Espuma (QRE Plaza) (已結業)

放假最開心就係訓到自然醒，然後施施然然落樓下食lunch。今日決定食Espuma，之前食過中環分店，灣仔分店就第一次食。最加分係個環境，因為係25樓，所以夠搞夠開揚，窗好多採光好好。見到有個From seed to bloom menu，應該係新menu。order左慢煮花椒口水牛面頰，黑松露醬炒鮮雜菌闊條麵，低溫岩燒烤谷飼安格斯肉眼牛扒。慢煮花椒口水牛面頰屬於冷食，牛肉都幾大塊，配埋醬汁好夠味，辣辣地。黑松露醬炒鮮雜菌闊條麵闊條麵好彈牙，黑松露醬好香，撈埋幾好食，如果可以再多d雜菌會更加好。低溫岩燒烤谷飼安格斯肉眼牛扒好大塊牛排！好抵食！肉質都OK唔錯。

每周星期三，屋企不煮飯，所以都要出街食，咁岩灣仔有Ladies Night，所以星期三都走到灣仔去了，成就每星期的Hump Day上次試過Espuma下午茶，今次再造訪食晚餐。今次佢有個新春夏日Menu，有d亞西fusion feel既，好似幾特別！做左成日，飲番杯茶就最歎啦！叫左杯凍招牌水果茶，依舊一樣多材料，有火龍果、蘋果、檸檬等。朋友飲荔枝烏龍茶，一樣滋潤同埋有品味般，放在蠟燭上哄熱。惹味韓式辣醬煮八爪魚片慢煮八爪魚片好容易就咬得開，入口冇渣。呢個係一個冷盤，配埋沙律菜、蕃茄、墨西哥辣椒，口感都幾豐富，食落口辣辣地幾開胃。XO醬煮活青口估唔到加咗呢個中式嘅XO醬入口仲惹味，有絲絲嘅瑤柱絲，好多洋蔥碎，蒜容，點撈左嘅牛油法飽都非常夾。忌廉汁野菌闊條麵闊條麵好襯呢一個闊條面，因可以承載嘅汁着更加多，而且惹菌種類豐富增添口感。Lava Diva厚鬆餅超級鬆軟，一切開，芝士如泉湧，入面仲有一粒粒麻糬，增添煙un口感。

上星期和媽媽吃了Espuma新推出的母親節套餐✨ 款式創新充滿春日味道😋。特別推介牛油果雞肉沙律伴蘆筍薯仔蛋餅，新鮮沙律菜配上惹味蛋餅，令整個口感層次豐富起來～ 主菜有烤美國牛肋骨，波士頓龍蝦配寬條麵，烤走地雞及烤法國鴨胸，適合家中不同成員的口味😋 甜品花漾草莓乳酪蛋糕份量十足，充滿草莓香🍓口感軟滑又不會太甜～

Espuma, 一間我非常喜歡嘅餐廳，首先佢嘅佈置同裝飾都非常用心，入去食嘢嘅時候都非常relax enjoy，嘢食就唔洗講冇一次另我失望，同埋佢地經常都會係唔同時間排出新menu令我覺得好有新鮮感。今次就去左灣仔QRE Square嘅分店食佢地新出嘅春日菜單。今次我叫左蝦醬櫻花蝦意大利粉，忌廉波菜帶子意大利飯，仲有甜品心太軟麻糬窩夫配雪糕。先講重頭戲蝦醬櫻花蝦意大利粉，一睇賣相啲口水已經流到落地下。一食第一啖嘩不得了，好香好濃郁嘅蝦醬配上軟硬度剛剛好嘅意粉，有口感得黎亦非常惹味，再加上櫻花蝦令到成碟意大利粉又靚又好食，滿足哂大家嘅願望，高質！再黎講講忌廉波菜帶子意大利飯。好Creamy好香，帶子好爽好甜，我本身冇特別話好想食Risotto，但依個飯真係畀到驚喜我。最後係甜品心太軟麻糬窩夫配雪糕。我自己本身冇食過麻糬窩夫依樣嘢，第一下咬落去覺得好特別，好似食緊Mochi咁又甜甜地好好𡁻，會不其然地再攞第二舊又再𡁻哈哈。整個甜品雖然都係朱古力味但又唔會甜到好漏，好食！

