FIVE GUYS

營業中

休息中

巨型漢堡free toppings •地方非常歡堂有好多卡位同長枱，所有漢堡即叫即做大約等10分鐘，等漢堡期間可以攞啲花生嚟食，好多一袋袋自己任裝，花生鹹鹹地都幾好味！呢度冇combo set , 單點左芝士漢堡另外有15款topping 免費加，揀咗洋蔥番茄生菜青瓜芥辣同埋A1 steak sauce , 用銀色紙包住漢堡，賣相欠奉，一打開見到個包係濕濕地又扁扁地，漢堡冇乜牛味，勝在係足料同多夠大個，漢堡唔夠juicy , 冇乜味，只係一個普普通通嘅漢堡包，試一次就夠了。

Even though the branch in WanChai had been opened for a while, I finally got around to trying the infamous five guys at TST.The design of the restaurant has a very famous american diner feel and quite immersive. Really brings an American feel.The infamous free peanuts! A little disappointing as the peanuts taste very average.. Shells and the nut was often crushed, which made the experience very difficult and unpleasant as it was very easy to ingest the shell accidentally. Maybe I've been spoiled

放工去K11 Musea 行街，咁岩見有Five Guys就試試，當晚人流都幾多！呢度原來冇套餐，係逐樣點的。我點左little bacon burger~配料可以自由選擇，又不限加幾多種配料，肯定係即叫即製，呢點幾好。我揀左磨菇、生菜、蕃茄、燒烤汁。加左個Five Guys Fries，我叫左中薯條，但原來份量超多，小都好夠食了～飲品有基本汽水，仲有milk shake 。兩樣都唔岩我飲，我就冇叫野飲喇。講返個burger，肉既口感一般，簿簿地、又唔juicy。個包就最出事，好淋冇烤過唔係脆的，同我心目中既burger唔一樣，逐食逐唔好食，最後個包皮食唔落。我覺得質素比麥當勞還差，但收費貴一倍😑個薯條還好～唔知係美國Five Guys既定位係咪快餐店質素呢🤔下次我唔會再食了，去返Shake Shack或 The Butcher Club 好d!

🎾 #一粒波食好西話說five guys灣仔店一開既時候我去過一次🤔但佢因爲啱啱開竟然冇花生醬milkshake!!!!!最近尖沙咀又開多左間分店🤩作為花生控梗係要再去多次😤😤(Burger同薯條都係重點既科科😂)-⚾Little Cheeseburger $65 Five guys burger既toppings係免費仼加既🤩我就加左lettuce/grilled onion/grilled mushroom/pickles/ketchup/mustard🍔個人覺得個burger就冇乜特別🤔🤔個包唔熱既🤡個肉正正常常啦🤔同埋有少少偏鹹得濟🤡🤡好既地方係有得order細啲size同埋加自己鐘意既配料🍔.⚾️Fries (Regular) $50 薯條炸得幾脆🍟同埋係熱既😂👍🏻佢外面係有類似薯角嗰啲調味料唔係得鹽🤔🤔但同樣都係偏鹹少少👅但佢啲份量真係多到爆炸😮我地三個人都食唔哂一個regular😂.⚾️Five Guys Shake - Peanut Butter/oreo $55Milkshake有得揀要唔要cream🍦都飲得就梗係加cream啦係咪?😏啲cream加得超級大方多到咇哂出黎

男朋友話好想食漢堡，咁我就對佢好啲帶咗佢食呢間！一入去已經充滿美國氣氛，個陣味令我回想起係美國旅行既心情！哈哈哈哈咁我哋一個雙層芝士煙肉漢堡同熱狗！正正！其實個奶昔好出名，但我唔飲得奶都係嗌咗可樂薯條有分大，中，細 我哋都係要中size嗌完就一定要裝啲花生返埋位食！因為有排等同埋我去嘅時間唔係Dinner time都有好多位！但食物都要等一陣唔緊要！重點係有嘢食！大大啖，好正啊！味道雖然冇之前食既咁好味但都比我懷緬一下過去，啲薯條好正啊，都係外國個仲原汁原味大家想食漢堡都可以去下㗎！

