Express 冰室 Catering (已結業)

剛剛12點食咗個炸雞髀配鮮牛肉沙嗲米粉，飲凍奶茶。炸雞髀炸得有d乾，咬落去有d硬，雞皮夠鬆脆但d肉無乜味。個米粉d牛肉太大鹼水味，雖然幾滑同嫩口，但鹼水味完全dominate曬牛肉嘅鮮味，所以牛肉係一個敗北。至於米粉，比較幼身同煮得比較淋，因為當時好肚餓，所以淋d唔使點咬我都接受到。個沙嗲湯我個人認為可以濃味少少，畢竟d牛肉同個汁係分開嘅。個奶茶幾香奶味同夠大杯，以茶餐廳水平係ok,但以冰室水平就唔多夠茶香。希望依間冰室繼續努力，不斷改進。