FIVE GUYS

營業中

休息中

一直想試下five guys既burger同薯條有幾好食，終於比我搵到一日去啦！我同男朋友兩個人一人叫左一個burger，分別係cheese burger同mini bacon burger。Regular size其實好大份，我諗想食埋薯條既話，叫mini已經好夠。mini既分別係少一塊牛，但係配料大細都一樣。首先個cheese burger真係好好食！芝士味濃郁，個牛都好夠味，食完真係好滿足！然後我地仲叫左一個大size薯條，薯條係粗身既，但係外脆內軟，鐘意食薯條既人一定唔可以錯過！好失策既係份薯條杯有成個大可樂杯咁大，而且店員仲會倒薯條入個袋度，所以基本上係食唔哂。總括黎講，Five guys雖然比其他快餐貴，但係食物質素係有保證！

OT收工，腦閉塞唔知食乜好，有基友提示我灣仔新開咗間 Five Guys，同時見到網上咁多劣評，眼見店內有唔少人，以為係網上食評有偏見，所以我更加敢於抱住我不入地獄，誰入地獄既心態咁衝入去。個包的確幾大，見好多位靚女食客都分幾層咁咬，自己都唔例外。肉厚，但煎到好乾又無乜汁係致命傷，完全扭曲咗我對漢堡既定義……我覺得似食緊漢堡既香口膠。配料有片半溶既芝士、一堆生菜，但無法挽回主體既傷害（我覺得配菜係唔差既）。如果係某間連鎖快餐店，我會覺得尚算合理，但呢間貴為美國過江龍，而且價錢不菲，我覺得係失望。飲品係汽水，我諗同一個牌子，邊度飲都一樣，所以無咩好Comment。抱住唔浪費既心態去食，所以都好飽。至於好唔好食，已經係另一回事。

終於有機會試到過江龍burger 比起香港其他整體好食 ！叫咗個cheese burger 再➕多一層加咗洋蔥蘑菇蕃茄同japleno pepper 好滿足 入口爆汁芝士味濃 叫埋個薯條真係冇得輸 好脆同充滿花生味 超級飽！

終於試到香港五條友仔，外賣double cheese mushroom grill onion burger mayo ketchup , 簡直係weekend munchie 好去處。花生油鮮炸薯條係無得輸！

聽見咁出名 見開左一排 少左d人 就黎朝下咁啦叫左burger 同薯條Burger即整 引夠熱 配搭起係幾好味 比香港常見既快餐都好食薯條有少辣 佢個味粉好正 但當然哈太健康啦 小既分量都好多不過咁就一百蚊仲要無野飲 末必會下次lu

Another “premium” fast food places has opened in Hong Kong, let’s see how it compares. First of all we went at about 6pm and there was no line at all, however the seating was very limited and we had to wait for a bit for a free table. The first disappointment came in a brown paper bag. The presentation of the food was quite unpleasant. The burgers were wrapped in ugly tin foils and most of the fries has fallen out of the cup. And even if you were eating in, there was no trays to hold everything

呢間連奧巴馬都食嘅美國大熱漢堡包店喺香港開張以來都一直keep住有人龍，然而foodpigss🐷🐷都忍唔住要成為一份子😝。其實實際排隊嘅時間係快過預期好多，只係20分鐘左右，而喺就黎到果時會有一箱花生俾客人免費任裝，味道係偏咸。雙層煙肉芝士漢堡（$95）有十五樣配料可以自由配搭，🐷🐷就揀左蛋黃醬、生菜、洋蔥、A.1. 牛扒醬&燒烤醬，其他相對其他人而言係揀得比較少。而個包係有壓扁過，食落更方便，至於漢堡都幾juicy，幾惹味，但煙肉就較硬，同想像有出入，所以下次可以叫無煙肉，價錢仲平d。薯條（$45/regular size） 份量較預期多，係個杯都載唔曬，而味道都有點兒咸，但好脆口，暫時係未喺其他店食到呢個質素，係必點之選🙋🏻‍♀️總結係呢間店無令我失望，但唔算話好大驚喜，質素屬中上，如果唔洗點排就食到會更佳。