冇諗過星期五竟然咁多人，好彩一早book咗先，如果唔係都唔知要幾耐時間先有得食~~雖然係多人，但環境還好原本見到個set Menu都覺得幾抵食，但係覺得食物太多野，如果兩個人食真係差到，所以最後要左單點🙈🙈🙈首先係嚟咗一個熱情果嘅杯特飲好足料，而且夠凍！是一杯好好既特飲😁之後我哋要左個mushroom ge 扁面~一開始嚟到嘅時候個麵十分硬，食落好似會消化不良！下午好我叫個侍應在番煮，他非常樂意⋯⋯⋯所以我哋食剩嘅意粉係更加入味😉另外我哋仲要擔擔麵味既意大利雲吞～～味道幾特別，但不會一試再試最後係個菠菜帶子燴飯，味毫十分好～有濃濃的波菜味和非常新鮮的帶子！而且食落個味不會太濃和鹹～我個人係幾欣賞的～！

同男朋友weekend 一齊食靚靚afternoon tea 🦄💕好耐未食過啲咁fancy 嘅嘢真係好開心😭😭😭去咗灣仔Espuma 店，環境裝修真係好靚少女心大發😋😋😋去之前見到afternoon tea set 好多選擇258 for two 一啲都唔貴😎就睇下好唔好味本身見到其他食評嘅相知道有個靚靚汽球😎😎見到真身都好開心🦖即刻捉住男朋友幫我影咗好多相不過見佢面色唔太對即刻開餐💁‍♀️💀第一層有三款食物伯爵茶奶凍、迷你漢堡、野莓蛋糕三款都唔錯💕😋Earl Grey 控表示最欣賞係奶凍！！口感滑溜又唔算好甜💛好快攻第二層第二層有蛋餅、慢煮八爪魚迷你麥包、野菌忌廉撻、牛柳粒茄子、紅菜頭忌廉伴烤雞柳😆色彩好繽紛💛💕見到好開心個人認為牛柳粒最出色，肉味濃郁，茄子索晒肉汁好夾蛋餅都好味，最鐘意個焦焦地嘅外皮到第三層又有甜點有玫瑰鬆餅配忌廉同玫瑰果醬🌹好出色！一啲藥水味都冇！！！鬆餅大小適中啱啱過口癮☀️唔會好滯仲有濃香朱古力竹炭蛋糕同檸檬撻竹炭蛋糕還好但係檸檬撻好有驚喜🤗超級清新（大推🍋甜點同咸點都同樣出色宣布打和🤩🤩🤩有afternoon tea 嘅weekend 係好嘅weekend 下次

之前曾到Espuma 進膳，感覺良好，最近跟男朋友再去～今次發現換了季節限定menu， From seed to bloom，裡面每款菜式都想全點！P4 Fettuccinl con Portobello黑松露醬炒鮮雜菌寬條麵寬條麵更能品嚐到松露油的風味，每一啖都充滿松露味。邊吃著邊嗅到黑松露的濃郁香氣，食慾大增～而且雜菌經炒過後更鮮！M8 It’s a trap! 籠裡雞作飯這個菜式名很有創意，由於即點即製，所以要等待45分鐘，終於來到了，原隻雞上枱，用一個大籠掩蓋著，驟眼看到雞燒得十分均勻，然後可以要求餐廳替你把雞切開，會較容易吃。雞肉既有彈性又不會韌，點一點醬再食更滋味～飯是在另一個小碗裡，是一小碗的炒飯，由粟米、煙肉炒成簡單的炒飯是最好吃😋D4 Hot Rose Oolong Tea男朋友對這個玫瑰烏龍茶讚不絕口，可能是因為平時較少喝到，而且味道清香，有個小蠟燭一直維持茶的溫度～

2019年4月20日 星期六今晚同女朋友專登去灣仔撐枱腳，諗住帶佢試吓西班牙菜餐廳雖然唔近地鐵站，大約行10分鐘左右就到，一出lift就見到裏面嘅環境好好，裝修得好有特色，啱晒情侶黎燭光晚餐餐牌食物嘅選擇有好多，當中最吸引我嘅就係西班牙海鮮飯，諗都唔使諗就即刻點咗首先嚟嘅係黑松露醬芝士薯條，薯條炸得啱啱好，好脆身而且條條都差不多大細。薯條上面有芝士，食落去芝士溶溶地，有少少拉絲，點埋個黑松露醬更加好食，啖啖黑松露味。之後嚟嘅係我哋點嘅招牌水果茶，一壺咁上，仲可以助熱住添，可以Keep住個溫度。飲落去真係有唔同嘅水果，有蘋果粒、火龍果、梨等等，酸酸甜甜咁幾開胃。最後就係主角至尊海鮮西班牙飯，一嚟到見到好大份，心諗兩個人唔知食唔食得晒，飯上面有好多唔同嘅海鮮，例如帶子、魷魚、蝦等等，全部都好大隻同埋煮得好入味。最後我哋兩個真係食唔晒成個飯，但已經飽住個肚走~~

