Espuma (QRE Plaza) (已結業)

最近壓力很大，遇著的人和事表面看似很融洽，很順利，事實上洽洽相反，被無止境地挑剔，身心真的很疲累了，幸好約到兩位朋友讓我吐一吐苦水。要吐苦水，那當然要找個坐得舒服的地方。位於QRE Plaza的Espuma的舖內面積很大，環境很舒適，很有情調～首先，大家各自點了一款飲品，招牌水果茶($48)的水果切得很細粒，基本上可以用飲管吸起來吃～ 很喜歡餐廳沒有加任何糖漿，味道夠清甜。蜜桃柚子茉莉茶($45) 茶味不重，但蜜桃和柚子的香味較重，很香甜。自家製西柚冰茶($48)甜甜酸酸，非常開胃。惹味韓式慢煮八爪魚($98)很特別，八爪魚非常彈牙，很有嚼感! 作為開胃菜是很好的選擇!巴馬風乾火腿蘑菇薄餅($138)餅底很薄很脆，除了主角巴馬火腿外，還有很健康的火煎菜，香菇和蕃茄粒作配料，味道很配，很美味! 至尊海鮮西班牙飯 (二人份) ($398) 份量很足，配料有青口，海蝦和蛤蜊! 加上檸檬汁的西班牙飯令人更開胃，令味道再提昇! 讚!秘製招牌香脆咸豬手($258)必點! 豬手皮很香脆，肉質不會太硬，味道不錯!!

坐位比較鬆動，二人叫左個西班牙炒飯，兩個人食真係冇辦法食唔得晒，價格是合理的，質素偏高，人少的話 試的種類比較少，至於甜點方面，不太出色，好像一個梗的薄餅，總算好食，下次可以試試其他款式

Espuma春日限定新品放送： ☘️~From Seed to Bloom~🌸.新推28款季節主題限定特選菜式，從頭盤、主菜到甜品由頭到腳打造，以一系列春天花季色彩，為餐廳帶來全新景象，綻放最美花季年華。.牛肉口感紮實、有辣勁，以花椒香加強味道層次。以鮮甜西瓜作基底，粒粒芒果灑面，中間放置火箭菜沙律，配搭清新爽脆，甜味起中和作用。.一上枱香味四散，滿滿蝦香，令人食指大動！分量頗大碟，意粉軟硬度剛好，蝦醬味道濃郁，偏鹹了一點。配菜有翠玉瓜、燒蝦🦐、日本櫻花蝦、番茄仔。春日田園風味十足。.超厚！超鬆軟！溢出香濃蛋香雲呢拿味！中間芝士流心爆漿，入面夾著煙韌麻糬。*新鮮焗製，需時30分鐘*.大杯沙冰超滿足甜甜的士多啤梨味，分量十足。.

從來係食過一餐飯係可以差成咁！原本都幾期待晚餐，點知食到成肚氣。 呢間野完全overrated。 講真，要好食過，抵食過呢間野，非常容易。負責同事話set dinner已經無八爪魚，改左吞拿魚，不過餐牌未update。我地諗住是但啦，照叫。叫杯special drink，竟然同我講special drink menu 新，酒水同事唔識沖！wtf? 咁你就咪擺出黎話有special drink 啦！食物質素麻麻，完全唔會想下次再黎食。唔明點解有人會話食西班牙菜，去espuma食既途中，明明碟上仲有食物，waiter竟然伸手捉住隻碟！雖然最後一啖，但我食緊ga大佬，我唔係放埋一邊ga! 仲要唔止一次，你餐廳無碟用呀？由20:00開始追「牛面頰」意粉，追幾次，所有人都話個「牛面頰」就得，追到21:10左右拎碟「雞胸肉」意粉出黎？我： 「呢碟咩黎？」應該係經理：「雞胸意粉，今日無牛面頰，咩同事無同你講咩？」我：「無。我追單咁耐都無人講，而且所有人都追「牛面頰」就得」經理：「唔啱食，幫你摸。」跟住就走左去，無follow up，無say sorry！最後，因為唔想再等，無換到... 不過d雞胸乾