九龍人有福了！Five Guys終於開分店🤣下午4時左右前往 不需要排隊啊✌🏻飲品和花生全部任添任食😽🍔Little Bacon Cheeseburger HKD$65🍔 Cheeseburger HKD$85有15款免費配料、醬汁可供選擇選擇多到all the way就好了😁漢堡麵包比較濕潤漢堡扒超級juicy 肉汁一邊食一邊流下來🤤煙肉煎得香又焦脆 能輕易地咬開🥓Little和正常的分別就是少一塊肉個人認為2個女仔 一個little包都非常足夠🤰🏻🍟 Fried （regular, spicy ）HKD$50薯條非常出色👍🏻份量超多 我們都飽到吃不完😟表面已經沾染了一層辣粉雖然很粗 但炸得金黃香脆 超級美味😻店舖有介紹當天薯仔的產地 是來至意大利薯條人手切成 用花生油炸兩次 油脂通通都逼出來了 😎🥤Five guys milkshake HKD$55 (Oreo, peanut butter, salted caramel)10種口味任君選擇 店員建議選擇2至3種口味mix together🤞🏼Oreo打得較碎 用料多 滿口都是oreo碎花生醬味突出 海鹽焦糖味到最後幾口才喝得出來

Five Guys burger 之前聽得多，但就從未試過。就知道在美國是相當有名聲的，但不太了解出名在哪個點上。因朋友約在此地店聚頭，也正好乘機一試。價錢確實唔平，哩個價其實響香港都有唔錯既選擇。此餐點了Cheeseburger, grilled onion, lettuce and tomatoes 做配料，小薯條加可樂，但所得的質素真的沒有什麼驚喜，甚至挺頹的。本沒有帶任何期望，就是一試而已。試過了，應該沒有下次😂。

好好好好味啊！！！！！！我以前住外國都會間唔中去食吓Five Guys! 今次喺K11 Musea新開，咁就一定要去朝聖啦！人龍超長，但係無損我想食嘅意慾！🤤🤤🤤我買咗兩個煙肉芝士漢堡+兩包薯條+兩杯奶昔！Oh my god！依家諗起都正！佢有好多toppings可以免費幫你加！佢啲肉係薄㗎！但係會有幾層，所以肉唔會老或乾！芝士夾住真係無得頂！完全無孤寒！俾好多肉！薯條係淋嗰隻，我超like！奶昔我覺得strawberry係正過朱古力嘅！朱古力比較「漏」，我friend朱古力迷都飲唔晒！

Five guys～奧巴馬推薦之下 無人不曉 但我真的冇留意 有人反問「你識shake shack唔識Five Guys？有冇搞錯呀佢好Hit㗎！！」講到咁....梗係要試下我要cheese burger 15種免費配料任揀即叫即整 口感豐富 juice 滿足 細size薯條 份量多到兩個人都食唔曬薯條係原個薯仔切開連皮炸 有粒粒海鹽 夠味 惹味 又厚肉 正汽水一個價錢無限添飲店內有花生任食價錢與shake shack 相差無幾 但食物份量足足多一倍 俾我揀 性價比高梗係Five Guys味道方面 都覺得係Five Guys取勝

係香港要食漢堡包，都有分好多個唔同嘅級數，就算係快餐店食既，都有高低之分。Five guys 嘅漢堡包係屬於快餐店入面比較出色嘅漢堡包。見佢用錫自己包裝，都覺得保溫會保得好啲。入面塊漢堡雖然唔係手打漢堡咁juice，但以快餐店的質素嚟講都已經錯。

今日放假就去咗k11 musea到睇戲，見睇戲前仲有啲時間就諗住搵啲野食下。落到下一層見到five guys就有股衝動試下，因為之前經過灣仔店都無試過，今次咁就腳就決定試下。今次見到個menu就決定左試下個fries ，baconburger同叫左杯milkshake，milkshake就揀左salted caramel with whipped cream。首先個baconburger都好大個，肉有兩層厚，而入面既材料其實會有得俾客人自己揀，我就揀左生菜，蕃茄，茄汁，蘑菇。味道方面都不錯，係個burger體積太大，咬落去會有啲吃力。而fries就揀左five guys style，口感偏淋，唔係好脆身嗰隻，個人都幾喜歡。另一隻cajun style，店員話係辣嘅，下次可以試下。milkshake口感唔錯但有少少偏甜，個人覺得味道淡返啲會好啲。