四月最後一日，一行11人，中午12點半到餐廳食午飯。本來是一個很平常的用餐體驗，無論環境，食物等等都不過不失，直至....點餐飲開始...服務員用不夠器具為由將所以水果茶以外賣紙杯上菜，風味比用茶壺茶杯差很遠...然後上跟餐甜品，店員端上一個長方蝶及一個正方蝶分別載有8件及3件士多啤梨慕絲蛋糕，餐具的話職員提供每人一支鐵餐匙，然後就去serve其他客。當時其他店員已經收好大部份人main course嘅碟。等於大家都要仲一支匙羹，匹起件蛋糕仔就咁食。其間又有店員來收淨低嘅main course碟，大家都好大反應唔比佢收，因為我地想要多個碟墊一下，唔洗咁論盡。唯店員無動於衷，冇提供小碟。但係望到當時都上甜品嘅其他兩檯客人(一檯係2個人，一檯係6-8人)，2人檯上甜品嘅碟竟然係一人一個比較精緻嘅小碟，而第2張大檯客都係用一個大碟裝哂成檯人嘅蛋糕再比叉佢地食。感覺呢間餐廳，比較適合serve 一檯4個以下嘅客，多過4個人...搵過第二間啦。

QRE嘅餐廳都轉得幾快,呢一間已經係一年後之後再去試，依然仲係好多人排隊.價錢唔算太貴，如果唔係坐圓枱其實都OK因為坐圓枱，張枱好細碟子好大，根本就擺唔落啲食物坐得有點不舒服（最不欣賞就是他們一次過將所有前菜，餐湯，主菜放上跟本放不下的桌子上）令食客有點不知所措！3人行就了3個套餐：2x極黑豚扒配季節蔬菜及蘋果蓉邊煎得好靚好香，不過之後就有點硬同「鞋」！最欣賞係個番薯蓉底，好甜有燴番薯嘅味道。1x香煎雞胸菠菜忌廉汁扁意大利粉朋友說，雞算滑前菜：係餐湯➕沙律➕toast (個toast 係亮點）飲品：杯咖啡有點苦記住：有Asiamiles 記得儲分吖

相對銅鑼灣，假日比較喜歡到灣仔食晏，還有泊車不用等，商場消費還有免費泊車。胡忠大廈、QRE 和 合和中心，3個地方消費也有免費泊車。我們選了QRE樓上的Espuma, 之前試過他們的下午茶，今次是lunch.揀了沙律作頭盤，和2款意粉。Espuma Seasonal salad- 沙律的份量很大，除了菜，還有很多蕃茄和水果，很好，非常健康！Triple Shrimp Linguini - 不知道triple的意思，只見到2種蝦，可能是意粉加了蝦醬，第三種蝦😆。意粉很夠味，我這些愛海鮮之人must like🥰Miso Pumpkin tagliatelle- 不太喜歡南瓜，因為覺得在餸菜裏它比較甜，但是這個南瓜意粉剛剛好，蜆非常大隻，而且還有意大利青瓜伴菜，加上少少芝士點綴，很好吃。最後點了一杯Cappuccino, 原本來的那一杯是一個普通的心形拉花，有一位女侍應可能是比較高級的，她忍不住過來說，我換一杯給你，然後她自己到咖啡機做了這一杯非常漂亮的Cappuccino 給我, 這麼年青有着這敬業樂業的精神，實屬少見，👍👍！