戀一世的愛，首先是要有一個真情的告白， 才能令你的踏入愛情之門。愛情的甜酸苦辣也在這個告白 Tea set裏可以找到。放在第一層使用了綠色花紙去襯托， 迷你忌廉芝士漢堡，用朱古力百力滋代替竹籤， 好甜呀！ 野莓蛋糕， 紅莓帶一點酸配上白朱古力片，伯爵茶意式奶凍帶一點點茶葉苦澀味， 而且上面有一個橙色的果實， 好清甜，三款之中我比較喜歡這一個。第二層是鹹點， 慢煮八爪魚迷你麥包， 八爪魚 所用的醬料有一點點甜，這個不錯。 野菌忌廉撻， 對於喜歡野菌的我這個非常適合。香烤牛柳粒配茄子和紅菜頭忌廉配雞柳， 感覺一般，菠菜薯仔餡餅， 好味道好像之前係歐洲食過的蛋餅。第三層是最底的一層， 玫瑰鬆餅配鮮忌廉及玫瑰果醬， 鬆餅是配搭自家製的玫瑰花醬, 食落有玫瑰花的香味，就好像收到戀人的玫瑰花， 一樣甜蜜。濃香朱古力竹炭蛋糕， 朱古力豆香濃而且蛋糕很鬆軟。法式檸檬馬令撻， 有著檸檬的酸，令人醒神。水果茶，果然是他們的招牌飲品， 甜中帶來一點酸， 正如愛情一樣酸酸甜甜， 令人陶醉。一邊享用這個告白Tea Set，一邊寫下我對愛情的看法。在追求愛情的甜美時， 亦要明白每個人對愛情的需求都不一致， 永遠沒

返左一個星期工，難得等到星期六，但都仲要返埋學，唯有放學去食個靚tea獎勵下自己。依間之前已經book marked，全因爲佢個靚靚氣球🎈Tea set for 2 $258 一心黎捧佢場好多好有創意既小食，絕對唔馬虎真心值回票價📸可惜個氣球🎈無得拎走甜點，咸點，甜點，一共3層，共11款食落都好有層次，但我最喜歡第二層既咸點，配搭好特別，八爪魚🐙麥包，牛柳粒茄子，野菌忌廉撻。。。全部都好有特色，出面未見過咁整，有創意之餘又好好味。甜點都唔差，最欣賞係個迷你漢堡，其實係蛋糕夾左兩種顏色既cream，又真係幾可亂真！甜度岩岩好，健康之選！每個set包左兩杯飲品，其中一杯加15蚊升級左要熱情果茶，超大壺。。。夠二至三個人飲。下面有得加住熱，又幾夠保溫。真材實料，入面好多果粒，仲有三粒話梅，酸酸咪咪熱辣辣好醒胃。每人百五蚊，享受美食之餘又可以靜靜地享受休閒既時光。

今日約咗個朋友一齊去做貴婦，做完指甲就去high Tea一番，我哋喺灣仔區度整，一search OpenRice見到呢間咁多笑臉，一於去試吓佢嘅Tea set先。位於QRE呢度高級食市大廈，我之前都嚟過啊，呢度嘅觀景唔錯，一入到去25樓，環境好靚，四周圍好多花花佈置，我呢啲師奶仔掉低老公同個仔，自自然然會少女上身。同朋友叫咗個二人下午茶，Menu上邊嘅下午茶小店都好吸引，唔係一般配搭，用咗好多新鮮食材低，例如紅菜頭汁、伯爵茶等等。終於等到我哋份Tea set，一黎到有一個大型波波，一定要打卡啦，三層茶點，又甜又咸，見到都幾多㗎，我哋兩個人每樣食少少都覺得好飽，今晚唔駛食飯，最后可以叫檸檬茶，如果特飲就要再加錢。整體來講視覺上效果比滿分，尢其少女們最鍾意粉紅色波波，糕點方面有部份都整得幾出色，我最鍾意食玫瑰花味鬆餅，再加埋爭先玫瑰花汁，甜甜酸酸好好食！

之前一直都知道呢間餐廳好多特色下午茶，今次見佢呢個主題咁溫馨，就覺得點都要嘗一嘗！首先嚟到嘅下午茶擺設真係10分漂亮，非常有少女心，而且擺放的位置也10分簡單但有格調。當中有一啲鹹點和一些甜點～我喜歡上面的那個松子包， 10分香口而且夠熱！至於入面的果肉也不會太過火另外我覺得這個牛肉卷10分香口，燒得啱啱好，而且肉質不會太過鞋👍🏻👍🏻👍🏻甜點方面，我10分欣賞這個檸檬撻等你個選到用得恰到好處，而且上面的忌廉也很滑另外上面兩個甜點只不過不過不失，但份奶凍也算是好食的甜品 🍮至於令我10分欣賞係佢嘅特色味道鬆餅，配以他的忌廉和果醬，真是一個非常之好的下午茶！

