EXP

營業中

休息中

extremely poor

相約姊妹o黎又一城傾偈；老實講，唔想太貴而又要座得耐o既，呢個場除foodcourt之外就係呢度。幾姊妹七點幾o黎到，門口已經有十幾人排隊等緊位；好在，等o左大約十零分鐘就有得座。環境其實都幾嘈；對正冰場之餘，D位都幾密麻麻，隔籬檯講緊乜都聽得一清二楚。食物方面，叫o左一個mushroom pasta，木村pizza(究竟同木村有乜關係？？)，豆腐，果汁同蔬菜汁。Pasta真係唔得，上檯果陣完全唔熱，味道又普通。Pizza係厚批果隻，冇乜料，又唔香；唯一可取o既係豆腐，味道辣辣地，都幾香。飲品選擇都唔少，而且味道比較健康，以蔬菜同生果為主，連紅蔥頭汁都有得飲(雖然小妹覺得味道麻麻~)，都幾特別。<埋單用Citibank信用咭有85折，每人都係$60度，呢個價錢嚮又一城算好經濟lor~~

呢間餐廳最好就係上菜上得好快，d野都ok好食。不過食多幾次之後就開始覺得個選擇太少，開始有少少悶。價錢ok，不過個份量太少。同埋有d侍應既服務態度唔係幾好，好似冇乜笑容冇乜禮貌咁� 。

佢o既pizza唔好食, 唔夠味!反而好耐以前食過o既芒果大蝦冷面就好好味, 不過好似唔多要烹調技巧播!仲有中環eating plus同佢個menu有九成似, 但係呢度平好多, 所以要食就黎呢間食!

我食左2次,每次都係同朋友一人叫一碟面or飯,我覺得好大碟喎....我記得我上一次叫左個菠菜面,食左一半左右已經要舉白棋law~就因為咁大碟,我覺得都好平下喎,4十幾蚊一客面,可以2個人share~不過?野飲既選擇就真係好少啦~~~得果幾款,仲要全部都唔係好吸引....=.=仲有?d面黎到既時候都只係暖暖地,有d遜色~勝在係冰場隔離law~

開頭諗住間餐廳o係正冰場隔離,實貴啦,點知又唔係喎!我地8個人,嗌左兩個飯,兩個麵,加幾個小食,每人都係夾四十零蚊。食物o既賣相幾靚,我最鐘意佢個蕎麥冷麵,好夠味,而且d麵夠爽口,加上配左d生果,有我最愛o既芒果,仲有少量涼伴雜菜添!另外我地嗌左其中一款pizza,都幾唔錯呀,又唔係好肥膩。整體黎講,間餐廳算係幾ok。不過d野食就細碟左d,男仔可能覺得唔夠食。

好驚訝呢間餐廳咁多好評，因為我覺得真係好難食。蟹肉pizza 完全無味，個玻璃粉（對唔住，唔記得咩名）好難食，味道古怪。唔會再去。

我同fd食過一次, 雖然份量唔係好大, 但食物都好味, 尤其是係個菠菜麵~~~

炸雞幾好味，下午茶的豬頸內卷都唔錯，但係個咖喱蝦飯就一般，d飯凍冰冰咁。以又一城的食肆來說算平！

味道真係唔錯，份量就。。。。。

呢一版人氣好似好好咁，但論食物質素同份量等只屬一般。

Food taste okay, service is BAD (REALLY BAD - the waiter is "black face" to us all along >.< 3 of us went there, ordered "Chicken soft bone", "Chinese style stir fry noodles", "Shrimp + Mango soba", "pizza w/ Crab meat", "ribs w/ herbs" and "black bean stir fry <shing chee>"... Food taste okay, but it'll be MUCH BETTER if all 3 of us don't have diarrhea today (and one of us vomit as well!) X6666 we expect it's the <shing chee> that have problem... sigh

呢間D野都OK大碟啦....個碟﹐一般砰語話好大個份量,但我又唔多覺,可能我地大食掛...個海鮮菠菜意粉,好多汁,幾好味,成碟野D汁都係綠色,幾得意,不過我覺得OLIVERS仲好味D如果講意粉,仲平好多添...個咩紅咖哩蝦意大利飯就麻麻地,好似並通咖哩汁澇飯燒牛柳都OK嘅,幾香幾有咬口而且好林兩杯特飲唔記得左叫咩名,不過就記得唔好飲上菜勁快,仲快過快餐店服務OK啦,有個紮辮仔0既女待應見我地叫得太多就提醒我地D野幾大碟或者可以就住叫,幾好喎佢又滙豐卡有九折

己經唔係第一次黎喇,不過由於第一次黎係食tea,所以冇咩印像,剩係記得d 野比較細碟,前幾日去九龍塘行街,見exp/2唔太多人,決定貢入去試試..望望menu,主菜價錢徘徊四五十蚊,而頭盤等大概廿幾蚊咁上近,由於印像中碟頭細,所以叫得比較多,有:蜜蜜芝麻骨($24):唔錯,味道幾好,不過d肉比較痴骨,食起上黎幾狼狽,對於我呢d 一d肉都唔浪費既人幾有挑戰性..初初睇menu張相以為得四條,黎到先知張相影得唔夠立體,應該係有八條先岩..風沙咩咩雞半隻(唔記得名):苦腦緊第二個頭盤要咩時,見呢味野做緊六折($38),決定試試..其實係類似炸子雞既東西,不過佢落左一堆炸蒜粒落去,都幾惹味,不過頗油,如果食雞打死都唔食皮既人可以唔駛嗌,因為味既靈魂係d煎香左既雞皮..海鮮波菜麵($5x):青必必既汁撈埋d意粉,賣相頗曖昧,叉一口試下,又幾ok 喎,d汁都幾creamy,而且汁夠,每舊料拮一粒試試,應該唔係雪野,比較有印像係d 魚粒,十分好味~蟹肉香草pizza($64):切開哂應該有八件,雖然唔係pizza hut size,但係都幾多..白雪雪蟹肉一堆仔放左上pizza 面,賣相ok,不過入

以為渣打信用0吉有discount, 咪入去試0羅。點知平日先有15% off, Weekend 就無。叫0左盧魚炒意大利飯。我honey 話D好有咬口﹐D 盧魚幾肥美。個蟹肉觸籽pizza 就唔係好掂﹐好淡。叫多杯特飲“甘荀蘋果薑汁”麻麻地﹐唔夠凍。0個片菠蘿裝飾好核突﹐“梅”0既。。。食0左$150。算叫做試過0羅