會濕笠笠。個All Day就好正常地多嘢食，炒蛋好香食落有奶味，應該有用奶一齊炒，而磨菇就炒得好香口，我差唔多食晒人哋嗰份😅。餐飲可以就咁叫凍檸茶(行到嚟頸渴，諗都冇諗就叫兩杯)，唔使加錢。另外食brunch可以加35有一件是日甜品，例如今日嘅passionfruit moss cake，散叫要78的。蛋糕原來係朱古力底，配番passionfruit味係好夾好醒神。最後叫多杯Flat White，chill多陣，睇吓出面飛入嚟嘅雀。要chill吓，原來好簡單。

放假輕鬆一下，打風落雨無得去戶外玩，唯有去左觀塘海濱呢間環境幾好嘅西餐廳食brunch。餐廳純白色主題環境鮮明，遠望到郵輪碼頭望到海都唔錯。Brunch menu選擇唔少，價錢比晚餐抵食好多。NZ RIB EYE STEAK (80z) $188都大塊嘅肋肉眼扒，因為朋友唔食得太生所以叫左7成熟。表面煎得幾靚幾焦香，肉味夠香，肉身唔算太過肥，食落唔錯。CARBOlNARA PIZZA $1683款唔同嘅芝士配答，有煙肉,忌廉,同埋鵪鶉蛋。餅底有少少厚度，餅皮少少脆身。成個pizza芝士味好夠，另外每塊都有半熟嘅鵪鶉蛋，蛋黃味都好濃，咁樣食落可以多左少少濕潤感。

👧🏻😋👅🍽✨夏天outdoor涼爽選擇😍-🍽 海濱道曾經係我lunch time休息地方, 而家變左weekend去chill, Flames係平台花園隔離, 揀左坐出面有微風又有太陽遮好舒服🥰🍽 Brunch set係主菜加飲品, 另可加配soup/salad/dessert-🦀 CRAB MEAT PENNE $138/set💯好多蟹肉! 每一條penne都充滿蕃茄忌廉汁, 濃郁得黎唔會太膩, 再加上芝士碎, 啖啖都好滿足🥳-🍕 NDUJA PIZZA $158/set✨手工 pizza即叫即製, 兩款辣肉腸都好鹹香, 尤其nduja油份充足, 配上香草mozzarella仲有soft pizza dough天作之合☺️-🥦 DAILY SOUP $15💯西蘭花忌廉湯好香滑, 冇額外調味用香草提鮮更健康😆-🍟 CHICKEN SALT FRIES $48✨每次必食雞鹽薯條, 大大兜均勻佈滿鹹香雞鹽, 食到停唔到口😭

已經第二次嚟 2次都係平日嚟 第一次天氣好好 戶外位影相好靚 個日晏晝唔算多人 第二嚟1500左右都算多人 但位置算鬆動 坐得好舒服 waiter好熱情 服務好好 主動提議我坐sofa可以放低啲嘢 原本想嗌三文魚 但可惜賣晒 改嗌Pizza 因為sold out咗salmon 所以free upgrade咗我杯咖啡 真係unexpect嘅舉動💓💓 最後都坐咗係度做嘢2 3個鐘先走 會再嚟消費！🤍可能因為地點算偏 都要行一段路先去到所以唔算好多人

早幾日喺呢邊食嘢，經過見到呢度有一間係食手工pizza嘅餐廳，仲係喺客人面前製作同埋，約咗朋友過嚟試下。坐低睇下餐牌，發現原來除咗pizza之外仲有飯同埋意粉西餐！朋友叫咗個飯食，我就叫咗pizza，另外仲叫咗兩份甜品。落單嘅時候見到餐牌寫住free kids meal,原來即係小朋友有免費餐🐮紅酒燴牛面肉配蕃茄黃薑飯牛面肉都好少地方有得食，入口軟嫩，紅酒汁略帶酸甜，牛肉嘅香味發揮得淋漓盡致。蕃茄黃薑飯係我第一次食，香料味道好足夠。🍕 Margherita pizza 新鮮嘅蕃茄，配上鮮羅勒巴馬臣芝士等等嘅香料，餅底鬆軟，令人一再回味🍰fruit cake and mousse cakefruit cake外面有一層朱古力可可,會上新鮮嘅果醬香味倍增mousse cake好香濃嘅芝士味,帶來一種留喺嘴角嘅香味。如果加入佢哋嘅會員，仲會有a la carte 8 折優惠，真係估佢唔到🫶