QRE Plaza真係好多餐廳，隔離又有成條利東街，今日就試下呢間西班牙菜。一入去感覺好開揚，周邊有窗，今日又有太陽射入來，都好好feel😊午飯時間有六款set lunch，包湯、沙律、主菜、甜品、餐飲，價錢由$125至$172，未計轉特色咖啡和加一。蘑菇湯😋👍有驚喜，不是一般的罐頭忌廉湯，而是足料有很多蘑菇小粒的，好味。沙律就一般。味道無特別。賣相連湯上幾靚。慢煮牛面肉忌廉牛肝菌寬條麵 $148 😋一入口好濃香牛肝菌味，牛面肉夠淋，好食，如果再多點肉汁就更好，現在有丁丁乾左少少。推介。甜品又話係朱古力芝士蛋糕，大家睇相覺得是否名符其實呢？我就唔覺，而且好細件，味道同並通蛋糕無分別。餐飲不推介奶茶，茶包及另上奶，奶茶人如我就相信不會滿意。如要cappuccino則要加$15，味道一般。全餐最讚係個蘑菇湯同牛面肉忌廉牛肝菌寬條麵。隔離叫醬燒豬肋骨配炸薯條$148，賣相幾好，但不知道味道如何。

想食西班牙菜，第一時間就諗起Espuma，之前我食過尖沙咀果間，覺得吾錯，原來灣仔都有分店，所以就揀左晚飯既時候同朋友黎食，依度坐位寛敞闊落，我地坐係靠窗位置，非常舒服。招牌水果茶好多人推介水果茶，所以我同朋友分別揀左招牌水果茶同玫瑰果茶試下。佢特別既地方係用底座蠟燭既熱力熱住水果茶，想keep住佢既溫度之餘令茶味更香。不過我地覺得d茶吾係好夠熱，於是請侍應幫我地再加熱。水果茶入面有幾種水果，加上清香既茶底，口感豐富個人鐘意。炸蟹鉗墨魚汁意大利飯我最鐘意食意大利飯，飯既份量比我想中多，蟹鉗炸到金黃外脆，加上用墨魚汁燴飯，每粒飯都均勻地沾上墨魚汁既味道，好好味。燒豬肋骨配薯條豬肋骨整得幾入味，切既時候好易將骨同肉分開，肉質juice軟淋，值得一試。至於薯條就普普通通，份量算多。總括黎講，食物質素高，當然價錢亦偏貴少少，幾推介水果茶。

老細請食開年工，所以預先book定位。我跟同事大概早15分鐘到，因為職員已今早打來確認訂位時已聲明，只留5分鐘枱。入到餐廳內，發覺已坐無虛席，如果walk-in就無位了。我即刻影下餐牌，叫同事選餐，待他們到的時候，就應該食物剛剛到了。我選了D.醬燒豬肋骨配薯條($148)，加配熱檸水。大概等了十分鐘，餐湯及沙律已到，沙律加上醋，令人開胃。南瓜湯滑，是新鮮打溶南瓜的。大概再過十分鐘，主菜便到，十分期待個薯條，但原來是幼身薯條，我還是比較喜歡吃粗薯條既感覺。豬助條有半份，豬肋條入味再加BBQ汁，醃得入味，又容易砌開，啖啖肉都唔鞋口。最後還附上士多啤梨蛋糕，不過賣相唔多吸引，係好飽既情況下，已經食唔落了

新年約左朋友食飯，順便逗利是，就揀左呢個打卡tea set啦！個tea set好靚，大大個氣球好吸精，不過可惜無得拎走tea set共分三層，最頂有個大氣球！下面三層分別有十零樣唔同既小食！第一層，甜品伯爵茶意式奶凍好食，有淡淡既茶味，唔太甜，細細杯，唔會好濟第二層係咸點都幾多件，左下角果杯真係估佢唔到，以為係慕絲蛋糕，點知原來係紅菜頭湯！真係搞野右下角既係野菌忌廉撻，好香蘑菇味，配埋甜甜地既餅撻，好好食！慢煮八爪魚麥包八爪魚細細粒，易咬，好爽口，味道酸酸甜甜甘，好好食！香烤牛柳粒伴茄子牛柳香牛味，幾稔菠菜蛋捲微暖，好多菠菜！第三層，鬆餅為主檸檬撻微微既檸檬味，唔會太酸，皮夠脆玫瑰鬆餅+玫瑰醬鬆餅好鬆軟，己經好香玫瑰味，加埋甜又香既玫瑰醬一流！用茶包沖既檸檬茶，夠濃！雖然話係tea set，但當正餐食都好夠飽！價錢唔算貴，又多款，仲要幾靚，推薦！