與女朋友的週年紀念日預先一星期訂了位 (19:30)不用等位 侍應便有禮貌地帶我們到座位環境氣氛十分適合慶祝週年紀念我們先點了兩個飲品: “蜜桃柚子茉莉茶(熱)” 及 “玫瑰烏龍茶(熱)”。前者蜜桃的甜與柚子的酸互相相映成趣，又有果肉，十分開胃；後者玫瑰的幽香配合烏龍茶，感覺十分滋潤。第一道前菜是慢煮花椒牛面額，份量適中充滿牛味口感豐富，牛肉的味道但不會被花椒的味道搶去主角的位置，花椒香加強味道層次。最令我感到驚喜的是以西瓜作牛肉的底，感覺十分清新，又能夠保持西瓜原本爽脆的口感。整道菜十分和諧，每一淡都有驚喜!第二道前菜是盞鬼稻荷蝦之丸這道菜啖啖蝦肉, 十分彈牙，作為一個愛蝦之人, 是一個不二之選！ 伴碟加上乾冰，上菜時，當侍應打開盒子, 乾冰的煙一下子爆發出來，使看似平平無奇的 “腐皮壽司”帶有種神秘的感覺。 當然立刻拿起電話拍下這一個盛況! 侍應更細心地問我們用不用於乾冰添加熱水,繼續影相!  吃到一半，店員更主動問我們食物的口味，由此可見他們對於食物的質素有一定的要求，希望可以持續進步! 加分!第一道主菜是低溫岩鹽烤殼飼安格斯肉眼排第一個印象係大，真係大得好誇張! 因為女朋友不愛

今日男朋友仔帶咗我嚟灣仔間espuma食晚飯。 呢間位於灣仔嘅分店都非常之方便，就喺利東街附近。 餐廳裝修時尚，而且又有情調，好適合情侶同埋朋友嚟呢度聚會。 菜單設計好精美，圖文並茂，最適合我呢啲心大心細嘅客人去揀野食。 而當晚我哋就揀咗《惹味韓式慢煮八爪魚》做小食，八爪魚肉新鮮，而且入口鮮嫩彈牙。 主食我哋就叫咗個《香蔥櫻花蝦和風薄餅》，呢個Pizza四個人分享都夠，我哋兩個食到飽飽的。薄餅屬於簿批，上面鋪滿櫻花蝦，入口比較爽而且口感豐富。 甜品我哋就叫左個半份的《招牌雜果麻薯窩夫配雪糕》，雪糕可以自選，窩夫入口外脆內軟，有啲似港版嘅格仔餅口感，再加上周邊雜果嘅點綴，令到整個甜品生色不少。食完十分滿足。 另外我哋仲貪心咁叫左份《流心軟芝士麻薯厚鬆餅》，因為製作需時所以都要大約等15分鐘左右，鬆餅切開會流出芝士，十分惹味，鬆餅本身都鬆軟，食完非常之飽。

四五年前去過Espuma既其他分店食過已經覺得好好食，今晚行經灣仔見到一於試試佢！我地6點30左右去到坐窗邊位，人未算好多，環境不錯，寛敞闊落，非常舒服。我地兩個人先點左花焦展翅係單邊雞翼，焦糖味再加上少少麻辣味，絕配，一口氣食左好多再黎花樣的年華係帶子配栗米，味道好夾水準不錯意想不到既係XO醬煮活青口配白酒忌廉汁，佢配多左幾條蒜容包，第一次食咁好食既蒜容包，唔會太林又唔會太硬，食落口勁脆加埋白酒忌廉汁一流食到咁上下叫左杯花見，聽個名唔知係咩，完來係rose meringue latte🤣杯面有一層好厚身既CREAM，想再叫第2杯!巴馬風乾火腿蘑菇薄餅pizza芝士味非常濃郁，餅底鬆化，雖然食到呢度2個人已經飽飽地，但都食左2件真係有D眼闊肚窄，食到蝦醬櫻花鮮蝦意大利麵，已經好飽

😋黑松露芝士薯條🍟只有好少芝士灑在薯條表面，個黑松露醬超級好食，點薯條真係一流，薯仔份量好多，多到兩個人都食都嫌多，但真係好好食😋😋😋👍🏻😋忌廉菠菜帶子意大利飯🍛成碟都好綠，有三粒帶子，我份人唔係好中意食帶子，所以唔知點為之好食。啲飯好食，硬左啲，不過都好中意，因為我中意食意大利食。😋朝思慕想🥧有好多料係入面，有yogurt, 提子乾, 慕思蛋糕, 脆脆嘅野.....食落有多重口感，你中意點食都得👍🏻