早幾日同朋友食完觀塘間Flames覺得好高質好正😍所以今日決定一家人再去食,今次我地就去咗牛頭角海濱匯嘅分店度食☺️一入到去就覺得環境夠晒chill,樓底好高,空間感十足😍8安士紐西蘭肉眼扒配薯條 $188肉眼扒叫咗7成熟👍🏻食落就夠晒稔唔會韌😍肉眼扒有跟埋燒汁,不過因為牛味非常香濃我覺得就咁食就已經好夠味☺️薯條炸得好脆👍🏻巴馬火腿火箭菜薄餅 $168巴馬火腿，車厘茄，火箭菜，聖馬札諾番茄，巴馬臣芝士，馬蘇里拉芝士Pizza送到嚟時熱辣辣👍🏻parma ham配上蕃茄醬同兩款芝士嘅pizza原來味道係咁match👍🏻同埋份量都幾多,食完真係勁飽😅跟餐凍檸茶,Coke zero呢度星期六/日叫Brunch menu嘅話係可以有免費兒童餐送😍😍😍小朋友食完仲可以去埋附近嘅海濱花園放電😂

觀塘區落成左好多新寫字樓，同時進駐了很多不同類型的餐廳，適合三五成群，亦適合把酒傾談～今次我就選擇了位於海濱滙的Flames，店內供應不同扒類、Pizza🍕、意粉🍝、沙律🥗及小食選擇；而想Happy Hour，酒類飲品🍸選擇亦不少～🌟8安士紐西蘭肉眼扒燒大蝦配薯條紐西蘭肉眼扒煎到微微焦香，肉質呈粉嫩色澤，咬一口已感受嫩滑多汁，口感不錯。大蝦熟度燒得剛剛好，口感飽滿彈牙，配合三文魚籽，更顯出蝦肉的鮮甜。薯條較粗身，炸到金黃色，食時外脆內軟😚🌟 燒大蝦三文魚籽龍蝦汁扁意粉我唔太好扁意粉，因為擔心煮得太冧；但今次個扁意粉保留到麵質本身al dente，口感Q彈，同時又能夠吸收哂龍蝦汁的鮮甜濃郁，我時不時食倒蝦膏鹹香tim，好食😋；而大蝦同樣地燒得剛剛好，肥美多汁，再配上三文魚籽及芝士粉，令整道菜增添了層次及奢華感。

當晚收工後去咗觀塘海濱匯食好耐無食嘅 Flames😋 經 openrice 訂位，單點 menu 仲有7折，兩個人埋單最後人均都係 $200 幾，食到咁多嘢仲要好味 🤩蟹肉巴馬臣芝士蕃茄忌廉汁通粉 🍝 芝士好足，襯埋蕃茄忌廉汁少少酸，成件事無咁膩，好好食🥹10安士肉眼扒配忌廉薯蓉 🥩 當晚牛扒肥咗少少，但煎得啱啱好，配埋個忌廉薯蓉真係好滿足🤤卡邦尼薄餅 🍕 上次食已經覺得 Flames個餅皮整得好好，好鬆軟，即使係pizza 邊都會令人想食埋佢當晚甜品都好好食，完美收尾！

一次很差的用餐體驗我們點了788 *40%off 的二人餐然後知道Happy Hour alcohol是50%off所以點了一杯紅酒Order的時候也double confirm了是50%off侍應更回覆強調只有酒精才是50% off所以我們點了一杯紅酒 怎料結賬時 賬單計了紅酒正價我們便有疑問但另一位待應堅持是正價因為我們點的是set dinner 而幫我們下單的待應是新來所以不知道但她嘅態度講到好似係我唔岩但我作為食客係唔會知你哋嘅優惠餐牌亦無寫明set dinner不可和happy hour 一起享用食到一肚氣觀塘另一間好好多

今晚去觀塘海濱匯食飯🍽 今晚約咗老公💕喺觀塘海濱海旁隔離呢一間精緻小餐館食飯 🍷晚市真係坐滿人 呢度裝修 💡 有一種高級感覺 🍽呢度最啱happy hour🍷或者食晚餐 好鍾意呢度服務亦都好好 落單上菜都好快🍳今晚食咗個 蟹肉哈馬臣芝士蕃茄忌廉汁通粉我覺得好好食 蟹肉好多🦀 忌廉汁配上通粉好creamy 🍼煙煙韌韌咁樣 上面再加一層芝士粉 真係好creamy 好好食 係我心水推介 10安士肉眼扒配忌廉薯蓉 呢塊牛扒好靚 好好食 有少少燒燶 肉質好tender 又好juicy 好多汁 配上燒汁同埋薯蓉都真係好夾 好滿足🥰呢間餐廳我好滿意🌃 裝修好靚 嘢食又好食 加次唔算好貴 菜式精美又好食 我會畀4/5粒星