老闆請食開年飯，蜜桃小丸子一行八人來到QRE的espuma，因為人多，店舖安排了一張十分寬闊的梳化位給我們，坐得很舒服，亦與其他食客稍為隔住了，可以自成一角吹吹水。餐牌有不少選擇，好像個個都很美味的，以價錢來說在灣仔區算是合理。慢煮牛面肉忌廉牛肝菌寬條麵：一上菜便傳來陣陣的菇香，相信有加少少黑松露醬去煮，所以菇香十分濃郁，配感增加。菇的份量也很多，醬汁夠滑夠濃，所以很美味。牛肉面豬以慢煮方法調理，所以不會很硬，肉質頗嫩，不錯。甜品是士多啤梨蛋糕，細細件，蛋糕質地柔軟，但味道稍嫌有點人工香料，但整體而言可以接受。值得一提是上菜速度比先前來的快，服務有改善，會再來吃。

呢間餐廳已經嚟咗幾次啦，三間分店之中，最鍾意就係灣仔，無論食物質素，同埋服務嘅質素，都係最好嘅。環境亦都幾幽靜，所以我最鍾意就係你呢一間分店。.最欣賞餐廳係會不時轉換餐牌，適逢情人節，當然要試吓佢哋嘅情人節下午茶啦，今次嘅下午茶好fancy, 一望到粉紅色，立即覺得充滿咗少女情懷，而且有一個氣球凌空吊在下午茶上，少女心真的大爆發。.講返價錢都幾抵， $258兩位，食物如下：鹹點：玫瑰鬆餅配鮮忌廉及玫瑰果醬慢煮八爪魚迷你麥包野菌忌廉撻香烤牛柳粒伴茄子紅菜頭忌廉伴烤雞柳菠菜薯仔蛋餅甜點：法式檸檬馬令撻迷你忌廉芝士漢堡野莓蛋糕伯爵茶意式奶凍濃香朱古力竹炭蛋糕食過呢間餐廳幾次下午茶，幾欣賞餐廳今次下午茶之中加入了鹹點，牛柳粒個人是頗喜歡的，因為軟腍入味。而紅菜頭忌廉雞柳是我和朋友一致讚好的。先彈買相，粉紅色小籃子裝着一小塊雞柳，賣相10分可愛，味道令人留下深刻印象，雞柳也不會太老，肉質也不會鞋，而且粉紅色的賣相也非常吸引人呢。對比起鹹點，甜點就相對較為失色，最喜歡是伯爵茶意式奶凍，夠香滑。 法式檸檬馬令撻也不錯，味道有少許的酸，這樣反而有點小清新的味道，能夠刺激一下味蕾呢。總括來說，雖然這是情

緊張既都市生活節奏急促，黎到週末既私人時間首先要搵笪地方慢慢嘆返個afternoon tea令自己放鬆一下叉叉電。食野既選擇除左可以去中環SOHO一帶外，鄰近灣仔合和既QRE都係另一好去處。今日再次造訪一下有3間分店既Espuma，試試佢地今期做緊既<精緻氣球TEA SET>，透明氣球入面有粉紅色羽毛，好girly!! 印象中Espuma既甜點相對出色兼款式多，絕對吸引到正如為食老婆同我呢類甜點控~ 用餐前先點一杯尤如雪山既香橙芝士奶蓋朱古力。提起淺玻璃杯放入手心讓暖意流進身體，慢慢把嘴巴移靠杯邊，輕嚐面層濃稠且質感幼滑的芝士奶蓋，芝士鹹香味道伴隨溫熱既朱古力奶香送進口中，鹹甜之感交織一起頓覺暖暖窩心。為食貓喜歡帶酒味餘韻濃烈一點既百利甜酒咖啡，咖啡跟百利甜酒撞出來的效果，不單止誘發出酒中既奶油香、麥芽香、香草味，更有咖啡的甘和獨有的微酸味。待應員此時已為我們準備好甜點盒，盒頂中央位置繫上透明氣球點綴，內裡更有粉紅羽毛及彩紙。下面外型的透明盒子四四方方彷如首飾箱，一層又一層展視出各式各樣既甜點著實在吸引了不少目光！先由咸點食起，一口迷你麥包仔內夾滿碎切八爪魚粒，經過慢煮