Five Guys喺香港開左兩個多月 而家人潮少左啲 唔洗排到出門口咁誇張 不過平日夜晚6點幾都要等下位 等位或者等野食途中可以去cashier出面攞花生食啊🥜不過小編就覺得醃得太鹹啦---------------------------Cheese Burger $85配料揀左all the way 有哂最基本果八款配料 分別係蛋黃醬、生菜、酸黃瓜、蕃茄、茄汁、芥末、燒洋蔥、燒蘑菇.食左一啖已經有種幸福感😭啲汁既調味岩岩好 食落陣味有啲似巨無霸 不過當然高級好多啦 兩塊patty夾埋一齊望落有成吋厚🤤質感軟腍帶少許筋 牛味好濃郁 仲要勁juicy😍時不時有汁滴落黎 唔洗擔心咁多汁會令個包濕哂淋哂 包皮仍然keep到鬆軟 配合新鮮爽脆既配料同芝士 一啖食到幾種口感真係好滿足！😭😭💛shakeshack果啲完全比唔上😌.個burger size偏大 份量好夠一個人食 細食既女仔可以考慮嗌little cheese burger($65)🍔會細個啲 不過得一塊牛肉扒.Fries(Regular) $45餐廳入面會有個牌寫住每日既薯仔產地 呢日既就係來自荷蘭既薯仔🥔薯條係連皮炸 真·薯仔製造

四年前佛羅里達州試過依間 five guys ，唔知係咪嗰陣時好肚餓，覺得真係好好食。一知道灣仔會開第一間分店，兩個禮拜前亦都試過去排隊，可惜因為條隊真的是太長，所以都係放棄。今日咁好彩經過灣仔，終於的起心肝再嘗試多次排隊，今次條隊係短左一半，所以我決定繼續堅持！買一個漢堡包同薯條試一試！花生係免費任食，嘢飲係買一杯任添。當我第一下望到個漢堡包嘅時候充滿一個希望，希望可以感受返四年前喺佛羅里達州嘗試過嘅漢堡。可惜真的徹底失望！亦都對呢間餐廳徹底地改觀。閉上眼我一刻食第一啖的時候咬落去果一下好像吃緊漢堡王！完全係冇特別！第二啖咬落去亦都冇驚喜。第三啖直情想放低呢個漢堡包—— 抖一抖啫，最後都係有食完呢個包嘅。講真佢無咩特別, 下次我都係慳慳地食Burger King 算了，唔怪得知條隊係兩三個禮拜無哂。偷聽到隔離位都話好似 shake shack 好食好多喎，就係咁。

之前選了“想去”的漢堡包店，也因為受開張宣傳影響，今晚終於都來了。出名的免費花生，細佬去了點餐，我就當然食花生等啦，花生夠咸味夠大粒，但無花生味，而且花生衣周圍飛，有點失望。餐到，勁多薯條。食得出是原個薯仔切條，飽肉，脆口，但無薯仔味……錫紙包的漢堡有點油。包樣正常，第一啖好有“麥記”味，因為塊包和芝士問題，不過細心食會感覺到，原塊厚切蕃茄，生菜和牛肉都都唔同，不過，和花生一樣，蕃茄的微酸，牛肉味都欠缺的。（最後食完才發覺，煙肉呢?究竟是無味還是無放就不得而知)免費花生，任飲汽水，大量薯條，新鮮漢堡肉都是十分高分的，但同時花生，薯條，漢堡牛肉，蕃茄都完全食不出原味就大打折扣了。而且枱面地下易有大量花生衣，坐位比較迫，性價比一般，一試無妨。