今次同姊妹們就去左我好鍾意嘅Flames 餐廳。呢間餐廳喺觀塘海濱滙，有室內室外座位，座位好開揚好舒適，而食物質素都幾好，佢地嘅Weekend brunch都唔錯！我地叫左兩個Brunch ，有主菜，還可加選餐湯/沙律、甜品，咖啡/果汁。 主菜：🥩8安士紐西蘭肉眼扒配燒薯條$188肉質粉嫰，飽滿嫰滑，牛肉清香细腻，入口即化，非常鲜美。薯條呈金黄色，外酥裏嫩，口感酥脆可口，不油腻，與牛肉搭配十分和諧。🍕手工辣肉腸pizza $158餅皮咬下去酥脆有彈性，口感相當出色。辣肉腸带有濃郁的辣味和香料風味。 小食：🍗避風塘雞翼 $78用蒜粒炸炒好有獲氣，肉質嫰滑，好惹味！House Made Cake :🍰百香果朱古力Mousse Cake  $35Mousse質地輕盈綿密，口感细腻絲滑，百香果果酱带有酸甜口味，点亮了整个蛋糕。 🍰cheese cake $35而House Made cheese cake 芝士味濃，甜度適中，蛋糕好鬆軟。

Flames有幾間分店，之前幫襯過其他分店，覺得質素唔錯，於是今次黎觀塘分店試下。呢間分店位於一幢商廈一樓，星期六嘅人流唔算多，唔洗等位就入得去。Hong Kong Milk Tea Cooler呢杯飲品比較普通，係一杯加左cream嘅凍奶茶燒大蝦三文魚籽龍蝦汁扁意粉一上枱就聞到好香，意粉軟硬適中，掛到汁，燒大蝦好好味，肉質爽口彈牙，可惜得一隻，唔係幾夠喉🤣新鮮黑松露蘑菇薄餅Pizza一定要趁熱食，一拎起就見到好邪惡嘅芝士拉絲，每一啖都好滿足😌

又係#美食推介 既時候🍽️今次要介紹下呢間係觀塘海濱匯嘅餐廳一到左餐廳門口，已經覺得餐廳啲裝修幾靚仲要可以有outdoor嘅位置可以坐成個感覺真係好適合一班朋友仔去飲杯嘢傾吓偈💬食物方面，我哋叫咗一個意粉、一個Pizza、同一個小食，同埋一杯特色飲品，一句講晒，全部都好好食😆ᰔ蟹肉巴馬臣芝士蕃茄忌廉汁通粉🍝超濃郁嘅芝士蕃茄忌廉汁，加埋好煙韌嘅長通粉，再配搭埋蟹肉，成件事好match，好好味🤤ᰔ巴馬火腿火箭菜薄餅🍕入邊有巴馬火腿、車厘茄、火前菜，聖馬札諾蕃茄、巴馬臣芝士同埋馬蘇里拉芝士，芝士加巴馬火腿再配搭埋火箭菜，真係一個絕配，呢個Pizza冇得輸🤣ᰔ避風塘雞翼🐥雞翼炸得啱啱好，裏面仲好Juice，加埋避風塘口味，少少辣，成件事夾埋一齊幾好食😋ᰔTropical Punch🍹味道甜甜地，飲落好多果香，唔會係死甜，仲好fresh，唔錯唔錯💕全部嘢食都好好味，價錢仲要唔係太貴，仲要有啤酒飲添😍 真係好適合放工過嚟chill下🤣

🍴我的Weekend Brunch Experience🍴-我唔熱衷行山 週末放空 多數約朋友去海濱匯Flames食brunch 然後喺海濱長廊散步 一樣咁寫意☺️-☕️Piccolo latte +$18🥤Iced cappuccino +$18用追加價錢飲特調咖啡 非常實惠 piccolo拉花一樣靚 有奶嘅柔順 咖啡味芳醇😌-🥣周打湯 +$15唔係濃湯 淡忌廉湯幾滑溜 加件脆多士就更好😁-🐔葡式香辣燒雞配薯條 $128雞皮搽咗醬汁再燒到少少燶 焦香脆口 雞肉冇over-cooked 肉質幼嫩juicy 蘸霹靂醬食更係香辣惹味 攞住隻雞髀🍗大啖咬入口 滋味又過癮-🥩紐西蘭肉眼扒 $188唔大食嘅話 一個人八安士嘅份量都ok 呢個部位脂肪少而牛味濃 燒汁味道太淡-📍 Flames觀塘海濱道77號海濱匯1樓

週末喺九龍灣行完傢俬鋪同海濱長廊，喺附近搵食，貪海濱匯有免費泊車夠方便。朋友一見到呢間Flames星期一至日Happy Hour都半價，已經急不及待要衝入去。坐喺戶外花園露台嘆住紅酒、欣賞住日落，真係放鬆不少。餐廳除咗係寵物友善外，亦係唔少一家大細嘅晚餐之選。慢煮雞胸凱撒沙律雞胸入味唔會韌，沙律菜新鮮可口，而且每塊菜葉都被醬汁包裹住，配埋脆卜卜嘅煙肉粒，非常開胃。紅酒燴牛面肉草菇扁意粉牛面肉的肉味香濃，肉質軟腍帶酒香；意粉亦十分彈牙富口感。最值得讚賞係每一位員工都友善親切，又主動協助小朋友同輪椅人士。餐廳仲有會員系統，只要join左，a la carte散叫有8折。咁好嘅地方，真係推介大家去試吓。