FIVE GUYS

營業中

休息中

之前係灣仔已經好想試，不過comment好壞參半，所以唔想好似試完IFc Shake Shack 完全失望所以就冇再諗。今個星期六準備行街之前先要食吓嘢，於是有機會嚟MUSE新開的分店try try。OVERALL ~ 食得過，會再食美式風格，唔迫，空間感舒服，只係音樂太大milk shake 口味任配，我的選擇是Oreo+peanuts butter ~ totally devil but acceptable 真心得。當然如果唔受得甜，就唔好飲burger 真心係真材實料，cheeseburger 裏面D料都係任配，我要All-in 再加青椒 冇得輸！另外還有原切薯條🍟，亦都係冇得輸！一間會食得飽又同市價差不多的美式漢堡！值得推荐

美式快餐five guys 2個人食左190蚊，所有野都係heavy dmilkshake飲左一半就已經有d濟。我地叫左bacon口味，諗住試下新野，估唔到又幾好味，有好多好脆既bacon碎。hamburger 勁大個，2個人一齊食都夠飽，味道都唔錯，但個人覺得中間既漢堡扒都係一般質素，但整體算唔錯。large spicy fries , 超推薦 個人平時食譚仔食開3小辣，我覺得個fries有d辣。但係份量真係好多，除左個一大杯之外，打開個紙袋仲有好多係底，overall份量大約係果個大杯既兩倍。

Five Guys 選擇喺K11 Musea 開係好明智，因為多遊客，行到累食個漢堡係好方便嘅，我欣賞Five Guys 嘅漢堡有得揀少份量(即少1塊漢堡扒) ，可以同時兼顧大食嘅男士門及細食嘅女士門，薯條新鮮，調味粉好香口惹味，所以一定要配佢杯招牌Milkshake 解渴😜 我今次揀左牛奶配 peanut butter! 真係好好味，不過就甜到好似直接飲雪糕咁，加上質地厚，會好飽另外店內提供免費花生，不過就成地花生衣花生殼，不清潔，希望能改善

行行吓街，覺得好肚餓，於是入左呢間burger 店，點左個熱狗，可以自選醬料，茄汁加上芝士再有蘑菇，成個配搭.好Match，雖然熱狗腸有點鹹，但配上微酸嘅番茄醬，就中和了！汽水係自助的無限添飲，飲幾多斟幾多，薯條好吃到不得了，外層揸得非常非常鬆脆，真係做到外脆內軟嘅效果，好味到食不停口

舊新世界中心變身成K11 Musea，但仍未能改口今次重建為原址引進不少新食肆，一向快餐較common的是老麥和肯德基；但今日就試下在新世界三樓的《Five Guys》Five Guys是美國快餐，座位顯然較闊落，明顯方便外國較胖人士而且是店員會大叫餐號，十分有趣，亦是傳統美式快餐的做法當小弟打開這袋食物，驚訝看到大半袋薯條但搞到個包都有好多鹽和油，怪不得店員一早給了一大堆紙巾。Cheese Burger - All the way $85超厚的牛肉，口感十足，牛油味香濃；加上大量芝士，配上不少的蕃茄、酸瓜、洋蔥等配料，一啖咬下去十分滿足其實吃完一個包，就已經很飽了，但難得來到就加點了薯條。Small Fries $40薯條炸得金黃香脆，茄汁則自行取用，十分方便。另外汽水都是$35，且任添唔嬲小弟都飲了兩杯半，超標了⋯⋯ 話說等餐都要些時間，快餐店貼心地讓客人自取花生等食Customer experience 都蠻不錯！

灣仔開第一間店的時候 每次經過都好多人 所以都無機會試 今日先知原來尖沙咀都開咗間 喺K11 Musea入面 (商場好大 成個迷宮咁 都唔易揾)喺𨋢口行緊去門口的時候以為無乜人 點知入到去先知都坐滿晒 唔介意搭枱的話 都仲有好多零星的位 叫咗hamburger $75, regular fries $50, Oreo milkshake $55Ummm, 我都係喜歡食SHXXX SHXXX多啲 呢度個份量係多啲 (15 toppings at $0)即叫即整 仲熱辣辣啲添 但係輸在塊肉乾淨淨+無味道🤢薯條方面 估唔到regular portion咁大份 係2份small(我估) 因為打開個袋 一隻紙杯已經滿 仲要袋入面仲有多一個紙杯的分量 🍟🍟 薯條係用花生油炸過2次 所以外脆內軟 (not my cup of tea)🤪 ‼️對nuts敏感的人注意‼️Milkshake 好滿足！😋 雖然飲管塞住塞住 不過無阻我飲晒成杯 係飲到尾好甜 唯有放棄📜Overall：舖頭係大的 揾位都無難度 係小小失望我明明叫 small hamburger 🍔 都係幫我order咗regular size,,