作爲漢堡控的我～ 對於‘五條友仔’可以話係十分期待～ 佢一開就大排長龍～ 想食又唔想排～ 得一個方法～ 就係遲下先去😂好貼心的記認～ 漢堡上貼左1同2 ， 就係叫包時果個次序喇～ 咁就唔使打開先知拎左人地個包喇～ btw 落單果位女士～ 態度好差～ 我同友人都叫左單層漢堡～ 不過我果個就無芝士既～ 就咁睇塊肉唔係juicy 派～ 一食～ 果然同目測既估計差別唔大～ 唔算juicy 而且肉味唔出～ 唯一好既係佢感覺唔油膩～ 我地仲叫左個薯條～ 佢既賣點係連皮同用花生油炸既～ 薯皮個皮有少少脆～ 但我覺得可以再脆d～ 但真！係！好！咸！食完真係會有腎病～總結～ 我覺得漢堡同薯條都好一般～ 試過一次就好了～ 好彩今次都唔算排左好隊～ 唔係就會再sad d 喇～

之前搭電車經過灣仔，見到呢間漢堡包店勁多人排隊，今晚要去灣仔做野，於是放工就去試下。我跟友人大概晚上9點半左右到餐廳，沒有很長的人龍，入去排左3、4個人已經到我可以買啦!因為之前沒有睇過呢間餐廳既報道，所以唔知道佢係點叫既。埋到收銀機前詢問先知叫佢任何一個包就只係有果樣野，其他topping要再同佢講點加。即係如果點一個cheese burger，入面就只有芝士同埋漢堡扒。店員只係叫我揀落D咩入去，而冇同我講係可以要all topping，傻豬豬既我就只係揀左蕃茄、酸瓜、蘑菇同茄汁。點餐後就自行拎花生食，花生可以任食的，不過其實食完個包同埋薯條都已經好飽了。Cheese Burger($85)，只係加左蕃茄、酸瓜、蘑菇同茄汁的我，個包我覺得其實都唔錯，漢堡扒有兩大塊、酸瓜同蘑菇份量都好多，不過酸瓜就唔係好酸。食到最後因為D汁既關係，個包皮已經變到淋哂，但整體黎講係好食既!薯條(L Size)($55)，兩個人食係非常之多，最後我地係拎左返屋企食，兩個人可以點M size已經好足夠。餐廳有個牌寫上當日係用邊到既薯仔製成薯條。薯條還有少少皮係到，食落脆得黎又唔會炸到好乾，口感剛剛好，鹽份也

這幾次路過灣仔，都看到這所漢堡包店人頭湧湧！這天剛好在附近工作，因此爭取時間到此店一嚐！對於英語不太擅長的我，點餐前與在Subway一樣，有點緊張，惟一望餐牌，簡單易明，因為選擇不多！店內人頭湧湧，漢堡是即場製作的，有點油煙！這天點了芝士漢堡，坦白說一吃下去有點失望！份量雖大，但味道與麥當奴真的分別不大！明明望著即製，但不明白為何有點冷！只能說一個很普通的芝士漢堡！只是較貴和大！環境很嘈吵，地方亦很油煙！只試一次就好了！

Contrary to the quote in the photo, the burger was insanely “average”. It was not that appetizing when I unwrapped the tin foil. The bun was squashed and a bit soggy. The beef patty had good texture (course grind) but tasted bland. The chopped lettuce and onions were messy with half ended up outside the burger. Could barely taste the Ketchup and mustard. Only positive note is the fresh jalapeños on the side which gave it an extra kick. Between Five Guys and Shake Shack, I rather go with the la

.✨🍔Five Guys🍟即叫即製漢堡包✨美國人氣burger登陸灣仔！有個open kitchen睇住成個包製作過程一路睇住d staff搽醬 煎扒 炸薯條真係好吸引可以任揀15款配料 仲有無限食既花生🥜✌🏻✌🏻-🍔雙層芝士漢堡（$85）美國肥佬既份量😂😂兩層厚到我咬唔到漢堡扒好juicy 半溶芝士都打孖上配料我揀左炒蘑菇 牛扒醬生菜 蕃茄 同蛋黃醬 如果個口夠大一啖咬哂係好爽🤤🤤但略嫌個包淋左d🤔-🍟大份（$55）真係多到食唔哂幾香口但太油 叫細份試下已經夠🥤汽水（$30任飲）就算任飲都唔抵 飲得幾多杯姐😂最多咪兩杯 仲要明明禁芬達佢出左梳打水😐😐🥜任食係個gimmick 實質上食完個餐都飽到食唔落花生🤭