EXP

營業中

休息中

今晚睇戲前走左黎呢度食飯....食左:1. 軟殼蟹卷---食落口先知原來係冷盤(?)...D軟殼蟹唔係即炸....失望.....中間唔知係咪包左D薑片....我好唔鐘意浸味囉....2. 蜜汁芝麻骨---好似甜左少少....如果再燒得nong D會惹味D.....3. 菠菜海鮮意粉---好多材料....魚呀..蝦呀..青口呀..魷魚呀..磨菇呀咁...仲有兩三條菠菜...個汁係加左菠菜汁既忌廉汁....幾好味呀...意粉仲用左我最鐘意既linguine添呀....其實呢間都算幾多野食....坐得又舒服...service 又唔差....價錢又唔係貴....都應該會再黎既....

1/9,返U喇~返到1點,lunch 搭車落又一食~食左個紅咖哩蝦意大利飯~有茄子既~d紅咖哩好好食~少少辣,岩我呢d唔食得太辣既人~*又叫左個大蝦pizza,我好鍾意食~有牛油果呀,又有蟹子,d茄醬底同千島醬mix埋好好食~不過呢...service 勁差,溜冰場係嘈架啦,個女仔就咪鬼講得咁細聲啦,叫佢講大聲少少佢就嘆晒氣咁,咩意思先?仲要化smokie eyes妝,真係唔鍾意佢呀!鬼唔望佢快d比人炒~

早幾日去開又一城買野,見肚餓就去左EXP食d野.裝修過,光猛左好多.但係就好似將吸煙區搬出左,咁樣好似唔係咁好囉.一個人食左個tea set,要左個喇沙雞絲河粉.個湯底都幾好味,幾香椰汁味.但真係唔好expect會好正宗.雞絲得好少咋.個碗就大啦!飲左杯蜜桃茶,ok.個茶入面有d蜜桃肉.埋單四十幾蚊.

昨日去哩度食lunch, 懶健康叫左三文魚沙律,以為好似一般西餐廳咁好多生菜,椰菜, 火箭菜等等,原來唔係bo~個feel好似日式, 有4大件三文魚, 好厚ga,伴住既有芽菜同生菜,最驚喜既係個醬汁, 係用wasabi做的, 比較"希"身, 辣度唔好睇少, 同原裝wasabi一樣咁勁,哩個咁正既salad只係$38~

海鮮紙米卷$38 - 哩個好野味, 係紙米卷包住檬炒, 上面就有唔同既海鮮, 分別有帶子, 蟹, 三文魚同魷魚, 個樣有d似tapas, 好食不過唔多抵食海鮮薄餅$38 - 係薄批黎的, 料就麻麻, 又少, 好淡口~

EXP 裝修完了!Style 沒有什麼大改變, 但新出的Twins Pizza (尋找咖哩pizza) 好好味, must try when you are there!

已經裝修完畢，重新營業，店名簡短了，只稱EXP。另：新一輯美心集團的《食》issue02已在各旗下食肆派發。

前幾日經過，裝修中，要7月尾才開。我覺得它是又一城中好吃而又比較經濟的一間。d果汁好好飲，我最喜歡吃它的pizza和下午茶餐，d下午茶餐會不時轉款。希望重開後價錢不會上漲啦﹗

我成日去EXP食LUNCH & TEA都幾抵食，雖然Menu款色唔太多，但款款整出來都有品質保證，都係好味吃得過！但地方太嘈而有倚背的Sofa太少實坐唔耐！Overall係又一城最抵食，最好味又價錢合理的restaurant!! 可試！

我係九龍塘讀書,多數都係食lunch時去exp,因為有果汁送,佢d juice大大杯,又足料,好飲過街邊or超級市場貨!我想話exp o既紅咖哩海鮮飯係必食之作,真係好好食,如果你唔鐘意食飯,其實好多menu內o既野都可以轉做pasta架!個人認為紅咖哩跟飯好味d!!記住BU同CITY學生係EXP係有8折架!

環境不錯,對住溜冰場,仲有音樂....食物選擇不多,飲品較好..價錢偏貴...不過食物幾特別..此商場內這兒都算不錯...

個蝦果西柚喬麥冷麵真係頗酸.但好新鮮,鱸魚炒飯都不錯,魚好鮮味,熱辣辣,2樣都好大碟,仲有個三色布甸都好好味~會再去!!

去又一城睇戲﹐諗住開場前食左dinner先，但諗到頭都爆都冇心水，諗諗下之前黎呢度食過都ok，咁就揀左呢度。7點幾,要排隊等位，不過好快就有位。由於間餐廳位於冰場隔離，所以都幾凍。唔記得我之前有冇講過呢，呢度d位冇"pan"所以冇得"i"﹐不過坐下面梳化位都ok0既,反正食完就走又唔會慢慢磨，不過如果下次有機會再黎，我想試下坐響正冰場隔離0既高位。叫左一個香草燒汁雞飯(唔記得exactly個名)，一杯勁薑果汁(薑汁、apple juice、甘筍汁、橙汁)同一杯iced cappuccino。個飯我係咁倚new兩啖食,都ok啦,個汁唔錯，今次又覺得ok大碟喎。果汁太薑，辣左少少﹔cappuccino唔錯，夠滑又香咖啡味，最鐘意上面舊cream，不多甜左少少，但我鐘意。waiter做野好爽手好快，efficiency好高，個個好似打仗咁。應該會再黎。

我上年成日去exp/2, 覺得環境唔錯, d野平又好食. 但今年只去過一次, 結果失望而回. 佢地d野真係差左好多, 明明係同一個木村pizza, 唔知點解而家d味會唔同哂, 淡哂....真係好淡, 果個喇沙粉好似無味咁. d server又差左好多, d waiter唔係話無禮貌, 但做野真係好懶懶閒, 叫左成3次, 要佢拎d芝士粉都等成個字......唔怪得而家少左客

間野既服務態度勁差，砌生日蛋糕要收$50 切餅費收碗既姐姐仔態度好差，好似想掟我地咁。recieption態度好差，竟然命令customer比錢受氣。