Express 冰室 Catering (已結業)

今日路過紅磡，見到這間冰室 ，本來只是想飲杯凍飲 ，但入內看到他有炸雞脾和芝士肉醬薯條，忍不住order了。芝士肉醬薯條 - 本來不喜歡幼身薯條，但見他炸到卜卜脆，忍不住一條一條地吃了很多，但蓋頂的芝士肉醬，實在太鹹了， 只吃了少少。炸雞髀是新鮮炸的，熱辣辣，脆卜卜， 但是很多油仍然封在雞肉內， 要不斷將油倒出來，才可繼續食。 而且很奇怪，店家將炸雞髀放在一張紙上給我，沒有碟，是打算要我用手拿著吃嗎？但是又太熱了，怎麼辦？百香果茶， 不太甜很清涼。埋單52個大洋，以下午茶來說，是貴了點。

從外觀上看這店屬於快餐店, 由於這晚來到已經是差不多10點, 員工只有收銀一個及廚師一個, 但留意下營業時間原來做到深宵兩點, 中文店名用上潮流名字 - "冰室", 而賣的品種可能因為店主唔想就咁叫什麼 肉丁烟肉湯意,刻意地命名為"無名湯意", 取價$40, 另一個食物叫咗"窩蛋烟肉蔥咖哩湯米粉$38 加一件煎豬扒$12(豬扒醃味不多能保留原來這件豬扒嘅味道, 就咁煎至有色, 保持最簡單直接嘅煮食方式, 唔知道這是純粹以快行先嘅諗法定抑或是廚師經過無數次反覆試驗後得出嘅結果? 但效果係幾好的, )兩個麵食都有PRE-COOKED BACON BITS, 呢個點子其實唔錯, 惜放耐咗少少變得有點乾硬, 或者選購一些脂肪多一點的烟肉食落口感豐富D,湯意同咖哩湯米嘅湯底做到剛剛好突出個性,窩蛋當然係一隻即打嘅生蛋不過實在細得緊要, 建議老闆用蛋唔好慳皮,因為好影響整個麵的OUTLOOK.就咁打隻蛋上面的確好簡單但如果廚師能花多一點心思在一只蛋上面,那就不只是一只蛋咁簡單了, 盡管是這麼一夥雞蛋在乎於一個意念! 當然講就容易嘅! 實行還須時間及無限的耐性, 其實見餐牌上還有相當多其他晚餐菜式,

要講屋企附近又抵又好食又快既一定係紅磡民泰街既冰室依度最好食除左咖哩牛俐同冰室撈麵就係依款勁罪惡感既吉列午餐肉芝士撈麵😋吉列午餐肉外脆內軟，食落唔油膩好香口芝士有拉絲，連埋麵一齊食真係好正!!依度如果叫外賣餐都係廿幾三十蚊有飯有意粉揀，又抵又好食😋

唔知為乜總之要快食，其實都無咩心機，可能係因為天氣太熱... 入左黎呢間，點知原來壞左部冷氣，okok, 至少唔洗等位。坐低睇下menu，之後去返cashier買，要左A餐。好似未夠5分鐘，就已經有得食。五十多兩蚊，賣相真係幾頹，仲係即用即棄碟... 配菜一睇都知係冰鮮。個蘑菇汁似k雞薯蓉果種黑椒味精汁，而且幾油，好彩雞扒煎得又香又嫩滑。意粉亦唔係港式茶餐咁腍pat pat, 係有質感既。成餐不消三十分鐘完成。只能夠話睇你想要咩。以極快速度黎講，係達標而且算好味。只想追求味道既話，就唔推介了。

My wife and I woke up late on Sun afternoon.We wanted to have some HKG style cafe food.This is one of my favorite HKG style cafe at Whampoa. We got there around 15:00, and there weren’t too many people. We got seats right away. We ordered 2 sets with a hot drinks with each meal. Overall, I’ll rate this restaurant 4/5! Black Pepper Sauce with Chicken on Spaghetti:- Rate 4/5, irresistible sauce and Chicken Personally think the spaghetti texture wasn’t as good though. BBQ Pork (Un-chop) with Fr

吉列豬，吉列魚，吉列牛都食過。吉列午餐肉都係第一次食! 朋友推介我黎試下佢既港式炸物，我覺得好好食! 佢地果吉列午餐肉面係有埋蛋同芝士，口感夠重，同平時既餐蛋面又有d分別喎~再黎個南乳炸雞翼，比想像中冇咁咸，好新奇! 食果時岩岩炸起，好新鮮呀～ 炸雞肶我覺得元朗三x好食D，邪惡地滿足~😘我覺得佢地service幾好吖。因為本身我同個朋友係坐2人枱。跟住有個客一個人黎食，個staff就調左我地坐張大d既枱。呢間我recommend for佢地既特色!

