EXP

營業中

休息中

係amc 睇完戲,去左呢度搵食,都有成廿人排緊隊,不過我地等左十分鐘到就有位,我地兩個人,叫左紅咖哩蝦意大利飯$52,尋找咖哩雞$59,串燒$28,三文魚沙律$25(原來即係魚生一碟),一件cheese cake $20.個飯幾好食,個pizza都唔錯,不過太飽食剩三舊,串燒幾稔,其餘兩樣都唔錯,坐得幾舒服,服務又唔錯!

一點前叫main course 落單有免費果汁，真係幾抵食。意粉、pizza都食過好多款，每次水準都好穩定。不過呢仍然係有一兩個waitress比較cool，俾人感覺唔太好。同埋有任何大學學生證食飯有八五折，不過如果送果汁就冇八五折。

EXP o的意粉一D都唔正宗,又腍又冇味,D飯又太硬,唔知點解有人話好食,成日有位又扮爆耍人排隊等位, 勁唔掂！

叫了一個pizza，一個波菜麵同埋咖哩海鮮飯。冇飲野，埋單百幾蚊。食物都幾好，份量、味道、賣相等都唔錯，係又一城最好既食店之一。

除了大蝦牛油果Pizza 外,其他Pasta其實都好普通,但並不便宜.另外揀位最正都你溜冰場的旁邊位,有時都有D表演!

我覺得個大蝦牛油果Pizza 至好食,牛油果都算多,蝦夠大隻好味.另外,個三色Moouse都好食,不過分量少得可憐,20多元只得三小杯(每隻杯一隻味道),幾啖食完,都幾唔抵.其他食物,waiter服務水準普通.不過我上次去食都好快有位,有溜冰場景都算OK啦!

個度d "tea time" 有好多chioce又好味...坐得好舒服,又有溜冰睇,勁clean,服務態度唔錯,好有禮貌!!!!!!!!

裝飾後環境明顯改善,食物及服務皆保持水準.唔經唔覺EXP d野應該都試晒咁濟(起馬有95%啦!),最想讚ge其中一樣係佢ge小食......唔記得叫咩名,總之係有d類似蒜ge野ge牛仔粒,好味!最緊要都係個值$!死啦又唔記得記多$tim,不過係about $30.好多飲意粉面都唔錯,如波菜面,鴨胸飯,意式ge飯(sorry又唔記得叫咩名,總之唔係魚果個)......反而覺得有湯ge面都比較平庸.PIZZA不算竹分正,但都OK......EXP批唔係好夠料.由於有唔少唔錯ge野,所以我下次食完會補充番d資料.下次補充時我亦會提供一止推介食品.D野食黎得好快呀,爽!

整體來說"食得過" !

之前睇網友對exp既食評都ok,咁就去試下喇,我地一行5人,叫左西蘭花闊條麵,紅咖哩大蝦意大利飯,where"s my chicken pizza,煙鴨胸炒飯同埋每人叫左杯野飲,stawberry c ok,有人叫左"涼涼的",隻味好奇怪,不過唔算難飲。結帳都係$350,價錢合理。不過,waiter/ress 服務態度參差,有的很有禮,有的態度惡劣。anyway,應該會考慮重臨。

食物好味，款式多，環境唔錯!

EXP是又一城最好的選擇.1. 坐位舒適:兩人入座時亦可安排座在四人甚至六人坐位,而我則喜歡坐在靠近溜冰場的高位.氣氛較好.2. 食物好食:食品水準較高,我特別喜歡的有炒聖子及椒鹽田雞腿.正!3. 價錢合理:EXP在又一城內除快餐店之外價錢最合理的.4. 位置就腳: 鄰近就是戲院,看戲前最好選擇.特此推介!Push!

裝修完的EXP真係幾好. 不過今次想講一講紅咖喱蝦意大利飯. 一個大碟, 一邊開上咖哩蝦, 一邊放煮好意大利飯, 好一般食西餐跟飯的擺法.但可能食開的意大利飯都是用燴的方式煮, 總覺得飯應該濕濕地,黏黏地, 少少硬硬地先好味, 而EXP呢個感覺好似普通飯咁煮, 得乾乾地同硬硬地, 唔用咖哩汁撈混D會唔好食. 雖然每種材料都唔應該只得一個煮法, 但我覺得呢次個飯用得唔好, 浪費左.順帶一提, 炸蝦卷(2條)味道一般, 海鮮米紙卷( 5小件)幾清新, 另外, 士多啤梨蘋果橙汁好飲!

睇左咁多間餐廳, 應該係EXP食評最好, 於是今晚走去試下由於食評勁好, 所以覺得應該有返咁上下水準但最後得出0既結果不太理想有幾款野食幾好:1. 菠菜海鮮麵2. 紅咖喱蝦意大利飯3. 海鮮+檬粉米紙卷但係有幾款就真係唔係好得:1. EXP pizza (我個friend話麵包舖0既pizza好食d)2. 海中游pizza (好過exp pizza, 不過都係好差)3. 軟殼蟹米紙卷(唔記得, 好似係咁0既名)(附帶一提, 可能我對pizza 0既要求較高, 所以我以後都唔會再叫0個度0既pizza食)另外軟骨雞同埋白酒蜆意粉就一般味道其實都算, 因為我地都唔係咩食家, 之但係份量實在係少得可憐, 我地5個人叫8碟野, 都似乎唔多飽...所以我奉勸大家, 如果係全男班0既話, 最好唔好去0個度食, 因為好似食極都唔夠咁...至於選擇, 其實亦唔多, 可能因為本人慣去快餐店或酒樓, 又或者因為本人對該menu的食物不太感興趣...我好難先選擇倒要食d 咩野...見倒班friend唔係咁高興個樣...都幾懢忦...不過話差又唔可以話差, 起碼都有幾樣野係好食0既...而且服務亦唔錯, 以時

跟瘦女同學聚餐，又一城一帶食肆要好坐、食品款類夠多、夠創意味道好、價錢中等，哩豎屬最佳選擇，裝修後首次光顧。菠菜海鮮意粉：同上，真的很多海鮮，絕無欺場，帶子、青口、魷魚、大碌蝦，仲有幾棵菠菜添，加埋菠菜汁，真係幾滿意，最好野加多少少崧子仁點綴下，增分不少，唯獨略嫌唔夠熱，汁太杰有點「糊」ｏ既感覺；尋找咖哩雞（比薩）：打開menu比薩一欄見到，就即管搵下「where's the curry chicken」先。厚底放上咖哩雞餡料，上再有一層薄面．．．脆脆的，好好味，口感好好，好鬼飽肚。嫌比薩底比較油，成手油呀，但真係唔錯，最好三至四人享用。服務態度，明顯地「歡容」多左，加上咁多「青春面孔」，實屬醫肚飽眼ｏ既好地方。順帶一提，「燴‘火農’」有九折、港大學生證八五折～是晚兩條友非常飽，講真比薩「功勞」不少。