第一次食Five Guys ，所有食物都係即叫即整，而且可以睇到成個製作過程。漢堡包份量十足，不過牛肉味唔香濃，要落鹽吊味，配料好多選擇，包括：蛋黃醬丶生菜丶蕃茄丶酸瓜丶洋蔥丶蘑菇丶茄汁丶燒烤醬丶芥茉醬⋯⋯不過奶昔 太甜，奶昔配料都好多，包括：花生醬丶朱古力丶麥芽牛奶丶雲呢拿丶香蕉丶士多啤梨丶Oreo曲奇塊。薯條 好好食，用純正花生油即叫即做。新鮮滾熱辣。不過整體價錢比較貴。排隊比較耐。

其實之前我已經食過灣仔嗰間，嗰陣時已經覺得好普通，但係見K11 Musea開咗，好多人排隊咁喎，咁咪又中伏多次囉。唔知係咪我揀咗BBQ醬，佢都幾多醬嘅，唔至於我要乾爭爭咁樣食個包，但係佢嘅醬汁唔係太惹味，牛肉都冇乜牛肉味，我真係諗極都諗唔明點解佢可以賣個包賣到咁貴，你值咩？Milkshake 係邪惡到不得了，講真係好好好好飲，自製口味，我加哂啲最肥既野落去，peanut butter, Oreo, Cream，所以唔會唔好飲嘅，飲完之後係有啲罪惡感咁啫。薯條先至不知所謂，佢喺個牆度大大隻字寫住話自己係意大利買咩薯仔過嚟，咁我幻想好有薯味啦，喂～淋嘅，我覺得似隔夜囉，唔脆好似擺咗好耐咁都算，大佬你使唔使整咁多調味粉落去，咁薯仔質素幾高都冇用啦，我見有好多薯皮好似好好食咁，我想食shake shake 粉就去 m 記啦，上次去灣仔我間我嗌咗完全走鹽走調味料，上次我記得個薯條係幾好食，今次個包又唔得薯條又唔得，真係最後一次！總括嚟講，不知所謂！！

放假無咩做又去K11行下街，見到之前仲裝修緊嘅Five Guys終於開幕啦，鍾情快餐嘅我當然忍唔住想試吓呢間人氣快餐店啦。餐廳都算幾大間，座位都超級多。但愈接近繁忙時段，就愈難搵位，條人龍分分鐘排到出門口添。諗好食咩之後，等食嘅我就食住花生打發下時間先。雖然花生係免費拎，不過都想講講佢嘅味道。花生食落偏鹹，食咗一粒已經好想飲水，所以我都唔係食咗好多就放棄咗。-Little Cheeseburger漢堡包嘅材料都幾豐富，有大量生菜、厚切蕃茄、蘑菇、醃黃瓜等配料。由於配料都幾滿，一路食啲配料都好易跌落嚟。欣賞牛肉質感都頗厚身同軟腍，牛肉味濃厚。蘑菇亦有得出牛肉味道嘅作用，係一個驚喜。-Large Five Guys Style Fries由於唔太清楚餐廳薯條嘅份量，唔小心買咗大份嘅薯條，份量真係超級超級多，連兩個成年人都食唔晒。最後為咗唔好浪費食物，我打包返屋企做第二日嘅午餐。薯條炸得偏燶，顏色亦偏暗啡，食落不斷滲出陣陣苦澀味。除咗呢款薯條，好似仲有另一款落咗辣椒調味粉嘅薯條，可能嗰款會相對好食啲，有啲後悔揀咗原味。-Vanilla Oreo Cookie Pieces  Milkshak

見K11 musea 星期日六點幾five guys都無乜人，即入！Burger叫左cheese burger，有兩塊patties，好大份量！後來先發現mini burger原來唔係細啲，只係patties由兩塊變一塊，女仔食啱曬！講番個味道先，牛肉patties好juicy! Toppings亦有好多選擇，我地揀左all the way, 即係有蕃茄，生菜，酸瓜，mushroom，ketchup，mustard，用料新鮮！包有先煎過，邊有少少脆，要讚！薯條有five guys / cajun辣味，因為炸左兩次，外脆內鬆軟，食到停唔到口！Milkshake好好飲，由雪糕打成，this is what milkshake should be! 好難唔飲曬佢！等order個時仲可以食住花生等！