本身鐘情午餐肉，所以一直被佢既吉烈午餐肉吸引住今日嚟開紅磡，一定要過嚟食位置都幾偏僻，而且店面好細，好容易走漏眼富士山芝士撈公仔麵($50)嚟到當然要試佢個吉烈午餐肉個麵除左有塊片裝芝士之外，仲有啲類型蘑菇汁既汁，令個麵無咁乾整體味道濃郁，芝士同個汁味道都幾夾，好味另外個吉烈午餐肉都好厚，炸得好脆，係另一種風味除左依個餐，仲嗌左個炸脾($28)，可以用$25加個公仔麵牛魔王沙嗲湯公仔麵($25)原本以為跟餐額外加既份量會好細，但原來都有成個麵咁大兜牛肉同牛俐都唔少沙嗲湯既味道濃郁，絕對唔馬虎回味雞脾($28)其他嘢都食到差唔多，隻雞脾終於都炸好熱辣辣，炸得好脆口咬落都仲幾多肉汁，但略嫌無乜味道三樣嘢食嚟講，雞脾既味道就最遜色，可以唔試，留番嚟食其他嘢冰室富士山(+$10)跟餐可以用$10轉特飲好邪惡既一杯飲品入面仲有花生醬，而且仲會有花生，口感豐富依杯嘢飲絕對啱晒啲鐘意甜嘢既人兩個人最後都只係$113整體嚟講，嘢食特別得嚟又好食，而且價錢相宜，絕對可以再嚟食

宵夜menu係您地餐廳寫/提供架麻，假設您地舖頭臨收工乜都無唔緊要，棟個牌係門口”close”咯咁我自己硬撞入黎係我自己衰，1:30am到啫，但係您地無棟牌話收工咁我suppose您地舖頭齊料開舖架麻。。況且「宵夜menu」係您地自己listed既，叫乜無乜，唔緊要，配合您地無既材料唔要喇，eg xxx凍通粉，「無呀」，「無整凍咁淨比個熱通粉我乜餸都唔要得麻？」「無呀！」「咁义燒流心蛋飯。。」「無义燒呀！」，「唔緊要咁走义燒淨要蛋加塊餐肉得麻？」，「無呢樣呀！」，「咁淨要隻荷包蛋飯得喇啩！？」，「您做乜係要改人地menu啫!!!? 」，我真係O晒咀，店員今時今日呢個服務能度真係😡，我已經好好語氣配合您地無乜唔要乜，最搞笑係最尾我要個餐蛋麵就有，🤦🏼‍♀️咁即係點呢！？麵就有飯就無!? 如果真係咁不如day1您好聲好氣同我講無晒飯都得架啫(雖然我唔知係唔係🤔)學咩人做冰室呀，唔好講話茶餐廳添喇，menu又係您地自己寫既！無就更新或者好聲好氣同客”灑冧”咯！大家配合彈性架啫。。我絕對好少寫食評仲要寫劣評，今晚真係忍到一個極點，食完都背脊骨落受晒氣，唔怪得您地開左咁耐都無意慾入去食，原來直覺真

本身被吉烈午餐肉吸引黎呢到，但最後試左牛魔王餐$55，一個沙嗲牛肉牛脷公仔麵，加沙茶雞脾，同一杯野飲，都幾抵食。牛肉牛脷都好嫩，但牛脷份量少左d同可以厚切少少，沙茶雞脾超級好味，好入味，雞又唔un,但最令我impressive係個公仔麵，沙嗲湯好濃而佢個公仔麵煮得好好食，唔會好厭同好淋，QQ的。而家好多茶記真係連一個簡簡單單公仔麵都煮得唔好。所以我連續兩星期都食，最主要係個麵！順帶一提佢外賣袋同杯都好高質!

室內環境好像不錯，裝修光鮮，簡約，桌子不算太多，完全沒有了以往倫記車仔麵的那一種平民車仔麵餐廳的感覺。宵夜時段，其實不太想吃東西，但是還是坐下來吃了個西多士，喝杯東西。西多士，煉奶花生醬都不少，西多士厚厚的花生醬一層，看來還不錯。西多士旁邊的煉奶也非常多，以致滿口西多士其實也挺甜。我的那杯雪山，就像是上面很多阿華田粉，然之後底下又有花生醬，真的想像不到，原來飲料可以加花生醬。但是喝完之後又沒有肚痛，只是這杯飲料的確非常之甜。雖然餐廳的外在美，以及內裏的擺設好像非常精美，但是餐廳竟是用紙碟、膠杯，一來不環保，二來盛載在一食物好像不太好。開得餐廳，竟使用膠杯子紙碟，一來可能比較便宜；二來又不用聘請清潔工人，但實不環保。