星期六日放假去尖沙咀行街，近排最熱門就係 @k11musea 。行街當然都要食嘢啦，就去左食Five Guys。漢堡包同奶昔就唔介紹了，實在已經有好多朋友食過。Bacon Dog ($60)。熱狗熱辣辣，用錫紙包住保溫，打開既時候香味撲鼻！Bacon. Dog入邊有蕃茄、洋蔥同主角-煙肉先生！煙肉先生年少氣盛，十分香脆，食落又唔油膩。由於佢夠脆口，咬落去有少少食薯片嘅感覺，完全係成個包嘅精華！配合洋蔥蕃茄真係超好味！薯條 ($50)。K11尼間薯條感覺無灣仔店咁好食😞 可能因為佢唔算脆，反而仲有少少軟。咁當然，佢仍然維持獨有既風味，每日用唔同地方供應嘅薯仔整薯條。

尖沙咀分店比灣仔分店大，座位也較多。不過周末午餐時間來到還是非常多人，要找座位並不容易。漢堡分正常size及細size，正常size有兩塊牛肉，而細size則只得一塊。薯條分大中小三個size，兩人吃不要太貪心，細的就夠吃了。所有薯條都是用杯裝，但店員會另外再倒一杯的份量入紙袋，所以其實細的都有很多薯條。漢堡是新鮮做起，而且流量高，所以吃時還很新鮮熱辣，芝士呈半溶狀態，牛肉很juicy，水準不錯。薯條又熱又脆，很有薯味。花生是免費任吃的，但太咸不能吃太多。

第一間喺香港開業嘅時侯已經好想試，一來聽聞美國當地都幾出名，再加埋咁搶眼嘅紅色裝修，相當有風味又有Style，到而家開分店終於都去試喇！未行到門口，離遠已經望到人龍，不過排隊過程都算快，排隊途中職員派定餐牌，可以睇定食咩。舖頭位於商場轉角，感覺都幾大同闊落，卡位、吧枱、普通座位，三款都有，可因應喜好同人數自己揾位。 雖然係擺到明食漢堡包，但款式就唔多，最主要分別在於單層同雙層，而配料就相對地較多選擇，汽水仲可以免費添飲。當然除左漢堡包之外，佢地都仲有外國人好鍾意食嘅熱狗，但似乎叫嘅人好似唔多，反而見到人人都有一兜仔花生，原來呢到有一大箱花生比人自己拎，都係唔收錢嘅。 睇餐牌就無發現佢地有做套餐，要逐樣叫，而且視察左其他人用餐之後，發現份量都幾足，所以我哋兩個女仔叫左一個burger，一個中薯條同一杯野飲share食。Burger可以自己揀配料，全部配料要晒叫”all the way”。呢到既包就用錫紙包住，保到温之餘，醬料同肉汁冇咁易比包裝紙吸走，感覺上個包熱辣辣亦濕濕地，食晒成個都唔會dry。 粗薯條，唔洗食空氣，茄汁芥辣出去自己拎，岩曬我呢d薯條茄汁怪。雖然食漢堡包要配汽水就係真嘅

最近呢間快餐店好流行 所以特登同朋友嚟朝聖一下我叫左一個Bacon burger with cheese 🧀 仲有薯條Burger無諗過咁大個包 未食哂一個已經好飽 啲料好足而且入面啲蘑菇好好食 整體來講有驚喜而薯條方面我覺得超好食 佢嘅薯條比較厚身 而且剛出爐嘅時候 一咬落去feel到入面嘅薯蓉 熱辣辣好香好好味雖然呢間店舖比較貴 我呢隻漢堡包要$95 薯條叫中型size已經好多 但真係超級飽有朋友叫咗嘢飲但我冇叫到 佢哋叫完都飲唔晒建議如果細食嘅朋友就可以考慮一下會唔會叫少啲因為真係會食唔晒份量都好多吓

