FIVE GUYS

營業中

休息中

星期六日放假去尖沙咀行街，近排最熱門就係 @k11musea 。行街當然都要食嘢啦，就去左食Five Guys。漢堡包同奶昔就唔介紹了，實在已經有好多朋友食過。Bacon Dog ($60)。熱狗熱辣辣，用錫紙包住保溫，打開既時候香味撲鼻！Bacon. Dog入邊有蕃茄、洋蔥同主角-煙肉先生！煙肉先生年少氣盛，十分香脆，食落又唔油膩。由於佢夠脆口，咬落去有少少食薯片嘅感覺，完全係成個包嘅精華！配合洋蔥蕃茄真係超好味！薯條 ($50)。K11尼間薯條感覺無灣仔店咁好食😞 可能因為佢唔算脆，反而仲有少少軟。咁當然，佢仍然維持獨有既風味，每日用唔同地方供應嘅薯仔整薯條。