大家估唔估到呢個烏冬係落左咩汁？其實係腐乳汁，哈哈。生菜火腿椒絲腐乳醬撈烏冬＋燒雞扒拼香烤蒜蓉包，聽落好似好怪，但其實腐乳同烏冬又幾夾，生菜絲同腐乳又係絕配，加埋煎香左嘅雞扒、茶廳廳必食嘅多士同凍奶茶，好滿足，食完會有D漏，但堅係好食唔係伏黎。同場加影餐蛋治，特別少少既係餐肉係炸過，幾香口，唔錯。呢間餐廳似快餐店又似茶餐廳，叫野食要比錢先，跟住揾位坐，整好會有人送黎比你食，餐具係用即棄，就類似euro go go 咁。

睇完夜場已經十二點幾,開始有啲肚餓,拿拿林去搵嘢食.黃埔區深夜營業嘅食肆唔多,大部分都係店外開枱嘅燒烤/串燒/車仔麵,今晚想嘆住冷氣食宵夜,就搵咗依度.明明餐牌寫住兩點鐘收,入去果陣佢話收01:30,不過好彩我地01:10入到去都冇趕客.極速點咗個肉丁湯意同埋沙爹牛通餐.意粉同通粉都腍咗少少,肉丁通常都係鞋架喇,最主要都係要佢嘅味道,依樣就冇得衰啦,罐頭野,standard尼架啫.沙嗲牛做得唔錯喎,沙爹汁味濃但又唔會死鹹,仲要啲汁唔會係咁椅畀少少就算.呢間餐廳對多士嘅定義有少少特別,其中一個餐嘅"多士"係牛油烘麵包,牛油份量非常充足,另一個餐嘅"晴朗多士"就係蜜糖腿蛋烘麵包,真係喜出望外!我鐘意佢對晴朗既演繹.不過夜媽媽食到咁肥膩,好邪惡.

下午茶搵咗依間餐廳食。叫咗個西多士。好耐無食過西多士喇。正常西多士咁好味。好懷念。雖然佢係用練奶唔係糖漿。但都不錯配咗豆腐花紅豆冰。幾特別。唔係太甜。另外叫咗個秘制檸檬醬厚多士。叫完都覺得自己好勇敢。果然中伏。不是一般檸檬味。係洗潔精嗰種味。雖然我並未嚐過洗潔精。但佢個醬堅係怪怪哋配咗個粟米片好立克阿華田花生醬飲品。依杯嘢真係聽見都覺得強勢。第二度都少見。以為我講佢壞話?!咁你就錯喇。杯嘢好好飲。立克同華田本身都好飲。加咗粟米片無礙佢嘅味道。仲多種口感。但原來加埋花生醬都可以好夾。佢只係淡淡花生醬味。熱辣辣溫luplup好滿足嘅味道。但成過食tea過程我同周圍坐避開佢烈風程度冷氣。所以飲熱嘢加分食物怪至正常級別。飲品特別得嚟唔會難飲。

牛爸牛媽偶爾經過 見到下午茶餐牌有炸雞脾食就膽粗粗去試下 入去坐低等左幾分鐘上菜喇 雞脾係生炸即叫即整皮脆肉嫩 大大件 好好味平時我怕肥一定去皮 今次忍唔住食左一半真係好好味跟餐叫左杯麥提莎橙朱古力（熱）意想不到咁夾 朱古力味好濃夾住陣陣橙香 好醒神 牛爸叫左芝士豬扒包 配紅豆冰佢好欣賞紅豆冰多豆唔太甜 有椰香味兩個餐都係$66 食到飽 好滿足

剛剛12點食咗個炸雞髀配鮮牛肉沙嗲米粉，飲凍奶茶。炸雞髀炸得有d乾，咬落去有d硬，雞皮夠鬆脆但d肉無乜味。個米粉d牛肉太大鹼水味，雖然幾滑同嫩口，但鹼水味完全dominate曬牛肉嘅鮮味，所以牛肉係一個敗北。至於米粉，比較幼身同煮得比較淋，因為當時好肚餓，所以淋d唔使點咬我都接受到。個沙嗲湯我個人認為可以濃味少少，畢竟d牛肉同個汁係分開嘅。個奶茶幾香奶味同夠大杯，以茶餐廳水平係ok,但以冰室水平就唔多夠茶香。希望依間冰室繼續努力，不斷改進。