又係外國勢力入侵啦，呢間奧巴馬都食過嘅漢堡店已經開到第二間分店嚟緊仲有一間會喺中環開，今日不經意地走到k11新開嘅分店，即管試試！店內裝修簡潔一貫快餐店格局，好多長台bar台。廚房一字型排開，內裏員工都唔少應該做緊training(小插曲：有乘客係廚房前拍照，所有員工即走到背後做背景版）簡單就係咁簡單其中漢堡可以自選配料醬汁當然唔少得最出名嘅花生任食大包大包嘅薯仔放晒喺鋪中間確實有啲料到，叫咗芝士漢堡配料就用預選嘅，牛肉食得出一粒粒係手打，相比最出名嘅麥字頭確實贏出一條街，咬落好有口感，配料醬汁比例亦都岩岩好粗薯條，食得出冇咩防腐劑直接薯仔切出嚟，即刻出一粒粒薯仔有口感如果你叫汽水可以無限任飲，但價錢相差$20，所以叫咗刀具有名氣嘅士多啤梨奶昔，奶昔偏甜能夠食得出有一粒粒果肉，非常好味嘅肥仔水好老實講呢個價錢已經可以喺快餐店食都唔知幾多餐，不過都係一個好好嘅體驗！誠意推薦

一直想試嘅Five Guys，今日終於有機會品嘗。今日我黎到K11 Museum嘅分店，店內都幾多位置，而且裝修得好懷舊，好有美國舊式快餐店嘅模樣。佢地嘅餐牌選擇唔算好多，但配料方面就可以俾客人揀，醬汁亦都有三款。薯條方面亦有分為三種，仲要係我最中意嘅連皮粗薯。正啊！！！飲品種類正常，如果你叫氣水就可以任飲，但$35一位就偏貴左啲！我叫左個Cheese burger, Regular Fries。講左個Burger 先，我個人覺得好食過IFC個間，不論個包定係個牛都好好多。首先，個包係傳統嘅burger 麵包，個人覺得好過IFC個間，啲牛肉汁唔會令到個包過份濕。另外，配料方面我揀左onion, mushroom。醬汁我就揀左Hot sauce ，但一啲都唔辣😂但個味都幾夾，下次會試埋其他汁。薯條炸得剛剛好！勁好食！而且份量真係好多，兩個人食真係飽到上心口。Five Guys仲有個好出名嘅地方就係任食花生，但質素就基本野啦😂唔好太大期望。總括嚟講，會再黎試埋其他burger！最緊要係食佢地個薯條！

We came there at 6:30. It is like a fast food restaurant, playing some loud American pop music. It had been quite full that we need to share table with others. We ordered a regular size of burger, cheeseburger and large size of fries. You could choose 15 toppings, like tomatoes, mushrooms, onions, pickles and different kinds of sauces for free. The burgers and fries are very nice. The patties are extremely juicy. The fries are fantastic, with a crispy skin and soft inside. No matter what size of

自從【Five Guys】嚟咗香港之後一直都想去試下，不過好難就啱時間過海，而且長期要排長龍...所以一直都擺咗喺waiting list😅終於等到佢喺九龍開分店喇，事不宜遲就衝咗去食😋當日人流比較少，由排隊比錢到拎嘢食大概係30分鐘之內嘅事，人氣店嚟講已經算快喇😌等嘢食期間仲可以坐低飲住汽水食下花生先👍🏼【芝士漢堡包】牛肉好juicy，可以自選topping，避開晒唔鍾意食嘅配料😆👍🏼鍚紙包裝夠保溫，食到尾都夠熱😋初時覺得快餐店一個包要$65好貴...但原來份量十足😮好彩無貪心要大size，如果唔係一定食唔晒呀😅【炸薯條(細)】粗薯條新鮮炸起，熱辣辣好吸引🤤加上有辣粉更加惹味，簡直食到唔停得口呀😋個人覺得如果唔係特別大食，其實兩個人share一個包+薯條已經好夠飽，千其唔好貪心樣樣都要大size呀😅

巨型漢堡free toppings •地方非常歡堂有好多卡位同長枱，所有漢堡即叫即做大約等10分鐘，等漢堡期間可以攞啲花生嚟食，好多一袋袋自己任裝，花生鹹鹹地都幾好味！呢度冇combo set , 單點左芝士漢堡另外有15款topping 免費加，揀咗洋蔥番茄生菜青瓜芥辣同埋A1 steak sauce , 用銀色紙包住漢堡，賣相欠奉，一打開見到個包係濕濕地又扁扁地，漢堡冇乜牛味，勝在係足料同多夠大個，漢堡唔夠juicy , 冇乜味，只係一個普普通通嘅漢堡包，試一次就夠了。